တရုတ်နိုင်ငံအနေဖြင့် ရာသီဥတုပြောင်းလဲမှုဆိုင်ရာ စိန်ခေါ်မှုများကို ရင်ဆိုင်ဖြေရှင်းရန် ပစိဖိတ်ကျွန်းနိုင်ငံများအား ဆက်လက် ထောက်ပံ့မည်ဟု ကတိပြုခဲ့သည်။ ထို့ပြင် တရုတ်နိုင်ငံသည် ပစိဖိတ်ဒေသအပေါ် ၎င်း၏ ဩဇာလွှမ်းမိုးမှုကို တိုးမြှင့်ရန် ရည်ရွယ်ထားပြီး ကမ္ဘာကြီး ပူနွေးလာမှု အပေါ် အလေးထားဆောင်ရွက်မည်ဖြစ်ကြောင်း ပြောကြားထားသည်။

မြောက်ကိုရီးယားအပေါ် ချမှတ်ထားသည့် ဒဏ်ခတ်ပိတ်ဆို့မှုများအား စောင့်ကြည့်လေ့လာရေးအဖွဲ့ (Multilateral Sanctions Monitoring Team) က မြောက်ကိုရီးယားသည် ပြီးခဲ့သည့်နှစ်တွင် ရုရှားသို့ အနည်းဆုံး ဒုံးလက်နက် အစင်းရေ ၁၀၀ ကို တရားမဝင် လွှဲပြောင်းပေးခဲ့သည်ဟု ဆိုသည်။ 

သီလဝါအထူးစီးပွားရေးဇုန်စီမံခန့်ခွဲမှုကော်မတီ၏ ထုတ်ပြန်ချက်အရ ဇုန်အတွင်းလုပ်ငန်း လည်ပတ်လျက်ရှိသော စီးပွားရေးလုပ်ငန်းများမှ ၂၀၂၄ ခုနှစ်တွင် အမေရိကန်ဒေါ်လာ မီလီယံ ၂၀၀ တန်ဖိုးရှိ ကုန်ပစ္စည်းများကို တင်ပို့နိုင်ခဲ့ကြောင်း သိရှိရပါသည်။ အဆိုပါ ပို့ကုန် ပမာဏမှာ အမြင့်မားဆုံး တင်ပို့နိုင်မှုအဖြစ် မှတ်တမ်းဝင်ခဲ့ပါသည်။ 

ထို့အပြင် ၂၀၂၅ ခုနှစ်တွင် သီလဝါအထူးစီးပွားရေးဇုန်အတွင်း လုပ်ငန်း လည်ပတ်ဆောင်ရွက် ရန် နိုင်ငံခြားရင်းနှီးမြှုပ်နှံမှုစီမံကိန်းအသစ်နှစ်ခု၏ အဆိုပြုလွှာများကိုလည်း လက်ခံရရှိထားပြီ ဖြစ်ကြောင်း သိရှိရပါသည်။

အပြည်ပြည်ဆိုင်ရာ စောင့်ကြည့်ရေးအဖွဲ့၏ လတ်တလော အစီရင်ခံစာတွင် မြောက်ကိုရီးယားသည် လွန်ခဲ့သော တစ်နှစ်အတွင်း ရုရှားသို့ စစ်သည်များနှင့် ဒုံးကျည်၊ ဒုံးပျံများအပါအဝင် လက်နက်ခဲယမ်းသန်းချီ ပေးပို့ခဲ့ကြောင်း ဆိုသည်။ အဆိုပါအချက်သည် ပြုံယမ်းအနေဖြင့် ယူကရိန်း နိုင်ငံအား သုံးနှစ်ကြာ စစ်ပွဲဖြစ်ပွားစေရာတွင် ရုရှားကို မည်မျှအထိ ကူညီ ထောက်ပံ့ခဲ့ကြောင်း ရှင်းလင်းစွာ ညွှန်းဆိုနေသည်ဟု အဆိုပါ အစီရင်ခံ စာ၌ ဖော်ပြထားသည်။