ဖိလစ်ပိုင်သမ္မတ ဖာဒီနန်မားကို့စ် ဂျူနီယာသည် ပြီးခဲ့သည့်လက ၎င်းအားသတ်ဖြတ်မည်ဟု ကြုံးဝါးခဲ့သူ ဒုသမ္မတ ဆာရာဒူတာတေးကို အမျိုးသား လုံခြုံရေး ကောင်စီမှ တာဝန်ဖယ်ရှားရန် အုပ်ချုပ်ရေး အမိန့်ကို လက်မှတ်ရေးထိုး၍ ဒီဇင်ဘာ ၃ ရက်နေ့က ထုတ်ပြန် ကြေညာလိုက်ပါသည်။ မနှစ်ကတည်းက ဖိလစ်ပိုင်နိုင်ငံရေးမဟာမိတ်ဟောင်း ၂ ဦးအကြား ခါးသီးသည့် ပဋိပက္ခများ ဖြစ်ပွားခဲ့ရာက စတင်၍ ကြီးထွားလာခဲ့ကြောင်း ဖော်ပြထားပါသည်။

အမျိုးသားလုံခြုံရေးကောင်စီ (NSC) ကို ပြန်လည်ဖွဲ့စည်းရာတွင် ကောင်စီအဖွဲ့ဝင်များအနေဖြင့် အမျိုးသားလုံခြုံရေးနှင့် အချုပ်အခြာအာဏာကို ထိန်းသိမ်းကာကွယ်စောင့်ရှောက်ရန် တာဝန်ရှိကြောင်း သမ္မတ မားကို့စ်က ပြောကြားခဲ့ပါသည်။

ကိုးကား - The Guardian

ယူကရိန်းနိုင်ငံကို ဖြတ်ကျော်ဆက်သွယ်ထားသော ရုရှားဓာတ်ငွေ့ပိုက်လိုင်းများမှ ဓာတ်ငွေ့မရရှိတော့ခြင်းနှင့်ပတ်သက်၍ စလိုဗက်ကီးနိုင်ငံ၊ ပြည်ထဲရေးဝန်ကြီး Matus Sutaj Estok က ယူကရိန်းအနေဖြင့် ယုံကြည်မှုကို အလွဲသုံးစားလုပ်ပြီး သစ္စာမရှိသည့်လုပ်ရပ်ဖြစ်ကြောင်း ပြောဆိုလိုက်ပါသည်။ 

ယူကရိန်း-ရုရှား ပဋိပက္ခစတင်ကတည်းက စလိုဗက်ကီးယားနိုင်ငံက ယူကရိန်းနိုင်ငံအတွက် အရေးပါသော စစ်ရေး၊ နိုင်ငံရေးနှင့် လူသားချင်းစာနာထောက်ထားမှုဆိုင်ရာ အကူအညီများကို ထောက်ပံ့ပေးကမ်းခဲ့သော်လည်း ဓာတ်ငွေ့ပိုက်လိုင်းများ စာချုပ်ပြည့်သွားပြီဟုဆိုကာ ယူကရိန်းနိုင်ငံကိုဖြတ်ကျော်ပြီး ဥရောပနိုင်ငံများသို့ ဖြန့်ဖြူးပေးထားသောဓာတ်ငွေ့များ ဖြတ်သွားခွင့်မပြုတော့ခြင်းနှင့်ပတ်သက်၍ ထိုကဲ့သို့လုပ်ဆောင်ခြင်းသည် ဥရောပနိုင်ငံများ၏ စွမ်းအင်တည်ငြိမ်မှုကို ခြိမ်းခြောက်လိုက်ခြင်းဖြစ်သည်ဟုလည်း ၎င်း၏ လူမှု ကွန်ယက်စာမျက်နှာတွင် ရေးသားခဲ့ပါသည်။ 

သို့သော် ၎င်းကယူကရိန်းအနေဖြင့် ကျန်ရှိသည့် ဥရောပနိုင်ငံများနှင့် ပြန်လည်စည်းလုံးမှုရစေရန် မျှော်လင့်ကြောင်း ရေးသားခဲ့ပါသည်။ ယူကရိန်းက ရုရှားနိုင်ငံပိုင် Gazprom ရေနံကုမ္ပဏီနှင့် ရေနံနှင့်ဓာတ်ငွေ့တင်ပို့မှု ဖြတ်သန်းခွင့်စာချုပ်ကို ၂၀၂၄ နှစ်ကုန်တွင် သက်တမ်းတိုးရန် ငြင်းဆိုခဲ့ခြင်းကြောင့် သြစတြီးယား၊ အီတလီနှင့် စလိုဗက်ကီးယားအပါအဝင် အီးယူနိုင်ငံအချို့သို့ သဘာဝဓာတ်ငွေ့ စီးဆင်းမှု ပြတ်တောက်သွားခဲ့သည်။ ကုန်းတွင်းပိတ် စလိုဗက်ကီးယားနိုင်ငံ၏ ၀ယ်လိုအား ၆၀ ရာခိုင်နှုန်းခန့်ကို ပြည့်မီရန် ရုရှားဓာတ်ငွေ့အပေါ် မူတည်နေရသည်။ ယူကရိန်း၏ ဆုံးဖြတ်ချက်က အစားထိုးထောက်ပံ့ရေး စရိတ်နှင့် သယ်ယူပို့ဆောင်ရေးစရိတ်များ မြင့်မားလာမည်ဖြစ်ပြီး နှစ်စဉ် ယူရိုသန်းရာနှင့်ချီ ကုန်ကျမည်ဟု အီစတော့က ဆိုလိုက်ပါသည်။ 

၂၀၂၅ အတွက် စွမ်းအင်လိုအပ်ချက်ပြည့်မီသော်လည်း နောက်နှစ်များတွင် ကြုံတွေ့လာမည့် အခက်အခဲများအတွက် သက်တမ်းတိုးရန် လိုအပ်ပြီး စွမ်းအင် ထောက်ပံ့မှု တည်ငြိမ်စေရေး သေချာစေမည့် ဖြေရှင်းချက်များနှင့်အပေးအယူများကို ရှာဖွေရန် လိုအပ်သည်ဟု ၎င်းကဆိုသည်။ ဝန်ကြီးချုပ်ကလည်း ယူကရိန်း ဒုက္ခသည်များကို ထောက်ပံ့နေမှုအား ပြန်လည်သုံးသပ်နေကြောင်း ပြောဆိုလိုက်ပါသည်။

ကိုးကား-RT

Las Vegas ရှိ Trump International Hotel အပြင်ဘက်တွင် ဒီဇင်ဘာ ၁ ရက်နေ့က Tesla Cybertruck ကားပေါက်ကွဲမှုဖြစ်ပွားခဲ့ပြီး အဆိုပါ ဖြစ်စဉ်ကြောင့် ယာဉ်မောင်းသေဆုံးကာ လူ ၇ ဦး ထိခိုက်ဒဏ်ရာ ရရှိခဲ့ သည်။

Tesla Cybertruck ဖြင့် ကားပေါက်ကွဲမှုပြုလုပ်ခဲ့သည့် အဆိုပါယာဉ်မောင်းမှာ US Army Green Beret တွင် တာဝန်ထမ်းဆောင်နေသော စစ်သား Matthew Alan Livelsberger ဖြစ်ကြောင်း ရဲတပ်ဖွဲ့၏ ပြောကြားချက်အရ သိရှိရသည်။

Livelsberger သည် အမေရိကန်အထူးတပ်ဖွဲ့ (US Army Special Forces) မှ တပ်ကြပ်ကြီးတစ်ဦး ဖြစ်ကြောင်း ရဲအရာရှိ ၄ ဦး၏ ပြောကြားချက်အရ သိရှိရသည်။ ထို့ပြင် အဆိုပါ စစ်သားသည် လက်ရှိတွင် အထူးတပ်ဖွဲ့နှင့်အတူ ဂျာမနီတွင် တာဝန်ကျနေသည့် ကာလဖြစ်သော်လည်း အဆိုပါပေါက်ကွဲမှု ဖြစ်ပွားချိန်တွင် ခွင့်ဖြင့် ပြန်လာနေထိုင်ချိန်ဖြစ်ကြောင်း ပြောကြား ထားသည်။

