ညောင်တုန်း ဇွန် ၂၄
ဧရာဝတီတိုင်းဒေသကြီး ပန်းတနော်မြို့နယ်တွင် ဒေသထွက် တိုင်ထောင်ပဲသီးများ အရောင်းအဝယ်ကောင်းမွန်နေကြောင်း ညောင်တုန်းမြို့နယ်မှ ကုန်စိမ်းရောင်းဝယ်ရေး ပွဲရုံပိုင်ရှင် ဒေါ်ညိုညို က ပြောပြသည်။
ရန်ကုန် ဇွန် ၂၄
3 H Arts Production က ရိုက်ကူးထုတ်လုပ်သည့် ၂ ညအိပ် ၃ ရက် ရုပ်ရှင်ဇာတ်ကားကို ဩဂုတ်လအတွင်း နိုင်ငံတစ်ဝန်းရှိ ရုပ်ရှင်ရုံများတွင် ရုံတင်ပြသသွားမည်ဖြစ်ကြောင်း အဆိုပါ ရုပ်ရှင်ဇာတ်ကားကို တာဝန်ယူပုံဖော်ရိုက်ကူးထားသူ ဒါရိုက်တာ အောင်ချမ်းလူ ထံမှ သိရသည်။
အဆိုပါ ၂ ညအိပ် ၃ ရက် ရုပ်ရှင်ဇာတ်ကား၏ ဝတ္ထုဇာတ်လမ်းကို ဒါရိုက်တာ အောင်ချမ်းလူ က ခံစားရေးဖွဲ့ထားပြီး ဒါရိုက်တာ အောင်ချမ်းလူ ကပင် 3 H Arts Production အတွက် တာဝန်ယူပုံဖော် ရိုက်ကူးပေးထားခြင်းဖြစ်ကြောင်း သိရသည်။
ပေကျင်း ဇွန် ၂၄
နားဖာချေးအတွင်းပါဝင်သည့် ဓာတုပစ္စည်းများကို စစ်ဆေးတိုင်းတာခြင်းဖြင့် ပါကင်ဆန်ရောဂါကို ဖော်ထုတ်ပေးနိုင်ဖွယ်ရှိကြောင်း ဇွန် ၂၃ ရက် သတင်းများအရ သိရသည်။
တရုတ် သုတေသနပညာရှင်များ၏ အဆိုအရ ပါကင်ဆန်ရောဂါလူနာများ၏ နားဖာချေးနှင့် ၎င်း ရောဂါမရှိသူများ၏ နားဖာချေးများမှာ ဓာတုဖွဲ့စည်းပုံအရ ကွဲပြားခြားနားကြောင်း သိရသည်။
နယူးယောက် ဇွန် ၂၄
နေ့စဉ်သစ်သီးဝလံနှင့် ဟင်းသီးဟင်းရွက်ကို ငါးပွဲထိ စားသုံးပါက အိပ်မပျော်မှုပြဿနာ (Isom-nia) နှင့် ရင်ဆိုင်ရနိုင်ခြေကိုလျှော့ချပေးနိုင်ကြောင်း အမေရိကန် သုတေသနပညာရှင်များ၏ အဆိုကို ကိုးကား၍ ဇွန် ၂၃ ရက် သတင်းများအရ သိရသည်။
သစ်သီးဝလံနှင့် ဟင်းသီးဟင်းရွက်ကို နေ့စဉ် ငါးပွဲစားသုံးခြင်းဖြင့် ကျန်းမာရေးအရအကျိုးရှိပြီး နှလုံးရောဂါနှင့် ကင်ဆာရောဂါများ ဖြစ်နိုင်ခြေကို တားဆီးပေးနိုင်သည်ဟု အမေရိကန် ဆေးပညာရှင်များက လက်ခံထားကြပြီး ဖြစ်ကြောင်း သိရသည်။