ဂျာမနီနိုင်ငံအနောက်ပိုင်းရှိ နေအိမ်တစ်ခုပေါ်သို့ လေယာဉ်ငယ် တစ်စင်း ပျက်ကျ

saceditor

News Image

  • ဂျာမနီနိုင်ငံအနောက်ပိုင်းရှိ နေအိမ်တစ်ခုပေါ်သို့ လေယာဉ်ငယ် တစ်စင်း ပျက်ကျ

ဂျာမနီနိုင်ငံအနောက်ပိုင်းရှိ လူနေအိမ်တစ်ခုပေါ်သို့ လေယာဉ်ငယ် တစ်စင်းပျက်ကျခဲ့ရာ လူ (၂) ဦးသေဆုံးခဲ့သည်ဟု ရဲတပ်ဖွဲ့က ပြောကြားခဲ့ပါသည်။ အဆိုပါလေယာဉ်ငယ်ပျက်ကျမှုသည် Mönchengladbach မြို့အနီးရှိ Korschenbroich မြို့၌ဖြစ်ပွားခဲ့ခြင်းဖြစ်သည်ဟု ရဲတပ်ဖွဲ့ က ပြောကြားခဲ့ပါသည်။

လေယာဉ်ငယ်သည် လူနေအဆောက်အအုံကို ဝင်တိုက်ခဲ့ပြီးနောက် မီးလောင်ကျွမ်းသွားခဲ့ကြောင်း ရဲတပ်ဖွဲ့ကပြောကြားခဲ့ပါသည်။ ထို့အပြင် အဆိုပါဖြစ်ရပ်အတွင်း လူနှစ်ဦးသေဆုံးခဲ့ပြီး တစ်ဦးမှာ လေယာဉ်မှူး ဖြစ်နိုင်သည်ဟု ဂျာမန်သတင်းအေဂျင်စီ dpa က ရေးသားဖော်ပြခဲ့ပါသည်။

သို့သော်လည်း သေဆုံးသွားသည့် အခြားသူတစ်ဦးသည် လေယာဉ်ပေါ် တွင် လိုက်ပါလာသူ သို့မဟုတ် နေအိမ်ထဲ၌ ရှိနေသူဆိုသည်ကို လက်ရှိ အချိန်အထိ ရှင်းရှင်းလင်းလင်းမသိရှိရကြောင်းလည်း ရဲတပ်ဖွဲ့က ပြောကြားခဲ့ပါသည်။ ထို့အပြင် အဆိုပါလေယာဉ်ငယ် ပျက်ကျရသည့် အကြောင်းအရင်း အသေးစိတ်အချက်အလက်များကိုလည်း လက်ရှိအချိန်ထိ မသိရှိ ရသေးကြောင်း တာဝန်ရှိသူများက ဆက်လက်ပြောကြားခဲ့ပါသည်။

ကိုးကား- NP News

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အနောက်တောင်ပစိဖိတ်ဒေသအတွင်း အဏ္ဏဝါအပူလှိုင်းများ ဖြတ်သန်းမှုကြောင့် သန္တာကျောက်တန်းများပျက်စီးကာ ရေခဲမြစ်များ အရည်ပျော်လျက်ရှိ
အနောက်တောင်ပစိဖိတ်ဒေသအတွင်း အဏ္ဏဝါအပူလှိုင်းများ ဖြတ်သန်းမှုကြောင့် သန္တာကျောက်တန်းများပျက်စီးကာ ရေခဲမြစ်များ အရည်ပျော်လျက်ရှိ
ဝါရှင်တန်   ဇွန် ၅အနောက်တောင် ပစိဖိတ်ဒေသတွင် အဏ္ဏဝါအပူလှိုင်းများ ဖြတ်သန်းမှုကြောင့် သန္တာကျောက်တန်းများပျက်စီးကာ ရေခဲမြစ်များ အရည်ပျော်လျက်ရှိသည်ဟု အမေရိကန်အခြေစိုက် ကုလသမဂ္ဂမိုးလေဝသအဖွဲ့ (WMO) က ယနေ့တွင် ထုတ်ပြန်ခဲ့ကြောင်း သိရသည်။ယခုနှစ်တွင်လည်း အဏ္ဏဝါအပူလှိုင်းဖြတ်သန်းမှုများဖြစ်ပေါ်ကာ အပူချိန်များမြင့်တက်နေဆဲဖြစ်သောကြောင့် သန္တာကျောက်တန်းများ ထပ်မံပျက်စီးကာ ရေခဲမြစ်များ အရည်ပျော်ခဲ့သည့်အပြင် သမုဒ္ဒရာအတွင်း နေထိုင်ကျက်စားသော အဏ္ဏဝါသတ္တဝါများလည်း သေကျေပျက်စီးပြီး မျိုးသုဉ်းလုနီးပါးဖြစ်လာကြောင်း WMO မှ တာဝန်ရှိသူတစ်ဦးဖြစ်သူ ဘလိုင်ယာထရီဝင် က ပြောကြားခဲ့သည်။ယခုနှစ်အတွင်း အဏ္ဏဝါအပူလှိုင်းဖြတ်သန်းမှုကြောင့် မြင့်တက်လာသော သမုဒ္ဒရာတွင်းအပူချိန်သည် သမုဒ္ဒရာ၏ စတုရန်းကီလိုမီတာ သန်း ၄၀ ကို ထိခိုက်ပျက်စီးစေခဲ့ကြောင်း၊ ထိုသို့ သမုဒ္ဒရာအတွင်း အပူချိန်မြင့်တက်မှုကြောင့် ဖိလစ်ပိုင်နိုင်ငံ၌ အောက်တိုဘာလနှင့် နိုဝင်ဘာလတို့တွင် ဆိုင်ကလုန်းမုန်တိုင်းများ ဖြစ်ပွားနိုင်သည်ဟု ကြိုတင်သတိပေးချက် ထုတ်ပြန်ထားသည့်အပြင် အင်ဒိုနီးရှားနိုင်ငံတွင်ရှိသော ရေခဲမြစ်များသည်လည်း အပူချိန်မြင့်တက်မှုကြောင့် ထက်ဝက်နီးပါး အရည်ပျော်ကျသွားခဲ့ရကာ ယခုနှုန်းအတိုင်း အပူချိန်များ ဆက်တိုက်မြင့်တက်နေပါက ၂၀၂၆ ခုနှစ်တွင် ရေခဲမြစ်များသည် လုံးဝ ပျောက်ကွယ်သွားနိုင်ဖွယ်ရှိကြောင်း ဂြိုဟ်တုအချက်အလက်များကို ကိုးကား၍ ကမ္ဘာ့မိုးလေဝသအဖွဲ့၏ နှစ်ပတ်လည်အစီရင်ခံစာ၌ ဖော်ပြထားသည်။Source: ရတနာပုံသတင်းစာ
Fri, 6-Jun-2025
သရဲချောရုပ်ရှင်ဇာတ်ကားကို ဇွန် ၆ ရက်မှစတင်ကာ နိုင်ငံတစ်ဝန်း အဆင့်မြင့်ရုပ်ရှင်ရုံများတွင် ရုံတင်ပြသမည်
သရဲချောရုပ်ရှင်ဇာတ်ကားကို ဇွန် ၆ ရက်မှစတင်ကာ နိုင်ငံတစ်ဝန်း အဆင့်မြင့်ရုပ်ရှင်ရုံများတွင် ရုံတင်ပြသမည်
ရန်ကုန်  ဇွန် ၅လက်ကီးဆဲဗင်း ရုပ်ရှင်ထုတ်လုပ်ရေးက ရိုက်ကူးထုတ်လုပ်သည့် သရဲချော ရုပ်ရှင်ဇာတ်ကားကို ဇွန် ၆ ရက်မှစတင်ကာ နိုင်ငံတစ်ဝန်း အဆင့်မြင့်ရုပ်ရှင်ရုံများတွင် ရုံတင်ပြသမည်ဖြစ်ကြောင်း အဆိုပါ ရုပ်ရှင်ဇာတ်ကားတွင် အဓိက သရုပ်ဆောင်အဖြစ် ပါဝင်ထားသူ ရွှေထူးက ပြောပြ၍ သိရသည်။သရဲချော ရုပ်ရှင်ဇာတ်ကား၏ ဇာတ်လမ်းကို ညာလက်တော်က ရေးသားထားပြီး မင်းကိုစိုး(နတ်သံကွင်း) က ဇာတ်ညွှန်းရေးသားထားက ဒါရိုက်တာ ကိုဇော် (အရုဏ်ဦး) က လက်ကီးဆဲဗင်း ရုပ်ရှင်ထုတ်လုပ်ရေးအတွက် တာဝန်ယူ ပုံဖော်ရိုက်ကူးထားကြောင်း သိရသည်။“ကျွန်တော့်ကို ဒီဇာတ်ကားမှာ ဦးခင်လှိုင်နဲ့ သွက်လက်တို့ရဲ့ ပံ့ပိုးပေးမှုကြောင့် ဟာသကာရိုက်တာလေး ကြည့်ရမှာပါ။ ဒီဇာတ်ကားရိုက်ချိန် အမှတ်တရတွေများပါတယ်။ ဦးခင်လှိုင်နဲ့ သွက်လက်အတွဲရယ် မသုတို့နဲ့ တီဂွမ်းအချိတ်အဆက်မိမိလေး သရုပ်ဆောင်ထားတာ ကြည့်လို့ကောင်းတယ်။ ဟာသကားဆိုပေမဲ့ အချစ်ဇာတ်လေးလဲပါသလို နောက်ပိုင်းလေးမှာ ဒရာမာလေးနဲ့ ပရိသတ်ရင်ထဲရောက်အောင် ခံစားရမှာလေးတွေ ပါတယ်” ဟု အဆိုပါ ရုပ်ရှင်ဇာတ်ကားတွင် အဓိက သရုပ်ဆောင်အဖြစ် ပါဝင်ထားသူ ရွှေထူးက ပြောပြသည်။အဆိုပါ သရဲချောရုပ်ရှင်ဇာတ်ကားတွင် သရုပ်ဆောင်များအဖြစ် ရွှေထူး၊ ခင်လှိုင်၊ သွက်လက်၊ ခင်ဝင့်ဝါ၊ တက္ကသိုလ်ဂွမ်းပုံ၊ သုသု၊ စုရှိုင်းနှင့် သရုပ်ဆောင်များစွာ ပါဝင်ထားကြောင်း သိရသည်။Source: ရတနာပုံသတင်းစာ
Fri, 6-Jun-2025
ဂိုဏ်းဖွဲ့ရာဇဝတ်မှု ကျူးလွန်သူများက ဗြိတိန်အခွန်နှင့် အကောက်ခွန်ဌာနမှ စတာလင်ပေါင် ၄၇ သန်းကို ခိုးယူ
ဂိုဏ်းဖွဲ့ရာဇဝတ်မှု ကျူးလွန်သူများက ဗြိတိန်အခွန်နှင့် အကောက်ခွန်ဌာနမှ စတာလင်ပေါင် ၄၇ သန်းကို ခိုးယူ
ဂိုဏ်းဖွဲ့ရာဇဝတ်မှု ကျူးလွန်သူများသည် ဗြိတိန်နိုင်ငံ အခွန်နှင့် အကောက်ခွန်ဌာန (HMRC) မှ စတာလင်ပေါင် ၄၇ သန်း (ဒေါ်လာ ၆၄ သန်း) ကို ခိုးယူသွားခဲ့ကြောင်း သိရသည်။ရာဇဝတ်မှုကျူးလွန်သူများသည်  လူပေါင်း ၁၀၀၀၀၀ ကျော်ထံသို့ အီးမေးနှင့် မက်ဆေ့များပေးပို့၍ ၎င်းတို့၏ ကိုယ်ရေး အချက်အလက်များနှင့် စာရင်းများကို ခိုးယူ၍ ငွေများကို လိမ်ညာထုတ်ယူ သွားခြင်းဖြစ်ကြောင်း HMRC မှ ဒုတိယ ညွှန်ကြားရေးမှူး   အိန်ဂျဲလာ မက်ဒေါ်နယ် မက်ဒေါ်နယ်က ပြောသည်။ပြစ်မှုကျူးလွန်သူများသည် ငွေကြေးများကို  သုံးကြိမ် ထုတ်ယူသွားခြင်းဖြစ်ပြီး အဆိုပါဖြစ်စဉ်သည် ပြီးခဲ့သည့်နှစ်က ဖြစ်ပွားခဲ့ခြင်းဖြစ်ကြောင်း သတင်းဌာနကြီးတစ်ခုက  ဇွန်လ ၄ ရက်တွင် ဖော်ပြထားသည်။ငွေကြေးများကို  ခိုးယူသွားခဲ့သူများသည် HMRC မှ ပြည်သူများ၏  ကိုယ်ရေးအချက် အလက်များကို ရယူနိုင်ရန်အတွက် အီးမေးနှင့် မက်ဆေ့များပေးပို့၍ လိမ်ညာသည့်နည်းလမ်း ကို အသုံးပြုခဲ့ခြင်းဖြစ်ကြောင်း သိရသည်။နယ်သာလန်နိုင်ငံတွင်လည်း ထိုကဲ့သို့သော ဖြစ်စဉ်မျိုးဖြစ်ပွားခဲ့ကြောင်း ယင်းနိုင်ငံမှ ပြည်ထဲရေးဝန်ကြီးဌာန၏ ပြောကြားချက်ကို ကိုးကား၍ BNR ရေဒီယို အသံလွှင့်ဌာနက ဖော်ပြခဲ့ကြောင်း  သိရသည်။MWD Web Portal
