ကုရာနတ္ထိဆေးမရှိတဲ့ AIDS ရောဂါကို ဖြစ်စေသော HIV ရောဂါပိုးဟာ အခုတော့ သိပ္ပံပညာရှင်များရဲ့   ဆန်းသစ်တီထွင်ဖန်တီးမှုကြောင့်  ချေမှုန်းခံရတော့မယ့်အခြေအနေဖြစ်လာပါပြီ။

MIT တက္ကသိုလ်မှသုတေသနပညာရှင်များက HIV ကာကွယ်ဆေးတစ်မျိုးကို ဖန်တီးလိုက်ပါတယ်။ အဲဒီကာကွယ်ဆေးကို    နှစ်ကြိမ်သာထိုးဖို့  လိုအပ်မှာပါ။ကာကွယ်ဆေးက နှစ်ကြိမ်တည်းထိုးရတယ်ဆိုပေမယ့် သမားရိုးကျကာကွယ်ဆေးလိုမျိုးပဲ  ခုနစ်ကြိမ်စာလောက်ကိုအာနိသင်ရှိတာပါ။

ပထမတစ်ကြိမ်က ကိုယ်ခံအားစနစ်ကိုအသင့်ပြင်ဆင်ပေးတာဖြစ်ပြီး ဒုတိယတစ်ကြိမ်မှာတော့ ပဋိပစ္စည်းတွေထွက်ရှိလာအောင် လှုံ့ဆော်ပေးတာပါ။ အခုစမ်းသပ်မှုကို ကြွက်တွေနဲ့လုပ်ဆောင်ထားတာဖြစ်ပြီး အောင်မြင်မှုရရှိထားပါတယ်။ ဆက်လက်ပြီး ပညာရှင်များက ဆေးတစ်ကြိမ်ထိုးရုံနဲ့အာနိသင်ရှိစေမယ့်နည်းကိုဖော်ဆောင်နေပါတယ်။        
Ref: IE

K.H

Source: Myawady Web Portal

တရုတ်နိုင်ငံမှ   ခွဲစိတ်ဆရာဝန်ကြီးတစ်ဦးက အဝေးရောက်ခွဲစိတ်မှုကြီးတစ်ခုကို အောင်မြင်စွာလုပ်ဆောင်နိုင်ခဲ့ပါတယ်။ အဲဒီခွဲစိတ်မှုကို မိုင် ၅၀၀၀ အဝေးကနေ လုပ်ဆောင်ခဲ့တာပါ။ လူနာက ပေကျင်း မှာရှိနေပြီး   ဆရာဝန်ကရောမမှာရှိနေခဲ့တာဖြစ်ပါတယ်။   ဒါက တကယ့်ကိုပဲ ကမ္ဘာ့ပထမဆုံးပါ။

တစ်ဖက်ကလူနာဆီမှာတော့ စက်ရုပ်နဲ့ပဲခွဲစိတ်မှုလုပ်တာဖြစ်ပေမယ့် အဲဒီစက်ရုပ်ကိုထိန်းချုပ်သူက ရောမမှာရှိနေတဲ့ ဆရာဝန်ပါ။ အခုလိုမျိုးလုပ်နိုင်ခြင်းက လည်း မြန်နှုန်းမြင့်မားလှတဲ့ 5G အင်တာနက်ကွန်ရက်စနစ်ကြောင့်ပါ။ ခွဲစိတ်မှုမှာတော့ ကင်ဆာလူနာဆီက ဆီးကျိတ်အနာကိုဖယ်ရှားနိုင်ခဲ့ပါတယ်။   
Ref: IE K.H

Source: Myawady Web Portal

ဂလက်စဂိုးနဲ့ တဲအဗစ်တက္ကသိုလ်တို့မှဦးစီးလုပ်ဆောင်တဲ့ သုတေသနတစ်ခု အရဆိုရင် Toxoplasma gondii အမည် ရှိ မျိုးရိုးဗီဇပြုပြင်ထားတဲ့ကပ်ပါးကောင် တစ်မျိုးက အယ်ဇိုင်းမားနဲ့ ပါကင်ဆန်တို့ လို အာရုံကြောချို့ယွင်းမှုရောဂါတွေကို ကုသပေးရာမှာ တစ်ခေတ်ဆန်းသစ်စေ နိုင်တယ်ဆိုတာ တွေ့ရှိထားပါတယ်။

