ဗီယက်နမ်စစ်ပွဲ ပြီးဆုံးခြင်း နှစ် ၅၀ ပြည့် ရွှေရတုအခမ်းအနား အစိုးရနှင့် ပြည်သူများ စည်ကားသိုက်မြိုက်စွာ ကျင်းပ

saceditor

News Image

  • ဗီယက်နမ်စစ်ပွဲ ပြီးဆုံးခြင်း နှစ် ၅၀ ပြည့် ရွှေရတုအခမ်းအနား အစိုးရနှင့် ပြည်သူများ စည်ကားသိုက်မြိုက်စွာ ကျင်းပ

ဧပြီ ၃၀ ရက်သည် ဗီယက်နမ်စစ်ပွဲပြီးဆုံးခြင်း နှစ် (၅၀) ပြည့်သည့်နေ့ ဖြစ်ပါသည်။ ယခုအခါ ဗီယက်နမ်စစ်ပွဲ ပြီးဆုံးခြင်း နှစ် (၅၀) ပြည့် အခမ်းအနားကို ဗီယက်နမ်နိုင်ငံ၌ စည်ကားသိုက်မြိုက်စွာ ကျင်းပနေပါသည်။ ဗီယက်နမ်နိုင်ငံ၏ ကွန်မြူနစ်ပါတီခေါင်းဆောင်က အဆိုပါအောင်ပွဲသည်ဖိနှိပ်မှုအပေါ် တရားမျှတမှု၏အောင်ပွဲ ဟု ဂုဏ်ပြုပြောကြားလိုက်ပါသည်။

ဗီယက်နမ်စစ်ပွဲ ပြီးဆုံးခြင်း နှစ် (၅၀) ပြည့် အခမ်းအနားကို သန်းနှင့်ချီသော ပြည်သူများပါဝင်ဆင်နွှဲနေကြပါသည်။ အလားတူ မြို့တော် ဟိုချီမင်းတွင် နိုင်ငံတော်အဆင့် အခမ်းအနားကို ခမ်းနားထည်ဝါစွာ ကျင်းပလျက်ရှိပါသည်။ အဓိက အခမ်းအနားအဖြစ် စစ်သားထောင်ချီ၍ ချီတက်ပွဲ ပြသခဲ့ကြပြီး ရုရှားထုတ် တိုက်လေယာဉ်များ သရုပ်ပြပျံသန်းပြသခဲ့ကြပါသည်။ ဗီယက်နမ်နိုင်ငံသားများက အနီရောင်အလံများကို လွှင့်ထူကာ မိမိနိုင်ငံအား ချစ်မြတ်နိုးသည့် သီချင်းများ သီဆိုဂုဏ်ပြုခဲ့ကြပါသည်။

တရုတ်နှင့် နွေးထွေးသော ဆက်ဆံရေးကို ပြသသည့်အနေဖြင့် အဆိုပါ အခမ်းအနားတွင် တရုတ်စစ်သား ၁၁၈ ဦးက ဗီယက်နမ်စစ်သားများ၊ ရဲသားများနှင့်အတူ ချီတက်ခဲ့ကြောင်း နိုင်ငံပိုင်သတင်းမီဒီယာက ဖော်ပြထားပါသည်။ ၎င်းမှာ လွတ်လပ်ရေးကြိုးပမ်းစဉ်ကာလက ဗီယက်နမ် ရရှိ ခဲ့သည့် အပြည်ပြည်ဆိုင်ရာထောက်ခံမှုကို ဂုဏ်ပြုခြင်းဖြစ်သည်ဟု ဆိုထားပါသည်။

ထိုသမိုင်းဝင် ၁၉၇၅ ခုနှစ်၊ ဧပြီ ၃၀ ရက်တွင် ကွန်မြူနစ် ခေါင်းဆောင်သည့် မြောက်ဗီယက်နမ်က အမေရိကန်ထောက်ခံသည့် တောင်ဗီယက်နမ်၏ မြို့တော် ဆိုင်ဂွန်ကို သိမ်းပိုက်လိုက်နိုင်ပြီး နိုင်ငံကို ပထမဆုံးသော ပြန်လည်ပေါင်းစည်းနိုင်ခဲ့ပါသည်။ 

