ကာဇက်စတန်ရှိ ဘိုင်ကိုနော အာကာသစခန်းကို အသုံးပြုနိုင်ရေးသည် အဓိကဦးစားပေးကိစ္စရပ်ဖြစ်ကြောင်း သမ္မတဗလာဒီမာပူတင်က ယခုရက်သတ္တပတ် အတွင်းကျင်းပသည့် (၇၀) ကြိမ်မြောက် အာကာသစခန်း နှစ်ပတ်လည်အခမ်းအနား တွင် ပြောကြားသည်။
ကမ္ဘာပတ်လမ်းအတွင်းရှိ နိုင်ငံတကာ အာကာသစခန်း (ISS)၏ နေရာတွင် အစားထိုး၍ အာကာသခရီးသွားလာရေး လုပ်ငန်းဖွံ့ဖြိုး တိုးတက်ရေးကို ဖော်ဆောင်နိုင်မည့် ရုရှားအာကာသစခန်း (ROS) တစ်ခုကို တည်ဆောက်ရန် ရုရှားနိုင်ငံက စီစဉ်လျက်ရှိသည်။
ရောမ ဇွန် ၄
အီတလီနိုင်ငံတွင် မောင့်အက်တနာမီးတောင် ပေါက်ကွဲပြီးနောက် မီးခိုးလုံးများသည် မီးတောင်အနီးပျံ့နှံ့နေပြီး ထပ်မံလှုပ်ရှားနိုင်သဖြင့် စစ္စလီမြို့ပြကာကွယ်ရေးဌာနက ဇွန် ၃ ရက်က မီးတောင်သတိပေးချက် ထုတ်ပြန်ထားကြောင်း ယနေ့သတင်းများအရ သိရသည်။
ဘိုကလေး ဇွန် ၄
ဧရာဝတီတိုင်းဒေသကြီး ဘိုကလေးမြို့နယ်မှ ရန်ကုန်ဈေးကွက်သို့ မေလအတွင်း ငါးရှဉ့်ပိဿာချိန် အများအပြားတင်ပို့ရောင်းချနိုင်ခဲ့ကြောင်း ဘိုကလေးမြို့နယ် ရေထွက်ကုန်ရောင်းဝယ်ရေးပွဲရုံပိုင်ရှင် ဒေါ်ဇာခြည် က ပြောပြ၍ သိရသည်။