ပညာရေးဝန်ကြီးဌာန “၂ဝ၂၅-၂ဝ၂၆ ပညာသင်နှစ်” အခြေခံပညာကျောင်းများတွင် ကျောင်းအပ်နှံရေး အစီအစဉ်ဆိုင်ရာသိရှိရန်အချက်များ

၁။ ကျောင်းလခ၊ မိဘဆရာအသင်းကြေး၊ အားကစားကြေး၊ စာရေးကိရိယာကြေးနှင့် စာကြည့်တိုက် ကြေးအပါအဝင် မည်သည့်အခကြေးငွေကိုမျှ လုံးဝမကောက်ခံပါ။

၂။ အခမဲ့ထောက်ပံ့မှုများမှာ

(က) သူငယ်တန်း (KG) သင်ရိုးသစ်

      ၁။ သင်္ချာအခြေခံ ၂။ ပုံဆွဲခြင်းနှင့် ဆေးခြယ်ခြင်း ၃။ သင်ယူမှုရလဒ်မှတ်တမ်း ၄။ ဗျည်းအက္ခရာ၊ ကိန်းဂဏန်းတွေအရေးကျင့်ကြမယ်စာအုပ် ၅။ ခဲတံ               (၄)ချောင်း၊ ၆။ ကျောင်းဝတ်စုံ(၁)စုံ

( ခ ) ပထမတန်း (Grade 1) သင်ရိုးသစ်

      ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ၇။ ဗလာစာအုပ်(၁)ဒါဇင် ၈။ ခဲတံ (၄)ချောင်း ၉။ ကျောင်းဝတ်စုံ             (၁)စုံ

( ဂ ) ဒုတိယတန်း (Grdae 2) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဗလာစာအုပ်(၁)ဒါဇင် ၈။ ခဲတံ(၄)ချောင်း ၉။ ကျောင်းဝတ်စုံ              (၁)စုံ

(ဃ) တတိယတန်း (Grade 3) သင်ရိုးသစ်

       ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဗလာစာအုပ် (၁)ဒါဇင် ၈။ ခဲတံ (၄)ချောင်း ၉။ ကျောင်း              ဝတ်စုံ (၁)စုံ

( င ) စတုတ္ထတန်း (Grade 4) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။သင်္ချာ ၄။သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ ၇။ ဘဝတွက်တာကျွမ်းကျင်စရာ ၈။ ကာယပညာ ၉။                        အနုပညာ(ပန်းချီ) ၁၀။ အနုပညာ(ဂီတ) ၁၁။ ဗလာစာအုပ် (၁)ဒါဇင် ၁၂။ ခဲတံ (၄)ချောင်း ၁၃။ ကျောင်းဝတ်စုံ (၁)စုံ

( စ ) ပဉ္စမတန်း (Grade 5) သင်ရိုးသစ်

     ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ လူမှုရေး ၆။ စာရိတ္တနှင့် ပြည်သူ့နီတိ၇။ ဘဝတွက်တာကျွမ်းကျင်စရာ ၈။ ကာယပညာ ၉။             အနုပညာ(ပန်းချီ) ၁၀။ အနုပညာ (ဂီတ) ၁၁။ ဗလာစာအုပ် (၁)ဒါဇင် ၁၂။ ခဲတံ (၄)ချောင်း ၁၃။ ကျောင်းဝတ်စုံ (၁)စုံ

(ဆ) ဆဋ္ဌမတန်း (Grade 6) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တနှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ      ၁ဝ။    အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင်(၂)ချောင်း ၁၄။ ခဲတံ (၂)ချောင်း

( ဇ ) သတ္တမတန်း (Grade 7) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း  ၇။ စာရိတ္တနှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ        ၁၀။ အနုပညာ( အနုပညာ(ပန်းချီ) ခဲတံ ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင်(၂)ချောင်း ၁၄။ ခဲတံ (၂)ချောင်း

( ဈ ) အဋ္ဌမတန်း (Grade 8) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တ နှင့် ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ        ၁၀။ အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင် (၂)ချောင်း ၁၄။ ခဲတံ (၂)ချောင်း