ကိုးကား- DW

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဆဋ္ဌမမျိုးဆက် တိုက်လေယာဉ်များ ထုတ်လုပ်ဖို့ DeepSeek ကို အသုံးပြုထား
ဆဋ္ဌမမျိုးဆက် တိုက်လေယာဉ်များ ထုတ်လုပ်ဖို့ DeepSeek ကို အသုံးပြုထား
အင်ဂျင်နီယာ ပညာဆိုတာ မလွယ်ကူတဲ့ ပညာရပ်တစ်ခုပါ။ ဒီလိုမျိုး မလွယ်ကူတဲ့ ပညာရပ်ကိုပဲ လွယ်ကူအောင်လုပ်ဆောင်ပြီး အဆင့်မြင့်တိုက်လေယာဉ်များ ထုတ်လုပ်ဖို့အထိ လုပ်ဆောင်လာနေတာက တရုတ်အင်ဂျင်နီယာများဖြစ်ပါတယ်။သူတို့က ဆဋ္ဌမမျိုးဆက် တိုက်လေယာဉ်များကို ထည်ဆောက်ဖို့ရာ အတွက် AI နည်းပညာကို သုံးခဲ့တယ်လို့ အတိအလင်း ပြောထားပါတယ်။ အဲဒါကတော့ DeepSeek လို့ခေါ် တဲ့ AI ကိုပါပဲ။တကယ်တမ်းမှာ  တရုတ်ပညာရှင်များက DeepSeek ချည်းသက်သက်ကို အသုံးပြုထားတာ မဟုတ်ပါဘူး။ သူတို့ သိရှိထားတဲ့ အသိပညာနဲ့ AI ကိုပေါင်းစပ်ပြီး အကောင်းဆုံးသော ရလဒ်ရရှိအောင် လုပ်ဆောင်ထားကြတာ ဖြစ်ပါတယ်။ အဓိကကတော့ သုတေသနအတွက်သာ သုံးထားတာပါ။Source: https://myawady.net.mm/ 
Wed, 14-မေလ-2025
ကွန်ဂိုနိုင်ငံ အရှေ့ပိုင်းတွင် မိုးသည်းထန်စွာရွာသွန်းမှုကြောင့် ရေလွှမ်းမိုးမှုများဖြစ်ပေါ်ခဲ့
ကွန်ဂိုနိုင်ငံ အရှေ့ပိုင်းတွင် မိုးသည်းထန်စွာရွာသွန်းမှုကြောင့် ရေလွှမ်းမိုးမှုများဖြစ်ပေါ်ခဲ့
ကင်ရှာဆာ  မေ ၁၃ကွန်ဂိုဒီမိုကရက်တစ်သမ္မတနိုင်ငံ အရှေ့ပိုင်းတွင် မေလ ဒုတိယပတ်အတွင်း မိုးသည်းထန်စွာရွာသွန်းခဲ့ပြီး မေ ၁၂ ရက်တွင် မြစ်ရေလျှံတက်ကာ ရေလွှမ်းမိုးမှုများဖြစ်ပေါ်ခဲ့ကြောင်း နယ်မြေအုပ်ချုပ်ရေးမှ တာဝန်ရှိသူများက ပြောကြားခဲ့သည်ဟု ယနေ့သတင်းများအရ သိရသည်။ကွန်ဂိုဒီမိုကရက်တစ်သမ္မတနိုင်ငံ အရှေ့ပိုင်းရှိ တန်ဂနီကာရေကန်အနီးရှိ ခါဆာဘာကျေးရွာတွင် မိုးသည်းထန်စွာရွာသွန်းပြီးနောက် ခါဆာဘာမြစ်ရေလျှံခဲ့ပြီး ရေလွှမ်းမိုးမှုဖြစ်ပွားခဲ့ကြောင်း၊ ရေလွှမ်းမိုးမှုကြောင့် လူသေဆုံးမှုများလည်းဖြစ်ပေါ်ခဲ့ရာ မြစ်ဝကျွန်းပေါ်နေဒေသခံပြည်သူဦးရေ ၁၀၀ ကျော် သေဆုံးခဲ့ကြောင်း ဒေသဆိုင်ရာ တာဝန်ရှိသူများ၏ ပြောကြားချက်အရ သိရသည်။မေ ၁၂ ရက်က ထုတ်ပြန်ခဲ့သည့် နယ်မြေအစီရင်ခံစာအရ အဆိုပါကျေးရွာရှိ နေအိမ်များ ပျက်စီးခဲ့သည့်အပြင် ကျေးရွာတွင်းလမ်းများပါ ပျက်စီးခဲ့သဖြင့် ကျေးရွာသူ၊ ကျေးရွာသားများ၏ သွားလာဆက်သွယ်ရေးအခက်အခဲများ ဖြစ်ပေါ်နေကြောင်း သိရသည်။ရေကြီးရေလွှမ်းမိုးမှုဖြစ်ပွားရခြင်းသည် မိုးသည်းထန်စွာရွာသွန်းမှုကြောင့် ခါဆာဘာမြစ်ကမ်းပါး ပြိုကျခြင်းကြောင့်ဖြစ်သည်ဟု နယ်မြေအုပ်ချုပ်ရေးမှူး ကားလို့ဂျီက ပြောကြားခဲ့ကြောင်း သိရသည်။Source: ရတနာပုံသတင်းစာ
Wed, 14-မေလ-2025
AI နည်းပညာသုံး ဘက်ထရီစွမ်းအင်ချွေတာမှု စနစ် ပါဝင်လာမယ့် Apple ရဲ့ iOS 19
AI နည်းပညာသုံး ဘက်ထရီစွမ်းအင်ချွေတာမှု စနစ် ပါဝင်လာမယ့် Apple ရဲ့ iOS 19
အခုနောက်ပိုင်း Apple ရဲ့ ထုတ်ကုန်တွေကို အသုံးပြုသူတွေအနေနဲ့ ဘက်ထရီ ရာခိုင်နှုန်း ဘယ်လောက်အထိ ကျန်သေးလဲဆိုတာက လူတိုင်းလိုလိုပြောလာနေကြတဲ့ကိစ္စတစ်ခုဖြစ်လာပါတယ်။ အထူးသဖြင့် iPhone ကို အသုံးပြုသူတွေပေါ့။ပြောရမယ်ဆိုရင် ဘက်ထရီနဲ့ ပတ်သက်ပြီး စိုးရိမ်ပူပန်နေရသူများအတွက် သတင်းကောင်းတစ်ခုတော့ ထွက်ပေါ်လို့လာပါပြီ။ ဒီသတင်းကောင်းကတော့ နောက်ထွက်ရှိမယ့် iOS 19 မှာ AI နည်းပညာ အသုံးပြုထားတဲ့ ဘက်ထရီ စွမ်းအင်ချွေတာမှုစနစ် ပါဝင်လာမယ်ဆို တဲ့သတင်းပါပဲ။ဒီလိုမျိုးသတင်းကောင်းကို ဆောင်ယူလာပေးတာကတော့ မီဒီယာတော်တော်များများဖြစ်ပါတယ်။ အဲဒီစနစ်မှာ ကိုယ့်အနေနဲ့ iPhone ကို ဘယ်လိုမျိုး အသုံးပြုနေတယ်ဆိုတဲ့   အမှန်တကယ်အသုံးပြုမှုပုံစံကို AI ကလေ့လာတွက်ချက်ပါမယ်။ ပြီးရင်ရရှိလာတဲ့ အချက်အလက်တွေကို အခြေခံပြီး AI က ဘက်ထရီစွမ်းအင်သုံးစွဲမှုများတဲ့ အပလီကေးရှင်းတွေကို ခန့်မှန်းကာ ကြိုတင်ချိန်ညှိမှုများ လုပ်ပေးမှာဖြစ်တာကြောင့် ဒီလိုနည်းနဲ့ဘက်ထရီသက်တမ်းကို ပိုမိုရှည်ကြာစေမှာဖြစ်တယ်လို့ဆိုပါတယ်။ ပုံမှန်အားဖြင့်ဆိုရင် စွမ်းအင်ချွေတာမှုအတွက် ကိုယ်တိုင်လုပ်ရမယ့်အစား AI ကိုခိုင်းလိုက်တာပါ။ သူ့ကိုစေခိုင်းလိုက်တာ ဖြစ်တဲ့အတွက် ကိုယ်ဖြစ်စေချင်တာထက်ပိုတဲ့ ရလဒ်မျိုးရရှိအောင် သူကစွမ်းဆောင်ပေးသွားမှာဖြစ်ပါတယ်။ အထူးသဖြင့် နောက်ကွယ်က အပလီကေးရှင်းတွေကို အလုပ်မလုပ်ခိုင်းဘဲ စွမ်းအင်ချွေတာမှာဖြစ်ပါတယ်။Source: https://myawady.net.mm/ 
Wed, 14-မေလ-2025
ရေစိုခံ၊ မီးလောင်ခံပြီး သံမဏိထက်ပိုမာတဲ့ သစ်သားတစ်မျိုး
ရေစိုခံ၊ မီးလောင်ခံပြီး သံမဏိထက်ပိုမာတဲ့ သစ်သားတစ်မျိုး
