ရန်ကုန် မေ ၁၉

ထိုင်းနိုင်ငံတွင်ကျင်းပမည့် ၂၀၂၅ ခုနှစ် ဆီးဂိမ်းအတွက် နိုင်ငံ့လက်ရွေးစင်ရွေးချယ်ပွဲကြီး National Esports Championship: Road to SEA Game 2025 ကို မေလတတိယပတ်မှစ၍ စတင်ကျင်းပသွားမည်ဖြစ်သည်။

ပြိုင်ပွဲကာလမှာ မေလတတိယပတ်မှ ဇူလိုင်လ တတိယပတ်အထိ နှစ်လခန့်ကြာမြင့်မည်ဖြစ်ပြီး ပြိုင်ပွဲဝင်အားကစားသမားများအနေဖြင့် လက်ရည်စစ်ပွဲအတွက် မေလတတိယပတ်မှ စတင်စာရင်းပေးသွင်းနိုင်မည်ဖြစ်သည်။

National Esports Championship ပြိုင်ပွဲသည် မြန်မာနိုင်ငံ၏ အမြင့်ဆုံးသော Esports အားကစားပြိုင်ပွဲဖြစ်ပြီး လက်ရည်စစ်ပွဲအဆင့်၊ အုပ်စုပြိုင်ပွဲအဆင့်၊ နောက်ဆုံးအဆင့်ဖိုင်နယ်ပြိုင်ပွဲကြီးဟူ၍ အဆင့်သုံးဆင့်ခွဲကာ ယှဉ်ပြိုင်သွားရမည်ဖြစ်သည်။

ပြိုင်ပွဲဝင်အသင်းများအနေဖြင့် ယခင်ကျင်းပခဲ့သော MESL Pro series Season 2 မှ လေးသင်း၊ လူငယ်လက်သစ်များအတွက် ရည်ရွယ်သော Foundation Qualifier ပြိုင်ပွဲမှ နှစ်သင်းနှင့် လာမည့် NEC Open Qualifier မှ လေးသင်း စုစုပေါင်း ၁၀ သင်း ယှဉ်ပြိုင်သွားရမည်ဖြစ်သည်။ ပြိုင်ပွဲအကြောင်း အသေးစိတ်ကို MESL- Myanmar Esports League Facebook Page မှတစ်ဆင့် မေလဒုတိယပတ်မှစတင်၍ ကြေညာသွားမည်ဖြစ်သည်။

မေ ၁၆ ရက် Pan Pacific Hotel ၌ မြန်မာနိုင်ငံ အီလက်ထရွန်နစ်အားကစားအဖွဲ့ချုပ်က ကြီးမှူးကျင်းပသော M Summit 2025 တွင် အဖွဲ့ချုပ်ဥက္ကဋ္ဌ ဒေါက်တာကောင်းမြတ်စံက အဖွင့်အမှာစကားပြောကြားပြီး အဖွဲ့ချုပ်မှ ကျင်းပခဲ့သည့် ပြိုင်ပွဲများတွင် ဝိုင်းဝန်းကူညီပံ့ပိုးပေးကြသည့် မိတ်ဖက်ကုမ္ပဏီများ ကို အသိအမှတ်ပြုလက်မှတ်များ ပေးအပ်သည်။

ထို့ပြင် လူငယ်အခန်းကဏ္ဍဖွံ့ဖြိုးတိုးတက်ရေးအတွက် ရည်ရွယ်၍ အဖွဲ့ချုပ်သည် တက္ကသိုလ်အဆင့် Esports အားကစားပြိုင်ပွဲများကို ၂၀၂၄ ခုနှစ်မှစတင် ၍ ကျင်းပနေပြီး ယခုနှစ်တွင် တက္ကသိုလ်များကို Yangon Region ၊ Other Region နှင့် Private Universities ဟူ၍ ဒေသကြီးသုံးခုခွဲကာ Varsity League Division 1၊ Division 2 နှင့် University Esports Championship ဟူ၍ တစ်နှစ်လျှင် နှစ်ကြိမ် ကျင်းပသွားမည်ဖြစ်ပြီး တက္ကသိုလ်အဆင့် အီလက်ထရွန်နစ်အားကစားပြိုင်ပွဲများကို ကျယ်ကျယ် ပြန့်ပြန့် လုပ်ဆောင်သွားမည်ဖြစ်သည်။ ပြိုင်ပွဲအကြောင်းအသေးစိတ်ကို University Esports Network နှင့် Uni League by MESL Facebook Page တို့မှတစ်ဆင့် ကြေညာသွားမည်ဖြစ်သည်။

