အမေရိကန်သမ္မတဒေါ်နယ်ထရမ့်၏ အပစ်အခတ်ရပ်စဲရေးဆိုင်ရာဆွေးနွေးရေးကမ်းလှမ်းချက်ကို အီရန်အနေဖြင့် မကြာမီ လက်ခံဖွယ်ရှိကြောင်း အီရန်နိုင်ငံခြားရေးဝန်ကြီးဌာန၏ ထိပ်တန်းအရာရှိကြီးတစ်ဦး၏ ပြောကြားချက်ကို ကိုးကား၍ The New York Times သတင်းဌာနက ဖော်ပြခဲ့သည်။

မက္ကဆီကိုစီးတီး ဇွန် ၁၉ 

မက္ကဆီကိုနိုင်ငံ တောင်ပိုင်း ချီယာပတ်စ်ပြည်နယ် ကမ်းလွန်တွင် ဇွန် ၁၈ ရက်က ပြင်းအား ၅ ဒသမ ၈  မဂ္ဂနီကျုရှိ ငလျင်လှုပ်ခတ်ခဲ့ကြောင်း ဥရောပမြေထဲ ပင်လယ် ငလျင်ဆိုင်ရာဗဟိုဌာန ESMC က ယနေ့တွင် ထုတ်ပြန်ခဲ့သည်။

ကာကွယ်ရေးအရာရှိနှစ်ဦး၏ ပြောကြားချက်အရ အစ္စရေးနှင့် အီရန် အကြား ပဋိပက္ခကျယ်ပြန့်နေစဥ်တွင် အမေရိကန်စစ်တပ်သည် အရှေ့ အလယ်ပိုင်းရှိ ၎င်းတို့၏စစ်အင်အားနှင့် ပစ္စည်းများကို ကာကွယ်ရန် အဆင့်များစွာဆောင်ရွက်ခဲ့သည်။ ၎င်းတွင် ကာတာရှိ Al Udeid လေတပ် ၏ အကာအရံမဲ့လေယာဉ်အားလုံးကို ရွှေ့ပြောင်းခြင်းနှင့် ဘာရိန်းတွင် တပ်စွဲထားသော အမေရိကန်ရေတပ်သင်္ဘောများကို ရွှေ့ပြောင်းခြင်းတို့ ပါဝင်သည်ဟု သိရှိရပါသည်။

ပေကျင်း ဇွန် ၁၉
တရုတ်နိုင်ငံ ပြည်နယ်ငါးခုတွင် ရေဘေးအန္တရာယ်ဖြင့်ရင်ဆိုင်နေရပြီး ဆုံးရှုံးမှုအနည်းဆုံးဖြစ်အောင် ရေဘေးအန္တရာယ်တုံ့ပြန် ရေးအစီအစဉ်များကို အရေးပေါ် အခြေအနေဖြင့် တုံ့ပြန်သွားမည် ဖြစ်ကြောင်း State Flood Control and Drought Relief Head -quarters (SFCDRH) က ထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။