နီပေါနိုင်ငံမှ ဧဝရတ်တောင်တက်သမားက ဧဝရတ်တောင်ပေါ် ၃၁ ကြိမ်တက်ပြီး ကိုယ့်စံချိန်ကိုယ်ချိုး

sacadmin

News Image

  • နီပေါနိုင်ငံမှ ဧဝရတ်တောင်တက်သမားက ဧဝရတ်တောင်ပေါ် ၃၁ ကြိမ်တက်ပြီး ကိုယ့်စံချိန်ကိုယ်ချိုး

နီပေါနိုင်ငံမှ ဧဝရတ်တောင်တက်သမား တစ်ဦးက အဆိုပါ ကမ္ဘာ့အမြင့်ဆုံးတောင်ပေါ်သို့ ၃၁ ကြိမ်မြောက် တက်ရောက်ခြင်းဖြင့် ကိုယ့်စံချိန်ကိုယ် ချိုးလိုက်နိုင်ကြောင်း သိရသည်။

ကာမီရီတာအမည်ရှိ ထိုတောင်တက်သမားသည် မေလ ၂၇ ရက်တွင် ဧဝရတ် တောင်ပေါ်သို့ ၃၁ ကြိမ်မြောက်အဖြစ် တက်ရောက်နိုင်ခြင်းဖြစ်သည်။  ၎င်းအနေဖြင့် ၁၉၉၄ ခုနှစ်တွင် ဧဝရတ်တောင်ထိပ်သို့  ပထမဆုံး တက်ရောက်နိုင်ပြီးနောက် နှစ်ပေါင်း ၃၀ အကြာတွင် ယခုကဲ့သို့စံချိန်အသစ်ကို တင်နိုင်ခြင်းဖြစ်သည်။

ကာမီရီတာကဲ့သို့ တောင်တက်သမားသည် နီပေါနိုင်ငံအတွက်    တောင်တက်သူရဲကောင်း တစ်ဦးဖြစ်သည်သာမက ကမ္ဘာပေါ်မှာပါ နှစ်ယောက် မရှိနိုင်သည့် တောင်တက်သမားအဖြစ်    စံချိန်တင်လိုက်နိုင်ခြင်း ဖြစ်ကြောင်း      ဧဝရတ်တောင်တက် အဖွဲ့က ထုတ်ပြန်ထားသည်။ ကာမီရီတာသည် အိန္ဒိယတပ်မတော်မှ တောင်တက် အဖွဲ့ကို ဦးဆောင်၍ ဧဝရတ်တောင်ပေါ် သို့ တက်နိုင်ခဲ့ခြင်းဖြစ်သည်။  

Source: Myawady Web Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ကန်ဂျူးအာကာသနည်းပညာကုမ္ပဏီက ပုဂ္ဂလိကသတင်းအချက်အလက် လက်ဆင့်ကမ်းပေးပို့ရေး ဂြိုဟ်တုကွန်ရက်တစ်ခုကိုတည်ဆောက်ရန် စီစဉ်ထား
ကန်ဂျူးအာကာသနည်းပညာကုမ္ပဏီက ပုဂ္ဂလိကသတင်းအချက်အလက် လက်ဆင့်ကမ်းပေးပို့ရေး ဂြိုဟ်တုကွန်ရက်တစ်ခုကိုတည်ဆောက်ရန် စီစဉ်ထား