မြန်မာ့လက်ရွေးစင် Esports အားကစားအသင်းများက မြန်မာနိုင်ငံ အိုလံပစ်ကော်မတီဦးဆောင်မှုဖြင့် ၂၀၂၃ ခုနှစ် နိုင်ငံတကာ Esports အားကစားအဖွဲ့ချုပ် (IESF) မှ ကျင်းပသော World Esports Champion-ship တွင် Dota 2 ပြိုင်ပွဲမှ ကမ္ဘာ့အဆင့် ငွေတံဆိပ်ဆုကိုလည်းကောင်း၊ ၂၀၂၃ ခုနှစ် ကမ္ဘောဒီးယားနိုင်ငံ ၌ကျင်းပသော SEA Games ပြိုင်ပွဲတွင် Mobile Legends: Bang Bang ပြိုင်ပွဲမှ ကြေးတံဆိပ်ဆုကိုလည်းကောင်း၊ ၂၀၂၃ ခုနှစ် တရုတ်နိုင်ငံ၌ ကျင်းပ သော Hangzhou 19th Asian Games တွင် Honor of Kings ပြိုင်ပွဲတွင် အဆင့် (၅) ကိုလည်းကောင်း အောင်မြင်မှုအသီးသီးရယူထားပြီးဖြစ်ရာ လာမည့် (၃၃) ကြိမ်မြောက် SEA Games ပြိုင်ပွဲကြီးတွင်လည်း ရလဒ်ကောင်းများရရှိရန် မျှော်မှန်းထားကြောင်း သိရသည်။

Source: MOI

လန်ဒန်   မေ ၁၈

သစ်ကြံပိုး စားသုံးမှုလွန်ကဲပါက အသက်ကယ်ဆေးဝါးများ၏ အာနိသင်ထိရောက်မှု လျော့ပါးသွားနိုင်ခြေရှိကြောင်း သုတေသနပညာရှင်များက မေ ၁၇ ရက် သတင်းများအရ သိရသည်။

ဗြိတိန်နိုင်ငံ ကင်းစတန်းတက္ကသိုလ်မှ သုတေသနပညာရှင်များ၏ လေ့လာတွေ့ရှိချက်အရ သစ်ကြံပိုး၊ နနွင်း၊ ချင်းတို့ကို စားသုံးမှုလွန်ကဲပါက လူ့ကိုယ်ခန္ဓာ၏ ဆေးဝါးများတုံ့ပြန်ပုံအပေါ် အကျိုးသက်ရောက်မှုရှိကြောင်း သိရသည်။

သစ်ကြံပိုး၊ နနွင်း၊ ချင်းစားသုံးမှု လွန်ကဲခြင်းကြောင့် အာနိသင် လျော့ပါးသွားနိုင်သော ဆေးများထဲတွင် သွေးဖိအားလျှော့ချရေးဆေးများ၊ ဆီးချိုရောဂါဆေးများနှင့် အသုံးများသည့် ကူးစက်ရောဂါဆေးဝါးများပါဝင်ကြောင်း သိရသည်။

သစ်ကြံပိုး၊ နနွင်း၊ ချင်းတို့ကို အစားအစာများတွင် ထည့်သွင်းစားသုံးမှုမှာ ပြဿနာမရှိသော်လည်း ဖြည့်စွက်ဆေးပုံစံမျိုးဖြင့် စားသုံးနေသူများတွင် ဆေးအာနိသင်လျော့ပါးနိုင်မှုပြဿနာရှိလာနိုင်ကြောင်း ဗြိတိန်သုတေသနပညာရှင်များက ပြောကြားသည်။

