ရုရှားနိုင်ငံအနေဖြင့် ဒရုန်းအန္တရာယ်ကို  ထိန်းချုပ်ကာကွယ်ရန်အတွက် ဂြိုဟ်တု အစင်းပေါင်း ၁၀၀ ကျော်ပါဝင်သည့် ကွန်ရက် တစ်ခုကို ကမ္ဘာပတ်လမ်းအတွင်းသို့ လွှတ် တင်မည်ဖြစ်ကြောင်း ရုရှားအာကာသ အေဂျင်စီအကြီးအကဲ ဒီမီထရီဘာကာ နော့ဗ်က ပြောသည်။

ရုရှားနိုင်ငံကလွှတ်တင်မည့် ကွန်ရက် စနစ်တွင် 886 Rassvet broadband အမျိုးအစား အင်တာနက်ဂြိုဟ်တုနှင့် ကမ္ဘာ မြေကြီးအား အဝေးမှနေ၍ အာရုံခံစောင့် ကြည့်နိုင်သည့် ဂြိုဟ်တုများပါဝင်မည် ဖြစ်ကြောင်း RIA Novosti သတင်း အေဂျင်စီက အာကာသအရင်းအမြစ်များ ကို ကိုးကား၍ဖော်ပြသည်။

မြောက်ကိုရီးယားခေါင်းဆောင်ကင်ဂျုံအန်းနှင့် ဆွေးနွေးမှုများ လုပ်ဆောင်ရန်အတွက် ရုရှားထိပ်တန်းလုံခြုံရေးအရာရှိ ဆာဂေးရှိုးဂူသည် မြောက် ကိုရီးယားနိုင်ငံ ပြုံယမ်းမြို့သို့ ရောက်ရှိနေသည်ဟု သိရပါသည်။

လက်ရှိဘဏ္ဍာရေးနှစ်အကုန် ၂၀၂၆ ခုနှစ်၊ ဧပြီလတွင် ယူကရိန်းကို ဒရုန်း အစင်းရေ (၁) သိန်းထောက်ပံ့ပေးရန် ဗြိတိန်အစိုးရက ကတိပြုခဲ့ကြောင်း သိရပါသည်။ ဒရုန်းများသည် စစ်ပွဲဆင်နွှဲသည့်ပုံစံများကို ပြောင်းလဲစေခဲ့ သည်ဟု ပြောဆိုမှုများရှိခဲ့ပြီးနောက် ယခုကဲ့သို့ကတိပြုမှု ထွက်ပေါ်လာခြင်း ဖြစ်ပါသည်။

ယူကရိန်းနှင့် ရုရှားနိုင်ငံကြား အပစ်ခတ်ရပ်စဲရေးရယူနိုင်ရန် ဆွေးနွေး နေသော်လည်း အခြားတစ်ဖက်တွင် အပြန်အလှန် တိုက်ခိုက်နေဆဲ ဖြစ်ရာ ယူကရိန်းသည် ဇွန်လ ၃ ရက်တွင် ခရိုင်းမီးယားဒေသရှိတံတားကို ပစ်မှတ်ထားပြီး ရေအောက်မှ ဖောက်ခွဲတိုက်ခိုက်ခဲ့ကြောင်းသိရသည်။ ယူကရိန်း လုံခြုံရေးအဖွဲ့ (SBU) က ခရိုင်းမီးယားဒေသရှိတံတားကို ဖောက်ခွဲ တိုက်ခိုက်ရန် ကြိုးပမ်းခဲ့ပြီး ပေါက်ကွဲစေသောယမ်း TNT ၁၁၀၀ ကီလိုဂရမ်ကို အသုံးပြုခဲ့ပြီး အရပ်သားများ ထိခိုက်မှုမရှိကြောင်း ပြောသည်။