ကနေဒါနိုင်ငံသည် အမေရိကန်ပြည်ထောင်စု၏ ၅၁ ခုမြောက်ပြည်နယ်ဖြစ်လာပါက ရွှေကွန်ချာဒုံးကျည် ကာကွယ်ရေးစနစ်ဖြင့်  အခမဲ့ကာကွယ်မှုပေးသွားမည်ဖြစ်ကြောင်း အမေရိကန်သမ္မတဒေါ်နယ်ထရမ့်က မေလ ၂၇ ရက်တွင်ပြောသည်။

အမေရိကန်သမ္မတဒေါ်နယ်ထရမ့်၏ ရွှေကွန်ချာဒုံးကျည် ကာကွယ်ရေးစနစ်၌ ကနေဒါနိုင်ငံ ပါဝင်လာစေရန်  အစိုးရနှစ်ရပ်ကြား ဆွေးနွေးမှုများ လုပ်ဆောင်နေသည်ဟု ကနေဒါဝန်ကြီးချုပ်မာ့ကာနေး က မေလ ၂၁ ရက်တွင် ပြောလာခြင်းဖြစ်သည်။

ဥရောပဒေသငြိမ်းချမ်းရေးအတွက် အခြေခံအချက်ကို ရုရှားသမ္မတ ဗလာ ဒီမာပူတင်က ထုတ်ပြန်လိုက်ကြောင်း သိရသည်။ ဥရောပတိုက်အနေဖြင့် နိုင်ငံ တစ်ခုတည်း၏ အကျိုးစီးပွားအတွက် လုပ်ဆောင်ခြင်းမရှိဘဲ နိုင်ငံများအားလုံးကို ကာကွယ်နိုင်ရေး သေချာစေမည့် လုံခြုံ ရေးမူဘောင်တစ်ခုကို ရေးဆွဲချမှတ်ပြီး အကောင်အထည်ဖော်ပါက ဥရောပ၌ ငြိမ်းချမ်းရေးနှင့် တည်ငြိမ်ရေးကိုရရှိစေ မည်ဖြစ်ကြောင်း ပူတင်ကပြောထားခြင်း ဖြစ်သည်။

ရန်ကုန် မေ ၂၈

Asean All Stars အသင်းနှင့်နာမည်ကြီး အင်္ဂလန်ကလပ် မန်ချက်စတာယူနိုက်တက် အသင်းတို့၏ခြေစမ်းပွဲကိုယနေ့ညပိုင်းက မလေးရှားနိုင်ငံ ကွာလာလမ်ပူမြို့ရှိဘူကစ်ဂျာလီကွင်း၌ကျင်းပရာ Asean All Stars အသင်းမှ မြန်မာတိုက်စစ် ကစားသမား မောင်မောင်လွင်က အနိုင် ဂိုးသွင်းပြီး ၁ ဂိုး ဂိုးမရှိဖြင့် အနိုင်ရခဲ့ သည်။

လန်ဒန်   မေ ၂၈

ပုံမှန် နိုးထချိန်ထက် စောစောစီးစီးနိုးထနေမှုသည် သိုင်းရွိုက်အကျိတ်များ လှုပ်ရှားတုံ့ပြန်မှုလွန်ကဲခြင်းပြဿနာ (Hyperthyroidism) ၏ ရှေ့ပြေးလက္ခဏာဖြစ်နိုင်ကြောင်း မေ ၂၇ ရက် သတင်းများအရ သိရသည်။

သွိုင်းရွိုက်အကျိတ်များ လှုပ်ရှားတုံ့ပြန်မှုလွန်ကဲပါက နံနက်စောစောအချိန်များတွင် အာရုံနာ့ဗ်ဆဲလ်များကို စေ့ဆော်ပေးတတ်သည့် ဟော်မုန်းများထွက်ပေါ်မှု လွန်ကဲလာတတ်သည်။