အဲဒီကပ်ပါးကောင်မျိုးကို ကြောင်တွေ ရဲ့မစင်မှာ အများဆုံးတွေ့ရလေ့ရှိတယ် လို့  သုတေသီများက  ပြောပါတယ်။ဒီကပ်ပါးကောင်ရဲ့  ထူးခြားတဲ့စွမ်းရည်တစ်မျိုး က သွေးကြောနဲ့ဦးနှောက်ကြားခြားထားတဲ့အလွှာကို အောင်မြင်စွာကျော်လွှားဝင်ရောက်နိုင်ခြင်းပါပဲ။

ဒီလိုမျိုးစွမ်းဆောင်ရည်ကြောင့် ကုထုံး နဲ့သက်ဆိုင်တဲ့ ပရိုတင်းဓာတ်တွေကိုဦးနှောက်အတွင်းရှိ နျူရွန်တွေဆီရောက်ရှိ အောင် ပို့ဆောင်နိုင်စေတာဖြစ်ပါတယ်။ ဒါက ဦးနှောက်နဲ့သက်ဆိုင်တဲ့ရောဂါတွေ ကိုကုသမှုပေးရာမှာ အင်မတန်မှအရေး ကြီးတဲ့ကုသမှုတစ်ခုပါ။

လက်ရှိသုတေသနက စမ်းသပ်ဆဲမှာပဲရှိနေသေးပေမယ့် တကယ့်ကိုအာမခံချက်ပေးနိုင်တဲ့ အနေအထားရှိနေတာကိုလည်းတွေ့ရပါတယ်။ အခုသုတေသနမှာတော့ကြွက်တွေနဲ့စမ်းသပ်ထားတာဖြစ် သော်လည်း မကြာခင်မှာလူသားတွေနဲ့စမ်းသပ်နိုင်တော့မှာပါ။                        

Ref: IE

K.H

Source: Myawady Web Portal

တရုတ်နိုင်ငံက ကမ္ဘာ့ပထမဆုံးသော AI ဆေးရုံစိတ်ကူးကို ထုတ်ဖော်မိတ်ဆက်လိုက်ပါတယ်။ အဲဒီဆေးရုံမှာကုသမှုပေးမယ့်ဆရာဝန်တွေကလည်း သာမန်လူသားဆရာဝန်တွေမဟုတ်ပါဘူး။ စက်ရုပ်ဆရာဝန်တွေပါ။ ဒီစိတ်ကူးကို ထုတ်ဖော်မိတ်ဆက်လိုက်သူများကတော့ ပေကျင်းမြို့ရှိ ဆင်းဟွာတက္ကသိုလ်မှ သုတေသနပညာရှင်များပါ။

သူတို့ရဲ့စိတ်ကူးပုံဖော်မှုအရဆိုရင်တကယ့်ဆရာဝန်အစစ်တွေ၊ ဆေးကျောင်းသားတွေအနေနဲ့ တကယ့်လူနာတွေကို အသုံးပြုစရာမလိုဘဲ ရောဂါရှာဖွေစမ်းသပ်လေ့ကျင့်မှုတွေလည်း  လုပ်နိုင်မယ်လို့ဆိုပါတယ်။

လက်ရှိ စက်ရုပ်ဆရာဝန်တွေရဲ့စွမ်းဆောင်ရည်က အသက်ရှူလမ်းကြောင်းဆိုင်ရာရောဂါကုသရေးတွေမှာ ၉၃ ဒသမ ၀၆ ရာခိုင်နှုန်းအထိ တိကျမှုရှိနေပြီလို့ဆို ပါတယ်။                     

Ref: IE K.H

Source: Myawady Web Portal

ရုရှားသိပ္ပံပညာရှင်များသည် လာမည့်နှစ်တွင် ထွက်ရှိမည့် ကင်ဆာရောဂါကာကွယ်ဆေးအသစ်အတွက် အပြီးသတ်လုပ်ဆောင်နေကြောင်း ဂမီလီယာသုတေသနတက္ကသိုလ်၏ ကူးစက်ရောဂါနှင့် အဏုဇီဝဌာန အကြီးအကဲ အလက်ဇန်ဒါး ဂျင်ဘာဂ်က ပြောကြားလိုက်သည်။ ဂမီလီယာဌာနသည် ကိုဗစ်ကာကွယ်ဆေး Sputnik V ကို ၂၀၂၀ သြဂုတ်လက ဖန်တီးခဲ့ပြီး၊ ကမ္ဘာပေါ်တွင် ပထမဆုံး တီထွင်ခဲ့သော ကိုဗစ်ကာကွယ်ဆေးတစ်ခုဖြစ်သည်။