ပေကျင်း ဇွန် ၁၇ တရုတ်နိုင်ငံ အခြေစိုက် ကန်ဂျူး အာကာသနည်းပညာကုမ္ပဏီသည် ပုဂ္ဂလိကသတင်း အချက်အလက် လက်ဆင့်ကမ်း ပေးပို့ရေးဂြိုဟ်တုကွန်ရက်တစ်ခု ၁၅ ကို တည်ဆောက်ရန် စီစဉ်ထားကြောင်း ဇွန် ၁၆ ရက်သတင်းများ အရ သိရသည်။မိမိတို့၏ သတင်းအချက်အလက်လက်ဆင့်ကမ်းပေးပို့ရေး ဂြိုလ်တုကွန်ရက်သည် ဝင်ရိုးစွန်းဒေသများအပါအဝင် တစ်ကမ္ဘာလုံးအတွက် ဝန်ဆောင်မှုပေးနိုင်ကြောင်း ကန်ဂျူးကုမ္ပဏီ တာဝန်ရှိသူများက ပြောကြားသည်။ ကန်ဂျူးကုမ္ပဏီ ၏ သတင်းအချက်အလက် လက်ဆင့်ကမ်း ပေးပို့ရေး ဂြိုဟ်ကုကွန်ရက်ကို ပတ်လမ်းနေရာ သုံးနေရာ၌ ထားရှိမည့် ဂြိုဟ်တု ၁၃ စင်းဖြင့်ဖွဲ့စည်းထားမည် ဖြစ်ကြောင်း သိရသည်။လက်ရှိ အချိန်တွင် အထက်ပါ သတင်းအချက်အလက် လက်ဆင့်ကမ်းပေးပို့မှု ဂြိုဟ်တုကွန်ရက်၏ ပထမဆုံးဂြိုဟ်တုဖြစ်သည့် ကန် ဂျူး-၁ ဂြိုဟ်တုကို တည်ဆောက်နေပြီဖြစ်ကြောင်း သိရသည်။ ကန်ဂျူးကုမ္ပဏီသည် အလေး ချိန် ကီလိုဂရမ် ၁၇၀၀ ရှိသည့် ကန်ဂျူး ၁ ဂြိုဟ်တုကို ၂၀၂၆ ခုနှစ် နှစ်ကုန်ပိုင်းတွင် လွှတ်တင်ရန် စီစဉ်ထားသည်။ကန်ဂျူးကုမ္ပဏီသည် ၎င်း၏ ကန်ဂျူး သတင်းအချက်အလက် လက်ဆင့်ကမ်းပေးပို့ရေး ဂြိုဟ်တုကွန်ရက်ကို အာကာသပိုးလမ်းမ၏ တစ်စိတ်ပိုင်းအဖြစ် ရည်ညွှန်းထားကြောင်း သိရသည်။Ref: Xinhua NewsΤrs: KKOYDNB Newspaperနည်းပညာသတင်း
Wed, 18-Jun-2025
Space-X ကုမ္ပဏီက ဖယ်လ်ကွန်-၉ ဒုံးပျံများ၏ ၅၀၁ ကြိမ်မြောက် မစ်ရှင်အဖြစ် စတားလင့်ခ်ဂြိုဟ်တု ၂၃ စင်းကို လွှတ်တင်ခဲ့
Space-X ကုမ္ပဏီက ဖယ်လ်ကွန်-၉ ဒုံးပျံများ၏ ၅၀၁ ကြိမ်မြောက် မစ်ရှင်အဖြစ် စတားလင့်ခ်ဂြိုဟ်တု ၂၃ စင်းကို လွှတ်တင်ခဲ့
ဝါရှင်တန် ဇွန် ၁၇ အမေရိကန်နိုင်ငံ အခြေစိုက် Space-X ကုမ္ပဏီသည် ဖယ်လ်ကွန်-၉ ဒုံးပျံများ၏ ၅၀၁ ကြိမ် မြောက် မစ်ရှင်အဖြစ် ဇွန် ၁၅ ရက် တွင် စတားလင့်ခ်ဂြိုဟ်ဟု ၂၃ စင်းကို လွှတ်တင်ခဲ့ကြောင်း ဇွန် ၁၆ ရက် သတင်းများအရ သိရသည်။အဆိုပါစတားလင့်ခ်ဂြိုဟ်တု ၂၃ စင်း သယ်ဆောင်ထားသော ဖယ်လ်ကွန်-၉ ဒုံးပျံကို ဖလော်ရီဒါ ပြည်နယ် ကိပ်ကာနေဗာရယ် အာကာသစခန်းမှတစ်ဆင့် လွှတ် တင်ခဲ့ခြင်းဖြစ်သည်။အထက်ပါ စတားလင့်ခ်ဂြိုဟ် ဘုံ ၂၃ စင်းအနက် ၁၃ စင်းမှာ ဆဲလ်ဖုန်းများသို့ အင်တာနက် ဝန်ဆောင်မှု တိုက်ရိုက်ပေးနိုင်သော ဂြိုဟ်တုများဖြစ်ကြသည်။လွှတ်တင်ပြီး ရှစ်မိနစ်ခန့် အကြာတွင် ဖယ်လ်ကွန် ၉ ဒုံးပျံ ၏ပထမအဆင့်ဒုံးယာဉ်သည် အတ္တလန္တိတ်သမုဒ္ဒရာအတွင်း အသင့်စောင့်ဆိုင်းနေသော မောင်းသူမဲ့ ကွဲရေယာဉ်ပေါ်သို့ အောင်မြင်စွာ ဆင်းသက်နိုင်ခဲ့သည်။လွှတ်တင်ပြီး တစ်နာရီ ငါး မိနစ်အကြာတွင် ဖယ်လ်ကွန်-၉ ဒုံးပျံ၏ ထိပ်ဖူး အဆင့်ဒုံးယာဉ်သည် သယ်ဆောင်ထားသည့် စတားလင့်ခ်ဂြိုဟ်တုများကို သတ်မှတ် ပတ်လမ်းပေါ်သို့ ပို့ဆောင်ပေးနိုင်ခဲ့ကြောင်း သိရသည်။ဇွန် ၁၅ ရက် စကားလင့်ခ် မစ်ရှင်သည် Space X ကုမ္ပဏီက ယခုနှစ်အတွင်း လွှတ်တင်ခဲ့သော ၇၃ ကြိမ်မြောက် ဖယ်လ်ကွန်-၉ မစ်ရှင်ဖြစ်ကြောင်း သိရသည်။Ref: Russia TodayTrs: KKOနည်းပညာသတင်းYDNB Newspaper
Wed, 18-Jun-2025
တရုတ်၌ မီးရှူးမီးပန်းစက်ရုံပေါက်ကွဲမှုဖြစ်ပွား လူကိုးဦး သေဆုံး၍ ၂၆ ဦး ဒဏ်ရာရရှိ
တရုတ်၌ မီးရှူးမီးပန်းစက်ရုံပေါက်ကွဲမှုဖြစ်ပွား လူကိုးဦး သေဆုံး၍ ၂၆ ဦး ဒဏ်ရာရရှိ
ပေကျင်း ဇွန် ၁၇ တရုတ်နိုင်ငံတောင်ပိုင်း ဟူနန် ပြည်နယ်ရှိ မီးရှူးမီးပန်းစက်ရုံ တစ်ရုံ၌ ဇွန် ၁၆ ရက်က ပေါက်ကွဲ မှုဖြစ်ပွားခဲ့ရာ လူပေါင်းကိုးဦး သေဆုံး၍ ၂၆ ဦး ဒဏ်ရာများရရှိခဲ့ကြောင်း တရုတ်အစိုးရမီဒီယာ များက သတင်းထုတ်ပြန်ထားသည်။ ပေါက်ကွဲမှု ဖြစ်ပွားခဲ့သည့် မီးရှူးမီးပန်းစက်ရုံသည် ချန်ဒီးမြို့ မြောက်ဘက် မိုင် ၄၀ ခန့်အကွာ တောင်ကုန်းနယ်မြေ တစ်ခု၌ တည်ရှိသည်။ပေါက်ကွဲမှုဖြစ်ပွားခဲ့ရာ မီးရှူး မီးပန်းစက်ရုံကို ရှာဖွေကယ်ဆယ်ရေးသမားများနှင့် ကျွမ်းကျင်သူများကို တရုတ်အစိုးရ အရေးပေါ် စီမံခန့်ခွဲရေး ဝန်ကြီးဌာနကစေလွှတ်ထားကြောင်း သိရသည်။ ပေါက်ကွဲမှုဖြစ်ပွားခဲ့ပြီးနောက် အဆိုပါ မီးရှူးမီးပန်းစက်ရုံ၌ မီးလောင်မှုဖြစ်ပွားခဲ့ရာ မီးသတ်တပ်ဖွဲ့က နာရီ ၂၀ ကြာ အချိန်ယူ ငြှိမ်းသတ်ခဲ့ကြရသည်။ပြီးခဲ့သည့်လကလည်း တရုတ် အရှေ့မြောက်ပိုင်း၌ ဓာတုပစ္စည်း စက်ရုံတစ်ရုံပေါက်ကွဲမှု ဖြစ်ပွားခဲ့ရာ အနည်းဆုံးလူပေါင်း ငါးဦး သေဆုံးခဲ့ရသည်။ပေါက်ကွဲမှု ဖြစ်ပွားခဲ့သည့် မီးရှူးမီးပန်းစက်ရုံကို ဟူနန်ရှန်ကျိုး မီးရှူးမီးပန်းကုမ္ပဏီက ပိုင်ဆိုင်ကြောင်း တရုတ်မီဒီယာများ၏ အဆိုအရ သိရသည်။Ref: XinhuaTrs: KKOYDNB NewspaperPhoto - Mitv
Wed, 18-Jun-2025
ဟော်မုဇ်ရေလက်ကြားအနီး အိုမန်ပင်လယ်ကွေ့ရေပြင်၌ ရေနံတင်သင်္ဘောနှစ်စီးဝင်တိုက်မှုဖြစ်ပွား
ဟော်မုဇ်ရေလက်ကြားအနီး အိုမန်ပင်လယ်ကွေ့ရေပြင်၌ ရေနံတင်သင်္ဘောနှစ်စီးဝင်တိုက်မှုဖြစ်ပွား
ဒူဘိုင်း ဇွန် ၁၇ဟော်မုဇ်ရေလက်ကြားအနီး အိုမန်ပင်လယ်ကွေ့ရေပြင်၌ ယနေ့တွင် ရေနံတင်သင်္ဘောနှစ်စီး ဝင်တိုက်မှုဖြစ်ပွားခဲ့ကြောင်း ဗြိတိသျှ ပင်လယ်ရေကြောင်း လုံခြုံရေး ကုမ္ပဏီများ၏အဆိုအရသိရသည်။ ရေနံတင်သင်္ဘောနှစ်စီးဝင်တိုက် ခဲ့ပြီးနောက် ဖြစ်စဉ်၌ပါဝင်သော အက်ဒါလင်းအမည်ရှိ ရေနံတင် သင်္ဘောပေါ်မှ ရေယာဉ်ဝန်ထမ်း ၂၂ ဦးကို အာရပ်စော်ဘွားများ ပြည်ထောင်စု(ယူအေအီး)ကမ်းခြေ စောင့်တပ်က ကယ်တင်ခဲ့ရသည်။ သင်္ဘောနှစ်စီး ဝင်တိုက်မှု ဖြစ်စဉ်သည် ယူအေအီးနိုင်ငံ ဟော်ဖက်ကန်မြို့ အရှေ့ဘက် ရေမိုင် ၁၂မိုင်အကွာ၌ ပေါ်ပေါက်ခဲ့ခြင်းဖြစ်သည်။အစ္စရေးနှင့်အီရန်နိုင်ငံတို့ကြား ပဥ္မမြောက်နေ့အဖြစ် တစ်ဖက်နှင့်တစ်ဖက် လေကြောင်းတိုက်ခိုက်မှုများ ပြုလုပ်နေစဥ် အိုမန်ပင်လယ်ကွေ့၌ ရေယာဥ်နှစ်စီး ဝင်တိုက်မှု ဖြစ်ပွားခဲ့ခြင်းဖြစ်သည်။ပြီးခဲ့သည့် ရက်များအတွင်း ဟော်မုဇ်ရေလက်ကြား၌ ကုန်တင်သင်​ဘောများ၏ ရေကြောင်းဆက်သွယ်ရေးစနစ်များ နှောင့်ယှက်ခံရမှု သိသိသာသာ မြင့်တက်လာကြောင်း သိရသည်။ ဟော်မုဇ်ရေလက်ကြားသည် အိုမန်နှင့် အီရန်နိုင်ငံတို့ကြား တည်ရှိပြီး ကမ္ဘာ့ရေနံကုန်သွယ် ရေးလုပ်ငန်းအတွက် အရေးကြီးသည့်ရေလမ်းကြောင်းဖြစ်ကြောင်း သိရသည်။Ref: RTTis: KKOPhoto - The Jerusalem Post
