ပေကျင်း ဇွန် ၂၄
တရုတ်နိုင်ငံတောင်ပိုင်း ကွမ်ရှီးကျန်းကိုယ်ပိုင်အုပ်ချုပ်ခွင့်ရဒေသတွင် မိုးသည်းထန်စွာရွာသွန်းကာ ရေကြီးရေလျှံမှုကြောင့် လူဦးရေ ၄၃၀ ကျော်ကို ဇွန် ၂၃ ရက်က ဘေးလွတ်ရာ ရွှေ့ပြောင်းပေးနိုင်ခဲ့ကြောင်း ယနေ့သတင်းများအရ သိရသည်။
ဂါဇာတွင် အကျဉ်းချထားခံရသူများ ပြန်လည်ရရှိရေး ကြိုးပမ်းနေသော အဖွဲ့တစ်ဖွဲ့က အစ္စရေး-အီရန် စစ်ရပ်စဲရေးကို စစ်ဘေးဒဏ်ခံနေရသည့် ဂါဇာဒေသအထိ ချဲ့ထွင်ရန် တောင်းဆိုလိုက်သည်။
“အီရန်နှင့် စစ်ရပ်စဲရေး ဆွေးနွေးနိုင်သူများသည် ဂါဇာစစ်ပွဲကိုလည်း အဆုံးသတ်နိုင်စွမ်းရှိပါသည်” ဟု “Hostages and Missing Families Forum” အဖွဲ့က အင်္ဂါနေ့ (ဇွန် ၂၄) ထုတ်ပြန်ချက်တွင် ဖော်ပြခဲ့သည်။
အစ္စရေးသည် အီရန်တွင် စစ်ရေးအောင်မြင်မှုများရရှိပြီးနောက် အမေရိကန် သမ္မတ ဒေါ်နယ်ထရမ့်၏ စစ်ရပ်စဲရေးအဆိုကို သဘောတူညီကြောင်း ဝန်ကြီးချုပ် ဘင်ဂျမင် နေတန်ယာဟု အစိုးရ၏ ထုတ်ပြန်ချက်တွင် ဖော်ပြ ခဲ့သည်။
စစ်ရပ်စဲရေးနှင့်ပတ်သက်သည့် အစ္စရေး၏ ပထမဆုံး တရားဝင် ထုတ်ပြန်ချက် အရ အီရန်ကို နှစ်ပတ်နီးပါး တိုက်ခိုက်မှုများပြုလုပ်ပြီးနောက် အစ္စရေး သည် ၎င်း၏ရည်မှန်းချက်အားလုံးကို အောင်မြင်စွာ လုပ်ဆောင်နိုင်ခဲ့ပြီး ထို့ထက်ပိုမိုကျော်လွန်သွားကြောင်း ဖော်ပြထားသည်။
ဖနွမ်းပင် ဇွန် ၂၄
ကမ္ဘောဒီးယားနိုင်ငံ ကမ်းခြေဒေသများဖြစ်သည့် ဖရဲသီဟာနု ပြည်နယ်နှင့် ကော့ကုံးပြည်နယ်တို့တွင် မိုးသည်းထန်စွာရွာသွန်းကာ ရေကြီးရေလျှံမှုဖြစ်ပေါ်နေမှုကြောင့် ဇွန် ၂၃ ရက်က မြေပြိုကျကာ ဒေသခံနှစ်ဦး ပျောက်ဆုံးနေကြောင်း ကမ္ဘောဒီးယား အာဏာပိုင်အဖွဲ့အစည်းက ထုတ် ပြန်ခဲ့သည်ဟု ယနေ့သတင်းများ တွင် ဖော်ပြထားသည်။