သစ်ကြံပိုး၊ နနွင်း၊ ချင်းတို့သည် သဘာဝအားဖြင့် ရောင်ရမ်းမှုကို လျှော့ချပေးနိုင်ပြီး လူ့ခုခံအားစနစ်ကို မြှင့်တင်ပေးနိုင်သည်။

သို့ရာတွင် မိမိတို့၏ လေ့လာတွေ့ရှိချက်အရ သစ်ကြံပိုး၊ နနွင်း၊ ချင်းတို့ကို အလွန်အကျွံစားသုံးပါက ဆေးဝါးများအာနိသင်လျော့ပါးမှုရှိလာနိုင်ကြောင်း ဗြိတိန်သုတေသနပညာရှင်များက ပြောကြားသည်။

Source: ရတနာပုံသတင်းစာ

လန်ဒန်   မေ ၁၅

အသက် ၂၀ အရွယ်တွင် ကိုယ်အလေးချိန်မြင့်တက်ခဲ့ပြီး အသက် ၃၀ နောက်ပိုင်းတွင် ကလေးရယူသည့် အမျိုးသမီးများ၌ ရင်သားကင်ဆာဖြစ်နိုင်ခြေ မြင့်မားလာတတ်ကြောင်း မေ ၁၄ ရက်သတင်းများအရ သိရသည်။

ဗြိတိန်နိုင်ငံ မန်ချက်စတာတက္ကသိုလ်မှ သုတေသနပညာရှင်များသည် အမျိုးသမီးပေါင်း ၅၀၀၀၀ ခန့်တို့၏ ကျန်းမာရေးအချက်အလက်များကို လေ့လာခဲ့ကြကြောင်း သိရသည်။

လေ့လာချက်မှ ပေါ်ထွက်လာသည့်ရလဒ်များအရ အသက် ၂၀ အရွယ်တွင် ကိုယ်အလေးချိန်မြင့်တက်လာခဲ့ပြီး အသက် ၃၀ နောက်ပိုင်းမှသာ ရင်သွေးရယူသည့် အမျိုးသမီးများသည် ၎င်းပြဿနာများမရှိသူ အမျိုးသမီးများထက် ရင်သားကင်ဆာရောဂါဖြစ်နိုင်ခြေ သုံးဆပိုမြင့်မားသည်ကိုတွေ့ရကြောင်း သုတေသနပညာရှင်များက ပြောကြားသည်။

ကိုယ်တွင်း အဆီဓာတ်လွန်ကဲမှုကြောင့် ရင်သားကင်ဆာဆဲလ်များ ကြီးထွားရေးကို လှုံ့ဆော်ပေးသည့် ဟော်မုန်းများပေါ်ထွက်လာနိုင်ကြောင်း သုတေသနပညာရှင်များက ပြောကြားသည်။

အသက် ငယ်ငယ်ရွယ်ရွယ်တွင် ကလေးရယူသူ၊ ကိုယ်အလေးချိန်ပုံမှန်ရှိသူ အမျိုးသမီးများတွင်မူ ရင်သားကင်ဆာရောဂါဖြစ်နိုင်ခြေ နည်းပါးသည်ဟု ဗြိတိန်သုတေသနပညာရှင်များက ပြောကြားကြောင်းသိရသည်။

Source: ရတနာပုံသတင်းစာ

မန္တလေးငလျင်ကြီးကြောင့် အင်းဝမြို့ဟောင်းရှိ ရှေးဟောင်းအဆောက်အဦးများ ပျက်စီးခဲ့သည့်အတွက် ဦးစားပေးအဆင့်အလိုက် အမြန်ဆုံးဆောင်ရွက်သွားမည်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန (မန္တလေးဌာနခွဲ)မှ သိရသည်။

