ဗြိတိန်တော်ဝင်ရေတပ်မတော်သည် မောင်းနှင်သူလိုက်ပါခြင်းမရှိသည့်ရေအောက်သွား ရေယာဉ်များ ကို နျူကလီးယားစွမ်းအင်သုံး ရေငုပ်သင်္ဘောတစ်စင်းမှ အောင်မြင်စွာစမ်းသပ်ပစ်လွှတ်နိုင်ခဲ့ပြီဖြစ်သည်။

တရုတ်သိပ္ပံပညာရှင်များသည် လွန်ခဲ့သည့် နှစ်ပေါင်း ၂၀၀၀ ခန့်က အသုံးပြုခဲ့ဖွယ်ရှိသည့်   မြေငလျင် တိုင်းတာရေးကိရိယာတစ်ခုကို ပြန်လည်တည်ဆောက်ရန် ကြိုးပမ်းလျက်ရှိသည်။

အဆိုပါ ငလျင်တိုင်းတာရေးကိရိယာကို တရုတ်ကျွမ်းကျင်သူတစ်ဦးဖြစ်သူ ကျန်းဟန်က အေဒီ ၁၃၂ ခုနှစ်တွင် တီထွင်ထုတ်လုပ်ခဲ့သည်ဟုယူဆရပြီး အဆိုပါကိရိယာကို ကမ္ဘာ့ပထမဆုံးသော မြေငလျင်တိုင်းတာရေးကိရိယာအဖြစ် ကျယ်ကျယ်ပြန့်ပြန့်ယူဆခဲ့ကြသည်။ အဆိုပါကိရိယာကို ကနဦးက “ဟော့ဖန်တိတုန်းယီ” ဟု အမည်ပေးထားသည်။

တရုတ်နိုင်ငံသည် ၎င်းတို့တီထွင်ထုတ်လုပ်ခဲ့သည့် ခြင်အရွယ်အစားသာသာရှိသည့် စစ်ဘက်သုံး ဒရုန်း အသစ်တစ်မျိုး၏ စွမ်းဆောင်ရည်တိုးတက်စေရန်အတွက် ဉာဏ်ရည်တုနည်းပညာ (AI) ကို အသုံးပြုမည်ဖြစ်သည်။

အဆိုပါ အသေးစားဒရုန်းကို အမျိုးသားကာကွယ်ရေးနည်းပညာတက္ကသိုလ် (NUDT) ကထုတ်လုပ်ခဲ့ခြင်း ဖြစ်ပြီး ၎င်းကို သတင်းအချက်အလက်ရယူစုဆောင်းရန်နှင့် စစ်မြေပြင်ရှိ အထူးစစ်ဆင်ရေးများတွင် အသုံးပြုရန် အထူးသင့်လျော်ကြောင်း NUDT မှ ကျောင်းသားတစ်ဦးဖြစ်သူ လျန်ဟေရှန်းကပြောသည်။

ကျောက်ဆည်၊ ဇူလိုင်-၂၈

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်အတွင်းရှိ တောင်သူများ ကြွေးမြီ ကင်းရှင်းပြီး လူမှုစီးပွားဘဝဖွံ့ဖြိုးတိုးတက်စေရေး၊ မြန်မာ့လယ်ယာဖွံ့ဖြိုးရေးဘဏ် ကျောက်ဆည်ခရိုင်ဘဏ်ခွဲမှ ၂၀၂၅ ခုနှစ် မိုးရာသီ စိုက်ပျိုးစရိတ်များ ထုတ်ချေးပေးလျက်ရှိရှာ ယနေ့(၉)နာရီအထိ ငွေ(၄၂၂,၁၀၀,၀၀၀)ကျပ် ထုတ်ချေး ပေးပြီးဖြစ်ကြောင်း သိရသည်။

ကျောက်ဆည်၊ ဇူလိုင်-၂၈

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်စည်ပင်သာယာရေးအဖွဲ့နှင့် စားသုံးသူရေးရာ ဦးစီးဌာနတို့ပူးပေါင်း၍ ပြည်သူများစားဝတ်နေရေး တစ်ဖက်တစ်လမ်းမှ အထောက်အကူပြုစေရန်အတွက် ရွေ့လျားစနစ်ဖြင့် ပြည်သူ့သက်သာဈေးများဖွင့်လှစ်၍ အခြေခံစားသောက်ကုန်များအား ဈေးနှုန်းချိုသာစွာဖြင့် ရောင်းချပေးလျက်ရှိရာ ယနေ့နံနက်ပိုင်းက အေးမြကြည်လင်ရပ်ကွက်၊ နည်းပညာတက္ကသိုလ် (ကျောက်ဆည်) ၌ အခြေခံစားသောက်ကုန်များ ရောင်းချပေးခဲ့ကြောင်း သိရသည်။