Livelsberger သည် ကြေးကြယ်တံဆိပ်ဆုရရှိထားသူ စစ်သားဟောင်းဖြစ်ပြီး ၎င်းသည် “နိုင်ငံရေးမကျေနပ် ချက်များ” နှင့်ပတ်သက်သည့် စာများလည်း ရေးသားခဲ့ သည်။ ထို့ပြင် အချို့နေရာများတွင် ဖြစ်ပွားနေသော လက်နက်ကိုင်ပဋိပက္ခများနှင့် ၎င်း၏ အိမ်တွင်းရေး ပြဿနာများက အဆိုပါယာဉ်မောင်းအား မိမိကိုယ်ကို အဆုံးစီရင်သည်အထိဖြစ်စေခဲ့ကြောင်း တာဝန်ရှိသူ များက ဒီဇင်ဘာ ၃ ရက်နေ့တွင် ပြောကြားခဲ့သည်။

ထို့ပြင် Livelsberger ၏ ဖုန်းထဲတွင် ၎င်းကိုယ်တိုင် ရေးသားထားသည့်စာများကိုလည်း တွေ့ရှိခဲ့ကြောင်း Las Vegas မြို့တော်ရဲဌာနမှ ရဲအရာရှိ Dori Koren က သတင်းစာရှင်းလင်းပွဲတွင် ပြောကြားခဲ့သည်။

၎င်းရေးသားခဲ့သောစာတွင် အဆိုပါဖြစ်ရပ်သည် အကြမ်းဖက်တိုက်ခိုက်မှုတစ်ခုအဖြစ်မဟုတ်ဘဲ “နိုးကြားမှု တစ်ခု”ဖြစ်စေရန် ပြုလုပ်ခြင်းဖြစ်ကြောင်း၊ ရဲတပ်ဖွဲ့၏ ပြန်လည်ပြောကြားချက်အရ သိရှိရသည်။ ထို့ပြင် စုံစမ်းစစ်ဆေးသူများ၏ တွေ့ရှိချက်အရ “အမေရိကန်များသည် ပျော်ပွဲရွှင်ပွဲများနှင့် အကြမ်းဖက်မှုများကိုသာအလေးထားပြီး” “မီးရှူးမီးပန်းများနှင့် ဖောက်ခွဲရေးပစ္စည်းများ” သည် ၎င်းတို့၏ အာရုံစူးစိုက်မှုခံရစေရန် အကောင်းဆုံးဖြစ်ကြောင်း Livelsberger ၏ စာတွင် ရေးသားထားသည်ကို တွေ့ရှိရသည်။

ကိုးကား - CNN

တောင်ကိုရီးယား သမ္မတ Yoon Suk Yeol အား ဖမ်းဝရမ်းထုတ်ပြီးနောက် သမ္မတအိမ်ခြံဝင်းအတွင်း ဝင်ရောက်ဖမ်းဆီးရန် ကြိုးပမ်းသည့်အဖွဲ့ဝင်များနှင့် သမ္မတလုံခြုံရေးအဖွဲ့ဝင်များ၊ ထောက်ခံသူများအကြား နာရီအတန်ကြာ အခြေအနေတင်းမာမှုများဖြစ်ပွားပြီး စုံစမ်းစစ်ဆေးရေးမှူးများက ဖမ်းဆီးရန်ကြိုးပမ်းမှုအား ရပ်ဆိုင်းလိုက်သည်။ စစ်အုပ်ချုပ်ရေးကြေညာခဲ့သည့် သမ္မတအပေါ် စုံစမ်းစစ်ဆေးမှုများ ဆောင်ရွက်နေသည့် စုံစမ်းစစ်ဆေးရေးအဖွဲ့က သမ္မတယွန်း၏ ပြစ်မှုအပေါ် ပြန်လည်သုံးသပ်ပြီး နောက်ထပ်အဆင့်များအတွက် ဆုံးဖြတ်သွားမည်ဟုဆိုပါသည်။ ဖမ်းဝရမ်းသည် ဒီဇင်ဘာ ၆ ရက်နေ့တွင် သက်တမ်းကုန်ဆုံးမည် ဖြစ်သည်။

သမ္မတယွန်းအား ထိန်းသိမ်းရန် ဖမ်းဝရမ်းဖြင့် အဖွဲ့ဝင် ၁၅၀ ကျော်ကို ဆိုးလ်မြို့ရှိ သမ္မတအိမ်ခြံဝင်းအတွင်းသို့ ဒီဇင်ဘာ ၃ ရက်နေ့ နံနက်ပိုင်းက ဖြန့်ကျက်ချထား သော်လည်း သမ္မတလုံခြုံရေးအဖွဲ့က ၎င်းတို့၏ နေအိမ်အား ရှာဖွေခွင့်မပြုကြောင်း ပြောကြားခဲ့သည်ဟု သိရသည်။

