NATO ၏ ချဲ့ထွင်မှုနှင့်ပတ်သက်၍ ရုရှား၏ ကာလရှည်ကြာ လုံခြုံရေးစိုးရိမ်မှုများသည် သင့်တင့်မျှတသည်ဟု အမေရိကန်သမ္မတ၏ အထူး ကိုယ်စားလှယ် Keith Kellogg က ABC သတင်းဌာနနှင့် အင်တာဗျူးတွင် ကြာသပတေးနေ့ (မေ ၂၉) က ပြောကြားခဲ့သည်။

မော်စကိုက NATO ခေါင်းဆောင်များအနေဖြင့် အထူးသဖြင့် ယူကရိန်း၊ မော်လ်ဒိုဗာနှင့် ဂျော်ဂျီယာတို့ကို အမေရိကန်ဦးဆောင်သော စစ်ရေး မဟာမိတ်အဖွဲ့အတွင်းသို့ ထည့်သွင်းခြင်းကို ရပ်တန့်ရန် စာဖြင့် ကတိပြု ထုတ်ပြန်ပေးရန် တောင်းဆိုနေကြောင်း သတင်းများနှင့်ပတ်သက်၍ မေးမြန်းခံရသည့်အခါ ၎င်းက ထိုသို့ပြန်လည်ဖြေကြားခဲ့သည်။

အမေရိကန်နှင့် အစ္စရေးတို့ ကျောထောက်နောက်ခံပြုထားသည့် အငြင်းပွားဖွယ် အကူအညီဖြန့်ဖြူးရေး ယန္တရားသစ်စတင်ချိန်၌ ဂါဇာတွင် အကူအညီဖြန့်ဖြူးမှုများ ကစဉ့်ကလျားဖြစ်လာသည်နှင့်အမျှ အစ္စရေး အပေါ် နိုင်ငံတကာဖိအား မြင့်တက်လာနေသည်။

ပါလက်စတိုင်း ကျန်းမာရေးဝန်ကြီးဌာန၏ ထုတ်ပြန်ချက်အရ ယခု သီတင်းပတ်အစောပိုင်းတွင် အကူအညီဖြန့်ဖြူးရေးနေရာများ ဖွင့်လှစ်ချိန်မှစ၍ ဂါဇာတောင်ပိုင်းရှိ အကူအညီစုဆောင်းရာနေရာများသို့ အရှိန် အဟုန်ဖြင့်စုဝေးရောက်ရှိလာသော ပြည်သူများကြောင့် လူ ၁၁ ဦး သေဆုံးပြီး ဒါဇင်နှင့်ချီဒဏ်ရာရရှိခဲ့သည်။

တရုတ်ပါရာဂလိုက်ဒါ ပန်းယူကျန့် သည် စနေနေ့ (မေ ၂၄) က ကီလီယန်း (Qilian)တောင်တန်း (Gansu ပြည်နယ်) အထက် ရုတ်တရက် ပြင်းထန်သော လေပြင်းတိုက်ခတ်မှုကြောင့် မိုးကုပ်စက်ဝိုင်းနီးပါးအထိ မတော်တဆ ပျံတက်သွားခဲ့သော်လည်း အသက်ဘေးမှ လွတ်မြောက်ကာ ကံကောင်းစွာ မြေပြင်သို့ ပြန်လည်ရောက်ရှိခဲ့သည်။

သတင်းများအရ ၎င်းသည် အောက်ဆီဂျင်မပါဘဲ ၈,၅၉၈ မီတာ (ပေ ၂၈,၂၀၈ ခန့်) အမြင့်အထိ ပျံသန်းခဲ့ရသည်။ တရုတ်အစိုးရမီဒီယာများမှ ဖြန့်ဝေသည့် အပျော်တမ်းဗီဒီယိုတွင် ပန်းယူကျန့်၏ မျက်နှာနှင့် အဝတ်အစားများ ရေခဲများဖြင့် ဖုံးလွှမ်းနေပြီး တိမ်ထဲ၌ မျောပါနေပုံကို တွေ့ရသည်။

အစ္စရေးနိုင်ငံသည် သိမ်းပိုက်ထားသော အနောက်ဘက်ကမ်းခြေဒေသရှိ ဂျူးအခြေချနေထိုင်မှုများကို အကြီးမားဆုံးချဲ့ထွင်ရန် ယခုသီတင်းပတ်အတွင်း အတည်ပြုလိုက်ပြီး အဆိုပါလုပ်ရပ်ကို ၎င်းဒေသ၏ အမှန်တကယ် သိမ်းပိုက်မှုကို ဆက်လက်လုပ်ဆောင်ခြင်းဟု ဖော်ပြထားသည်။ 

အခြေချနေထိုင်မှုများကို ခြေရာခံသော အစ္စရေး အစိုးရမဟုတ်သော အဖွဲ့အစည်းဖြစ်သည့် Peace Now က ဤသည်မှာ လွန်ခဲ့သော နှစ် ၃၀ ကျော်က Oslo သဘောတူညီချက် လက်မှတ်ရေးထိုးပြီးနောက် အကြီးမားဆုံး အခြေချနေထိုင်မှု ချဲ့ထွင်မှုဖြစ်ကြောင်း ပြောကြားခဲ့သည်။