မန္တလေးငလျင်ကြီးကြောင့် အင်းဝမြို့ဟောင်းရှိ ရှေးဟောင်းအဆောက်အဦးများ (၆၀) ရာခိုင်နှုန်း ပျက်စီးခဲ့သည့်အတွက် ရှေးမူမပျက် ပြုပြင်ထိန်းသိမ်းရေးလုပ်ငန်းများကို ဦးစားပေးအဆင့်အလိုက် အမြန်ဆုံး ဆောင်ရွက်သွားမည်ဖြစ်သည်။

အင်းဝမြို့ဟောင်းတွင် ရှေးဟောင်းအဆောက်အဦးပေါင်း (၉၆၁)ခုရှိသည့်အနက် ငလျင်ကြောင့် (၆၀၀) ဝန်းကျင်ခန့်ပျက်စီးသွားခဲ့ခြင်းဖြစ်ပြီး ငလျင်မလှုပ်မီ ပြုပြင်ထိန်းသိမ်းနေသည့် ရှေးဟောင်းအဆောက်အဦးများလည်း ပြိုကျပျက်စီးသွားခဲ့ကြောင်း သိရသည်။

ယခုအခါ မူလအလှူရှင်များကို ကနဦးဆက်သွယ်ထားပြီး ၎င်းတို့မလှူနိုင်ပါက နောက်အလှူရှင်ကို ဆက်သွယ်မည်ဖြစ်ကာ ယင်းအပြင်နိုင်ငံတော်ဘဏ္ဍာငွေဖြင့် ပြုပြင်ထိန်းသိမ်းနိုင်ရန် တင်ပြထားကြောင်းလည်း သိရသည်။

အင်းဝမြို့ဟောင်း၏ ရှေးဟောင်းနယ်မြေဧရိယာမှာ (၇) စ တုရန်းမိုင်ကျယ်ဝန်းပြီး အင်းဝခေတ် လွန်ခဲ့သည့် နှစ်ပေါင်း (၄၀၀) ခန့်က တည်ရှိခဲ့သည့် မြို့တစ်မြို့ဖြစ်သည်။

Source: Popular Myanmar

ထိုင်းနိုင်ငံတက္ကသိုလ်ဘွဲ့ရ မြန်မာ ကျောင်းသားများအသင်းမှကြီးမှူး၍ ထိုင်း နိုင်ငံရှိ ထိပ်သီးတက္ကသိုလ်များပါဝင်မည့် (၉) ကြိမ်မြောက် ထိုင်းနိုင်ငံတက္ကသိုလ် ပေါင်းစုံပညာရေးပြပွဲကို ရန်ကုန်မြို့ရှိNovotel Hotel ၌ မေလ ၂၄ ရက်တွင် ကျင်းပမည်ဖြစ်ကြောင်း သိရသည်။ 
အဆိုပါပြပွဲသည် ထိုင်းနိုင်ငံ၌ ပညာသင်ယူဆည်းပူးလိုသော ကျောင်းသား၊ ကျောင်းသူများအတွက် အခွင့်အရေးမျာ စွာရရှိနိုင်ပြီး အခြေခံပညာအထက်တန်း မအောင်မြင်သေးသော ကျောင်းသား ၊ကျောင်းသူများအတွက် Foundation  Program များအကြောင်းလေ့လာနိုင်ခြင်း၊ HND၊ GED၊ IGCSE results များရထား သော်လည်း တက္ကသိုလ်ရွေးချယ်ရန် ခက်ခဲ နေသော ကျောင်းသား၊ ကျောင်းသူများ၊ မဟာဘွဲ့တက်ရောက်လိုသူများ၊ ပါရဂူဘွဲ့ တက်ရောက်လိုသူများအတွက် ပညာတော်သင်ဆု လျှောက်ထားပုံတို့ကိုသိရှိနိုင်ခြင်း၊ နောက်ဆုံးပေါ်ပညာရေးဆိုင်ရာ လမ်းကြောင်းများကို တစ်နေရာတည်း၌ လေ့လာနိုင်ပြီး ထိုင်းနိုင်ငံတက္ကသိုလ်များမှ ပါမောက္ခများ၊ တာဝန်ရှိသူများထံမှ အကြံဉာဏ်များကို ရယူနိုင်ခြင်းတို့အပြင် မိမိနိုင်ငံ၌ပင် ထိုင်းနိုင်ငံရှိ နာမည်ကြီး ကျောင်းများနှင့် တိုက်ရိုက်တွေ့ဆုံနိုင်ခွင့် ရရှိနိုင်မည်ဖြစ်ပြီး ကျောင်းသား၊ ကျောင်း သူများသာမက မိဘ၊ ဆရာများနှင့် စိတ်ဝင်စားသူမည်သူမဆို လာရောက် လေ့လာနိုင်မည်ဖြစ်သည်။ ထို့ပြင် ထိုင်း နိုင်ငံတက္ကသိုလ်များနှင့် ဆက်စပ်နေသော Update သတင်းအချက်အလက်များ၊ Networking အခွင့်အလမ်းများမှ Visa လျှောက်နည်းအထိ အသေးစိတ်ဆွေးနွေး တိုင်ပင်နိုင်မည်ဖြစ်သည်။