ကျွန်တော်တို့သိထားတဲ့ သစ်သားဆိုတာက ရေစိုရင်ပွမယ်။ မီးလောင်ရင်ပြာ ဖြစ်မယ်။ ချိုးလိုက်ရင် ကျိုးသွားမယ်ပေါ့။ ဒါပေမဲ့ အခုထွက်ပေါ်လာတဲ့ သစ်သားတစ်မျိုးက ပြောရမယ်ဆိုရင် သစ်သားမဟုတ်တဲ့ သစ်သားလို့ ဆိုရမယ်ထင်ပါတယ်။အမေရိကန်မှ ဇီဝနည်းပညာကုမ္ပဏီ တစ်ခုဖြစ်တဲ့ InventWood က အပြင်ပန်းနဲ့ ထိတွေ့ကိုင်တွယ်မှုမှာ တကယ့်သစ်သားနဲ့ တူပေမယ့် သူ့ရဲ့ခိုင်ခံ့မှုနဲ့ တာရှည်ခံနိုင်မှုအပိုင်းမှာတော့ သံမဏိထက်ကို   ပိုတဲ့ သစ်သားတစ်မျိုးကို ဖန်တီးထုတ်လုပ်လိုက်ပါတယ်။ သူတို့က   သာမန်သစ်သားကိုပဲ သူ့ရဲ့မူလပုံစံထက် ၁၀ ဆပိုမိုမာကျောတဲ့ သစ်သားအဖြစ်ပြောင်းလဲလိုက်တာပါ။ သူ့အတွက်နာမည်ကိုတော့ SuperWood လို့ပေးထားပါတယ်။မီးလောင်ခံ၊ ရေစိုခံ၊ ကြွက်ကိုက်ခံတဲ့ အပြင် ပိုးကောင်တွေကိုက်မှုကိုခံနိုင်ရည်ရှိတဲ့ အိမ်ဆောက်ပစ္စည်းနည်းပညာကို ဖန်တီးသူက မာရီလန်းတက္ကသိုလ်မှ ပါရဂူ ဘွဲ့ရပညာရှင် လျန်ဘင်းဟူ ဦးဆောင်တဲ့ အဖွဲ့ဖြစ်ပါတယ်။အခုလိုမျိုး သီးသန့်ဖြစ်တဲ့ပုံစံကိုရရှိဖို့အတွက် ပညာရှင်များက သစ်သားထဲမှာ ရှိတဲ့ တချို့သောအစိတ်အပိုင်းများစွာကို ဖယ်ထုတ်ပြီး တိကျမှုရှိတဲ့ အခြေအနေတစ်ရပ်မှာ ဖိသိပ်လိုက်တာဖြစ်ပါတယ်။ အဲဒီကနေ ရရှိလာတဲ့သစ်သားက သူ့ရဲ့မူလ အရည်အသွေးတွေဖြစ်တဲ့ နွေးထွေးမှု၊ ထိတွေ့နိုင်မှုပုံစံ၊အလုပ်လုပ် နိုင်စွမ်းနဲ့ သဘာဝကျတဲ့ အလှအပတို့ကို ဆက်လက်ထိန်းသိမ်းပေး ထားပေမယ့် စွမ်းဆောင်နိုင်စွမ်းကတော့ သစ်သားဆိုတာထက်ပိုသွားတာပါ။ အခုဆိုရင် InventWood ကုမ္ပဏီက  အမေရိကန်ဒေါ်လာ  ၁၅  သန်း ရင်းနှီးမြှုပ်နှံပြီး SuperWood ထုတ်လုပ်မှုတွေကို စတင်လုပ်ဆောင်နေပြီပဲဖြစ်ပါတယ်။Source: https://myawady.net.mm/ 
Wed, 14-မေလ-2025
၁ , ၂ , ၃ , ၄
မိုးကြီးမည့်သတိပေးချက် အမှတ်စဉ်(၇/၂၀၂၅)
၂၀၂၅ ခုနှစ်၊ မေလ ၁၃ ရက်နေ့၊ မြန်မာစံတော်ချိန် ၁၉:၀၀ နာရီအချိန် ထုတ်ပြန်ချက်ယနေ့မြန်မာစံတော်ချိန် ၁၇:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် လေထုမငြိမ်မသက်မှုများ ဖြစ်ပေါ်လာနိုင်ခြင်းကြောင့် လည်းကောင်း၊ မုတ်သုံလေဆက်လက်ဝင်ရောက်လာနိုင်ခြင်းကြောင့်လည်းကောင်း၊ အပူပျံတက်တိမ်များ ဖြစ်ထွန်းမှုအားကောင်းခြင်းကြောင့်လည်းကောင်း  