Fri, 6-Jun-2025
၂ဝ၂၅ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြား , ၂ဝ၂၅ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြား
၂ဝ၂၅ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြား
နေပြည်တော် ဇွန် ၅၂၀၂၅ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနားကို ယနေ့နံနက်ပိုင်းတွင် နေပြည်တော်ရှိ ရေဆင်းသစ်တောနှင့်ပတ်ဝန်းကျင်ဆိုင်ရာတက္ကသိုလ်၌ ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြားသည်။အခမ်းအနားသို့ ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များ၊ ပြည်ထောင်စုဝန်ကြီးများ၊ ပြည်ထောင်စုအဆင့်ပုဂ္ဂိုလ်များ၊ နေပြည်တော်ကောင်စီဥက္ကဋ္ဌ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ ဌာနဆိုင်ရာတာဝန်ရှိသူများ၊ ဖိတ်ကြားထားသူများ၊ ဆုရရှိကြသူများ၊ သစ်တောနှင့် ပတ်ဝန်းကျင်ဆိုင်ရာတက္ကသိုလ်နှင့် အခြေခံပညာအထက်တန်းကျောင်းမှ ကျောင်းသား၊ ကျောင်းသူများနှင့် တာဝန်ရှိသူများတက်ရောက်ကြသည်။ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က အမှာစကားပြောကြားရာတွင် မိမိတို့နိုင်ငံအပါအဝင် ကမ္ဘာ့နိုင်ငံများအားလုံး၏ပတ်ဝန်းကျင်ဆိုင်ရာပြဿနာများကို ဝိုင်းဝန်းဖြေရှင်းဆောင်ရွက်လာကြစေရန်အတွက် ၁၉၇၂ ခုနှစ်တွင် ကျင်းပခဲ့သည့် ကုလသမဂ္ဂအထွေထွေညီလာခံက ဇွန်လ (၅)ရက်နေ့ကို ကမ္ဘာ့ပတ်ဝန်းကျင်ထိန်းသိမ်းရေးနေ့အဖြစ် သတ်မှတ်ခဲ့ပြီး ၁၉၇၃ ခုနှစ်မှစ၍ ကမ္ဘာ့နိုင်ငံအသီးသီးတွင် နှစ်စဉ်ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနားများကို ကျင်းပခဲ့ခြင်းဖြစ်ကြောင်း။အပြည့်အစုံဖတ်ရှုရန်- https://www.moi.gov.mm/news/70754
Fri, 6-Jun-2025
india
အိန္ဒိယနိုင်ငံတောင်ပိုင်းတွင် လူအုပ်ပြိုကျ အနည်းဆုံး၁၁ ဦး သေဆုံး
