ဝန်ကြီးဌာနများ အပါအဝင် အစိုးရရုံးများအနေဖြင့် ပြည်တွင်းဖြစ် EV များကိုသာ ပိုမိုဝယ်ယူရန် တရုတ်အစိုးရကညွှန် ကြားလိုက်ကြောင်း နိုင်ငံပိုင်သတင်းဌာနတစ်ခုက မေလ ၁၈ ရက်တွင် ဖော်ပြထားသည်။

အချိန်ကာလနှင့် အရေအတွက်တို့ကိုမူ အတိအကျပြောထားခြင်း မရှိသော်လည်း အစိုးရက ပြည်တွင်းဖြစ် EV ကားများကို ပိုမိုထောက်ခံမှုပြသသည့်အနေဖြင့် ယခုညွှန်ကြားချက်ကို ထုတ်ပြန်လာခြင်းဖြစ်သောကြောင့် အခြားသူများကလည်း ပြည်တွင်းဖြစ် EV များကို ပိုမိုဝယ်ယူလာနိုင်ဖွယ်ရှိကြောင်း တရုတ်ခရီးသည်တင်ကားအဖွဲ့အစည်းမှ အထွေထွေ အတွင်းရေးမှူး ကွီတုန်းရှူ ကပြောထားသည်။

အစ္စရေးက ဂါဇာဒေသတစ်ခုလုံးကို ထိန်းချုပ်သွားမည်ဖြစ်ကြောင်း ဝန်ကြီး ချုပ်နေတန်ယာဟုက မေလ ၁၉ ရက် တွင်ပြောသည်။ အစ္စရေးတပ်မတော်က ဂါဇာဒေသ၌ စစ်ဆင်ရေးကို တိုးမြှင့်လုပ်ဆောင်လာနေစဉ်   နေတန်ယာဟုက ယခုကဲ့သို့ပြောလာခြင်းဖြစ်သည်။

တစ်ချိန်တည်းမှာပင် ဂါဇာကမ်းမြောင်ဒေသသို့ အခြေခံစားကုန်များသာ ဝင်ခွင့်ပြုမည်ဖြစ်ကြောင်း အစ္စရေးအစိုးရက ထုတ်ပြန်ကြေညာပြီးနောက် ထိုသို့ဆုံးဖြတ်ရခြင်းသည် သံတမန်ရေး အကြောင်းပြချက်များအတွက် အငတ်ဘေးဆိုက်မှု ကိုကာကွယ်ရန် လိုအပ်ခြင်းကြောင့်ဖြစ်သည်ဟု နေတန်ယာဟုက ပြောသည်။

ဗြိတိန်နိုင်ငံက သူတို့အတွက်သာမက ဥရောပဒေသအတွက်ပါ ပထမဆုံးဖြစ်လာမယ့် မောင်းသူမဲ့ ဧရာမရေငုပ်သင်္ဘောကို ထုတ်ဖော်ပြသ လိုက်ပါပြီ။ အဲဒီရေငုပ်သင်္ဘောအမျိုးအစား က အလွန်အကြီးစား မောင်းသူမဲ့ ရေအောက်သွားယာဉ် (XLUUV) ဖြစ်ပြီး သူ့ရဲ့နာမည်ကိုတော့ Excalibur လို့ ပေးထားပါတယ်။ အလျားအားဖြင့် ၃၉ ပေရှိတဲ့ Excalibur ဟာ စမ်းသပ်ဆဲအဆင့်ရှိ ရေငုပ်သင်္ဘော တစ်မျိုးဖြစ်ပြီး ဗြိတိန်နိုင်ငံရဲ့မောင်းသူမဲ့ ရေအောက်စစ်ဆင်ရေးများဆီ ကူးပြောင်းမှုအတွက် စမ်းသပ်မှုတစ်ခုအဖြစ် ဒီဇိုင်းဆွဲ ထားတာပါ။

၂၀၂၅ ခုနှစ်၊ မေလ ၁၉ ရက်နေ့၊ မြန်မာစံတော်ချိန် (၀၁)နာရီ၊ (၄၅)မိနစ်၊ (၂၆)စက္ကန့် အချိန်တွင် စစ်တွေမြေငလျင်စခန်းမှ အရှေ့တောင်ဘက် မိုင် (၉၀)ခန့် ကွာဝေးသော မြန်မာ့ ပင်လယ်ပြင် (ကျောက်ဖြူမြို့၏ တောင်ဘက် (၂၉) မိုင်ခန့်အကွာ) မြောက်လတ္တီတွဒ် (၁၉.၀၁) ဒီဂရီ၊ အရှေ့လောင်ဂျီတွဒ် (၉၃.၅၈) ဒီဂရီ၊ အနက် (၂၃) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၅.၁) အဆင့်ရှိ အင်အားအတင့်အသင့်ရှိသော မြေငလျင်တစ်ခု လှုပ်ရှား သွားကြောင်း တိုင်းထွာရရှိပါသည်။

Source: www.moezala.gov.mm