(ည) နဝမတန်း (Grade 9) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ သိပ္ပံ ၅။ ပထဝီဝင် ၆။ သမိုင်း ၇။ စာရိတ္တ နှင့်ပြည်သူ့နီတိ ၈။ ဘဝတွက်တာကျွမ်းကျင်စရာ ၉။ ကာယပညာ ၁၀။      အနုပညာ (ပန်းချီ) ၁၁။ အနုပညာ(ဂီတ) ၁၂။ ဗလာစာအုပ် (၁)ဒါဇင် ၁၃။ ဘောပင် (၂)ချောင်း ၁၄။ ခဲတံ (၂) ချောင်း

( ဋ ) ဒသမတန်း (Grade 10) သင်ရိုးသစ်

   ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့ ၁ဝ။    ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ(ဓာတု+ရူပ+ဇီဝ) ၁၄။ လူမှုရေးသိပ္ပံ(ပထဝီဝင်+ သမိုင်း+ဘောဂဗေဒ) ၁၅။ လူမှုရေးသိပ္ပံ(ပထဝီဝင်+       သမိုင်း)(ဓာတု+ရူပ+ဘောဂ) ဘာသာတွဲ ၁၆။ စာရိတ္တနှင့်ပြည်သူ့နီတိ ၁၇။ ဘဝတွက်တာကျွမ်းကျင်စရာ ၁၈။ ကာယ ပညာ(သို့မဟုတ်)အနုပညာ (ပန်းချီ)   (သို့မဟုတ်)အနုပညာ(ဂီတ) ၁၉။ ဗလာစာအုပ် (၁)ဒါဇင် ၂၀။ ဘောပင် (၂)ချောင်း ၂၁။ ခဲတံ(၂)ချောင်း

( ဌ ) ဧကာဒသမတန်း (Grade 11) သင်ရိုးသစ်

    ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့ ၁ဝ။     ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ (ဓာတု+ရူပ+ဇီဝ) ၁၄။ လူမှုရေးသိပ္ပံ(ပထဝီ ဝင်+သမိုင်း+ဘောဂဗေဒ) ၁၅။ လူမှုရေးသိပ္ပံ(ပထဝီဝင်+       သမိုင်း)(ဓာတု+ရူပ+ဘောဂ) ဘာသာတွဲ ၁၆။ စာရိတ္တနှင့်ပြည်သူ့နီတိ ၁၇။ဘဝတွက်တာကျွမ်းကျင်စရာ ၁၈။ ကာယ ပညာ(သို့မဟုတ်)အနုပညာ (ပန်းချီ)     (သို့မဟုတ်) အနုပညာ(ဂီတ) ၁၉။ ဗလာစာအုပ် (၁)ဒါဇင် ၂၀။ ဘောပင် (၂)ချောင်း ၂၁။ ခဲတံ(၂)ချောင်း

( ၃ ) ဒွါဒသမတန်း(Grade 12) သင်ရိုးသစ်

    ၁။ မြန်မာစာ ၂။ အင်္ဂလိပ်စာ ၃။ သင်္ချာ ၄။ ဓာတုဗေဒ ၅။ ဓာတုဗေဒလက်တွေ့ ၆။ ရူပ ဗေဒ ၇။ ရူပဗေဒလက်တွေ့ ၈။ ဇီဝဗေဒ ၉။ ဇီဝဗေဒလက်တွေ့         ၁၀၊ ပထဝီဝင် ၁၁။ သမိုင်း ၁၂။ ဘောဂဗေဒ ၁၃။ သိပ္ပံ(ဓာတု+ရူပ+ဇီဝ) ၁၄။ လူမှုရေးသိပ္ပံ(ပထ ဝီဝင်+သမိုင်း+ဘောဂဗေဒ) ၁၅။              လူမှုရေးသိပ္ပံ(ပထဝီဝင်+ သမိုင်း) (ဓာတု+ရူပ+ဘောဂ) ဘာသာတွဲ ၁၆။ ဗလာစာအုပ် (၁)ဒါဇင် ၁၇။ ဘောပင် (၂)ချောင်း ၁၈။ ခဲတံ (၂) ချောင်း

