ပြင်သစ်သမ္မတ အီမန်နျူရယ် မက်ခရွန်နှင့် အင်ဒိုနီးရှား သမ္မတ ပရာဘိုဝို ဆူဘီယံတို တို့သည် မေလ ၂၈ ရက် (ဗုဒ္ဓဟူးနေ့)တွင် ဂျကာတာမြို့၌ တွေ့ဆုံမည်ဖြစ်ပြီး အရှေ့တောင်အာရှတွင် ပြင်သစ်၏ လက်နက်အများဆုံး ဝယ်ယူသူနိုင်ငံဖြစ်သည့် အင်ဒိုနီးရှားနိုင်ငံနှင့် ကာကွယ်ရေး ဆိုင်ရာပူးပေါင်းဆောင်ရွက်မှုများ တိုးမြှင့်ရန် ဆွေးနွေးကြမည် ဖြစ်သည်။
ဘိုကလေး မေ ၂၈
ဧရာဝတီတိုင်းဒေသကြီး ဘိုကလေးမြို့နယ်၌ ဒေသထွက်ဓနိချပ်များ ဝယ်လိုအားကောင်းပြီး အရောင်းအဝယ်သွက်နေကြောင်း ဘိုကလေးမြို့နယ်မှ ဝါး၊ ဓနိရောင်းဝယ်ရေးလုပ်ငန်း လုပ်ကိုင်သူ ဒေါ်ရီတင့်၏ ပြောဆိုချက်အရ သိရသည်။
ဘိုကလေးမြို့နယ်၌ မေလပထမပတ်မှစ၍ လက်ရှိအချိန်ထိ ဒေသထွက် ဓနိချပ်များ ဝယ်လိုအားကောင်းပြီး အရောင်းအဝယ်သွက်နေကြောင်းနှင့် တစ်ရက်လျှင် ဓနိချပ် ၁၅၀၀၀ မှ ၃၀၀၀၀ အထိ အရောင်းအဝယ် ဖြစ်နေကြောင်း သိရသည်။
ဘရာဇီးနိုင်ငံ၏ အလုပ်သမားရေးရာ အမှုဆောင်အရာရှိများက အင်္ဂါနေ့ (မေ ၂၇) တွင် တရုတ်ကားထုတ်လုပ်ရေးကုမ္ပဏီ BYD ကို တရားစွဲဆိုလိုက်ပြီး ၎င်း၏ တရုတ်ပြည်ပအကြီးဆုံးဈေးကွက်တွင် စက်ရုံတည်ဆောက်နေသည့် အလုပ်သမားများအား လူကုန်ကူးမှုနှင့်ကျွန်ပြုမှုနှင့် ဆင်တူသော အခြေအနေများ ဖန်တီးခဲ့သည်ဟု စွပ်စွဲ ထားသည်။
မအူပင် မေ ၂၈
ဧရာဝတီတိုင်းဒေသကြီး မအူပင်ခရိုင် မအူပင်မြို့နယ်၌ ဆောင်းသီးနှံစိုက်ပျိုး ရာသီကစိုက်ပျိုးခဲ့သည့် ငရုတ်ဧကအားလုံး ခူးဆွတ်ပြီးစီးပြီဖြစ်ကြောင်း မအူပင်မြို့နယ် စိုက်ပျိုးရေးဦးစီးဌာန ဦးစီးမှူး၏ ပြောပြချက်အရ သိရသည်။
ယခုနှစ်ဆောင်းသီးနှံ စိုက်ပျိုးရာသီက မအူပင်မြို့နယ်၌ ငရုတ် ၆၆၆၁ ဧက စိုက်ပျိုးနိုင်ခဲ့ကြောင်း၊ လက်ရှိတွင် ဧကအားလုံး ခူးဆွတ်ပြီးစီးပြီဖြစ်ရာ တစ်ဧက လျှင် ၃၇၀ ဒသမ ၀၈ ပိဿာခန့် ထွက်ရှိ ကြောင်း သိရသည်။