UK သည် ယူကရိန်းနိုင်ငံသားများ၏ ခိုလှုံခွင့်လျှောက်ထားမှုများကို စတင်ငြင်းပယ်လာပြီး လျှောက်ထားသူများသည် ယူကရိန်း၏ အခြား ဒေသများသို့ ဘေးကင်းစွာ ပြောင်းရွှေ့နိုင်သည်ဟု အခိုင်အမာ ဆိုလာ သည်ဟု ဂါဒီယန်သတင်းစာ၏ ဖော်ပြချက်အရ သိရှိရသည်။
ရုရှားသမ္မတ ဗလာဒီမာ ပူတင်က မော်စကိုသည် ယူကရိန်းနှင့် တတိယ အကြိမ်ဆွေးနွေးပွဲ ပြုလုပ်ရန် အဆင်သင့်ဖြစ်ကြောင်းပြောကြားခဲ့ပြီးယူကရိန်းပဋိပက္ခ ဖြေရှင်းရန် သဘောတူညီချက်များချမှတ်ရာတွင် ဆွေးနွေးပွဲများကို ဗဟိုပြုသင့်ကြောင်း ဖြည့်စွက်ပြောဆိုခဲ့သည်။
ရုရှားသမ္မတ ဗလာဒီမာ ပူတင် က အနောက်နိုင်ငံများနှင့် တစ်ဖက်သတ်ဂိမ်းများ ဆက်လက်ကစားတော့မည် မဟုတ်ကြောင်း မိန့်ကြားခဲ့သည်။ ယခုသီတင်းပတ်အတွင်း မင့်စ်မြို့တွင် ကျင်းပသည့် ယူရေးရှန်း စီးပွားရေး အသိုက်အဝန်း (EAEU) ထိပ်သီးအစည်းအဝေးအပြီး သတင်းထောက် များအား ပြောကြားခဲ့ခြင်းဖြစ်သည်။
NATO ချဲ့ထွင်ရေးနှင့် ယူကရိန်းပဋိပက္ခဖြေရှင်းရေးဆိုင်ရာ ကတိကဝတ်များကို မလိုက်နာခြင်းဖြင့် အနောက်နိုင်ငံများက ရုရှားကို ထပ်ခါ တလဲလဲ သစ္စာဖောက်ခဲ့ကြောင်း သောကြာနေ့ (ဇွန် ၂၇) က ပြုလုပ်သည့် သတင်းစာရှင်းလင်းပွဲတွင် ၎င်းက ဆိုသည်။
ဥရောပ NATO အဖွဲ့ဝင်နိုင်ငံများသည် လက်နက်ပစ္စည်းများ ပြန်လည် တိုးချဲ့ထုတ်လုပ်ရေး လုပ်ငန်းစဉ်အတွင်း အမေရိကန်လက်နက်များ အပေါ် မှီခိုမှု ပိုမိုမြင့်တက်လာခြင်းနှင့်ပတ်သက်၍ စိုးရိမ်မှုများ တိုးပွား လာနေကြောင်း ထုတ်ဖော်ပြောဆိုလာကြသည်ဟု Bloomberg သတင်း ဌာန၏ သောကြာနေ့ထုတ်လွှင့်ချက်အရ သိရှိရသည်။