ဂျင်ဘာဂ်က တွေ့ဆုံမေးမြန်းခန်းတစ်ခုတွင် ကင်ဆာဆေးသွင်းခြင်း၏ အောင်မြင်မှုကို Covid ကာကွယ်ဆေးထိုးနည်းများအတိုင်း လျှင်မြန်စွာ ဖွံ့ဖြိုးတိုးတက်လာစေရန် ချိတ်ဆက်ပေးခဲ့ပြီး မူပိုင်ခွင့် ခုနစ်ခုကို ကုသပြီးကြောင်း ဆိုပါသည်။ 

ကာကွယ်ဆေးအသစ်ထုတ်လုပ်ခြင်းသည် အဆင့်ပေါင်းများစွာလုပ်ဆောင်ရသည့် လုပ်ငန်းစဉ်တစ်ခုဖြစ်သည်။ ဂျင်ဘာဂ်၏ အဆိုအရ Covid ကာကွယ်ဆေးများစွာကို အခြေခံထားသော mRNA နည်းပညာသည် ကြီးမားသည့် ကတိတစ်ခုဖြစ်ကြောင်း၊ သုတေသီများက ၂၀၂၂ ခုနှစ် နှစ်လယ်ခန့်တွင် စတင်သိရှိလာသောအခါ၌ ကင်ဆာကာကွယ်ဆေးအတွက် စတင်ခဲ့ခြင်းဖြစ်ကြောင်း၊ဆေးဝါးအသစ်သည် ကင်ဆာရောဂါရှိပြီးသောသူများကို ကုသရန်ကာကွယ်ဆေးဖြစ်ကြောင်း၊ ၎င်းသည်လူနာ၏ ကိုယ်ခံအားစနစ်မှ ကင်ဆာဆဲလ်များကို စတင်ဖျက်ဆီး စေမည်ဖြစ်ကြောင်း၊ ကာကွယ်ဆေးထိုးထားသူ၏ ကိုယ်ခန္ဓာတွင် ပေါ်လာသည့် Cytotoxic lymphocytes သို့မဟုတ် သွေးဖြူဥများကို အကျိတ်ဆဲလ်များ၏ မျက်နှာပြင်ပေါ်ရှိ Antigens များကို မှတ်မိစေနိုင်ကြောင်း၊ Cytotoxic lymphocytes များသည် Antigens များကို ရှာဖွေပြီး ခန္ဓာကိုယ်အနှံ့ ဖျက်ဆီးပေးမည် ဖြစ်ကြောင်း စသဖြင့် အကျယ်တဝင့် ရှင်းပြထားသည်။ 

“ဒီနည်းပညာက ကိုယ်ခံအားစနစ်ကို အသက်သွင်းရန်အတွက် လိုအပ်သည့် ပစ်မှတ်ပရိုတင်းဓာတ်ကို အလွန် မြင့်မားသည့် အာရုံစူးစိုက်မှုကို ထုတ်ပေးနိုင်ခြင်းကြောင့်ကိုယ်ခံအားစနစ်ကို လေ့ကျင့်ပေးရန် လိုအပ်သလိုကိုယ်ခံအားစနစ်နှင့် Antigens များကို ခွဲခြားသိမြင် နိုင်စေရန် လေ့ကျင့်ပေးရန် လိုအပ်သည့် အဆင့်များကို ကျော်လွန်စေသည့်အတွက် သိသာထင်ရှားသည့် အားသာချက်တစ်ခုလည်း ဖြစ်ကြောင်း” ၎င်းက ပြောကြားခဲ့ပါသည်။ 

ကာကွယ်ဆေးအသစ်သည် အကျိတ်နှစ်ခုတူညီခြင်းမရှိနိုင်သောကြောင့် လူနာတစ်ဦးစီအတွက် ဆေးဝါးတစ်ခုစီ ဖန်တီးမည်ဖြစ်ကြောင်း ဂျင်ဘာဂ်ရဲ့ အဆိုအရ သိရသည်။ သုတေသီများသည် မီလန်နိုမာ တိရစ္ဆာန် ပုံစံကိုအသုံးပြု၍ ကြွက်များကိုကုသရာတွင် ၎င်း၏ ထိရောက်မှုကို သရုပ်ပြနိုင်ခဲ့သည်။

လက်ရှိတွင် ၎င်းတို့သည် ဆဲလ်ငယ်မဟုတ်သော အဆုတ်ကင်ဆာအပါအဝင် အခြားသောကင်ဆာရောဂါများကို ကုသရန်အတွက် ပုံစံများကို တီထွင် ထုတ်လုပ် လျက်ရှိပြီး ၎င်းရောဂါများသည် သေဆုံးမှုနှုန်း အမြင့်မားဆုံး ကင်ဆာဖြစ်ကြောင်း အစီရင်ခံတင်ပြ ထားသည်။ ဤအမျိုးအစားသည် ခွဲစိတ်ကုသခြင်း၊ ဓာတ်ရောင်ခြည်ပေးခြင်း သို့မဟုတ် ဓာတုကုထုံးများ ကဲ့သို့သော ကင်ဆာရောဂါဆိုင်ရာ ရှိရင်းစွဲကုသမှု နည်းလမ်းများကို ကောင်းစွာ တုံ့ပြန်ခြင်းမရှိကြောင်းနှင့်  ပန်ကရိယကင်ဆာနှင့် အချို့သောကျောက်ကပ်ကင်ဆာ အမျိုးအစားများ အပါအဝင် ကင်ဆာရောဂါများအတွက် အခြားသောပုံစံများကိုလည်း တီထွင်ထုတ်လုပ်သွားမည် ဟုလည်းဆိုပါသည်။ 

ကိုးကား-Myanmar National Post

သီတင်းတစ်ပတ်လျှင် ပန်းသီးလေးလုံးမျှစားပေးခြင်းဖြင့် နှလုံးရောဂါများကြောင့် အသက်ဆုံးပါးနိုင်ခြေကို ၄၀ ရာခိုင်နှုန်းခန့် လျှော့ချပေးနိုင်ကြောင်း ဒီဇင်ဘာ ၂၄ ရက်သတင်းများအရ သိရသည်။

တရုတ်နိုင်ငံ ယန်ကျိတက္ကသိုလ်မှ သုတေသနပညာရှင်များသည် သွေးအတွင်းကိုလက်စထရောပါဝင်မှုနှုန်းမြင့်မားသော သက်လတ်ပိုင်းအရွယ် အမျိုးသား၊ အမျိုးသမီး ၂၁၈၄ ဦးတို့ကို အချိန်ယူစောင့်ကြည့်လေ့လာခဲ့ကြသည်။

လေ့လာချက်မှ ပေါ်ထွက်လာသည့်ရလဒ်များအရ လေ့လာမှုတွင် ပါဝင်သူများအနက် သီတင်းတစ်ပတ်လျှင် ပန်းသီးသုံးလုံးမှ လေးလုံးထိ စားသုံးသူများမှာ မစားသူများထက် နှလုံးရောဂါများကြောင့် အသက်ဆုံးပါးနိုင်ခြေ ၃၉ ရာခိုင်နှုန်း ပိုနည်းပါးသည်ကို လေ့လာတွေ့ရှိရကြောင်း၊ ပန်းသီကဲ့သို့ပင် ငှက်ပျောသီးပုံမှန်စားသူများတွင်လည်း နှလုံးပြဿနာကြောင့် အသက်ဆုံးပါးနိုင်ခြေ ပုံမှန်ထက်နည်းပါးလာတတ်ကြောင်း၊ ငှက်ပျောသီးကို နေ့စဉ်စားသုံးပါက နှလုံးပြဿနာများကြောင့် အသက်ဆုံးပါးနိုင်ခြေမှာ ပုံမှန်ထက် ၃၀ ရာခိုင်နှုန်း ပိုမိုကျဆင်းလာနိုင်ကြောင်း သုတေသန ပညာရှင်များ၏ အဆိုအရ သိရသည်။