နိုင်ငံတကာ အဏုမြူစွမ်းအင် အေဂျင်စီ (IAEA) ၏ ကိုယ်စားလှယ် အဖွဲ့ သည် လာမည့် သီတင်းနှစ်ပတ်အတွင်း အီရန်နိုင်ငံသို့ လာရောက်၍ပူးပေါင်းဆောင်ရွက်မှု ဆက်လက်လုပ်ဆောင်ရန် နည်းလမ်းများကိုဆွေးနွေးကြမည်ဖြစ်ကြောင်း အီရန်နိုင်ငံခြားရေးဌာန ပြောရေးဆိုခွင့်ရှိသူ Esmail Baghaei က ပြောကြားလိုက်ပါသည်။ 

မော်စကိုမှ ပြုံယမ်းသို့ ပထမဆုံး ပြေးဆွဲသည့် တိုက်ရိုက်လေကြောင်း ခရီးစဉ်အဖြစ် ဇူလိုင်လ ၂၇ ရက်တွင် Nordwind လေကြောင်းလိုင်း၏ Boeing 777-200ER လေယာဉ်ဖြင့် မော်စကိုမြို့မှ စတင်ပြေးဆွဲရာ မြောက်ကိုရီးယား မြို့တော်သို့ ဒေသစံတော်ချိန် နံနက် ၀၉း၃၀ နာရီ (၁၂း၃၀ GMT) အချိန်တွင် ဆင်းသက်ခဲ့ကြောင်း TASS သတင်းဌာနက ဖော်ပြထားပါသည်။ 

ထိုင်းနိုင်ငံ၏မြို့တော် ဘန်ကောက်ရှိ လူစည်ကားသော ဈေးတစ်ခုတွင် ပစ်ခတ်မှုဖြစ်ပွားခဲ့ပြီး ပစ်ခတ်သူအပါအဝင် လူ ၆ ဦး သေဆုံးကာ ပစ်ခတ်သူကိုယ်တိုင်လည်း ကိုယ့်ကိုယ်ကို အဆုံးစီရင်ခဲ့သည်။

ယနေ့ (ဇူလိုင် ၂၈) တွင် ဘန်ကောက်မြို့ ချာတုချက် (Chatuchak) ခရိုင် ရှိ အော်တော်ကော်ဈေး (Or Tor Kor Market) အတွင်း အဆိုပါပစ်ခတ်မှု ဖြစ်ပွားခဲ့ခြင်းဖြစ်ပြီး အဆိုပါဈေးသည် အဓိကအားဖြင့် စိုက်ပျိုးရေး ထွက်ကုန်များ ရောင်းချသောနေရာဖြစ်ကာ ခရီးသွားဧည့်သည်များ လာရောက်လည်ပတ်လေ့ရှိသော နေရာလည်းဖြစ်သည်။ ယင်းဖြစ်စဉ်တွင် ခရီးသွားဧည့်သည်များ ထိခိုက်ဒဏ်ရာရခြင်း မရှိခဲ့ပေ။

မလေးရှားဝန်ကြီးချုပ် အန်ဝါအီဘရာဟင်က ကမ္ဘောဒီးယားနှင့် ထိုင်းနိုင်ငံ တို့၏ ခေါင်းဆောင်များသည် ဇူလိုင် ၂၈ ရက် ညသန်းခေါင်မှ စတင် အကျိုးသက်ရောက်မည့် ချက်ချင်းနှင့် ကန့်သတ်ချက်မရှိ စစ်ရပ်စဲရန် သဘောတူညီမှုကို ရရှိခဲ့ကြောင်း ကြေညာခဲ့သည်။

"၎င်းသည် တင်းမာမှုများ လျော့ကျစေရန်နှင့် ငြိမ်းချမ်းရေး ပြန်လည် ထူထောင်ရန် ပထမဆုံးသော အရေးကြီးသည့် အစီအစဉ်တစ်ခု ဖြစ်ပါသည်။ နှစ်ဖက်စလုံးသည် ဝန်ကြီးချုပ်၊ နိုင်ငံခြားရေးဝန်ကြီးနှင့် ကာကွယ်ရေးဝန်ကြီး အဆင့်အထိ တိုက်ရိုက်ဆွေးနွေးပွဲများ ပြန်လည် ကျင်းပရန် သဘောတူညီခဲ့ကြသည်" ဟု ၎င်းက ဆိုသည်။

27 July 2025

 တိုင်းဒေသကြီးနှင့် ပြည်နယ်များရှိ မြို့နယ်အချို့တွင် နိုင်ငံ့ဝန်ထမ်းများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင် အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။