မော်စကို၊ ဆက်ဆံရေး
ဒုတိယကမ္ဘာစစ်ကာလအတွင်း တရုတ်နိုင်ငံက ဂျပန်အင်ပါယာကိုအောင်နိုင်မှု နှစ်(၈၀)ပြည့်အထိမ်းအမှတ်အခမ်းအနားများသို့တက်ရန် ရုရှားသမ္မတဗလာဒီမာ ပူတင်က တရုတ်နိုင်ငံသို့သွားမည်ဖြစ်ကြောင်း သိရသည်။
အဆိုပါအခမ်းအနားကို စက်တင်ဘာ လ ၃ ရက်တွင် ကျင်းပသွားမည်ဖြစ်ပြီး ပူတင်အနေဖြင့် ထိုအခမ်းအနားသို့တက်မည်ဖြစ်ကြောင်း ရုရှားလုံခြုံရေးကောင်စီ အတွင်းရေးမှူး ဆာဂျီရွှိုင်ဂူကပြောထားခြင်းဖြစ်သည်။
မော်စကို၏ ကရင်မလင်ပြောရေးဆိုခွင့်ရှိသူ ဒမီထရီ ပက်စကော့ဗ်က အင်္ဂါနေ့ (မေ ၂၇) တွင် ဂျာမနီထုတ် တာဝေးပစ် လက်နက်များ အသုံးပြု၍ ရုရှားကိုတိုက်ခိုက်ရန် ဘာလင်မှ ယူကရိန်းအား ခွင့်ပြုလိုက်ခြင်းကို“ပြင်းထန်သော စစ်ပွဲအရှိန်မြင့်တက်စေမှု” လက္ခဏာအဖြစ် သတ်မှတ်ကြောင်း သတိပေးခဲ့သည်။
ထိုင်းနိုင်ငံနှင့် ကမ္ဘောဒီးယားနိုင်ငံ နယ်စပ်၌ မေလ၂၈ ရက်နံနက်ပိုင်းတွင်လုံခြုံ ရေးတပ်ဖွဲ့ဝင်များကြား ပစ်ခတ်မှုများ ဖြစ်ပွားကြောင်းနှင့်ထိုပဋိပက္ခပြေလည်ရေး အတွက် နှစ်ဖက်တာဝန်ရှိသူများက ဆွေးနွေးမှုများကိုလုပ်ဆောင်ရကြောင်း သိရ သည်။
အပြန်အလှန်ပစ်ခတ်မှုဖြစ်ပွားရာ နေရာသည် နှစ်နိုင်ငံကြားပိုင်နက်အငြင်းပွားနေသည့်နေရာတွင်ဖြစ်ပြီး ကမ္ဘောဒီးယား စစ်သည်များက နှစ်နိုင်ငံကြားသဘော တူညီချက်ကိုချိုးဖောက်ကာ အငြင်းပွား
နယ်မြေသို့ဝင်ရောက်၍ ထိုင်းစစ်သည် များနှင့်ထိပ်တိုက်တွေ့ဆုံစဉ် စတင် ပစ်ခတ်ခြင်းများဖြစ်သောကြောင့် ထိုင်းစစ်သည် များကလည်း တုံ့ပြန်ပစ်ခတ်ခဲ့ရကြောင်း ထိုင်းစစ်ဘက်ကပြောသည်။
ဂါဇာဒေသရှိ ထောက်ပံ့ရေးစင်တာ တစ်ခု၌ ဝရုန်းသုန်းကားဖြစ်ပွားနေစဉ် အတွင်း အစ္စရေးစစ်ဘက်၏ပစ်ခတ်မှုများကြောင့် အနည်းဆုံးလူ ၄၇ ဦးဒဏ်ရာရရှိကြောင်း၊ ဒဏ်ရာရရှိသူအများစုမှာ သေနတ်ဒဏ်ရာများဖြင့်ဖြစ်ကြောင်း ကုလသမဂ္ဂမှ အဆင့်မြင့်အရာရှိကြီး တစ်ဦးက မေလ ၂၈ ရက်တွင် ပြောသည်။
သို့သော် ထောက်ပံ့ရေးပစ္စည်းများကို ပေးဝေနေသောနေရာရှိ အရပ်သားများကိုပစ်မှတ်ထား၍ ပစ်ခတ်ခြင်းမျိုးမရှိကြောင်း အစ္စရေးစစ်ဘက်ကထုတ်ပြန်ထားသည်။