သမ္မတယွန်းကို ထောက်ခံသူများက ဖမ်းဝရမ်းထုတ်ခဲ့ခြင်းအပေါ်  ကန့်ကွက်ခဲ့ကြပြီး ဆိုးလ်မြို့ရှိ သမ္မတအိမ်တော်အပြင်ဘက်တွင် နေ့စဉ်စုဝေးခဲ့ကြသည်။ စုံစမ်းစစ်ဆေးရေးမှူးများသည် ထောက်ခံသူများနှင့် ထိပ်တိုက်တွေ့မည်ကို စိုးရိမ်မှုများရှိလာကြောင်းလည်းဖော်ပြထားပါသည်။

ကိုးကား-NHK World

လက်ရှိအမေရိကန်သမ္မတ ဂျိုးဘိုင်ဒင်သည် တရားမဝင်ရွှေ့ပြောင်းနေထိုင်သူများကို နိုင်ငံအတွင်းသို့အများအပြားဝင်ရောက်နေထိုင်ခွင့်ပြုခြင်း၊ အမေရိကန်-မက္ကဆီကိုနယ်စပ်တံတိုင်းတည်ဆောက်မှုအတွက် ခွဲဝေပေးထားသော ကုန်ကြမ်းပစ္စည်းများကိုရောင်းချခြင်းအားဖြင့် နိုင်ငံတော်သစ္စာဖောက်မှုကိုကျူးလွန်ကြောင်း အီလွန်မက် ကစွပ်စွဲလိုက်သည်။

အမေရိကန်သမ္မတလောင်း ဒေါ်နယ်ထရမ့်နှင့် ရီပတ်ဘလစ်ကန်များက အမေရိကန်နိုင်ငံ၏နယ်စပ်ဒေသများ လုံခြုံမှုမရှိခြင်းအတွက် ဂျိုးဘိုင်ဒင်ကိုလွန်ခဲ့သောနှစ်များစွာကတည်းက ဝေဖန်မှုများပြုလုပ်ခဲ့ခြင်းဖြစ်သည်။

အမေရိကန်-မက္ကဆီကိုနယ်စပ်တံတိုင်း ကာရံမှုအတွက် ထရမ့်၏ပထမအကြိမ် သမ္မတသက်တမ်းတွင် ခွင့်ပြုခဲ့သော်လည်း ဂျိုးဘိုင်ဒင်လက်ထက်တွင် ရပ်ဆိုင်းသည့်အပြင် ဆောက်လုပ်ရေးပစ္စည်းများကိုပါ လေလံတင်ရောင်းစားလိုက်သောကြောင့် ဂျိုးဘိုင်ဒင်အစိုးရအနေဖြင့် ပြင်းထန်သော ဝေဖန်မှုများ၊ တိုက်ခိုက်မှုများနှင့်ရင်ဆိုင်နေရခြင်းဖြစ်သည်။

ထို့ကြောင့် ဂျိုးဘိုင်ဒင်အစိုးရသည် နယ်စပ်ကိုရည်ရွယ်ချက်ရှိရှိဖွင့်ပေးခဲ့ခြင်းဖြစ်သည့်အတွက် နိုင်ငံတော်သစ္စာဖောက်မှုကိုကျူးလွန်ခြင်းဖြစ်သည်ဟု အီလွန်မက် ကပြောထားခြင်းဖြစ်သည်။

Ref: RT

Source: Myawady Web Portal

မြောက်ကိုရီးယားနိုင်ငံအနေဖြင့် ရုရှားနှင့် မဟာဗျူဟာမြောက်ပူးပေါင်းဆောင်ရွက်မှုကို ပိုမိုခိုင်မာစေရန်လုပ်ဆောင်မည်ဖြစ်ကြောင်း ခေါင်းဆောင်ကင်ဂျုံအွန် က ပြောကြားခဲ့သည်ဟု  KCNA သတင်းအေဂျင်စီက   ဒီဇင်ဘာလ ၃၁ ရက်တွင် ဖော်ပြသည်။