အဆိုပါ ပြပွဲကို မေလ ၂၄ရက် တွင် နံနက်  ၉နာရီမှ ညနေ ၄ နာရီအထိ ပြုလုပ်မည်ဖြစ်ပြီး အင်တာနက်မှ လေ့လာလိုသူများအနေဖြင့်လည်း amautsecretariat@gmail.com  သို့ Alumni Network Join ဟု email ပေးပို့၍ အကြံဉာဏ်များ ရယူနိုင်ကြောင်းနှင့် အသေးစိတ်သိရှိလိုပါက Association of Myanmar Alumni from Universities in Thailand-AMAUT Facebook Page ၌လည်း စုံစမ်းနိုင်ကြောင်း သိရသည်။

ရွှေအိမ်

Source: Myawady Daily Newspaper

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် အခြေခံပညာကျောင်းများမှ ၂၀၂၄-၂၀၂၅ ပညာသင်နှစ် အခြေခံပညာအဆင့် (ကျောင်းတွင်းစာစစ်) စာမေးပွဲဖြေဆိုထားကြသည့်Grade-1 မှ Grade-11 အထိ ကျောင်းသား/သူများ၏ စာမေးပွဲအောင်စာရင်းများကို မေလ ၁၅ ရက်နေ့၊ နံနက် (၆) နာရီမှ စတင်၍ အခြေခံပညာကျောင်းများ၌ ထုတ်ပြန်ကြေညာထားကြောင်းသိရသည် ။

တံတားဦးမြို့နယ်တွင် ၂၀၂၄-၂၀၂၅ ပညာသင်နှစ် အခြေခံပညာအဆင့် (ကျောင်းတွင်းစစ်) စာမေးပွဲ ဖြေဆိုထားသည့် Grade-1 မှ Grade-11အထိ ကျောင်းသား/သူများ၏ စာမေးပွဲအောင်စာရင်းများကို မြို့နယ်အတွင်းရှိ အခြေခံ ပညာကျောင်းများတွင် ထုတ်ပြန်ခဲ့ရာ ကျောင်းသား ၊ ကျောင်းသူများက မိမိတို့ အမည်များ ပါ ၊ မပါ လာရောက် ကြည့်ရှုကြကြောင်း တံတားဦးမြို့နယ် ပညာရေးမှူးရုံးမှသိရသည် ။

တံတားဦးမြို့နယ်အတွင်း အခြေခံပညာကျောင်းပေါင်း (၁၂၁) ကျောင်းနှင့် ဘုန်းတော်ကြီးသင်ပညာရေး ကျောင်းပေါင်း (၉) ကျောင်း ၊ စုစုပေါင်း (၁၃၀) ကျောင်းရှိပြီး ကျောင်းသား/ကျောင်းသူ ရာနှုန်းပြည့် အောင်မြင်ကြောင်း သိရသည်။

