ယူကရိန်း နာဇီလက်သစ်အဖွဲ့ Right Sector သည် ရုရှားခွဲထွက်ရေးသမားများ၏ ညွန့်ပေါင်းအဖွဲ့နှင့် တရားဝင် ပူးပေါင်းဆောင်ရွက်ရေး သဘောတူညီချက်ကို လက်မှတ်ရေးထိုးရန် ပြင်ဆင်နေကြောင်း သိရသည်။ အဆိုပါအဖွဲ့နှစ်ခုသည် ရှေ့တန်းတွင် တိုက်ခိုက်ရန်အတွက် အရံတပ်ဖွဲ့များ ဖွဲ့စည်းခြင်းနှင့် ရုရှားနိုင်ငံကို မတည်ငြိမ်အောင် လူမှု အဓိကရုဏ်းများ လှုံ့ဆော်ခြင်းတို့အတွက် အင်အားပေါင်းစည်းရန် စီစဉ် နေသည်။
တရားဝင်ရေတွက်မှုများအရ ဥရောပသမဂ္ဂ (EU) ကို ထောက်ခံသည့် ဘူချာရက်စ်မြို့တော်ဝန် Nicusor Dan သည် ရိုမေးနီးယား သမ္မတ ရွေးကောက်ပွဲပြန်လည်ကျင်းပချိန်တွင် EU အဆိုးမြင်ဝါဒီ ကိုယ်စားလှယ်လောင်း George Simion အား အနိုင်ရရှိခဲ့သည်။
တနင်္ဂနွေနေ့ (မေ ၁၈) တွင် မဲအားလုံး၏ ၉၉ % ကျော် ရေတွက်ပြီးချိန်တွင် Dan သည် မဲအရေအတွက် ၅၄ % ရရှိခဲ့ပြီး Simion က ၄၆ % ရရှိခဲ့ပါတယ်။
Dan က ၎င်းကိုထောက်ခံသူများအား “အံ့အားသင့်ဖွယ် စည်းလုံးမှု” အတွက် ကျေးဇူးတင်ကြောင်း ပြောကြားခဲ့သည်။
လွန်ခဲ့သည့်သီတင်းပတ် စနေ (မေ ၁၇) နှင့် တနင်္ဂနွေနေ့ (မေ ၁၈) များတွင် အမေရိကန်၏ပြည်နယ်များစွာ၌ တိုက်ခတ်ခဲ့သော လေဆင်နှာမောင်းများကြောင့် လူပေါင်းဒါဇင်နှင့်ချီ သေဆုံးကာ အမြောက်အမြား ဒဏ်ရာရရှိခဲ့သည်။
ဒေသအာဏာပိုင်များ၏ထုတ်ပြန်ချက်အရ သောကြာနေ့ (မေ ၁၆) မှ စတင်၍ Midwest နှင့် Mid-Atlantic ဒေသများကို တိုက်ခတ်ခဲ့သော ကြီးမားသည့်မုန်တိုင်းကြောင့် Kentucky၊ Missouri၊ Virginia နှင့် Indiana ပြည်နယ်များတွင် အနည်းဆုံး လူ ၂၉ ဦး သေဆုံးခဲ့ပြီး ဒဏ်ရာ ရသူအများအပြား ရှိခဲ့ကြောင်း သတင်းများထွက်ပေါ်နေသည်။
ဥရောပအင်အားကြီးနိုင်ငံများနှင့် ယုံကြည်မှုပြန်လည်တည်ဆောက်ရန် အီရန်က အဆင်သင့်ရှိသည်ဟု အီရန်နိုင်ငံခြားရေးဝန်ကြီး အာဘတ်စ် အာဂရာချီက ပြောကြားခဲ့ပါသည်။ အာဘတ်စ်အာဂရာချီက “ဥရောပနှင့် ဆက်ဆံရေးမှာ ကဏ္ဍသစ်တစ်ခုစတင်ပြီး ယုံကြည်မှုပြန်လည်တည်ဆောက်ရန်အတွက် အီရန်က အဆင်သင့်ဖြစ်နေပါပြီ။ ဥရောပက အဆိုပါလမ်းကြောင်းကို ပြုပြင်ရန်အတွက် ဆန္ဒရှိသည်ဆိုပါက ယုံကြည်မှု ပြန်လည်တည်ဆောက်ရန်နှင့် ဆက်ဆံရေးများ တိုးချဲ့ရန် အီရန်က တုံ့ဆိုင်းနေမည်မဟုတ်ပါ” ဟု ပြောခဲ့ပါသည်။ လွန်ခဲ့သောရက်ပိုင်းက အီရန်အကြီးတန်းသံတမန်များသည် အီရန်-အမေရိကန် နျူကလီးယားဆိုင်ရာ ဆွေးနွေးညှိနှိုင်းမှု အခြေအနေများ ဆွေးနွေးရန်အတ