အိန္ဒိယနှင့် ပါကစ္စတန်တို့ကြား ဖြစ်ပွားခဲ့သည့် လက်နက်ကိုင်ပဋိပက္ခများကို ဖြေရှင်းနိုင်ရန်အတွက် နှစ်နိုင်ငံစလုံးမှ ကိုယ်စားလှယ်အဖွဲ့များသည် ဇွန်လ ၄ ရက်တွင် အမေရိကန်ပြည်ထောင်စု  ဝါရှင်တန်မြို့တော်သို့ ရောက်ရှိလာခဲ့ကြောင်း သိရသည်။

အိန္ဒိယကိုယ်စားလှယ်အဖွဲ့ကို အတိုက်အခံ အိန္ဒိယအမျိုးသား ကွန်ဂရက်ပါတီမှ လွှတ်တော်အမတ် တစ်ဦးဖြစ်သူ ရှာရှီသာရော်က ဦးဆောင်ပြီး အိန္ဒိယနှင့် ပါကစ္စတန်တို့ကြား ဖြစ်ပွားသည့် တိုက်ခိုက်မှုများကို တင်ပြဆွေးနွေးမည်ဖြစ်သည်။

တောင်ကိုရီးယားနိုင်ငံတွင် ဇွန်လ ၄ ရက်က သမ္မတအဖြစ် ကျမ်းသစ္စာ ကျိန်ဆိုခဲ့သည့် လီဂျေမြောင်ထံ တရုတ်သမ္မတ ရှီကျင့်ဖျင်က ဝမ်းမြောက်ကြောင်း ဂုဏ်ပြုသဝဏ်လွှာ ပေးပို့ခဲ့ကြောင်း သိရသည်။

တရုတ်-တောင်ကိုရီးယား နိုင်ငံတို့သည် အပြန်အလှန်အရေးပါသော အိမ်နီးချင်းနှင့် ပူးပေါင်းဆောင်ရွက်မှု မိတ်ဖက်ဖြစ်ကြောင်း၊ သံတမန်ဆက်ဆံရေး ထူထောင်သည့် ၃၃ နှစ်တာကာလတွင် နှစ်နိုင်ငံစလုံးသည် အတွေးအမြင်နှင့် လူမှုရေးစနစ်ကွဲပြားမှုကို ကျော်လွန်ကာ အတူလက်တွဲ၍ ရှေ့သို့ချီတက်ကြောင်း သမ္မတရှီက ပြောကြားသည်။

ရုရှားအစိုးရသည်  နိုင်ငံအတွင်းရှိ ပြည်သူများအတွက်  ဆိုက်ဘာလုံခြုံမှု   ကာကွယ်ရေးစနစ်သစ် တစ်မျိုးကို ယခု ၂၀၂၅ ခုနှစ်အကုန်ပိုင်းတွင် စတင်အသုံးပြုမည် ဖြစ်သည်။

အဆိုပါဆိုက်ဘာကာကွယ်ရေး စနစ်သစ်အား Rostele-com မှ အဖွဲ့အစည်းတစ်ခုဖြစ်သည့် Solar Group က အဆိုပြုခဲ့ခြင်းဖြစ်ပြီး ဆိုက်ဘာလုံခြုံရေးနှင့် ဆိုက်ဘာ လိမ်ညာမှုများကြောင့် ဖြစ်ပေါ်လာသည့် ပြဿနာများကို ဖြေရှင်းပေးမည်ဖြစ်ကြောင်း Solar Group မှညွှန်ကြားရေးမှူး ဗလာဒီမာဘင်ဂင်က ပြောသည်။

ကာဇက်စတန်ရှိ ဘိုင်ကိုနော အာကာသစခန်းကို အသုံးပြုနိုင်ရေးသည် အဓိကဦးစားပေးကိစ္စရပ်ဖြစ်ကြောင်း  သမ္မတဗလာဒီမာပူတင်က ယခုရက်သတ္တပတ် အတွင်းကျင်းပသည့်  (၇၀) ကြိမ်မြောက် အာကာသစခန်း နှစ်ပတ်လည်အခမ်းအနား တွင် ပြောကြားသည်။