Source: ရတနာပုံသတင်းစာ

ဂျပန်နိုင်ငံတွင် တုပ်ကွေးရောဂါ ဖြစ်ပွားမှု ဆက်လက် ပျံ့နှံ့လာနေပြီး ခန့်မှန်းခြေ လူနာဦးရေသည် ယခင် သီတင်းပတ်ထက် ကူးစက်မှု နှစ်ဆကျော် တိုးလာခဲ့ ပါသည်။

ဂျပန် ကူးစက်ရောဂါ သုတေသနဌာနနှင့် အခြား အဖွဲ့ အစည်းများ၏ ပြောကြားချက်အရ နိုင်ငံတစ်ဝန်းမှ ဆေးရုံနှင့်ဆေးခန်းပေါင်း ၅,၀၀၀ ခန့်က ဒီဇင်ဘာလ ၁၅ ရက်နေ့အထိ ၇ ရက်တာကာလအတွင်း တုပ်ကွေး လူနာပေါင်း ၉၄,၂၅၉ ဦးရှိကြောင်း အစီရင်ခံခဲ့ကြောင်း သိရှိရသည်။

အဆိုပါကိန်းဂဏန်းကိုအခြေခံပြီး တစ်နိုင်ငံလုံး အတိုင်း အတာအနေဖြင့် လူနာပေါင်း ၇၁၈,၀၀၀ ခန့် ရှိမည်ဟု ခန့်မှန်းရကြောင်းနှင့် ယခင်သီတင်းပတ်က ရှိခဲ့သည့် ကိန်းဂဏန်းထက် နှစ်ဆပိုများနေကြောင်း ဖော်ပြထား သည်။ ပျမ်းမျှလူနာဦးရေသည် ခရိုင် ၄၇ ခုစလုံး၌ တိုးလာနေပြီး တစ်နိုင်ငံလုံး ပျမ်းမျှအားဖြင့် ၁၉.၀၆ ရှိနေသည်။

ဂျပန်အနောက်ပိုင်း အိုးအိတ နှင့် ဖူကုအိုက ခရိုင်များ၌ အဆိုပါပျမ်းမျှကိန်းဂဏန်းသည် သတိပေးရမည့် အဆင့် ဖြစ်သော အဆင့် ၃၀ တွင်ရှိနေသည်။ ပျမ်းမျှကိန်း ဂဏန်းသည် ခရိုင်ပေါင်း ၄၀ ၌ ပျမ်းမျှအားဖြင့် သတိထားရမည့်အဆင့်ဖြစ်သည့် အဆင့် ၁၀ ကို ကျော်လွန်ခဲ့သည်။

ကူးစက်ရောဂါများဆိုင်ရာ ဂျပန်အသင်း၏ အကြီးအကဲ Ishida Tadashi က ကိုရိုနာဗိုင်းရပ် ကပ်ရောဂါကာလ အတွင်း တုပ်ကွေးဗိုင်းရပ်စ်နှင့် ထိတွေ့မှု နည်းပါးခဲ့ သည့်အပြင် ယခုအခါ လူများ၏ ကိုယ်ခံစွမ်းအား လျော့ကျနေမှုများကြောင့် ယခုရာသီတွင် တုပ်ကွေးရောဂါဖြစ်ပွားမှု မြင့်မားဖွယ်ရှိကြောင်း ပြောဆိုထားသည်။

မစ္စတာ Ishida က ယခုကဲ့သို့ ကူးစက်ပြန့်ပွားမှုသည် ဇန်နဝါရီလအတွင်း အမြင့်ဆုံးအနေအထားကို ရောက်ရှိ နိုင်ပါကြောင်းနှင့် လက်ဆေးခြင်း၊ နှာခေါင်းစည်းများ တပ်ဆင်ခြင်းစသည့် အစီအမံများကို လုပ်ဆောင်ကြရန် ၎င်းကတိုက်တွန်းခဲ့ပါသည်။

ထို့အပြင် ကာကွယ်ဆေးထိုးခြင်းကိုလည်း ထည့်သွင်း စဉ်းစားကြရန် ၎င်းက အကြံပေးခဲ့ကြောင်း ဖော်ပြထား ရှိပါသည်။