Source: www.moi.gov.mm

သုတေသနပညာရှင်များအနေနဲ့ ၁၆ နှစ်ကြာလုပ်ဆောင်ထားတဲ့ သုတေသနတစ်ခုအရဆိုရင် သွေးတိုးခြင်းအပါအဝင် အခြားသော ကျန်းမာရေးအန္တရာယ်ငါးခုက ဦးနှောက်ကို မြန်ဆန်စွာ ပျက်စီးစေနိုင်တယ်လို့ဆိုပါတယ်။ အခုသုတေသနကို တရုတ်ပညာရှင်များကလုပ်ထားတာပါ။
ဦးနှောက်ကိုမြန်ဆန်စွာပျက်စီးစေနိုင်တဲ့အန္တရာယ်ငါးသွယ်ထဲမှာပါဝင်တာတွေကသွေးတိုးခြင်း၊ သွေးတွင်းသကြားဓာတ်မြင့်မားခြင်း၊ ခရီတီနိုင်းပမာဏမြင့်မားခြင်း၊ ဆေးလိပ်သောက်ခြင်းနဲ့ ပညာရည်နိမ့်ပါးခြင်းတို့ဖြစ်ပါတယ်။  
အဲဒီထဲမှာ သွေးတိုးခြင်းက ဦးနှောက်ပျက်စီးခြင်းကို အဖြစ်စေနိုင်ဆုံးသော အကြောင်းရင်းဖြစ်တယ်လို့ ပညာရှင်များကပြောပါတယ်။ ဒီလိုအကြောင်းရင်းငါးချက်မဖြစ်အောင် ရှောင်ရှားမယ်ဆိုရင် ဦးနှောက်ကျန်းမာရေးကိုကောင်းစေနိုင်ကြောင်းပညာရှင်များကပြောထားပါတယ်။    
 

Ref: IEK.H

Source: https://myawady.net.mm/

အီး-စီးကရက်များကို သုံးနှစ်လောက် သောက်ခဲ့တဲ့ ဆယ်ကျော်သက်တစ်ဦးမှာ ပေါက်ပေါက်ဆုပ်အဆုတ်လို့ခေါ်ကြတဲ့ ကုမရနိုင်သောအဆုတ်ရောဂါဖြစ်ပွားတာကိုတွေ့ရှိရပါတယ်။ ဒါဟာဆယ်ကျော်သက်များအတွက် အီး-စီးကရက်ရဲ့ဆိုး ကျိုးတစ်ခုအဖြစ်ထွက်ပေါ်လာပါတယ်။

ပေါက်ပေါက်ဆုပ်အဆုတ်ရောဂါဆိုတာက ရှားပါးတဲ့အပြင် ပြင်းထန်လှတဲ့ ရောဂါတစ်မျိုးဖြစ်ပြီး အဆုတ်ထဲမှာရှိတဲ့ လေပြွန်အသေးလေးများကိုထိခိုက်စေတာဖြစ်ပါတယ်။

အထူးသဖြင့် အီး-စီးကရက်အရည်ထဲ မှာပါဝင်တဲ့ ဒိုင်ယာစီတယ်လိုမျိုးဒြပ်ပေါင်းက အဆိပ်သင့်စေတဲ့အဓိကအရာဖြစ်လာတာဖြစ်ပါတယ်။ သူကအဆုတ်ကိုရောင်စေပြီးဒဏ်ရာရစေတာဖြစ်ပါတယ်။

Ref: IEK.H

Source: https://myawady.net.mm/

မြောက်ကာရိုလိုင်းနားပြည်နယ်တက္ကသိုလ်မှသုတေသနပညာရှင်များလုပ်တဲ့ သုတေသနတစ်ခုမှာ လူအများစုစားနေကျဖြစ်တဲ့နံနက်စာများဟာ မိမိတို့ရဲ့အူလမ်းကြောင်းကိုထိခိုက်စေတယ်လို့ တွေ့ရှိ ထားပါတယ်။

အထူးသဖြင့် နွားနို့၊ ကြက်ဥ၊ ပဲနဲ့ပဲပိစပ်လိုမျိုးအရာတွေကနေရရှိတဲ့ပရိုတိန်းတွေက စမ်းသပ်ခံကြွက်တွေရဲ့ အူလမ်းကြောင်းအပေါ် ကြီးစွာသောသက်ရောက်မှုရှိစေတယ်ဆိုတာကို သုတေသီများက တွေ့ရှိထားတာဖြစ်ပါတယ်။

