အမေရိကန်သမ္မတဒေါ်နယ်ထရမ့်သည် ရုရှားသမ္မတဗလာဒီမာပူတင်နှင့် ယူကရိန်းသမ္မတဇီလန်စကီးတို့နှင့် တွေ့ဆုံရန် အချိန်လွန်စွာ နီးကပ်နေပြီဖြစ်ကြောင်း အမေရိကန် အိမ်ဖြူတော် ပြောခွင့်ရပုဂ္ဂိုလ် (သတင်းထုတ်ပြန်ရေးအဖွဲ့အတွင်းရေးမှူး) Karoline Leavitt က ဖေဖော်ဝါရီ ၂၄ ရက်တွင် ပြုလုပ်သည့် Fox News ၏ တီဗီအစီအစဉ်တစ်ခုတွင် ပြောကြားသွားပါသည်။
လာမည့် မေလ ၉ ရက်တွင် မော်စကိုသို့ သွားရောက်ရန် စောလွန်းနေသေးသည်ဟု အမေရိကန်သမ္မတဒေါ်နယ်ထရမ့်က ပြောကြားခဲ့ကြောင်း ရိုက်တာသတင်းဌာနက ဖော်ပြထားပါသည်။
သင့်တော်သောအချိန်၌ ရုရှားနိုင်ငံသို့ သွားရောက်ရန်ဆန္ဒရှိကြောင်း ၎င်းက ထပ်မံပြောကြားထားကြောင်း အဆိုပါသတင်းဌာန ဖော်ပြချက်အရ သိရပါသည်။
ဇီလန်စကီးသည် သမ္မတအဖြစ် တာဝန်ထမ်းဆောင်ခွင့်ကာလ ကုန်ဆုံးခဲ့သော်လည်း စစ်အုပ်ချုပ်ရေးဥပဒေပြဋ္ဌာန်းကာ ဆက်လက်အုပ်ချုပ်နေခဲ့မှုအပေါ် ထောက်ခံကြောင်း ပဋိပက္ခ နှစ်ပတ်လည် ၃ နှစ်ပြည့် အစီအစဉ်သို့ EU တာဝန်ရှိသူများရောက်ရှိနေစဉ် လွှတ်တော်၌ ပထမအကြိမ် မဲခွဲမှုတွင် မအောင်မြင်ခဲ့ကြောင်း သိရှိရသည်။
ဒေါ်နယ်ထရမ့်ကလည်း “ရွေးကောက်ပွဲမရှိဘဲ အာဏာရယူထားသူ” ဟု ပြောဆိုခဲ့ပြီး ဇီလန်စကီးအနေဖြင့် ချမှတ်ထားသော နည်းဥပဒေများအတိုင်းဆောင်ရွက်ခြင်းမရှိပါက နိုင်ငံမဲ့ ဖြစ်သွားနိုင်သည်ဟု ပြင်းထန်စွာ မှတ်ချက်ပေးထားသည်။
ရွှေ့ပြောင်းအခြေချနေထိုင်သူများ ခိုလှုံရာနေရာအဖြစ် Manhattan ဧရိယာ၏ အလယ်၌ ဖွင့်လှစ်ထားသည့် Roosevelt Hotel ဟိုတယ်ကို မကြာမီ ပိတ်သိမ်းသွားမည်ဖြစ်ကြောင်းနယူးယောက်မြို့တော်ဝန် Eric Adams က ဖေဖော်ဝါရီ ၂၄ ရက်နေ့တွင် ကြေညာခဲ့ပါသည်။
တောင်အမေရိကနှင့် အခြားဒေသများမှ ရောက်ရှိလာသည့် ရွှေ့ပြောင်းအခြေချနေထိုင်သူများ တိုးမြင့်လာခဲ့ရာ ၎င်းတို့အတွက် အဆိုပါ ဟိုတယ်ကို ၂၀၂၃ ခုနှစ်၊ မေလတွင် ပြန်လည်မွမ်းမံပြီး ခိုလှုံရာနေရာအဖြစ် ဘိုင်ဒင် အစိုးရက ဖွင့်လှစ်ပေးခဲ့ခြင်းဖြစ်သည်။