နယူးဒေလီ၊ စစ်ရေး

ပါကစ္စတန်နိုင်ငံက နှစ်နိုင်ငံကြားရှိ နယ်စပ်ထိန်းချုပ်မျဉ်းတစ်လျှောက်တွင် အပစ်အခတ်ရပ်စဲရေးသဘောတူညီချက်ကို ထပ်မံချိုးဖောက်ကြောင်း    အိန္ဒိယကြည်းတပ်အရာရှိများက မေလ ၃ ရက်တွင် ပြောသည်။

အိန္ဒိယကထိန်းချုပ်ထားသော ကက်ရှ်မီးယားဒေသရှိ ပါဟယ်ဂမ်မြို့၌ အကြမ်းဖက်သမားများ၏တိုက်ခိုက်မှုများကြောင့် ခရီးသွားပြည်သူ ၂၆ ဦးသေဆုံးပြီးနောက် အိန္ဒိယနိုင်ငံနှင့်ပါကစ္စတန်နိုင်ငံတို့ကြား တင်းမာမှုများမြင့်တက်လာစဉ် နယ်စပ် ဒေသ၌ တစ်ဖက်နှင့်တစ်ဖက်အပြန်အလှန် ပစ်ခတ်မှုဖြစ်ပွားသည်မှာ ကိုးညတိုင်တိုင် ရှိလာပြီဖြစ်သည်။

တရုတ်နိုင်ငံရဲ့ မဟာဗျူဟာမြောက် နျူကလီးယားလက်နက်များအနက်တစ်ခုရဲ့အသေးစိတ်အကြောင်းအရာများကို ပထမဆုံးအနေနဲ့ ထုတ်ပြန်လာပါတယ်။ အဲဒီနျူကလီးယားလက်နက်ကတော့ Type 094 နျူကလီးယားစွမ်းအင်သုံး အမြင့်ပျံ ဒုံးကျည်တင် ရေငုပ်သင်္ဘောအကြောင်းပဲ ဖြစ်ပါတယ်။ လက်ရှိတရုတ်နိုင်ငံက ဒီလို ရေငုပ်သင်္ဘောအစင်းရေခြောက်စင်းကို ရေတပ်မှာအသုံးပြုနေပါတယ်။ Type 096 ဆိုတဲ့ မျိုးဆက်သစ်ရေငုပ်သင်္ဘောကိုလည်း တည်ဆောက်နေပါတယ်။

Textron System Corporation က အမေရိကန်ကြည်းတပ်အတွက် XM204 ဆိုတဲ့ လေပေါ်ကွဲမိုင်းအသစ်များကိုထုတ်လုပ်ပေးလိုက်ပါပြီ။ မကြာသေးမီက အဲဒီမိုင်းတွေကို လက်တွေ့စမ်းသပ်မှုအောင်မြင်စွာလုပ်ဆောင်ပြီး‌နောက် အခုလိုမျိုး ထုတ်လုပ်ခွင့်ရရှိလာတာဖြစ်ပါတယ်။

XM204 ဆိုတဲ့မိုင်းမျိုးက အဓိကအားဖြင့် တင့်ဖျက်မိုင်း သဘောမျိုးအသုံးဝင်မယ့်မိုင်းဖြစ်ပါတယ်။ တင့်ဖျက်မိုင်းဖြစ်ပေမယ့် မြေထဲမှာမြှုပ်ထားခြင်းအားဖြင့် တင့်များရဲ့ချိန်းကြိုးကိုပျက်စီးစေမယ့် မိုင်းမျိုးမဟုတ်ပါဘူး။ တင့်ရဲ့အရေးပါတဲ့  ဆုံလည်လိုနေရာမျိုးကိုတိကျမှုရှိစွာထိမှန်စေမယ့်မိုင်းမျိုးဖြစ်ပါတယ်။

