အမေရိကန်သမ္မတ ဒေါ်နယ်ထရမ့်အစိုးရသည် ယခင်သမ္မတ ဘိုင်ဒင်က ကိယက်ဗ်ကို ကတိပေးခဲ့သည့် များစွာသောစစ်ရေးအကူအညီများကို အရှေ့အလယ်ပိုင်းဒေသရှိ အမေရိကန်တပ်ဖွဲ့များထံသို့ လွှဲပြောင်း ပို့ဆောင်ခဲ့သည်ဟု ယူကရိန်းခေါင်းဆောင် ဗလာဒီမာ ဇီလန်စကီးက ABC သတင်းဌာနသို့ ပြောကြားခဲ့ပါသည်။ ရုရှား၏ တာဝေးပစ် ဒုန်းကျည် များကို ကြားဖြတ်တိုက်ခိုက်နိုင်ရန်အတွက် အရေးတကြီးလိုအပ်နေသည့် လေကြောင်းရန်ကာကွယ်ရေးစနစ်သုံး ဒုံးကျည်အမြောက်အမြား ပါဝင်သည်ဟု ၎င်းက ဆိုပါသည်။

လာမည့် ၂၀၂၆ ခုနှစ်အတွင်း ကျင်းပပြုလုပ်မည့် အစိုးရသက်တမ်းဝက် ရွေးကောက်ပွဲအတွင်း အီလွန်မက် အနေဖြင့် အတိုက်အခံ ဒီမိုကရက်ပါတီကို ပံ့ပိုးကူညီမည်ဆိုပါက ၎င်းအနေဖြင့် ဆိုးရွားသည့် အကျိုးဆက် များနှင့် ရင်ဆိုင်ရလိမ့်မည်ဖြစ်ကြောင်း သမ္မတ ထရမ့်က ထုတ်ဖော်ပြောကြားခဲ့သည်။

ဂျပန်နိုင်ငံတောင်ပိုင်း၊ အိုကီနာဝါခရိုင် ၊ ရိုမီတန်ကျေးရွာရှိ အမေရိကန်စစ်အခြေစိုက်စခန်းတွင် ဇွန်လ ၉ ရက် (တနင်္လာနေ့)က ပေါက်ကွဲမှုဖြစ်ပွားခဲ့ရာ ဂျပန်ကိုယ်ပိုင်ကာကွယ်ရေးတပ်ဖွဲ့ဝင် ၄ ဦး ဒဏ်ရာရရှိခဲ့ပါသည်။ 

တရုတ်နိုင်ငံ သမ္မတ ရှီကျင့်ဖျင်နှင့် မြန်မာနိုင်ငံ အကြီးအကဲ မင်းအောင်လှိုင်တို့သည် နှစ်နိုင်ငံ သံတမန်ဆက်ဆံရေး ထူထောင်မှု ၇၅ နှစ်မြောက် အထိမ်းအမှတ် အခါသမယအတွက် ဇွန် ၈ ရက်၌ ဂုဏ်ယူဝမ်းမြောက်ကြောင်း သဝဏ်လွှာ အပြန်အလှန် ပေးပို့ခဲ့ကြသည်။ နှစ်နိုင်ငံ သံတမန် ဆက်ဆံရေး ထူထောင်ခဲ့ချိန်မှစ၍ လွန်ခဲ့သော ၇၅ နှစ်တာ ကာလအတွင်း တရုတ်နိုင်ငံနှင့် မြန်မာနိုင်ငံအကြား ဆွေမျိုးပေါက်ဖော် ချစ်ကြည်ရေးမှာ အချိန်ကာလ၏ စမ်းသပ်မှုကို ကြံ့ကြံ့ခံလျက် ပို၍ပင် ခိုင်မာ အားကောင်းလာခဲ့သည်ဟု ရှီ၏ သဝဏ်လွှာ၌ ဖော်ပြထားသည်။