အမေရိကန်လုပ်ငန်းရှင်များသည် ရုရှားဈေးကွက်ကို ပြန်ဝင်နိုင်ရန် မျှော်လင့်ချက်ဖြင့် ထရမ့်အစိုးရ၏ မော်စကိုနှင့် ဆက်သွယ်ရေး ပြန်လည် တည်ဆောက်ရေးအားထုတ်မှုကို ကြိုဆိုနေကြောင်း ရုရှားနိုင်ငံရှိ အမေရိကန် ကုန်သည်ကြီးများအသင်း (AmCham) ဥက္ကဋ္ဌ Robert Agee က RT ကို ပြောကြားခဲ့ပါသည်။

AmCham သည် ဒီဇင်ဘာလတွင် ရာထူးစတင်ယူချိန်ကတည်းက ဒေါ်နယ်ထရမ့်၏ ရုရှားနှင့် ဆက်ဆံရေးပြန်လည်တည်ဆောက်ရေးအားထုတ်မှုကို ထောက်ခံခဲ့ပြီး လအတန်ကြာကပင် ရုရှားအပေါ် ဒဏ်ခတ် အရေးယူမှုများလျှော့ချရန် ဝါရှင်တန်ကို တိုက်တွန်းခဲ့ပါသည်။

(ရိုက်တာ၊ ဇွန် ၁၈)

တရုတ်ဗဟိုဘဏ်အကြီးအကဲက ဒီဂျစ်တယ် ယွမ်ကို နိုင်ငံတကာအဆင့်တွင် တွင်တွင်ကျယ်ကျယ် အသုံးပြုနိုင်ရေး ဆောင်ရွက်သွားမည်ဖြစ်ကြောင်းကတိပေး ပြောကြားပြီး၊ ငွေကြေးအမျိုးအစား များစွာ လွှမ်းမိုးနေသည့် ကမ္ဘာ့စီးပွားရေးစနစ်တွင် ဗဟုမဏ္ဍိုင်ကမ္ဘာသုံးငွေကြေးစနစ် ဖွံ့ဖြိုးတိုးတက် လာစေရေး တောင်းဆိုလိုက်ပါသည်။ 

အစ္စရေးနှင့် အီရန်တို့အကြား စစ်ပွဲဖြစ်ပွားနေချိန်တွင် အီရန်နိုင်ငံခြားရေးဝန်ကြီး Abbas Araqchi သည် စနေနေ့ (ဇွန် ၂၁) တွင် အစ္စလာမ်မစ် ပူးပေါင်းဆောင်ရွက်ရေးအဖွဲ့ (OIC) အစည်းအဝေးသို့ တက်ရောက်မည် ဖြစ်ကြောင်း တူရကီနိုင်ငံခြားရေးဝန်ကြီးဌာနမှ အရင်းအမြစ်တစ်ဦးက ကြာသပတေးနေ့ (ဇွန် ၁၉) တွင် ပြောကြားခဲ့သည်။

အီရန်ကို အမေရိကန်က စစ်ရေးတုံ့ပြန်မည့် အလားအလာသည် သမ္မတ ဒေါ်နယ်ထရမ့်ကို အာဏာရစေခဲ့သည့် ၎င်း၏ထောက်ခံသူများအကြား ကွဲလွဲမှုများကို ထင်ဟပ်စေခဲ့ပြီး အချို့ထောက်ခံသူများက အမေရိကန် ကို အရှေ့အလယ်ပိုင်းစစ်ပွဲအသစ်တွင် မပါဝင်ရန် တိုက်တွန်းနေကြသည်။

ထရမ့်၏ ထင်ရှားသော ရီပတ်ပလီကန်မဟာမိတ်များဖြစ်သည့် စတီဗင် ဘန်နွန်ကဲ့သို့သော သူများပင် ပုံမှန်အားဖြင့် အမေရိကန် သီးသန့် ရပ်တည်လိုသည့် သဘောထားရှိသော ထရမ့်နှင့် သဘောထား ကွဲလွဲသည့် အခြေအနေတွင် ရှိနေကြသည်။