မြန်မာနိုင်ငံတွင် မတ် ၂၈ ရက်က လှုပ်ခတ်ခဲ့သော အင်အား အလွန် ပြင်းထန်သည့် ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီး/ ပြည်နယ်ခြောက်ခုတို့တွင် မေ ၁၆ ရက်အထိ သေဆုံးသူ ၃၇၂၅ ဦး၊ ထိခိုက်ဒဏ်ရာရရှိသူ ၅၁၀၄ ဦးနှင့် ပျောက်ဆုံးသူ ၈၂ ဦးရှိသည်။
စစ်ကိုင်းတိုင်းဒေသကြီးအတွင်း အကြမ်းဖက်လှုပ်ရှားများ ရှိနေသည့်မြို့နယ်များတွင် အချို့စာသင်ကျောင်းများ စာသင်ကြားနိုင်ခြင်းမရှိဘဲ အကြမ်းဖက်သမားများ၏ အကြမ်းဖက်စခန်း၊ လက်နက်ထုတ်လုပ်သည့် နေရာဖြစ်နေခြင်းနှင့် ပတ်သက်၍ မေးမြန်းရာ ပညာရေးဝန်ကြီးဌာနမှ စစ်ကိုင်းတိုင်းဒေသကြီးအတွင်း အခြေခံပညာကျောင်းပေါင်း ၅၄၉၀ ကျောင်း ရှိပြီး ၂၀၂၄ -၂ဝ၂၅ ပညာသင်နှစ်တွင် ၁၂၆၂ ကျောင်းဖွင့်လှစ်ခဲ့ပြီး ဒေသ အခြေအနေအရ မဖွင့်လှစ်နိုင်သည့် ကျောင်းမှာ ၄၂၂၈ ကျောင်း ရှိပါကြောင်း ဖြေကြားထားသည်။
ရက်အနည်းငယ်ကြာ ရှုပ်ထွေးမှုများအပြီးတွင် ယူကရိန်းသမ္မတ ဇီလန်စကီးနှင့် ရုရှားသမ္မတ ပူတင် တို့နှစ်ဦးစလုံးသည် အစ္စတန်ဘူလ် ငြိမ်းချမ်းရေးဆွေးနွေးပွဲသို့ မတက်ခဲ့ရောက်ကြောင်း သိရသည်။
အဲလ်ဘေးနီးယားနိုင်ငံတွင် ကျင်းပသော အစည်းအဝေးတစ်ခုတွင် ဇီလန်စကီးက ပူတင်သည် တူရကီနိုင်ငံရှိ ဆွေးနွေးပွဲသို့ တက်ရောက်ရန် “ကြောက်ရွံ့နေခဲ့ကြောင်း” ပြောကြားခဲ့ပြီး အစ္စတန်ဘူလ်သို့ လာရောက်ခဲ့သော ရုရှားကိုယ်စားလှယ်အဖွဲ့သည် “အဆင့်အတန်း နိမ့်လွန်းကြောင်း” ဝေဖန်ခဲ့သည်။
အိန္ဒိယနှင့် ပါကစ္စတန်တို့သည့် ၎င်းတို့၏ နျူကလီးယားလက်နက်များကို ထိန်းချုပ်ရန် ပျက်ကွက်ခဲ့ ကြောင်း မေ ၁၇ ရက်က အပြန်အလှန် စွပ်စွဲခဲ့ကြသည်။
ထို့ပြင်ကမ္ဘာ့နိုင်ငံများအနေဖြင့် ၎င်းတို့၏ နျူကလီးယား လက်နက်အင်အားကို စောင့်ကြည့်ရန် လည်း အိန္ဒိယနှင့် ပါကစ္စတန်တို့က တိုက်တွန်းခဲ့သည်။