Wed, 18-Jun-2025
လေထဲကနေပြန်မဆင်းဘဲ မိုင်ပေါင်း ၅၇၅၀ ကို မရပ်မနား ကင်းလှည့်မယ့်ဒရုန်း
လေထဲကနေပြန်မဆင်းဘဲ မိုင်ပေါင်း ၅၇၅၀ ကို မရပ်မနား ကင်းလှည့်မယ့်ဒရုန်း
ဗြိတိန်လေတပ်အတွက် သမိုင်းတွင်လောက်စေမယ့် ဒရုန်းတစ်စင်းတော့ ထွက်ပေါ်လာပါပြီ။ အဲဒီဒရုန်းကို Protector RG Mk1 လို့အမည်ပေးထားပါတယ်။သူက  ပြည်တွင်းရှိ ဝေဟင်ပိုင်နက်မှာ လုပ်ငန်းများ ဆောင်ရွက်နိုင်မယ့် အသိအမှတ်ပြုလက်မှတ် ရရှိထားပြီး ဗြိတိန်နိုင်ငံအတွက် ပထမဆုံးဖြစ်လာမယ့် အဝေးထိန်းမောင်းနှင်နိုင်တဲ့လေကြောင်း စနစ်တစ်ခုဖြစ်ပါတယ်။ဒါ့အပြင် ဒီလေကြောင်းစနစ်က ဗြိတိန်နိုင်ငံရဲ့ မောင်းသူမဲ့တိုက်ပွဲဝင် လေယာဉ်များအတွက် သမိုင်းမှတ်တမ်းအသစ်ရဲ့ အစလည်းဖြစ်ပါတယ်။ ဗြိတိန် လေတပ်က မောင်းသူမဲ့တိုက်ပွဲဝင်လေယာဉ်များအဖြစ် MQ-9B ကို လက်ရှိအသုံးပြုနေတာပါ။Protector RG Mk1 လို့အမည်ပေးထားတဲ့ ဒရုန်းကို ဗြိတိန်တော်ဝင်လေတပ်ရဲ့ ဝက်ဒင်တန်လေတပ်စခန်းမှသည် မာဟမ်လေတပ်စခန်းအထိ မောင်းနှင်ပြီးစမ်းသပ်ခဲ့တာပါ။ အခုလက်ရှိမှာတော့ သူ့ရဲ့တာ ဝေးစစ်ဆင်နိုင်စွမ်းကို စမ်းသပ်တာသာဖြစ်ပြီး ဒီနှစ်နှောင်းပိုင်းမှာတော့ သူ့ရဲ့စစ်ဆင်ရေးအဆင့် စမ်းသပ်မှုကို လုပ်ဆောင်သွားမှာဖြစ်ပါတယ်။လက်ရှိစမ်းသပ်မှုများအရဆိုရင် သူက ပေါင် ၅၀၀ အလေးချိန်ရှိတဲ့ Paveway IV လေဆာလမ်းညွှန်ဗုံး များနဲ့ Brimstone 3 ဒုံးကျည်များကို သယ်ဆောင်ကာ အမြင့်ပေ ၄၀၀၀၀ ကနေ နာရီပေါင်း ၃၀ ကျော် ကြာတဲ့အထိ ပျံသန်းနိုင်ပါတယ်။ သူပျံသန်းနိုင်တဲ့ အကွာအဝေးက မိုင်ပေါင်း ၅၇၅၀ ရှိတာကြောင့် ကင်းလှည့်ခြင်း၊ ထောက်လှမ်းခြင်း၊ ပစ်မှတ်ရှာဖွေခြင်းတို့အပြင် တိကျစွာပစ်ခတ်ခြင်း တို့ကိုမရပ်မနား ဆောင်ရွက်နိုင်မှာဖြစ်ပါတယ်။MWD Web Portalနည်းပညာသတင်း