ကိုးကား-NHK World

လူတော်တော်များများ၊ အထူးသဖြင့် အမျိုးသမီးအများစုဟာ နာတာရှည်နာကျင်ကိုက်ခဲမှုဝေဒနာကို ခံစားရလေ့ရှိပါတယ်။ ဒီဝေဒနာ သက်သာပျောက်ကင်း စေမယ့် လွယ်ကူရိုးရှင်းသောနည်းလမ်း တစ်ခုကိုလည်း ပညာရှင်များကတွေ့ရှိ လိုက်ပါပြီ။ အဲဒါကတော့ အာဟာရဖြစ်စွာ စားသုံးခြင်းပါပဲ။

တောင်ဩစတြေးလျ တက္ကသိုလ်က ပြုလုပ်တဲ့သုတေသနတစ်ခုမှာ ဖော်ပြချက်အရ   အစားအသောက်စားသုံးရာမှာ အာဟာရဖြစ်စွာ စားသုံးခြင်းက နာတာရှည် နာကျင်ကိုက်ခဲမှု ဝေဒနာ ခံစားရသူတွေကို လက်တွေ့ကျကျဝေဒနာ ပျောက်ကင်းသွားစေနိုင်တယ် ဆိုတာတွေ့ရပါတယ်။

တချို့သော နာတာရှည်နာကျင်ကိုက်ခဲမှု ဝေဒနာကိုပျောက်ကင်းစေတဲ့ ဆေးဝါးတွေက ခန္ဓာကိုယ်အချိုးအစားကိုလိုက်ပြီး ထိရောက်မှုပမာဏ ကွာခြားလေ့ရှိပါတယ်။ အခုနည်းလမ်းကတော့ ခန္ဓာကိုယ် ပိန်သည်ဖြစ်စေ၊ ဝသည်ဖြစ်စေ ဘယ်လို လူမျိုးကိုမဆို နာတာရှည်နာကျင် ကိုက်ခဲမှုဝေဒနာ  ပျောက်ကင်းစေနိုင်တယ်လို့ သုတေသီများရဲ့  ထုတ်ပြန်ချက်ထဲမှာ ဖော်ပြထားပါတယ်။

ကမ္ဘာ့လူဦးရေ  ၃၀ ရာခိုင်နှုန်းက နာတာရှည်နာကျင်ကိုက်ခဲမှု ဝေဒနာခံစား နေရသူတွေဖြစ်ပြီး  အဝလွန်သူတွေမှာ ပိုဖြစ်လေ့ရှိပါတယ်။

ကိုးကား - Myawady Web Portal
 

နံနက်စာဆိုတာ လူတစ်ယောက်တစ်နေ့တာ ဖြတ်သန်းမှုအတွက်   မရှိမဖြစ်လိုအပ်တဲ့ အရာတစ်ခုပါ။ တချို့က နံနက်စာကိုဖြစ်သလို စားကြပေမယ့်   တချို့ကကျတော့ သေသေချာချာကျကျနန စားကြလေ့ရှိပါတယ်။

အကယ်၍ ကိုယ်စားလိုက်တဲ့နံနက်စာထဲမှာ  တစ်နေ့တာလုံး လိုအပ်တဲ့ ကယ်လိုရီပမာဏရဲ့ ၂၀ ရာခိုင်နှုန်းမှ ၃၀ ရာခိုင်နှုန်းအထိ ပါဝင်နေတယ်ဆိုရင် နှလုံးရောဂါဖြစ်နိုင်ခြေကို လျှော့ချနိုင်တယ်လို့  သုတေသနပညာရှင်များက ညွှန်းဆိုထားပါတယ်။ အဲဒီမှာမှ အရည်အသွေးမြင့်တဲ့ နံနက်စာကိုပါ စားသုံးလိုက်မယ်ဆိုပါက နှလုံးရောဂါဖြစ်နိုင်ခြေကိုသာမက အဝ လွန်ရောဂါဖြစ်နိုင်ခြေကိုပါ လျှော့ချလိုက် နိုင်မှာဖြစ်တယ်လို့ သုတေသီများက ဆိုပါတယ်။

