အမေရိကန်သမ္မတ Donald Trump က National Public Radio (NPR) နှင့် Public Broadcasting Service (PBS) တို့သည် ဘက်လိုက်သည် ဟု ဆိုကာ အဆိုပါဌာနများအတွက် ဗဟိုအစိုးရ၏ ရန်ပုံငွေထောက်ပံ့မှု အဆုံးသတ်ရေး သမ္မတ၏ အထူးအမိန့်ကို လက်မှတ်ရေးထိုးခဲ့ပါသည်။

ကြာသပတေးနေ့ (မေ ၁) တွင် လက်မှတ်ရေးထိုးခဲ့သည့် အဆိုပါ သမ္မတ အမိန့်တွင် အများပြည်သူဆိုင်ရာ ရုပ်သံလွှင့်ကော်ပိုရေးရှင်းနှင့် ဗဟိုအစိုးရ ဌာနနှင့် အေဂျင်စီ အားလုံးအနေဖြင့် ၎င်းရုပ်သံလွှင့်ဌာနနှစ်ခုကို ရန်ပုံငွေ ပေးအပ်မှု ရပ်ဆိုင်းရန် ညွှန်ကြားထားပါသည်။

တရုတ်နိုင်ငံအစိုးရက မြန်မာနိုင်ငံအား ကူညီပေးသည့် ၁၁ သုတ်မြောက် အရေးပေါ် လူသားချင်းစာနာမှု ငလျင်ဘေးကယ်ဆယ်ရေးပစ္စည်းများသည် မေ ၂ ရက် ညပိုင်းတွင် ရန်ကုန်မြို့သို့ ရောက်ရှိခဲ့သည်။ အဆိုပါ ကယ်ဆယ်ရေးပစ္စည်းများကို မြန်မာနိုင်ငံဆိုင်ရာ တရုတ်သံရုံးမှ သံမှူး အိုးယန်သောက်ပင်းနှင့် ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း တို့က မေ ၃ ရက်တွင် လွှဲပြောင်းပေးအပ်မှု လုပ်ဆောင်ခဲ့သည်။

စင်ကာပူ လွှတ်တော်ရွေးကောက်ပွဲအတွက် မဲပေးခြင်းကို မေ ၃ ရက် နံနက် ၈ နာရီတွင် တရားဝင် စတင်ခဲ့သည်။ စင်ကာပူနိုင်ငံ ၁၅ ကြိမ်မြောက် လွှတ်တော်အမတ် ရွေးချယ်ရန်အတွက် မဲဆန္ဒရှင် ၂.၆ သန်းကျော်သည် မဲရုံပေါင်း ၁,၂၄၀ ခုသို့ သွားရောက်၍ မဲပေးလျက်ရှိသည်။ ယခုအကြိမ် လွှတ်တော်ရွေးကောက်ပွဲတွင် ကိုယ်စားလှယ်လောင်း စုစုပေါင်း ၂၁၁ ဦးက လွှတ်တော် အမတ်နေရာ ၉၇ ခုကို ယှဉ်ပြိုင်ရယူကြမည်ဖြစ်သည်။ မဲပေးချိန်သည် နံနက် ၈ နာရီမှ ည ၈ နာရီအထိဖြစ်ပြီး ယင်းနောက် မဲများကို ရေတွက်မည်ဖြစ်သည်။ အဆိုပါနေ့ ညပိုင်းတွင် ရွေးကောက်ပွဲ အရာရှိ Han Kok Juan က မဲဆန္ဒနယ် တစ်ခုစီ၏ ရလဒ်များကို ဆက်တိုက် ကြေညာသွားမည်ဖြစ်သည်။

ကျူးဘားနှင့် တရုတ်နိုင်ငံ သံတမန်ဆက်ဆံရေး ထူထောင်သည့် ၆၅ နှစ် တာကာလအတွင်း နှစ်နိုင်ငံ ဆက်ဆံရေးသည် နိုင်ငံတကာအခြေအနေ အပြောင်းအလဲများကို ဖြတ်သန်းခဲ့ပြီး အမြဲတစေ တည်ငြိမ်စွာ ဖွံ့ဖြိုး တိုးတက်လာခဲ့ရာ ယခုအချိန်အခါသည် သမိုင်းတစ်လျှောက် အမြင့်ဆုံးအဆင့်သို့ ရောက်ရှိနေကြောင်း ကျူးဘားသမ္မတ မီဂဲလ် ဒီရပ်စ်-ကနဲလ်က မေ ၂ ရက်တွင် ဟာဗားနားမြို့၌ ပြောကြားခဲ့သည်။

ယူကရိန်းခေါင်းဆောင် ဗလာဒီမာ ဇီလန်စကီးက မော်စကို၌ကျင်းပမည့် မေလ ၉ ရက် အောင်ပွဲနေ့အခမ်းအနားသို့ တက်ရောက်မည့် ကမ္ဘာ့ ခေါင်းဆောင်များ၏ ဘေးကင်းလုံခြုံမှုကို ကတိမပေးနိုင်ကြောင်း သတိပေးခဲ့ပါသည်။ ထို့အပြင် ရုရှား၏ အောင်ပွဲနေ့ စစ်ပြေငြိမ်းရေး အဆိုပြုချက်ကိုလည်း “ပြဇာတ်တစ်ပုဒ်” ဟု ပစ်ပယ်ပြောဆိုခဲ့ပါသည်။