ယနေ့ညမှ ၁၆-၅-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့ တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ ၁၇-၅-၂၀၂၅ ရက်နေ့မှ ၂၀-၅-၂၀၂၅ ရက်နေ့ အတွင်း စစ်ကိုင်းတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့ တွင် နေရာစိပ်စိပ်မှ နေရာအနှံ့အပြားနှင့် နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲ မိုးထစ်ချုန်းရွာပြီး၊ အချို့ဒေသများတွင် နေရာကွက်၍ မိုးကြီးနိုင်ပါသည်။အကြံပြုချက်   သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုနိုင်ပါရန် သတိပေးနှိုးဆော်အပ်ပါသည်။ 
Wed, 14-မေလ-2025
weather forecast
နေ့စဉ်မိုးလေဝသသတင်း (၂၀၂၅ ခုနှစ်၊ မေလ ၁၄ ရက်နေ့ နံနက် ၇:၀၀ နာရီအချိန် ထုတ်ပြန်ချက်)
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားအသင့်အတင့် ရှိနေပြီး၊ ဘင်္ဂလားပင်လယ်အော်အနောက်အလယ်ပိုင်းတွင် တိမ်အနည်းငယ် ဖြစ်ထွန်းနေကာ၊ ကျန်ဘင်္ဂလားပင်လယ်အော်တွင် တိမ်အသင့်အတင့် ဖြစ်ထွန်းနေပါသည်။ယနေ့ညနေအထိခန့်မှန်းချက်။ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ချင်းပြည်နယ်နှင့် ရခိုင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ မန္တလေးတိုင်းဒေသကြီးနှင့် တနင်္သာရီတိုင်းဒေသကြီးတို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။မိုးတိမ်တောင်ဖြစ်ပေါ်မှုအခြေအနေ။ မန္တလေးတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၇ ပေမှ ၉ ပေခန့် ရှိနိုင်ပါသည်။ ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ၅ ပေမှ ၇ ပေခန့် ရှိနိုင်ပါသည်။နောက် ၂ ရက်အတွက်ခန့်မှန်းချက်။ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။              မိုးတစ်ကြိမ်၊ နှစ်ကြိမ်ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။                     မိုးတစ်ကြိမ်၊ နှစ်ကြိမ်ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။                    မိုးတစ်ကြိမ်၊ နှစ်ကြိမ်ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။Source: https://www.moezala.gov.mm/ 
Wed, 14-မေလ-2025
© Copyright 2024 SAC All Rights Reserved.