အီရန်နိုင်ငံခြားရေးဝန်ကြီး Abbas Araghchi သည် နှစ်နိုင်ငံကြား တင်းမာမှုများ ကြီးထွားလာသည့် ပါကစ္စတန်နှင့် အိန္ဒိယသို့ ယခုလာမည့် သီတင်းပတ်တွင် တရားဝင် အလည်အပတ်သွားရောက်မည်ဖြစ်ကြောင်း အီရန်နိုင်ငံခြားရေးဌာန ပြောရေးဆိုခွင့်ရှိသူ Esmail Baghaei က ပြောကြား ထားပါသည်။

မေလ ၅ ရက် (တနင်္လာနေ့)တွင် Araghchi သည် နှစ်နိုင်ငံ ဆက်ဆံရေး အပြင် လတ်တလော ဒေသတွင်းနှင့် နိုင်ငံတကာတိုးတက်မှုများကို ဆွေးနွေးရန်အတွက် ယင်းခရီးစဉ်အတွင်း ပါကစ္စတန် အဆင့်မြင့်အရာရှိများနှင့် တွေ့ဆုံမည်ဖြစ်ပါသည်။ 

အိန္ဒိယနှင့် တင်းမာမှုများ မြင့်တက်နေခြင်းကြောင့် ပါကစ္စတန်သည် ကုလသမဂ္ဂ လုံခြုံရေးကောင်စီသို့ လတ်တလောကိစ္စနှင့်ပတ်သက်သည့် အစည်းအဝေး ပြုလုပ်ပေးရန် တောင်းဆိုထားကြောင်း လုံခြုံရေးကောင်စီ သတင်းရင်းမြစ်တစ်ခုက TASS သို့ ပြောကြားခဲ့သည်။

ပါကစ္စတန်၏ တောင်းဆိုထားမှုအပေါ် ကုလသမဂ္ဂလုံခြုံရေးကောင်စီက ၂၀၂၅ ခုနှစ် မေလ ၅ ရက်တွင် ပြုလုပ်သွားမည်ဖြစ်ကြောင်း၊ အစည်းအဝေးပြီးနောက် ကြေညာချက် ထုတ်ပြန်သွားမှာဖြစ်ကြောင်း ကုလသမဂ္ဂဆိုင်ရာ ပါကစ္စတန် အမြဲတမ်းကိုယ်စားလှယ် Asim Iftikhar Ahmad က ပြောကြား ထားပါသည်။ 

၂၀၂၅ ခုနှစ်၊ မေလ ၄ ရက်တွင် ကျင်းပသော ရိုမေးနီးယားနိုင်ငံ သမ္မတ ရွေးကောက်ပွဲ၏ ပထမအဆင့်တွင် အမေရိကန်သမ္မတ ဒေါ်နယ်ထရမ့်၏ မဟာမိတ် George Simion သည် မဲရလဒ် ၃၀-၃၅ % ဖြင့် အနိုင်ရရှိသွားပါသည်။

Simion သည် မေလ ၁၈ ရက်တွင် ကျင်းပမည့် ဒုတိယအဆင့် (အပြီးသတ်) ရွေးကောက်ပွဲသို့ ဝင်ရောက်ယှဉ်ပြိုင်ရမည်ဖြစ်ပြီး ဗူခရက်စ် မြို့တော်ဝန် Nicusor Dan သို့မဟုတ် အမတ်ဟောင်း Crin Antonescu တို့နှင့် ယှဉ်ပြိုင် ရမည်ဖြစ်ပါသည်။