အူလမ်းကြောင်းထဲမှာရှိတဲ့ ဇီဝပစ္စည်းများက အမျိုးမျိုးသောကျန်းမာရေးအပေါ်သက်ရောက်မှုရှိပါတယ်။ အခုစမ်းသပ်မှုကနေထွက်လာတဲ့ရလဒ်ကကမ္ဘာတစ်ဝန်း မှာရှိတဲ့ လူသန်းပေါင်းများစွာခံစားနေရသော အူလမ်းကြောင်းဆိုင်ရာရောဂါများကို ကာကွယ်ခြင်းနဲ့ကုသခြင်းတို့အတွက် အသုံးဝင်စေမှာဖြစ်ပါတယ်။   

Ref: IE K.H

Source: https://myawady.net.mm/

ဂျေရုဆလင်  မေ ၁၄

Wegovy နှင့် Ozempic ကဲ့သို့ ကိုယ်အလေးချိန်လျှော့ချရေးဆေးများသည် အဝလွန်မှုနှင့် ဆက်စပ်နေသည့် ကင်ဆာရောဂါများဖြစ်နိုင်ခြေကို လျှော့ချပေးနိုင်ကြောင်း သုတေသနပညာရှင်များက မေ ၁၃ ရက်တွင် ပြောကြားခဲ့သည်။

အစ္စရေးသုတေသနပညာရှင်များ၏ လေ့လာတွေ့ရှိချက်အရ GLP-1S အုပ်စုဝင် အဆိုပါဆေးများသည် အဝလွန်မှုနှင့် ဆက်စပ်နေသည့် ကင်ဆာရောဂါများဖြစ်နိုင်ခြေကို ၄၁ ရာခိုင်နှုန်းလျှော့ချပေးနိုင်ကြောင်း သိရသည်။

ထို့ပြင် GLP-1S အုပ်စုဝင်ဆေးများသည် အဝလွန်မှုနှင့်ဆက်စပ်နေသည့် ကင်ဆာရောဂါများအပြင် အခြားကင်ဆာရောဂါများဖြစ်နိုင်ခြေကိုလည်း လျှော့ချနိုင်ကြောင်း အစ္စရေးသုတေသနပညာရှင်များက ပြောကြားသည်။

သို့ဖြစ်ရာ နှလုံးရောဂါများဖြစ်နိုင်မှုကို တားဆီးရေးအတွက် စတာတင်ဆေးကို သုံးစွဲသည့်နည်းတူ ကင်ဆာရောဂါများဖြစ်နိုင်မှုကို တားဆီးရေးအတွက် GLP-1S အုပ်စုဝင်ဆေးများကို သုံးစွဲ၍ ရနိုင်ဖွယ်ရှိကြောင်း သုတေသနပညာရှင်များက သုံးသပ်ထားသည်။

Source: ရတနာပုံသတင်းစာ

မြန်မာနိုင်ငံရှိ ဆေးဆိုင်များအနေဖြင့် ဆေးယဉ်ပါးဘေးကြုံရနိုင်သော စပ်ဆေးနှင့် သက်တမ်းကုန်ဆေးများရောင်းချနေသည်ကိုတွေ့ရှိပါကနီးစပ်ရာမြို့နယ် အစားအသောက်နှင့်ဆေးဝါးကွပ်ကဲရေးဦးဌာန (FDA) ရုံးသို့ဖြစ်စေ၊ FDA/Facebook Page နှင့် Website သို့ ဖြစ်စေ တိုင်ကြားရန် အစားအသောက်နှင့် ဆေးဝါးကွပ်ကဲရေးဦးဌာန (FDA) တာဝန်ရှိသူတစ်ဦးက NP News သို့ ပြောသည်။

ပြည်သူများအနေဖြင့် စပ်ဆေးမသုံးစွဲရန် သက်ဆိုင်ရာမှ သတိပေးထားသော်လည်း ငွေကြေးသက်သာခြင်း၊ ဝေဒနာ ယာယီပျောက်ကင်းခြင်း စသည့်အချက်များကြောင့် စပ်ဆေးဝယ်ယူ သုံးစွဲမှုမှာ ပပျောက်ခြင်းမရှိသေးကြောင်း သိရသည်။ စပ်ဆေးနှင့် သက်တမ်းလွန်ဆေး ရောင်းချခြင်းကို တိုင်ကြားမည်ဆိုပါက ရောင်းချနေသည့် ဆေးဆိုင်၏ ငွေဖြတ်ပိုင်း ပြေစာကဲ့သို့သော တိကျသည့် အထောက်အထား အချက်အလက်များဖြင့်တိုင်ကြားရန်လိုအပ်ပြီး FDA က စစ်ဆေးအရေးယူမှုများ လုပ်ဆောင် သွားမည်ဖြစ်ကြောင်း အဆိုပါတာဝန်ရှိသူကဆိုသည်။