ပေးပို့သူ- ဦးရဲတင့် (ပြန် /ဆက်)

ပညာရေးဝန်ကြီးဌာန “၂ဝ၂၅-၂ဝ၂၆ ပညာသင်နှစ်” အခြေခံပညာကျောင်းများတွင် ကျောင်းအပ်နှံရေး အစီအစဉ်ဆိုင်ရာသိရှိရန်အချက်များ

၁။ ကျောင်းလခ၊ မိဘဆရာအသင်းကြေး၊ အားကစားကြေး၊ စာရေးကိရိယာကြေးနှင့် စာကြည့်တိုက် ကြေးအပါအဝင် မည်သည့်အခကြေးငွေကိုမျှ လုံးဝမကောက်ခံပါ။

၂။ အခမဲ့ထောက်ပံ့မှုများမှာ

(က) သူငယ်တန်း (KG) သင်ရိုးသစ်

      ၁။ သင်္ချာအခြေခံ ၂။ ပုံဆွဲခြင်းနှင့် ဆေးခြယ်ခြင်း ၃။ သင်ယူမှုရလဒ်မှတ်တမ်း ၄။ ဗျည်းအက္ခရာ၊ ကိန်းဂဏန်းတွေအရေးကျင့်ကြမယ်စာအုပ် ၅။ ခဲတံ               (၄)ချောင်း၊ ၆။ ကျောင်းဝတ်စုံ(၁)စုံ

( ခ ) ပထမတန်း (Grade 1) သင်ရိုးသစ်

      ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ၇။ ဗလာစာအုပ်(၁)ဒါဇင် ၈။ ခဲတံ (၄)ချောင်း ၉။ ကျောင်းဝတ်စုံ             (၁)စုံ

( ဂ ) ဒုတိယတန်း (Grdae 2) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဗလာစာအုပ်(၁)ဒါဇင် ၈။ ခဲတံ(၄)ချောင်း ၉။ ကျောင်းဝတ်စုံ              (၁)စုံ

(ဃ) တတိယတန်း (Grade 3) သင်ရိုးသစ်

       ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဗလာစာအုပ် (၁)ဒါဇင် ၈။ ခဲတံ (၄)ချောင်း ၉။ ကျောင်း              ဝတ်စုံ (၁)စုံ

( င ) စတုတ္ထတန်း (Grade 4) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။သင်္ချာ ၄။သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဘဝတွက်တာကျွမ်းကျင်စရာ ၈။ ကာယပညာ ၉။                        အနုပညာ(ပန်းချီ) ၁၀။ အနုပညာ(ဂီတ) ၁၁။ ဗလာစာအုပ် (၁)ဒါဇင် ၁၂။ ခဲတံ (၄)ချောင်း ၁၃။ ကျောင်းဝတ်စုံ (၁)စုံ

( စ ) ပဉ္စမတန်း (Grade 5) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ၇။ ဘဝတွက်တာကျွမ်းကျင်စရာ ၈။ ကာယပညာ ၉။             အနုပညာ(ပန်းချီ) ၁၀။ အနုပညာ (ဂီတ) ၁၁။ ဗလာစာအုပ် (၁)ဒါဇင် ၁၂။ ခဲတံ (၄)ချောင်း ၁၃။ ကျောင်းဝတ်စုံ (၁)စုံ

(ဆ) ဆဋ္ဌမတန်း (Grade 6) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တနှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ      ၁ဝ။    အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင်(၂)ချောင်း ၁၄။ ခဲတံ (၂)ချောင်း

( ဇ ) သတ္တမတန်း (Grade 7) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း  ၇။ စာရိတ္တနှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ        ၁၀။ အနုပညာ( အနုပညာ(ပန်းချီ) ခဲတံ ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင်(၂)ချောင်း ၁၄။ ခဲတံ (၂)ချောင်း