မြောက်ကိုရီးယားနှင့် ရုရှားနိုင်ငံတို့ကြား ဆက်ဆံရေးသည်  ၂၀၂၄ ခုနှစ်အတွင်း စီမံကိန်းသစ်များ ဖော်ဆောင်ခြင်းအားဖြင့် ပိုမိုမြင့်တက် ခိုင်မာလာခဲ့ကြောင်း၊ မိမိအနေဖြင့်လည်း   နှစ်နိုင်ငံဆက်ဆံရေး ပိုမိုခိုင်ခံ့လာစေရေးလုပ်ဆောင်ရန်    ဆန္ဒရှိနေကြောင်း ဒီဇင်ဘာလ ၃၀ ရက်တွင်   ရုရှားသမ္မတ ဗလာဒီမာပူတင်နှင့် ရုရှားနိုင်ငံသားများသို့     စာရေးသားပေးပို့၍ နှုတ်ခွန်းဆက်သရာတွင် ထည့်သွင်းဖော်ပြခြင်းဖြစ်သည်။

ထို့ပြင် ၂၀၂၅ ခုနှစ် နှစ်သစ်သည် ရုရှားတပ်မတော်နှင့်  ရုရှားပြည်သူများ၏ ၂၁ ရာစုအတွင်း ပထမဆုံးအကြိမ် အောင်ပွဲရရှိသော နှစ်တစ်နှစ်အဖြစ် မှတ်တမ်းတင်ခံရမည်ဖြစ်ကြောင်း ခေါင်းဆောင်ကင်ကဆက်လက်ပြောကြားခဲ့ကြောင်း  KCNA သတင်းအေဂျင်စီက  ဆက်လက်ဖော်ပြသည်။

မြောက်ကိုရီးယားခေါင်းဆောင် ကင်ဂျုံအွန်နှင့် ရုရှားသမ္မတ ဗလာဒီမာပူတင်တို့ နှစ်ဦးသည် ၂၀၂၄ ခုနှစ်   ဇွန်လအတွင်း ထိပ်သီးဆွေးနွေးပွဲတစ်ရပ် ကျင်းပပြီး အပြန်အလှန်ကာကွယ်ရေး သဘောတူညီချက်တစ်ရပ်ကို လက်မှတ်ရေးထိုးခဲ့သည်။ အဆိုပါသဘောတူညီချက်အရ စစ်ရေးအရ တိုက်ခိုက်ခံရပါက တစ်နိုင်ငံအားအခြား တစ်နိုင်ငံမှ အပြန်အလှန် အကူအညီပေးမည် ဖြစ်ကြောင်း သိရသည်။ 

Source: Myawady Web Portal

ရုရှား သမ္မတဗလာဒီမာပူတင်၏ မိန့်ခွန်းတွင် “လာမည့် မိနစ်အနည်းငယ်အတွင်းမှာ ၂၀၂၅ ခုနှစ် ဆိုသည့် နှစ်သစ်ကို စတင်တော့မည်ဖြစ်ပါကြောင်း၊ ရုရှားနိုင်ငံတွင် အဆိုပါကာလသည် သမိုင်းဝင်အရေးပါသော အကြီးစား ဖြစ်ရပ်များ အပါအဝင် များစွာသော အခိုက်အတန့်များ ဖြင့်ပြည့်နေပါကြောင်း၊ ၎င်းတို့သည် မိမိတို့အတွက် ကြီးမားသော ရည်မှန်းချက်များကိုချမှတ်ပြီး ၎င်းတို့ကို အောင်မြင်စွာ အတူတကွ လက်တွဲခဲ့ကြသောကြောင့် စိန်ခေါ်မှုများကို တစ်ကြိမ်ထက်မကပို၍ ကျော်ဖြတ် နိုင်ခဲ့ခြင်းသည် ၎င်းတို့၏စည်းလုံးညီညွတ်မှု၊ ယုံကြည်ချက် နှင့်၎င်းတို့၏စွမ်းဆောင်နိုင်မှုတို့ကို ပိုမိုခိုင်ခံလာစေခဲ့ ပါကြောင်း ပူတင်က ပြောကြားခဲ့ပါသည်။

