အမေရိကန်နိုင်ငံ၏ ကဏ္ဍပေါင်းစုံ၌ နောက်ကွယ်မှ အာဏာထိန်းချုပ်ထားသူများ (Deep State) ကိုဖြိုခွင်းရန် အမေရိကန်သမ္မတဒေါ်နယ်ထရမ့်နှင့် နိုင်ငံခြား ရေးဝန်ကြီး မာကိုရူဘီယိုတို့က အမျိုးသားလုံခြုံရေးကောင်စီကို ပြန်လည်ပြင်ဆင်ဖွဲ့စည်းသွားမည်ဖြစ်ကြောင်း အမည်မဖော်လိုသူ အိမ်ဖြူတော်မှ တာဝန်ရှိသူ များက ပြောသည်။
အပ်ပဲကုမ္ပဏီအနေဖြင့် အိုင်ဖုန်းများကို အမေရိကန်ပြည်ထောင်စု၌ မထုတ်လုပ်လျှင် သွင်းကုန်အခွန် ၂၅ ရာခိုင်နှုန်း ကောက်ခံသွားမည်ဖြစ်ကြောင်း သမ္မတ ဒေါ်နယ်ထရမ့်က မေလ ၂၃ ရက်တွင်သတိ ပေးလိုက်ကြောင်း သိရသည်။
ထရမ့်၏သတိပေးချက် ထွက်ပေါ်လာပြီးနောက် စတော့ဈေးကွက် အတွင်းရှိ အပ်ပဲကုမ္ပဏီ၏ ရှယ်ယာမှာ ၂ ဒသမ ၅ ရာခိုင်နှုန်း ကျဆင်းသွားသည်ကို တွေ့ရှိရသည်။
ဂျပန်နိုင်ငံ၌ ဆန်ဈေးနှုန်းများမြင့်တက်မှုသည် စံချိန်တင်လာပြီး ယမန်နှစ်က ထက် ၉၈ ရာခိုင်နှုန်း မြင့်တက်လာခြင်းဖြစ်ကြောင်း အစိုးရ၏ မေလ ၂၃ ရက်ထုတ်ပြန်ချက်တွင် ဖော်ပြထားသည်။
ယခုကဲ့သို့ဆန်ဈေးနှုန်းများမြင့်တက်လာခြင်းသည် လပေါင်းများစွာကြာမြင့်နေပြီဖြစ်ပြီး ယင်းကိစ္စက ဂျပန်ဝန်ကြီးချုပ် ရှီဂဲရူအီရှီဘာ၏ အစိုးရအဖွဲ့အတွက် ခေါင်းခဲစရာ ကိစ္စတစ်ခုဖြစ်လာသည်။
အပစ်အခတ်ရပ်စဲရေးဆိုင်ရာကိစ္စရပ်များ၊ ဓားစာခံများပြန်လည်လွှတ်ပေးရေးကိစ္စရပ်များအပေါ် ဟားမက် အစ္စလာမ်မစ်အဖွဲ့နှင့် ဆွေးနွေးညှိနှိုင်းမှုများတွင် ပါဝင်ဆောင်ရွက်လျက်ရှိသည့် ကာတာနိုင်ငံမှ အစ္စရေး ကိုယ်စားလှယ်အများစုအား ပြန်လည်ခေါ်ယူရန် အစ္စရေးဘက်က ဆုံးဖြတ်ခဲ့ကြောင်း သတင်းရရှိပါသည်။