“ပြည်သူတွေအနေဖြင့် တကယ့်အချက်အလက်တိတိကျကျဖြင့် တိုင်ကြားလာရန်လိုပါသည်။ ဒါမှ လွတ်မသွားမှာပေါ့။ ဒီလိုမဟုတ်ဘဲ ဒီဆေးကတ်ကို ဒီဆိုင်ကဝယ်လာသည့်အကြောင်း သက်သေပြဆိုသည့် အချိန်မှာဘာမှမပြနိုင်ရင်လျှင် လုပ်ရကိုင်ရခက်ပါသည်။ အချက်အလက် ပြည့်ပြည့်စုံစုံဖြင့် တိုင်ကြားလာခဲ့လျှင် မိမိတို့အနေဖြင့် မလုပ်ပေးတာမရှိပါ” ဟု ၎င်းက ရှင်းပြသည်။

လက်ရှိတွင် FDA အနေဖြင့် လစဉ်စစ်ဆေးမှုများကို လုပ်ဆောင်နေသော်လည်း ဆေးဆိုင်အားလုံးကို စစ်ဆေးရန်အလို့ငှာ မစွမ်းနိုင်ကြောင်း၊ ပြည်သူများအား စပ်ဆေး၏ဆိုးကျိုးများကြောင့် မသုံးစွဲကြရန် အသိပညာပေးမှုများကို လုပ်ဆောင်နေသော်လည်း ပြည်သူများဘက်မှ ပူးပေါင်းပါဝင်မှု အားနည်းနေသေးကြောင်းနှင့် ပြည်သူများ ပူးပေါင်းပါဝင်လာမှသာ ယခုကဲ့သို့ စပ်ဆေးရောင်းချနေမှုများကို ဖြေရှင်းနိုင်မည်ဖြစ်ကြောင်း အဆိုပါတာဝန်ရှိသူက ပြောသည်။

“ငါတို့ကို အစိုးရဝန်ထမ်းတွေက လာပြောနေတယ် ဆိုတာထက် ငါတို့ ကောင်းဖို့ ငါတို့ကိုပြောနေတာပါလား” ဆိုသည့်အမြင်ဖြင့် ပြည်သူတွေဘက်က မြင်ကြရန်လိုအပ်နေပါသည် ဟု ၎င်းက ရှင်းပြသည်။ မြန်မာနိုင်ငံတွင် (၁) အကိုက်အခဲပျောက်ဆေး (သို့) အဖျားကျဆေး၊ (၂) အစာအိမ်ဆေး (သို့) လေဆေး၊ (၃) ပိုးသတ်ဆေး၊ (၄) အားဆေးနှင့် (၅) steroid ခေါ် အပြင်းစားအရောင်ကျဆေးဟူ၍ စပ်ဆေးအုပ်စု ငါးမျိုးကို အဓိကတွေ့ရလေ့ရှိကြောင်း ဆရာဝန်များ၏ သုံးသပ်ချက်များအရ သိရသည်။

ကိုးကား- NP News

ဂါဇာဒေသရှိ မျိုးဆက်သစ်လူငယ်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည်ဖြစ်ကြောင်း ကမ္ဘာ့ကျန်းမာရေးအဖွဲ့ (WHO) က သတိပေးထားသည်။

ဂါဇာဒေသ၌ အငတ်ဘေး၏ အကျိုးဆက်ဖြစ်သော အာဟာရချို့တဲ့မှုနှုန်းမှာ မြန်ဆန်စွာ မြင့်တက်လာလျက်ရှိကြောင်း၊ ဆေးခန်းလာပြသည့် ကလေးငယ်များကို ကြည့်မည်ဆိုလျှင် ၎င်းတို့၏ အရွယ်က လက်ရှိအသက်ထက် ပိုမိုသေးကွေးနေကြောင်း ကမ္ဘာ့ကျန်းမာရေးအဖွဲ့မှ တာဝန်ရှိသူတစ်ဦးက ပြောသည်။