အိန္ဒိယနိုင်ငံတောင်ပိုင်း ဘန်ဂါလူရူမြို့ရှိ ခရစ်ကက်ကစားကွင်းတစ်ခု၏ အပြင် ဘက်တွင် ဇွန်လ ၄ရက်က လူအုပ်ပြိုကျမှုဖြစ်ပွားရာ အနည်းဆုံးလူ ၁၁ ဦးသေဆုံးပြီး ၅၀ ဦးဒဏ်ရာရရှိခဲ့ကြောင်းသိရသည်။အဆိုပါဖြစ်စဉ်သည် M. Chinnaswamy ကစားကွင်းပြင်ပ၌ အားပေးသူထောင်ပေါင်း များစွာက အောင်ပွဲရ ခရစ်ကက်အသင်းအား အားပေးထောက်ခံနေစဉ် ဖြစ်ပွားခြင်း ဖြစ်ပြီး အားပေးသူ ပရိသတ်များက အလုအယက်တိုးဝှေ့ရာမှ လူအုပ်ပြိုကျမှုဖြစ်ပွား ခြင်းဖြစ်ကြောင်းသိရသည်။Ref: Xinhua, AbcPhoto - Aljazzera
Thu, 5-Jun-2025
ဘိုင်ကိုနောအာကာသစခန်းကို အသုံးပြုနိုင်ရေးက အဓိကဦးစားပေး ကိစ္စရပ်ဖြစ်ဟု ဗလာဒီမာပူတင်ပြော
ဘိုင်ကိုနောအာကာသစခန်းကို အသုံးပြုနိုင်ရေးက အဓိကဦးစားပေး ကိစ္စရပ်ဖြစ်ဟု ဗလာဒီမာပူတင်ပြော
ကာဇက်စတန်ရှိ ဘိုင်ကိုနော အာကာသစခန်းကို အသုံးပြုနိုင်ရေးသည် အဓိကဦးစားပေးကိစ္စရပ်ဖြစ်ကြောင်း  သမ္မတဗလာဒီမာပူတင်က ယခုရက်သတ္တပတ် အတွင်းကျင်းပသည့်  (၇၀) ကြိမ်မြောက် အာကာသစခန်း နှစ်ပတ်လည်အခမ်းအနား တွင် ပြောကြားသည်။ရုရှားနိုင်ငံအနေဖြင့်   ကာဇက်စတန်နိုင်ငံတွင် တည်ရှိသည့် ဘိုင်ကိုနော အာကာသစခန်း တိုးတက်ဖွံ့ဖြိုးရေးနှင့် ၎င်းစခန်းအား ဆက်လက် အသုံးပြုနိုင်ရေးအတွက် အဓိကဦးစားပေး အဖြစ် လုပ်ဆောင်မည်ဖြစ်ပြီး အဆိုပါ အာကာသ စခန်းသည် ယခုအခါ ကမ္ဘာပေါ်ရှိ အကြီးမားဆုံးနှင့် တိုးတက်မှုအရှိဆုံး အာကာသစင်တာများအနက်  တစ်ခုအပါအဝင် ဖြစ်ကြောင်း ပူတင်က ဆက်လက်ပြောကြားသည်။အဆိုပါအာကာသစခန်းတွင် အမှုထမ်းနေသည့် အမှုထမ်းအရေအတွက်သည် ၇၀၀၀ ခန့်ရှိပြီး ယင်းအာကာသစခန်းသည် ရုရှားနိုင်ငံ၏ အာကာသအစီအစဉ်များ အတွက် အလွန်အရေးပါသည့်  စင်တာတစ်ခုဖြစ်သည်။ရုရှားနိုင်ငံသည် ဘိုင်ကိုနောအာကာသ စခန်းကို အသုံးပြု၍ အာကာသယာဉ်လွှတ် တင်မှုအကြိမ်ပေါင်း ၂၅၀၀ လုပ်ဆောင်ခဲ့ပြီး  ပတ်လမ်းအတွင်းသို့    အာကာသယာဉ်မှူး ၂၀၀ ကျော်ကို ပို့ဆောင်ခဲ့ပြီး ဖြစ်သည်။ထို့ပြင် အဆိုပါ အာကာသစခန်းမှ တစ်ဆင့် အခြားနိုင်ငံများကလည်း ၎င်းတို့၏ အာကာသယာဉ် အများအပြားကို လွှတ်တင်ခဲ့သည့်အပြင် နိုင်ငံတကာမှ သိပ္ပံ ပညာရှင်များကလည်း သုတေသန လုပ်ငန်းများကို လုပ်ဆောင်လျက် ရှိသည်။MWD Web Portal
Thu, 5-Jun-2025
© Copyright 2024 SAC All Rights Reserved.