အလုပ်တွင်ထိခိုက်မှုကြောင့် သေဆုံးသည့်အခါ အာမခံထားသူ အလုပ်တွင်ထိခိုက်မှုမဖြစ်မီ ပေးသွင်းခဲ့သော (၄) လ အတွင်း ရရှိသည့် ပျှမ်းမျှလုပ်ခအပေါ်မူတည်၍ ဥပဒေပုဒ်မ  ၆၂ နှင့်အညီ အောက်ပါအတိုင်း ခံစားခွင့်ရှိပါသည်-
(က)     ထည့်ဝင်ကြေးငွေကို (၅) နှစ်နှင့် အောက်ပေးသွင်းထားပါက ပျမ်းမျှလုပ်ခ၏ ၃၀ဆ၊ (ဥပဒေကို အကောင် အထည်ဖော်ပြီး ၅ နှစ် ထိ)၊
(ခ)     ထည့်ဝင်ကြေးငွေကို (၅) နှစ်အထက် မှ (၁၀) နှစ်အထိ ပေးသွင်းထားပါက ပျမ်းမျှလုပ်ခ၏  ၅၀ ဆ၊

အလုပ်တွင်ထိခိုက်ပြီး အလုပ်လုပ်နိုင်သည့် အင်အားတစ်စိတ်တစ်ဒေသဖြစ်စေ၊ လုံးဝ ဖြစ်စေ ဆုံးရှုံးခဲ့လျှင် အမြဲတမ်းမသန်စွမ်းမှု အကျိုးခံစားခွင့်ကို  သတ်မှတ်ချက်နှင့်အညီ ခံစားခွင့်ရရှိရေးအတွက် အောက်ပါအထောက်အထားများဖြင့်တင်ပြရပါမည်-
(က)  အလုပ်တွင်ထိခိုက်မှုကြောင့်ဖြစ်ပေါ်သည့် အမြဲတမ်းမသန်စွမ်းမှု မှန်ကန်ကြောင်း ရုံးခွဲတာဝန်ခံ၊ စစ်ဆေးရေးမှူး၊ ဆေးဘက်ဆိုင်ရာတာဝန်ရှိသူတို့က       စစ်ဆေးအတည်ပြုထားသည့် အတည်ပြုချက်၊

လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦး အမြဲတမ်းမသန်စွမ်းမှုဖြစ်ပွားပါက ဒဏ်ရာ ပျောက်ကင်းသည်အထိ  ဆေးကုသမှုအကျိုးခံစားခွင့်ရှိသည့်အပြင် အလုပ်တွင် ထိခိုက်မှုမဖြစ်မီ လေးလအတွင်း ပျမ်းမျှလုပ်ခ၏ ၇၀% ကို အခြေပြု၍ အမြဲတမ်း လုပ်အားဆုံးရှုံးမှု ရာခိုင်နှုန်း သတ်မှတ်ချက်အရ-
(က)     လုပ်အားဆုံးရှုံးမှု ၂၀% နှင့်အောက်ဖြစ်ပါက (၅)နှစ်နှင့် ညီမျှသော ငွေကြေးခံစားခွင့်၊
(ခ)  လုပ်အားဆုံးရှုံးမှု ၂၀% အထက်မှ ၇၅% ထိ ဖြစ်ပါက လစဉ်ပင်စင် သို့မဟုတ် (၇)နှစ်နှင့်ညီမျှသော ငွေကြေးခံစားခွင့်၊

အလုပ်တွင်ထိခိုက်ပြီး ယာယီမသန်စွမ်းမှုဖြစ်၍ အလုပ်မလုပ်နိုင်လျှင် ယာယီမသန်စွမ်းမှုအကျိုးခံစားခွင့်ကို သတ်မှတ်ချက်နှင့်အညီ ခံစားခွင့်ရရှိရေးအတွက် အောက်ပါအထောက်အထားနှင့်တကွတင်ပြရန် လိုအပ်ပါသည်-
(က)     အလုပ်ရှင်၏ အကြောင်းကြားစာ၊
(ခ)  ရုံးခွဲတာဝန်ခံ၊ စစ်ဆေးရေးမှူး၊ ဆေးဘက်ဆိုင်ရာတာဝန်ရှိသူနှင့် လိုအပ်လျှင်   အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာနမှ တာဝန်ရှိသူတို့၏ အလုပ်တွင်ထိခိုက်မှုဖြစ်သည်ကို  စစ်ဆေးအတည်ပြု ထားသည့် အတည်ပြုချက်၊
(ဂ)  ယာယီမသန်စွမ်းမှု အကျိုးခံစားခွင့်တောင်းဆိုလွှာ၊