ထို့ကြောင့် အာဟာရပြည့်ဝမှုရှိသော အစားအစာ၊ ရေသန့်နှင့် ကျန်းမာရေးစောင့်ရှောက်မှုကို ပြည့်ပြည့်ဝဝ မရရှိပါက မျိုးဆက်တစ်ခုလုံးအပေါ် သက်ရောက်မှု ရှိစေမည် ဟု ၎င်းက ဆိုသည်။

အစ္စရေးအစိုးရသည် မတ်လ အစောပိုင်းမှစ၍ ဂါဇာဒေသကို ပိတ်ဆို့ထားပြီး လူသားချင်းစာနာထောက်ထားမှုဆိုင်ရာ ကူညီကယ်ဆယ်ရေးပစ္စည်းများကို ဝင်ခွင့်မပြုကြောင်း ဂါဇာမှ တာဝန်ရှိသူများက ပြောထားသည်။

Ref : TST

Source: Myawady Daily Newspaper

ပြည်ထောင်စုသမ္မတမြန်မာနိုင်ငံတော်အစိုးရ

ပညာရေးဝန်ကြီးဌာန

အဆင့်မြင့်ပညာဦးစီးဌာန

ကြေညာချက်

နေ့သင်တန်းများဖွင့်လှစ်ကြောင်း ကြေညာခြင်း

ပညာရေးဝန်ကြီးဌာန အဆင့်မြင့်ပညာဦးစီးဌာနရှိ တက္ကသိုလ်နှင့် ဒီဂရီကောလိပ်များ၏ ဘွဲ့ကြိုသင်တန်းများနှင့် ဘွဲ့လွန်တန်းများကို မေ ၂၂ ရက်မှစတင်၍ နံနက် ၉ နာရီမှ ညနေ ၄ နာရီထိ ကျောင်းအပ်လက်ခံပြီး ဇွန် ၂ ရက်မှစတင်၍ ဖွင့်လှစ်သွားမည်ဖြစ်ကြောင်း ကြေညာလိုက်သည်။

အဆင့်မြင့်ပညာဦးစီးဌာန၊ ပညာရေးဝန်ကြီးဌာန

ပဲရစ်   မေ ၁၃

ပြင်သစ်လီဂူးပြိုင်ပွဲ၏ တစ်နှစ်တာအကောင်းဆုံးကစားသမားဆုကို ပီအက်စ်ဂျီအသင်း တိုက်စစ်ကစားသမား ဒမ်ဘီလီက ဆွတ်ခူးနိုင်ခဲ့ကြောင်း သိရသည်။

အသက် ၂၇ နှစ်ရှိ ဒမ်ဘီလီသည် ဘာစီလိုနာအသင်းတွင် ဒဏ်ရာပြဿနာများနှင့် ရုန်းကန်ခဲ့ရပြီးနောက် ပြီးခဲ့သည့် ၂၀၂၃ ခုနှစ် နွေရာသီ ကစားသမားအပြောင်းအရွှေ့ကာလက ပီအက်စ်ဂျီအသင်းသို့ ပြောင်းရွှေ့ကစားခဲ့သူဖြစ်ပြီး ပထမဆုံး ဘောလုံးရာသီတွင် ခြေစွမ်းပြသနိုင်ရန် ရုန်းကန်ခဲ့ရသော်လည်း ယခုနှစ်ဘောလုံးရာသီတွင် နည်းပြအင်းနရစ်လက်အောက်၌ အကောင်းဆုံး ခြေစွမ်းပြသလျက်ရှိသူဖြစ်သည်။

