ဂျာမန်နေ့စဉ်သတင်းစာ Handelsblatt က ဥရောပ အဆင့်မြင့် သံတမန်များ၏ ပြောဆိုမှုများကို ကိုးကား၍ အမေရိကန်သည် လာမည့်လ အနည်းငယ်အတွင်း ဥရောပရှိ စစ်အခြေစိုက်စခန်းများ လျှော့ချမည်ဟု ကြေညာရန် မျှော်လင့်ထားကြောင်း ဖော်ပြခဲ့သည်။ သို့သော် ရုပ်သိမ်းမည့် ပမာဏနှင့်ပတ်သက်၍ ရှင်းလင်းစွာ မသိရှိရသေးဘဲ NATO သည် အဆိုပါ လုပ်ဆောင်မှုအတွက် ပြင်ဆင်နေသည်ဟု သတင်းစာက ဆိုသည်။

နီပေါနိုင်ငံမှ ဧဝရတ်တောင်တက်သမား တစ်ဦးက အဆိုပါ ကမ္ဘာ့အမြင့်ဆုံးတောင်ပေါ်သို့ ၃၁ ကြိမ်မြောက် တက်ရောက်ခြင်းဖြင့် ကိုယ့်စံချိန်ကိုယ် ချိုးလိုက်နိုင်ကြောင်း သိရသည်။

ကာမီရီတာအမည်ရှိ ထိုတောင်တက်သမားသည် မေလ ၂၇ ရက်တွင် ဧဝရတ် တောင်ပေါ်သို့ ၃၁ ကြိမ်မြောက်အဖြစ် တက်ရောက်နိုင်ခြင်းဖြစ်သည်။  ၎င်းအနေဖြင့် ၁၉၉၄ ခုနှစ်တွင် ဧဝရတ်တောင်ထိပ်သို့  ပထမဆုံး တက်ရောက်နိုင်ပြီးနောက် နှစ်ပေါင်း ၃၀ အကြာတွင် ယခုကဲ့သို့စံချိန်အသစ်ကို တင်နိုင်ခြင်းဖြစ်သည်။

ဆီးရီးယားနှင့် အစ္စရေးအစိုးရတို့က နှစ်နိုင်ငံကြားရှိ လုံခြုံရေးကိစ္စရပ်များ၊ နယ်စပ်ဒေသတွင် ပဋိပက္ခဖြစ်ပွားမှုများကို ကာကွယ်ရေးနှင့် တင်းမာမှုများ လျော့ကျစေ ရေးတို့အတွက် မျက်နှာချင်းဆိုင်တိုက်ရိုက် တွေ့ဆုံဆွေးနွေးမှုများ လုပ်ဆောင်လျက်ရှိကြောင်း ထိုကိစ္စနှင့်ပတ်သက်၍သိရှိသူ များကပြောထားသည်။

ထိုကဲ့သို့ နှစ်နိုင်ငံကြား တိုက်ရိုက်ဆွေးနွေးမှုများ လုပ်ဆောင်လာခြင်းသည် ဆယ်စုနှစ်များစွာအတွင်း အရှေ့အလယ်ပိုင်း ဒေသ၌ဖြစ်ပွားနေသော   ပဋိပက္ခနိုင်ငံများကြား ဆက်ဆံရေး တိုးတက်လာမှုကို ဖော်ညွှန်းပြသနေသည်။

ပိုလန်နိုင်ငံသည် ယူကရိန်း၏ ပဋိပက္ခလွန် ပြန်လည် တည်ဆောက်ရေးလုပ်ငန်းများမှ အကျိုးအမြတ်ရယူရန် ရည်ရွယ်ထားကြောင်း ဝန်ကြီးချုပ် ဒေါ်နယ်တပ်ခ်က ပြောကြားခဲ့သည်။

တနင်္လာနေ့ (မေ ၂၆) တွင် နိုင်ငံတောင်ပိုင်းရှိ Euroterminal Slawkow ရထားပို့ဆောင်ရေးစင်္ကြံသို့ သွားရောက်စဉ် တပ်ခ်က ယူကရိန်းသို့ ပို့ဆောင်မည့် ကုန်ပစ္စည်းများအတွက် အဓိကစင်္ကြံ အဖြစ် တိုးချဲ့ရန် အဆိုပြုခဲ့သည်။