ထို့အပြင်၎င်းတို့တွင် ဆုံးဖြတ်စရာကိစ္စရပ်များစွာ ကျန်ရှိနေသေးပါကြောင်း သို့သော် လုပ်ဆောင်ပြီးကိစ္စရပ်များအတွက်လည်းဂုဏ်ယူပါကြောင်း၊ ဤသည်မှာ ၎င်းတို့၏ ဘုံအမွေအနှစ်ဖြစ်ပြီး နောက်ထပ် ဖွံ့ဖြိုး တိုးတက်မှုအတွက် ယုံကြည်စိတ်ချရသော အခြေခံဖြစ်ပါကြောင်း၊ လွတ်လပ်ပြီး ခိုင်မာသော ၎င်းတို့နိုင်ငံ သည် အခက်ခဲဆုံးသော စိန်ခေါ်မှုများကို တုံ့ပြန်နိုင်ခဲ့ပါကြောင်း၊ ယခုလည်း နှစ်သစ်၏ တံခါးဝတွင် ၎င်းတို့ သည် ၎င်းတို့၏အနာဂတ်ကို တွေးတောနေပါကြောင်း၊  အရာအားလုံးအဆင်ပြေသွားမည်မှာ သေချာပါကြောင်း၊ ၎င်းတို့အနေဖြင့် ရှေ့ကိုဆက်သွားမည်ဖြစ်ပါကြောင်း၊ ၎င်းတို့အတွက် ပကတိတန်ဖိုးသည် ရုရှားနိုင်ငံ၏ ကံကြမ္မာဖြစ်ပြီး နိုင်ငံသားများ၏ သုခချမ်းသာဖြစ်ရေး ကို ရှေးရှုထားပါကြောင်း၊ အမိနိုင်ငံအတွက် စိတ်ရင်းမှန် ဖြင့်ခံစားချက်များသည် ၎င်းတို့၏ဘဝများကို အဓိပ္ပာယ်ပြည့်ဝစေပါကြောင်း၊ ၎င်း၏ အချုပ်အခြာအာဏာ၊ လုံခြုံရေး၊ အကျိုးစီးပွားများနှင့် လွတ်လပ်သော ဖွံ့ဖြိုးတိုးတက်ရေးတို့ကို အကာအကွယ်ပေးလိုသောဆန္ဒသည် ၎င်းတို့အတွက် ဂုဏ်ယူစရာကိစ္စတစ်ခု ဖြစ်လာခဲ့ပါကြောင်း ပြောကြားခဲ့ပါသည်။

ဤနှစ်သစ်ကူးအကြိုတွင် ရုရှားနိုင်ငံတစ်ဝှမ်းရှိသန်းပေါင်း များစွာသောပြည်သူလူထုများ၊ မိသားစုဆွေမျိုးများ၏ အတွေးများနှင့် မျှော်လင့်ချက်များသည် ရုရှားနိုင်ငံ၏ တပ်မတော်သားများ၊ တပ်မှူးများနှင့်အတူ ရှိနေ ပါကြောင်း၊ ရုရှားနိုင်ငံကို ကာကွယ်ရန်နှင့် ပြည်သူများကို ထာဝရငြိမ်းချမ်းရေးနှင့် လုံခြုံရေးအတွက် အာမခံချက်များကို ပေးဆောင်ရန်အတွက် ကြီးကျယ်ခမ်းနားသည့် စစ်ရေးအလုပ်များကို ဆောင်ရွက်နေကြသည့် စစ်မှန်သည့်သူရဲကောင်းများအဖြစ် ရုရှားတပ်မတော်သားများအား မှတ်ယူထားပါကြောင်း၊ ၎င်းတို့၏ရဲစွမ်းသတ္တိအတွက် ဂုဏ်ယူပါကြောင်း၊ သမ္မတ ဗလာဒီမာပူတင်က ၎င်း၏ နှစ်သစ်ကူး မိန့်ခွန်းတွင် ပြောကြားခဲ့ပါသည်။

အမိမြေအတွက် တိုက်ပွဲဝင်ခဲ့ကြသော ဘိုးဘေးဘီဘင်များအား ဂုဏ်ပြုသောအားဖြင့် ကျရောက်မည့် ၂၀၂၅ ခုနှစ်အား အမိမြေကို ကာကွယ်သောနှစ် ၈၀ ပြည့်အဖြစ် ဂုဏ်ပြုမည့်နှစ်အဖြစ် ကြေညာပါကြောင်း၊ ၎င်းတို့သည် နာဇီဝါဒကို ချေမှုန်းပစ်ခဲ့သောမျိုးဆက်၏ သားသမီးများ၊ မြေးများနှင့် မြစ်များဖြစ်ပါကြောင်း၊ ၎င်းတို့သည် ၎င်းတို့၏ စစ်မှုထမ်းဟောင်းများ၏ ပဋိညာဉ်များနှင့် ဓလေ့ထုံးတမ်းများကို သစ္စာစောင့်သိသွားမည်ဖြစ်ပါကြောင်း သမ္မတက ပြောကြားခဲ့ပါသည်။