ဒမ်ဘီလီသည် ယခုနှစ် ဘောလုံးရာသီတွင် ပီအက်စ်ဂျီအသင်းနှင့်အတူ ပြင်သစ်လီဂူးပြိုင်ပွဲ ၂၈ ပွဲ ပါဝင်ကစားပြီးချိန်တွင် ၂၁ ဂိုးထိ သွင်းယူနိင်ခဲ့သကဲ့သို့ ဂိုးဖန်တီးမှု ခြောက်ကြိမ် ပြုလုပ်နိုင်ခဲ့ပြီး သွင်းဂိုးအများဆုံး ကစားသမားစာရင်းတွင် ထိပ်ဆုံးက ဦးဆောင်နေပြီး ပီအက်စ်ဂျီအသင်းရာသီမကုန်ဆုံးမီ ပြင်သစ်လီဂူးဆုဖလား ဆွတ်ခူးနိုင်ခဲ့ရာတွင် အဓိက ကစားသမားအဖြစ် ပါဝင်ခဲ့ပြီးနောက် တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ခဲ့သည်။

ဒမ်ဘီလီသည် ရင်းနက်စ်အသင်းတွင် ကစားခဲ့စဉ် ၂၀၁၆ ခုနှစ်ကလည်း အသင်းနှင့်အတူ ပြင်သစ်လီဂူးပြိုင်ပွဲတွင် အကောင်းဆုံးခြေစွမ်းပြသနိုင်ခဲ့ပြီး တစ်နှစ်တာ လူငယ်အကောင်းဆုံး ကစားသမားဆုကို ဆွတ်ခူးနိုင်ခဲ့ဖူးရာ ယခုအခါ တစ်ဦးချင်းအဓိကဆုကို ဒုတိယအကြိမ် ရရှိခဲ့ခြင်းဖြစ်ကြောင်း သိရသည်။

Source: ရတနာပုံသတင်းစာ
 

နယူးယောက်   မေ ၁၃

ဂေါက်ကွင်းများနှင့် တစ်မိုင်အကွာ အဝန်းအဝိုင်းတွင် နေထိုင်သူများသည် ခြောက်မိုင်အကွာတွင် နေထိုင်သူများထက် ပါကင်ဆန်ရောဂါဖြစ်နိုင်ခြေ ၁၂၆ ရာခိုင်နှုန်းထိ မြင့်မားနေတတ်ကြောင်း မေ ၁၂ ရက်သတင်းများအရ သိရသည်။

ဂေါက်ကွင်းများအနီး နေထိုင်သူများ၌ ပါကင်ဆန်ရောဂါဖြစ်ပွားနိုင်ခြေ ပုံမှန်ထက်မြင့်မားနေမှုသည် ဂေါက်ကွင်းများ၌ အသုံးပြုနေသော ပိုးသတ်ဆေးများနှင့် သက်ဆိုင်နိုင်ကြောင်း အမေရိကန်သုတေသနပညာရှင်များက သုံးသပ်ထားသည်။

အမေရိကန် သုတေသနပညာရှင်များသည် အမေရိကန်နိုင်ငံတစ်ဝန်း ဂေါက်ကွင်းများ၏ တည်နေရာနှင့် ဝစ္စဂွန်ဆင်ပြည်နယ်၊ မင်နီဆိုတာပြည်နယ်တို့မှ ရေပေးဝေဖြန့်ဖြူးရေးနယ်မြေ ၂၂၄ ခုတို့ကို လေ့လာခဲ့ကြသည်။

အမေရိကန် သုတေသနပညာရှင်များ၏ လေ့လာချက်မှပေါ်ထွက်လာသည့်ရလဒ်များအရ ဂေါက်ကွင်းများအနီး နေထိုင်သူများတွင် ပါကင်ဆန်ရောဂါ ဖြစ်နိုင်ခြေ မြင့်မားနေတတ်ပြီး ဂေါက်ကွင်းများနှင့် ဝေးသည့်နေရာများ၌ နေထိုင်သူများတွင် ပါကင်ဆန်ရောဂါဖြစ်နိုင်ခြေ ပိုမိုနည်းပါးသွားသည်ကို တွေ့ရကြောင်း သုတေသနပညာရှင်များက ပြောကြားသည်။

ပါကင်ဆန်ရောဂါသည် မျိုးဗီဇအကြောင်းတရားများနှင့် သဘာဝပတ်ဝန်းကျင်ဆိုင်ရာ အကြောင်းတရားများကြောင့် ဖြစ်ပွားတတ်သည့် အာရုံနာ့ဗ်ဆဲလ်ရောဂါတစ်မျိုးဖြစ်ကြောင်း သိရသည်။

Source: ရတနာပုံသတင်းစာ