ရုရှား-ယူကရိန်း လတ်တလော အစ္စတန်ဘူလ် ဆွေးနွေးပွဲ သဘောတူညီထားချက်အရ နှစ်နိုင်ငံ နိုင်ငံသားများလဲလှယ်ရန် စာရင်းပြုစုရန် စတင်မည်ဟု ယူကရိန်းနိုင်ငံ၏ ပင်မထောက်လှမ်းရေး ညွှန်ကြားရေးမှူး ရုံး၏ ဒုတိယအကြီးအကဲ Vadim Skibitsky က ပြောကြားခဲ့ပါသည်။ 

“ယနေ့ကစပြီး မကြာမီကာလအတွင်း မိမိနိုင်ငံသို့ပြန်လာမည့်သူများ၏ စာရင်းကို ပြုစုနေပါသည်။ ရုရှားဘက်နှင့် အလုပ်လုပ်ရတာ ပုံမှန် အတွေ့အကြုံရှိပါသည်” ဟု ၎င်းက ယူကရိန်းရုပ်သံလိုင်း Rada တွင် ပြောကြားခဲ့သည်။ 

ထိုင်းနိုင်ငံ ဘန်ကောက်မြို့မှ အထပ်မြင့် အဆောက်အအုံ ဆောက်လုပ်မှု တွင် ချိုးဖောက်မှုများလုပ်ဆောင်ခဲ့သည်ဆိုသော စွပ်စွဲချက်ဖြင့် လူ ၁၇ ဦးကို ဖမ်းဝရမ်း ထုတ်ထားကြောင်း ထိုင်းရဲတပ်ဖွဲ့က ပြောပါသည်။ မတ်လ ၂၈ ရက်က အိမ်နီးချင်း မြန်မာနိုင်ငံတွင် ပြင်းထန်သည့် ငလျင် လှုပ်ခတ်ပြီးနောက် အထပ်မြင့်တာဝါ အဆောက်အဦး ပြိုကျခဲ့ပြီး အဆိုပါ နေရာ၌ အနည်းဆုံး လူ ၉၂ ဦး သေဆုံးခဲ့သည်။

ရုရှားသမ္မတ ဗလာဒီမာ ပူတင်သည် ယူကရိန်းပဋိပက္ခကို ဖြေရှင်း လိုကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့သည်။ ထို့အပြင် ဝါရှင်တန်နှင့် မော်စကိုတို့သည် သဘောတူညီမှုတစ်ခုရရှိပြီး စစ်ရေးပဋိပက္ခကို အဆုံးသတ်နိုင်မည်ဟုလည်း ၎င်းက ထပ်လောင်း ဖော်ပြခဲ့သည်။

ဗြိတိန်ဝန်ကြီးချုပ် ကီယာစတာမာ၏ နောက်ဆုံးပြောဆိုခဲ့သော မှတ်ချက် များနှင့် ဒဏ်ခတ်အရေးယူမှုခြိမ်းခြောက်မှုများသည် ယူကရိန်း ပဋိပက္ခ ဖြေရှင်းရေးကို ဗြိတိန်တို့ နှောင့်ယှက်လိုသည့် ရည်ရွယ်ချက်ဖြစ်ကြောင်း ဗြိတန်နိုင်ငံရှိ ရုရှားသံရုံးက ပြောကြားခဲ့သည်။