( ဈ ) အဋ္ဌမတန်း (Grade 8) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တ နှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ        ၁၀။ အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင် (၂)ချောင်း ၁၄။ ခဲတံ (၂)ချောင်း

(ည) နဝမတန်း (Grade 9) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တ နှင့်ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ ၁၀။      အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင် (၂)ချောင်း ၁၄။ ခဲတံ (၂) ချောင်း

( ဋ ) ဒသမတန်း (Grade 10) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့ ၁ဝ။    ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ(ဓာတု+ရူပ+ဇီဝ) ၁၄။ လူမှုရေးသိပ္ပံ(ပထဝီဝင်+ သမိုင်း+ဘောဂဗေဒ) ၁၅။ လူမှုရေးသိပ္ပံ(ပထဝီဝင်+       သမိုင်း)(ဓာတု+ရူပ+ဘောဂ) ဘာသာတွဲ ၁၆။ စာရိတ္တနှင့်ပြည်သူ့နီတိ ၁၇။ ဘဝတွက်တာကျွမ်းကျင်စရာ ၁၈။ ကာယ ပညာ(သို့မဟုတ်)အနုပညာ (ပန်းချီ)   (သို့မဟုတ်)အနုပညာ(ဂီတ) ၁၉။ ဗလာစာအုပ် (၁)ဒါဇင် ၂၀။ ဘောပင် (၂)ချောင်း ၂၁။ ခဲတံ(၂)ချောင်း

( ဌ ) ဧကာဒသမတန်း (Grade 11) သင်ရိုးသစ်

    ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့ ၁ဝ။     ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ (ဓာတု+ရူပ+ဇီဝ) ၁၄။ လူမှုရေးသိပ္ပံ(ပထဝီ ဝင်+သမိုင်း+ဘောဂဗေဒ) ၁၅။ လူမှုရေးသိပ္ပံ(ပထဝီဝင်+       သမိုင်း)(ဓာတု+ရူပ+ဘောဂ) ဘာသာတွဲ ၁၆။ စာရိတ္တနှင့်ပြည်သူ့နီတိ ၁၇။ဘဝတွက်တာကျွမ်းကျင်စရာ ၁၈။ ကာယ ပညာ(သို့မဟုတ်)အနုပညာ (ပန်းချီ)     (သို့မဟုတ်) အနုပညာ(ဂီတ) ၁၉။ ဗလာစာအုပ် (၁)ဒါဇင် ၂၀။ ဘောပင် (၂)ချောင်း ၂၁။ ခဲတံ(၂)ချောင်း

( ၃ ) ဒွါဒသမတန်း(Grade 12) သင်ရိုးသစ်

    ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပ ဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့         ၁၀၊ ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ(ဓာတု+ရူပ+ဇီဝ) ၁၄။ လူမှုရေးသိပ္ပံ(ပထ ဝီဝင်+သမိုင်း+ဘောဂဗေဒ) ၁၅။              လူမှုရေးသိပ္ပံ(ပထဝီဝင်+ သမိုင်း) (ဓာတု+ရူပ+ဘောဂ) ဘာသာတွဲ ၁၆။ ဗလာစာအုပ် (၁)ဒါဇင် ၁၇။ ဘောပင် (၂)ချောင်း ၁၈။ ခဲတံ (၂) ချောင်း

Source: www.moi.gov.mm

ကျောင်းအပ်နှံရေး သီတင်းပတ် ၂၀၂၅ ခုနှစ်၊မေလ (၂၂) ရက်နေ့မှ ဇွန်လ (၁) ရက်နေ့ 

"၂၀၂၅-၂၀၂၆ ပညာသင်နှစ်" အသိပေးကြေညာချက်

၅ နှစ် အရွယ်ကလေးများကို သူငယ်တန်း (KG) သို့ အပ်နှံရန်။
၆ နှစ် အရွယ်ကလေးများကို ပထမတန်း (Grade 1) သို့ အပ်နှံရန်။