အမေရိကန်သမ္မတ Donald Trump အစိုးရအဖွဲ့သည် မော်တော်ယာဉ် အင်ဂျင်နှင့် ဂီယာများအပါအဝင် အဓိက ကားပစ္စည်းအစိတ်အပိုင်းများအပေါ် နောက်ထပ် ၂၅ ရာခိုင်နှုန်း အခွန်စည်းကြပ်လိုက်ပါသည်။

ဧပြီလ ၃ ရက်နေ့တွင် နိုင်ငံခြားထုတ်မော်တော်ယာဉ်များအပေါ် ၂၅ ရာခိုင်နှုန်း အခွန်စည်းကြပ်လိုက်ပြီးနောက် မကြာမီ စနေနေ့ (မတ်လ ၃) UTC စံတော်ချိန် ၄း၀၀ နာရီတွင် ယခုကဲ့သို့ လုပ်ဆောင်လိုက်ခြင်း ဖြစ်ပါသည်။

အီရန်ရေနံ သို့မဟုတ် ရေနံဓာတုပစ္စည်း‌များကို ဆက်လက်ဝယ်ယူနေသော နိုင်ငံများသည် ဒုတိယအကြိမ်မြောက် ပိတ်ဆို့အရေးယူမှုများကို ရင်ဆိုင်ရလိမ့်မည်ဟု အမေရိကန်သမ္မတဒေါ်နယ်ထရမ့်က ထုတ်ပြန်ကြေညာ ခဲ့ပါသည်။ အီရန်၏နျူကလီးယားအစီအစဉ်နှင့်ပတ်သက်၍ အမေရိကန် နှင့် အီရန်အကြားဆွေးနွေးမှုများ ဆက်လက်လုပ်ဆောင်နေချိန်တွင် ဒေါ်နယ်ထရမ့်၏ပြောဆိုချက်ထွက်ပေါ်လာခြင်းဖြစ်ပါသည်။ ဒေါ်နယ်ထရမ့်က “အီရန်နှင့် ရေနံကုန်သွယ်မှုများ လုပ်ဆောင်နေသည့် မည်သည့် နိုင်ငံကိုမဆို အမေရိကန်နိုင်ငံနှင့် စီးပွားရေးလုပ်ရန် ခွင့်ပြုမည် မဟုတ်ပါ။ အီရန်ရေနံ သို့မဟုတ် ရေနံဓာတုပစ္စည်းများ ဝယ်ယူမှု အားလုံး ကို ချက်ချင်းရပ်တန့်ရပါမ

အီရန်နိုင်ငံမှ ရေနံနှင့်ရေနံထွက်ကုန်ပစ္စည်းများဝယ်ယူသူများသည် ထပ်ဆင့်အရေးယူပိတ်ဆို့ခံရမည်ဟု အမေရိကန် သမ္မတဒေါ်နယ်ထရမ့်က လူမှုကွန်ရက်တွင် ရေးထားသည်။

အီရန်၏နျူကလီးယား အစီအစဉ်နှင့်ပတ်သက်၍ အမေရိကန်နှင့်အီရန်တို့ကြား ဆွေးနွေးမှုများ လုပ်ဆောင်နေစဉ် အမေရိကန်အစိုးရက ယခုကဲ့သို့ထုတ်ပြန်လာခြင်းဖြစ်သည်။

အကယ်၍ အမေရိကန်အနေဖြင့် ပိတ်ဆို့မှုများကို ဖြေလျှော့ပေးပါက ၎င်းတို့၏ နျူကလီးယားအစီအစဉ်များကို စစ်ဘက်အတွက်အသုံးမပြုရန်ဆန္ဒရှိကြောင်း အီရန်အစိုးရက ပြောထားသည်။

သွင်းကုန်အခွန်ကိစ္စနှင့်ပတ်သက်၍ ဆွေးနွေးရန် အမေရိကန်၏ကမ်းလှမ်းလာမှုကို စဉ်းစားသုံးသပ်နေကြောင်း တရုတ်ကုန်သွယ်ရေးဝန်ကြီးဌာနက မေလ ၂ ရက် တွင်ပြောသည်။

အမေရိကန်ဘက်မှ အဆင့်မြင့်တာဝန်ရှိသူများက သွင်းကုန်အခွန်ကိစ္စကိုတရုတ်နှင့်ဆွေးနွေးလိုသည်ဟု တိုက်ရိုက်မဟုတ်ဘဲ ကြားလူမှတစ်ဆင့်ပြောဆိုချဉ်းကပ်လာခြင်းဖြစ်ကြောင်း တရုတ်ကုန်သွယ်ရေးဝန်ကြီးဌာနက ထုတ်ပြန်ထားသည်။

မန္တလေးတိုင်းဒေသကြီး တံတားဦးမြို့နယ်၌ မတ်လ၂၈ ရက်ကလှုပ်ခတ်သည့် မန္တလေးငလျင်ကြီး ကြောင့် သေဆုံးသူများ၏ မိသားစုဝင်များအား ပံ့ပိုးငွေပေးအပ်ခြင်း၊ လတ်တလောစားသောက်ရေး အဆင်ပြေစေရန်စားသုံးကုန်ပစ္စည်းများပေးအပ်ခြင်းနှင့် နေအိမ်ပြိုကျပျက်စီးမှုများအား ကယ်ဆယ်ရေးပစ္စည်း ၁၆ မျိုးပံ့ပိုးပေးခြင်းအခမ်းအနားကို မေလ ၁ ရက် နံနက်ပိုင်းတွင် တံတားဦးမြို့ အမှတ်(၂)ရပ်ကွက် ဆုံကုန်းရပ်ရှိ မြို့နယ်ခန်းမ၌ ကျင်းပသည် ။