အရည်အသွေးမြင့်   နံနက်စာထဲမှာ အသားဓာတ်၊ အဆီဓာတ်၊ အမျှင်ဓာတ်တို့အပြင် ကယ်လစီယမ်ဓာတ်၊ သံဓာတ်တို့ ပြည့်ဝတဲ့ အစားအသောက်များ မျှတစွာ ပါဝင်တယ်လို့ သုတေသီများကပြောပါတယ်။ သုတေသနပညာရှင်များက အခုတွေ့ရှိမှုအတွက် နှစ်ပေါင်း သုံးနှစ်ကြာတဲ့အထိ လူပေါင်း ၄၀၀ နီးပါးကို သုတေသနပြု လေ့လာမှုတွေ လုပ်ဆောင်ထားတာ ဖြစ်ပါတယ်။ ဒီသုတေသနကို လုပ်ဆောင်သူများကတော့   စပိန်နိုင်ငံရှိ   မားဆေးရုံ သုတေသနဌာနမှ ဖြစ်ပါတယ်။  

ကိုးကား - Myawady Web Portal  

အမေရိကန်နိုင်ငံ အနောက်ပိုင်းပြည်နယ်ဖြစ်သည့် ကယ်လီဖိုးနီးယားတွင် H5N1 ငှက်တုပ်ကွေးကြောင့် လူတစ်ယောက်သေဆုံးပြီးနောက် အရေးပေါ်အခြေအနေ ကြေညာထားသည်။ 

ပြည်နယ်အုပ်ချုပ်ရေးမှူး ဂါဗင်နယူဆင်က ပြည်နယ်တောင်ပိုင်းတွင်ရှိသော နွားခြံများတွင်လည်း ငှက်တုပ်ကွေး ကူးစက်မှုဖြစ်ပွားနေကြောင်းနှင့် လူများသို့ ကူးစက်မှု များစွာမဖြစ်သေးသဖြင့် စိတ်မပူရန် ပြောကြားထားသည်။ 

ဗိုင်းရပ်စ်သည် မတ်လကတည်းက အမေရိကန် နို့စားနွားများမှတစ်ဆင့် ပျံ့နှံ့ခဲ့ပြီး အနည်းဆုံး ပြည်နယ် ၁၆ ခုကို ထိခိုက်ခဲ့သည်။ ရောဂါထိန်းချုပ်ရေးနှင့် ကာကွယ်ရေးစင်တာ (CDC) မှ ယခုအချိန်အထိ လူမှလူသို့ကူးစက်ခြင်းအား အတည်ပြုနိုင်ခြင်းမရှိသေးသော်လည်းကယ်လီဖိုးနီးယားတွင် ၃၄ ဦး အပါအဝင် နိုင်ငံတစ်ဝှမ်းတွင် အနည်းဆုံး လူ ၆၁ ဦး၌ တွေ့ရှိခဲ့ကြောင်း ဖော်ပြထားသည်။ 

ထိုကြေညာချက်ကြောင့် အစိုးရအေဂျင်စီများသည် ရောဂါဖြစ်ပွားမှုကို လျင်မြန်စွာတုံ့ပြန်ရန် လိုအပ်သော အရင်းအမြစ်များနှင့် လိုက်လျောညီထွေရှိစေရန် အတွက် ပစ်မှတ်ထားလုပ်ဆောင်နေကြောင်း နယူဆင် က ဒီဇင်ဘာ ၁၈ ရက်နေ့က ထုတ်ပြန်ချက် ထုတ်ပြန် ထားသည်။ "အများပြည်သူအတွက် အန္တရာယ်နည်းပါးနေသေးသော်လည်း  ဗိုင်းရပ်စ်ပြန့်ပွားမှုကိုတားဆီးရန် လိုအပ်သည့်ခြေလှမ်းအားလုံးကို ဆက်လက် လုပ်ဆောင်သွားမည်ဖြစ်ကြောင်း၊  H5N1 ဗိုင်းရပ်စ်သည် လူကိုကူးစက်ခြင်းနှင့်ပတ်သက်၍ အထူးအန္တရာယ်များသည်ဟု ယူဆရကြောင်း ဖော်ပြထားပါသည်။ ကမ္ဘာ့ကျန်းမာရေးအဖွဲ့ (WHO) သည် ၂၀၀၃ ခုနှစ်မှစတင်၍ H5N1 ရောဂါအား အတည်ပြုပြီးနောက် လူနာပေါင်း ၈၆၀ ကျော်ကို မှတ်တမ်းတင်ခဲ့ပြီး ဖြစ်ပွားသူ ၅၃% ခန့်သေဆုံးခဲ့သည်ဟု မှတ်တမ်းထားဖော်ပြထားကြောင်း သိရှိရပါသည်။

ကိုးကား-Myanmar National Post