နှစ်သစ်တွင် ၎င်းတို့၏ အိပ်မက်များနှင့် အတွေးအခေါ်များ၊ အကောင်းဆုံးသော ရည်ရွယ်ချက်များသည် သေချာပေါက် အကောင်အထည်ဖော်နိုင်မည်ဟု မျှော်လင့်ပါကြောင်း ၎င်းတို့၏ ချစ်ခင်မြတ်နိုးသည့် ရုရှားနိုင်ငံနှင့် ပြည်သူလူထုများအတွက် ကောင်းကျိုးသုခနှင့် ကြွယ်ဝချမ်းသာမှုတို့ ပြည့်စုံပါစေကြောင်း ဆုမွန်ကောင်းတောင်းအပ်ပါ သည်” ဟု သမ္မတ ပူတင် မှ နှစ်သစ်ကူး ဆုမွန်တောင်းပေးခဲ့ပါသည်။

ကိုးကား - kremlin.ru

Photo- Aljazeera

ရုရှားကာကွယ်ရေးဝန်ကြီးဌာနက ၎င်းတို့၏ တပ်မတော်များသည် ဘီလာရုစ်ပိုင်နက်တွင်ရှိနေပြီး ၎င်းတို့အား စိတ်ပိုင်းဆိုင်ရာနှင့် ဆေးဘက်ဆိုင်ရာ အကူအညီများပေးကာ ဆွေမျိုးများနှင့် ဆက်သွယ်ရန် ဆောင်ရွက်ပေးထားကြောင်း၊ ယင်းနောက် ၎င်းတို့အား မော်စကိုရှိ ဆေးဘက်ဆိုင်ရာဌာနများတွင် ကုသရေးနှင့် ပြန်လည်ထူထောင်ရေးတို့အတွက် ခေါ်ဆောင်သွားမည်ဖြစ်ကြောင်း သတင်းထုတ်ပြန်ခဲ့ပါသည်။

ကိုးကား - Zvezdanews

Photo- SAN

ဆိုးလ်မြို့ရှိ ခရိုင်တရားရုံးတစ်ခုသည် ဆူပူအုံကြွမှု စွပ်စွဲချက်များနှင့် စွပ်စွဲခံထားရသော သမ္မတ Yoon Suk Yeol ကို ဖမ်းဆီးရန် ဖမ်းဝရမ်းကို အတည်ပြုလိုက်ပြီ ဖြစ်သည်။

အဆိုပါ ဖမ်းဝရမ်းအတွက် လျှောက်ထားချက်ကို ရဲတပ်ဖွဲ့၊ ကာကွယ်ရေး ဝန်ကြီးဌာနနှင့် အကျင့်ပျက် ခြစားမှု တိုက်ဖျက်ရေး အထူးအဖွဲ့တို့ ပါဝင်သော ပူးပေါင်း စုံစမ်းစစ်ဆေးရေးအဖွဲ့က ဒီဇင်ဘာ ၃၀ ရက်နေ့က တင်သွင်းခဲ့ခြင်းဖြစ်သည်။

Yoon သည် ပူးပေါင်းအဖွဲ့မှ ထုတ်ပြန်သော ဆင့်ခေါ်ချက် ကို လိုက်နာရန် သုံးကြိမ်တိုင်တိုင် ပျက်ကွက်ပြီးနောက် ယခုကဲ့သို့ ထွက်ပေါ်လာခြင်းဖြစ်သည်။ 

ဒီဇင်ဘာ ၂၇ ရက်နေ့တွင် Yoon အား ရာထူးမှ ပြန်လည် ခန့်အပ်ခြင်း သို့မဟုတ် အပြီးအပိုင်ဖယ်ရှားခြင်း ရှိ၊ မရှိ ဆုံးဖြတ်ရန် ဖွဲ့စည်းပုံအခြေခံဥပဒေဆိုင်ရာ တရားရုံးက ကြားနာစစ်ဆေးခဲ့သည်။

