ဂျာမနီနိုင်ငံအနောက်ပိုင်းရှိ လူနေအိမ်တစ်ခုပေါ်သို့ လေယာဉ်ငယ် တစ်စင်းပျက်ကျခဲ့ရာ လူ (၂) ဦးသေဆုံးခဲ့သည်ဟု ရဲတပ်ဖွဲ့က ပြောကြားခဲ့ပါသည်။ အဆိုပါလေယာဉ်ငယ်ပျက်ကျမှုသည် Mönchengladbach မြို့အနီးရှိ Korschenbroich မြို့၌ဖြစ်ပွားခဲ့ခြင်းဖြစ်သည်ဟု ရဲတပ်ဖွဲ့ က ပြောကြားခဲ့ပါသည်။

လေယာဉ်ငယ်သည် လူနေအဆောက်အအုံကို ဝင်တိုက်ခဲ့ပြီးနောက် မီးလောင်ကျွမ်းသွားခဲ့ကြောင်း ရဲတပ်ဖွဲ့ကပြောကြားခဲ့ပါသည်။ ထို့အပြင် အဆိုပါဖြစ်ရပ်အတွင်း လူနှစ်ဦးသေဆုံးခဲ့ပြီး တစ်ဦးမှာ လေယာဉ်မှူး ဖြစ်နိုင်သည်ဟု ဂျာမန်သတင်းအေဂျင်စီ dpa က ရေးသားဖော်ပြခဲ့ပါသည်။

ဖားကန့်မြို့နယ်၊ လုံခင်း ကျေးရွာအုပ်စု၊ မှော်စီစာကျေးရွာတွင် ဇွန်လ ၃ ရက်နေ့၊ နေ့လယ်ပိုင်းက ယမ်းဂိုထောင် ပေါက်ကွဲမှုဖြစ်ပွားသည့်အတွက် ၃ ဦး သေဆုံးကာ အများအပြား ဒဏ်ရာရရခဲ့ကြောင်း ဒေသခံများထံ NP News က ဆက်သွယ်မေးမြန်းထားသော အချက်အလက်များအရ ကနဦး သိရသည်။

အဆိုပါ ဖြစ်စဥ်မှာ နေ့လယ်ပိုင်း ၁ နာရီကျော်အချိန်ခန့်က လုပ်ကွက်ဟောင်းတစ်ခုအတွင်း ဖြစ်ပွားခဲ့ခြင်းဖြစ်ကာ ယမ်းဂိုထောင် ပေါက်ကွဲသည့်အတွက် အသံကို ကျယ်လောင်စွာ ကြားခဲ့ရကြောင်း သိရသည်။

အမေရိကန်သမ္မတဟောင်း ဂျိုးဘိုင်ဒင် အစိုးရသည် ၂၀၂၃ ခုနှစ်က အိုဟိုင်းယိုးပြည်နယ်၊ အရှေ့ပါလက်စတိုင်းအနီး ဖြစ်ပွားခဲ့သော အဆိပ်သင့် ဓာတုပစ္စည်းများ ယိုစိမ့်မှုနှင့်သက်ဆိုင်သည့် ပြည်သူ့ကျန်းမာရေး အန္တရာယ်များကို ဖုံးကွယ်ရန် ကြိုးပမ်းခဲ့ကြောင်း “သတင်းဖော်ထုတ် သူများကို ကာကွယ်ရေးအဖွဲ့” တစ်ခုက စွပ်စွဲထားသည်။

အိမ်ဖြူတော်သည် သမ္မတ Trump ၏ တရားဝင်ပုံတူအသစ်ကို ထုတ်ပြန် ခဲ့ပြီး ကျမ်းသစ္စာကျိန်ဆိုပွဲ မတိုင်မီကဓာတ်ပုံနှင့် ကွဲပြားမှုအချို့ရှိသည်။

ဇွန် ၂ ရက်တွင် အိမ်ဖြူတော်မှ ထုတ်ပြန်လိုက်သော တရားဝင် ဓာတ်ပုံတွင် သမ္မတ Donald Trump သည် အပြာရောင် ကုတ်အင်္ကျီ၊ ၎င်း၏ အမှတ်လက္ခဏာဖြစ်သော အနီရောင်လည်စီးနှင့် အင်္ကျီကော်လံပေါ်တွင် အမေရိကန်အလံရင်ထိုးတပ်ဆင်ထားသည်။ အလင်းရောင်သည် အဓိက အားဖြင့် ၎င်း၏မျက်နှာအလယ်ပိုင်းကို အာရုံစိုက်ထားပြီး အနက်ရောင် နောက်ခံတွင် ရိုက်ကူးထားသည်။ အမေရိကန်သမ္မတသည် ကင်မရာကို စူးစိုက်ကြည့်နေကာ လေးနက်သောအမူအရာ ဆောင်နေသည်။