အမေရိကန် လျှို့ဝှက်စုံစမ်းထောက်လှမ်းရေးအဖွဲ့သည် အမေရိကန် ပြည်တွင်း လုံခြုံရေးအဖွဲ့ FBI ဒါရိုက်တာဟောင်း ဂျိန်းကိုမေး ကို သမ္မတ ဒေါ်နယ်ထရမ့်အား လုပ်ကြံသတ်ဖြတ်ရန် ခြိမ်းခြောက်မှုဖြင့် စုံစမ်း စစ်ဆေးနေကြောင်း သိရသည်။ ကိုမေးသည် သမ္မတဒေါ်နယ်ထရမ့် အပြင် ပြည်ထဲရေးနှင့် လုံခြုံရေးဝန်ကြီး ခရစ်တီနိုအမ်ကိုလည်း ခြိမ်းခြောက်မှု များလုပ်ဆောင်ခဲ့ခြင်းကြောင့် စုံစမ်းစစ်ဆေးခံရဖွယ်ရှိနေသည်။
ရုရှား လုံခြုံရေးကောင်စီ၏ သတင်းထုတ်ပြန်ရေးဌာနမှ ထုတ်ပြန်ချက် အရ လာမည့်လကုန်ပိုင်းတွင် မော်စကိုမြို့၌ ကျင်းပမည့် ၁၃ကြိမ်မြောက် အပြည်ပြည်ဆိုင်ရာ လုံခြုံရေးညီလာခံသို့ နိုင်ငံပေါင်း ၁၅၀ ကျော်မှ ကိုယ်စားလှယ်များ တက်ရောက်မည်ဟု သိရသည်။
မေလ ၂၇ ရက်မှ ၂၉ ရက်အထိ ရုရှား အမျိုးသားစင်တာ၌ ကျင်းပမည့် အဆိုပါ နှစ်ပတ်လည်ညီလာခံ၏ ဆွေးနွေးမည့်အကြောင်းအရာများတွင် အရေးပါသော နည်းပညာနှင့် သတင်းအချက်အလက် အခြေခံ အဆောက် အအုံများကို ကာကွယ်ရန် အပြည်ပြည်ဆိုင်ရာ ပူးပေါင်းဆောင်ရွက်မှုများ ပါဝင်မည်ဖြစ်သည်။
ပြင်သစ်၊ စပိန်နှင့် ဂရိနိုင်ငံတို့သည် Meta ၏ Facebook နှင့် Elon Musk ၏ X အပါအဝင် လူမှုမီဒီယာပလက်ဖောင်းများတွင် အသက်အရွယ် အတည်ပြုချက်ကို မဖြစ်မနေလုပ်ဆောင်ရန် တိုက်တွန်းနေကြောင်း Bloomberg သတင်းဌာနက သောကြာနေ့ (မေ ၁၆) တွင် ဖော်ပြခဲ့သည်။
တူရကီနိုင်ငံခြားရေးဝန်ကြီး ဟာကန်ဖီဒန်က ရုရှားနှင့် ယူကရိန်းတို့သည် ယူကရိန်းပဋိပက္ခကို ဖြေရှင်းနိုင်ရေး နောက်ထပ်ဆွေးနွေးပွဲများပြုလုပ်ရန် အခြေခံသဘောတူညီချက်များ ရရှိထားကြောင်း ကြေညာ ခဲ့သည်။ ၎င်းသည် ထိုဆွေးနွေးပွဲများတွင် လေ့လာသူအနေဖြင့် ပါဝင် ခဲ့သည်။
အဆိုပါကြေညာချက်သည် သောကြာနေ့ (မေ ၁၆) က တူရကီ၏ ပံ့ပိုး မှုဖြင့် အစ္စတန်ဘူလ်မြို့တွင် ကျင်းပခဲ့သော ကိုယ်စားလှယ်အဖွဲ့များ၏ အစည်းအဝေးအပြီး ထွက်ပေါ်လာခြင်းဖြစ်ပြီး ယင်းသည် ရုရှားနှင့် ယူကရိန်းတို့ကြား သုံးနှစ်အတွင်း ပထမဆုံးတိုက်ရိုက် ဆွေးနွေးမှု ဖြစ်သည်။