လွှတ်တော်အတွင်း မကျေလည်မှုများဖြစ်ပွားနေသော Yoon သည် ဒီဇင်ဘာ ၃ ရက်နေ့တွင် စစ်အုပ်ချုပ်ရေး ကြေညာခဲ့သည်။ အတိုက်အခံလွှတ်တော်ကိုယ်စားလှယ်များက နာရီ အနည်းငယ်အကြာတွင် အဆိုပါကြေညာမှုကို ဆန့်ကျင် ခဲ့ကြသည်။

Yoon ၏ ဥပဒေအကြံပေးအဖွဲ့သည် စွပ်စွဲပြစ်တင်မှု အား စုံစမ်းစစ်ဆေးပိုင်ခွင့်မရှိဟု ငြင်းဆိုထားသည့် ထုချေလွှာကို တရားရုံးသို့ တင်သွင်းထားကြောင်း ၎င်း၏ ရှေ့နေက ဒီဇင်ဘာ ၃၀ ရက်နေ့ တွင် ပြောကြားခဲ့သည်။

ကိုးကား-NHK World

အီးယူအဖွဲ့ဝင်အဖြစ် ဝင်ရောက်လိုသူများ ဆက်လက် ဆန္ဒပြနေကြစဉ် အနောက်အုပ်စုအပေါ် သဘောထား တင်းမာသော Kavelashvili သည် ဂျော်ဂျီယာ သမ္မတ အဖြစ် ကျမ်းသစ္စာကျိန်ဆိုလိုက်သည်။

ပရော်ဖက်ရှင်နယ် ဘောလုံးကစားသမားဟောင်း ဖြစ်ခဲ့ ဖူးသည့် သမ္မတသစ် မီခေးလ်ကာဗလက်ရှ်ဗီလီ၏ ကျမ်းသစ္စာကျိန်ဆိုပွဲအခမ်းအနားကို ဒီဇင်ဘာ ၂၉ ရက် နေ့တွင် ယခင်ဆိုဗီယက်သမ္မတနိုင်ငံ၌ ကျင်းပခဲ့သည်။

ပါလီမန်ရွေးကောက်ပွဲတွင် အများစုအနိုင်ရရှိထားသည့် လက်ရှိအာဏာရ Georgian Dream ပါတီ၏ ထောက်ခံမှုဖြင့် Kavelashvili သည် ယခုလ အစောပိုင်း ၌ ရွေးကောက်တင်မြှောက်ခံခဲ့ရသည်။

အနောက်လိုလားသော အတိုက်အခံပါတီများနှင့် သမ္မတဟောင်း Salome Zourabichvili တို့သည် Kavelashvili အား တရားဝင်သမ္မတအဖြစ် အသိအမှတ် မပြုပေ။ အောက်တိုဘာလ ရွေးကောက်ပွဲ၌ ရွေးကောက်ပွဲချိုးဖောက်မှုများရှိခဲ့သည်ဟု ၎င်းတို့က ပြောကြားခဲ့သည်။

ဥရောပသမဂ္ဂသို့ ဝင်ရောက်နိုင်ရေး ဆွေးနွေးပွဲများကို ဆိုင်းငံ့ထားရန် အစိုးရက နိုဝင်ဘာလတွင် ကြေညာ ခဲ့ပြီးနောက် မြို့တော် Tbilisi တွင် လူထုဆန္ဒပြပွဲများ ဆက်လက်ဖြစ်ပွားခဲ့သည်။

သမ္မတသစ် ကျမ်းသစ္စာကျိန်ဆိုခြင်းကို ဆန့်ကျင်သည့် အနေဖြင့် ပါလီမန် အဆောက်အအုံ အပြင်ဘက်၌ ဒီဇင်ဘာ ၂၉ ရက်နေ့တွင် အီးယူအလံများ ကိုင်ဆောင် ထားသော ဆန္ဒပြသူ အများအပြား စုဝေးခဲ့ကြသည်။

သမ္မတဟောင်းနှင့် အတိုက်အခံများက ပါလီမန်ရွေး ကောက်ပွဲ ပြန်လည်ကျင်းပရန် ကြိုးပမ်းနေကြသည်။

ဂျော်ဂျီယာအစိုးရသည် အနောက်နိုင်ငံများနှင့် ဝေးကွာ နေနိုင်သည်ဟု ပြည်တွင်းကျွမ်းကျင်သူများက သုံးသပ် နေကြသည်။

ကိုးကား-NHK World