Wed, 18-Jun-2025
ပြည်ပဈေးကွက်အတွက် အရောင်းတင်တော့မယ့် တရုတ်ရဲ့ ပဉ္စမမျိုးဆက် တိုက်လေယာဉ် J-35A
ပြည်ပဈေးကွက်အတွက် အရောင်းတင်တော့မယ့် တရုတ်ရဲ့ ပဉ္စမမျိုးဆက် တိုက်လေယာဉ် J-35A
ပြင်သစ်နိုင်ငံ ပဲရစ်မြို့မှာကျင်းပတဲ့ လေကြောင်းပြပွဲမှာ တရုတ်က ပြည်တွင်းဖြစ် ပဉ္စမမျိုးဆက် တိုက်လေယာဉ်ဖြစ်တဲ့ J-35A ကိုထုတ် ဖော်ပြသလိုက်တာတွေ့ရပါတယ်။ သူတို့ အနေနဲ့ အခုလိုမျိုးအပြည်ပြည်ဆိုင်ရာ လေကြောင်းပြပွဲမှာ ထုတ်ဖော်ပြသတာ ဟာ ပထမဆုံးဖြစ်ပြီး J-35A ကို ပြည်ပနိုင်ငံများသို့ ရောင်းချနိုင်ရေးအတွက် လုပ်ဆောင်လာတာ ဖြစ်နိုင်ပါတယ်။တရုတ်အမျိုးသားလေကြောင်း နည်းပညာသွင်းကုန်နှင့် ပို့ကုန်ကော်ပိုရေးရှင်းက ဒီလေကြောင်းပြပွဲမှာ J-35A ရဲ့ပုံစံ ငယ်နဲ့အတူ ပါဝင်ပြသခဲ့တာဖြစ်ပါတယ်။ J-35A ဆိုတာ တရုတ်နိုင်ငံကလက်ရှိ အသုံးပြုလျက်ရှိတဲ့ J-35 တိုက်လေယာဉ်ရဲ့ မြေပြင်အခြေပြု တိုက်လေယာဉ်အမျိုး အစားဖြစ်ပါတယ်။ရှန်းယန်လေကြောင်း ကော်ပိုရေးရှင်းက တီထွင်ထုတ်လုပ်ထားတဲ့ J-35A ကို ပြီးခဲ့တဲ့နှစ် နိုဝင်ဘာလတုန်းက ကျူးဟိုင် လေကြောင်းပြပွဲမှာ ပထမဆုံးထုတ်ဖော် ပြသခဲ့တာဖြစ်ပါတယ်။ J-35 တိုက်လေ ယာဉ်ဆိုတာ J-20 တိုက်လေယာဉ်ပြီးနောက် တရုတ်နိုင်ငံရဲ့ ဒုတိယမြောက် ပဉ္စမမျိုးဆက် တိုက်လေယာဉ် အမျိုးအစားဖြစ်ပါတယ်။အခုပဲရစ်လေကြောင်းပြပွဲမှာ J-35A နဲ့အတူ J-20 ကိုပါ ပွဲထုတ်ပြသခဲ့တာပါ။ ဒါပေမဲ့ တရုတ်နိုင်ငံက J-20 ကိုပြည်ပနိုင်ငံများသို့ ရောင်းချသွားမှာ မဟုတ်ဘူး လို့အတိအလင်း ပြောထားပါတယ်။တရုတ်နိုင်ငံက J-35 ကိုထုတ်လုပ်ခဲ့တာက လေယာဉ်တင်သင်္ဘောအခြေပြု ပျံသန်းနိုင်မယ့် လေယာဉ်များအဖြစ်ဖန် တီးခဲ့တာဖြစ်ပေမယ့် လေတပ်အတွက် အသုံးပြုနိုင်စေဖို့ J-35A ကိုထုတ်လုပ်ခဲ့ တာပါ။ ပထမဆုံးပျံသန်းမှုကိုတော့ ၂၀၂၃ ခုနှစ် စက်တင်ဘာလမှာ လုပ်ဆောင်ထား နိုင်ပါတယ်။တရုတ်နိုင်ငံအနေနဲ့ အခုလိုမျိုးအဆင့်မြင့် တိုက်လေယာဉ်ကို ပြည်ပကိုရောင်းချတဲ့အခါ အမေရိကန်နဲ့ဥရောပတို့က ဝယ်ယူလိုခြင်း မရှိပေမယ့် အရှေ့အလယ် ပိုင်းဒေသနဲ့ တောင်အာရှဒေသကတော့ ဒီတိုက်လေယာဉ်ကို အဓိကအားပေးမယ့် ဖောက်သည်တွေ ဖြစ်လာနိုင်ပါတယ်။လက်ရှိမှာကိုပဲ တရုတ်နိုင်ငံက သူတို့ရဲ့ J-35A တိုက်လေယာဉ်အစင်း ၄၀ ကို ပါကစ္စတန်နိုင်ငံဆီ ရောင်းချပေးဖို့ကမ်းလှမ်းထားတယ်လို့ ပါကစ္စတန်တာဝန် ရှိသူများကပြောပါတယ်။အကယ်၍ ဒီသတင်းသာအမှန်ဖြစ်မယ်ဆိုရင် ဒါဟာ J-35A တိုက်လေယာဉ်တွေကို ပထမဆုံး အကြိမ်ပြည်ပ တင်ပို့မှုဖြစ်လာစေမှာဖြစ်ပါတယ်။တရုတ်နိုင်ငံက J-35 အမျိုးအစား တိုက်လေယာဉ်တွေကိုထုတ်လုပ်ရာမှာ ဝေဟင်-ရေပြင်ပူးတွဲတာဝန် ထမ်းဆောင်နိုင်စေရေးနဲ့ လေယာဉ်တစ်စင်းနဲ့အမျိုး အစားအမျိုးမျိုးဆိုတဲ့ အယူအဆနဲ့အညီ လုပ်ဆောင် ခဲ့တာဖြစ်ပါတယ်။ အဲဒီတိုက် လေယာဉ်တွေက စစ်မြေပြင်မှာပူးတွဲ၊ ပူးပေါင်းစစ်ဆင်ရေးများကို ကောင်းစွာ ဆင်နွှဲနိုင်စွမ်းရှိသလို တိုက်ပွဲလိုအပ်ချက်များနဲ့အညီ အမြန်ဆုံး ဖြန့်ကြက်နိုင်စွမ်း လည်းရှိပါတယ်။J-35A က ထိုင်ခုံတစ်လုံးပါ အင်ဂျင် နှစ်လုံးတပ်နဲ့ လက်နက်အိမ်ကိုလေယာဉ် ဝမ်းဗိုက်ထဲမှာ ထည့်ပေးထားတဲ့ တိုက်လေယာဉ်ပုံစံဖြစ်ပါတယ်။ သူ့ရဲ့တောင်ပံ အလျားက J-35 နဲ့ယှဉ်ရင် အနည်းငယ် တိုပြီး ရေဒါဖမ်းယူမှုကို လျော့နည်းစေနိုင်မယ့် လုပ်ဆောင်ချက်များ ပါဝင်ပါတယ်။ပဉ္စမမျိုးဆက် တိုက်လေယာဉ်ဖြစ်တာနဲ့အညီ အဆင့်မြင့်ရေဒါစနစ်၊ ပစ်မှတ်ရှာ ဖွေထောက်လှမ်းရေးစနစ် အစရှိတဲ့စနစ်များကို အဓိကတပ်ဆင်ပေးထားတာတွေ့ ရပါတယ်။ လေယာဉ်ထွက်ခွာစဉ်အမြင့် ဆုံးအလေးချိန်က ၂၈ တန်ဝန်းကျင်ရှိပြီး သူ့ရဲ့စစ်ဆင်နိုင်တဲ့ နယ်မြေက ကီလိုမီတာ ၁၂၀၀ မှသည် ၁၉၀၀ အထိရှိတယ်လို့ သိထားပါတယ်။ MWD Web Portalနည်းပညာသတင်း
Wed, 18-Jun-2025
© Copyright 2024 SAC All Rights Reserved.