ဗြိတိန်တပ်မတော်၏ F-35B Lightning II ကိုယ်ပျောက်တိုက်လေယာဉ် တစ်စီးသည် စနေနေ့ (ဇွန် ၁၄) က အိန္ဒိယနိုင်ငံတောင်ပိုင်းရှိ Thiruvananthapuram လေဆိပ်တွင် အရေးပေါ်ဆင်းသက်ခဲ့ရပြီးနောက် ယခုအချိန်ထိ လေယာဉ် ပြေးလမ်းပေါ်တွင် ရပ်နားထားရသည်ဟု သတင်းများအရ သိရသည်။ ဒေသခံသတင်းများအရ ထိုလေယာဉ်သည် နည်းပညာဆိုင်ရာ ချို့ယွင်းချက်ကြောင့် ပျံသန်းနိုင်ခြင်းမရှိသေးဘဲ ဗြိတိန်လေယာဉ်ပညာရှင်များက ပြင်ဆင်မှုများ ပြုလုပ်နေကြသည်။

တူရကီသမ္မတ Recep Tayyip Erdogan သည် ဂါဇာမှ အစ္စရေး၏ ကျူးကျော်စစ်နှင့် အီရန်အပေါ် ဆက်လက်တိုက်ခိုက်မှုများကို ရှုတ်ချပြီး ဝန်ကြီးချုပ် Benjamin Netanyahu ကို Adolf Hitler နှင့် နှိုင်းယှဉ် ပြောဆိုခဲ့သည်။

တူရကီသမ္မတက အစ္စရေး၏ တိုက်ခိုက်မှုများကို တုံ့ပြန်ရန် ဥပဒေအရ အခွင့်အရေးရှိကြောင်း ပြောကြားခဲ့သည်။ Erdogan သည် အနောက် ဂျေရုဆလင် (အစ္စရေး) အား “တရားမဲ့ပြုကျင့်ခြင်းနှင့် နိုင်ငံတော် အကြမ်းဖက်မှု” ကျူးလွန်သည်ဟု စွပ်စွဲကာ ရန်လိုသော ပြောဆိုမှုများ ပြုလုပ်ခြင်းမှာ ယခုအကြိမ်သည် ပထမဆုံး မဟုတ်ပေ။

အမေရိကန်အစိုးရ ပြောရေးဆိုခွင့်ရှိသူ အန်နာကယ်လီ၏ ပြောကြားချက် အရ ပါကစ္စတန်စစ်တပ်အကြီးအကဲ အာဆင်မုနီး က လွန်ခဲ့သောလက အိန္ဒိယနှင့်ပါကစ္စတန် အကြား နျူကလီးယားစစ်ဖြစ်ပွားမှုကို တားဆီးနိုင်ခဲ့ သည့်အတွက် ဒေါ်နယ်ထရမ့် အား ငြိမ်းချမ်းရေးနိုဘယ်ဆု ချီးမြှင့်သင့် ကြောင်း တောင်းဆိုခဲ့သည်ဟု ရိုက်တာ သတင်းအရ သိရှိရသည်။

ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်က ယူဂန်ဒါနိုင်ငံခြားရေး ဝန်ကြီး ဂျေဂျေ အိုဒွန်ဂို နှင့် မော်စကိုတွင် ဗုဒ္ဓဟူးနေ့ (ဇွန် ၁၈) က ပြုလုပ်သော ဆွေးနွေးပွဲအတွင်း ယူဂန်ဒါအား BRICS ၏ မိတ်ဖက် နိုင်ငံအဖြစ် ကြိုဆိုကြောင်း ပြောကြားခဲ့သည်။

လာဗရော့ဗ်က “ယူဂန်ဒါအား BRICS မိတ်ဖက်နိုင်ငံအဖြစ် မိမိတို့ ကြိုဆို ပါသည်၊ ဤအခြေအနေအသစ်တွင် ယူဂန်ဒါမိတ်ဆွေများနှင့် တက်ကြွစွာ ပူးပေါင်းဆောင်ရွက်ရန် မျှော်လင့်ထားပါသည်” ဟု ဖြည့်စွက် ပြောကြား ခဲ့သည်။