ယီမင်ဝန်ကြီးချုပ် Ahmed Bin Mubarak သည် ၂၀၂၅ ခုနှစ်၊ မေလ ၃ ရက်တွင် ရာထူးမှ နုတ်ထွက်လိုက်ပြီဖြစ်ပါသည်။ ယီမင်နိုင်ငံ ဖွဲ့စည်းပုံအခြေခံဥပဒေအရ အပ်နှင်းထားသော ဝန်ကြီးချုပ်အာဏာများကို အပြည့်အဝ မရရှိခြင်း၊ အစိုးရအဖွဲ့ ပြန်လည်ဖွဲ့စည်းရန် ကန့်သတ်ခံရခြင်းနှင့် နိုင်ငံရေးအငြင်းပွားမှုများကြောင့် လုပ်ငန်းတာဝန်များ ရပ်ဆိုင်းသွားရခြင်းကြောင့် ယခုကဲ့သို့ နုတ်ထွက်လိုက်ခြင်းဖြစ်ကြောင်း သတင်းဌာနဖော်ပြချက်အရ သိရပါသည်။

၂၀၂၅ ခုနှစ်၊ မေလ ၃ ရက်တွင် ကျင်းပသော စင်ကာပူနိုင်ငံ အထွေထွေ ရွေးကောက်ပွဲတွင် ဝန်ကြီးချုပ် Lawrence Wong ဦးဆောင်သော လက်ရှိ အာဏာရပါတီဖြစ်သည့် ပြည်သူ့လုပ်ဆောင်ချက်ပါတီ (People’s Action Party – PAP) က အနိုင်ရရှိသွားကြောင်း သိရပါသည်။

ရွေးကောက်ပွဲဆိုင်ရာ တရားဝင်အချက်အလက်များအရ Wong ဦးဆောင်သော PAP ပါတီသည် စင်ကာပူ အောက်လွှတ်တော် အမတ် ၉၇ နေရာတွင် သတ်မှတ်ထားသည့် ၄၉ နေရာထက် ကျော်လွန်၍ ၈၇ နေရာဖြင့် သောင်ပြိုကမ်းပြို အနိုင်ရရှိသွားကြောင်း သိရပါသည်။ 

ကိုးကား- The Guardian

ကုလသမဂ္ဂတရားသူကြီးတစ်ဦးဖြစ်သူ အသက် ၅၀ အရွယ် ယူဂန်ဒါ နိုင်ငံသူ Lydia Mugambe သည် ဗြိတိန် အောက်စဖို့ဒ်၌ ပါရဂူဘွဲ့သင်တန်းတက်နေစဉ် အိမ်ဖော်အစေခံ ယူဂန်ဒါအမျိုးသမီးငယ်တစ်ဦးကို ခေတ်သစ် ကျွန်ပြုစေခိုင်းအနိုင်ကျင့်မှုကြောင့် သူမအား ဗြိတိန် အောက်စဖို့ဒ် ခရောင်း တရားရုံးက မေလ ၂ရက်(သောကြာနေ့)တွင် ထောင်ဒဏ် ၆ နှစ် ၄ လ ချမှတ်လိုက်ပါသည်။

ဧပြီ ၂၂ ရက် အကြမ်းဖက်တိုက်ခိုက်မှု နောက်ပိုင်းအခြေအနေ ပိုမိုတင်းမာလာသဖြင့် အိန္ဒိယအစိုးရက ပါကစ္စတန်အပေါ် စီးပွားရေးနှင့် သံတမန်ရေးရာ အရေးယူမှုများ (၃) ရပ်ကို မေ ၃ ရက်က ချမှတ်လိုက်ပါသည်။

ပါကစ္စတန်ထုတ်ကုန်များ (တိုက်ရိုက်၊ သွယ်ဝိုက်) တင်သွင်းခွင့်ကို တားမြစ်ပိတ်ပင်ခြင်း၊ သင်္ဘောကြီးများအက်ဥပဒေ-၁၉၅၈ အရ အိန္ဒိယဆိပ်ကမ်းများတွင် ပါကစ္စတန်သင်္ဘောများ ဝင်ရောက်မှုကို ပိတ်ပင်ခြင်း၊ ပါကစ္စတန်မှ အိန္ဒိယသို့ စာပို့ဝန်ဆောင်မှု ရပ်ဆိုင်းခြင်း (ပါကစ္စတန် IP လိပ်စာများကို အိန္ဒိယအင်တာနက်တွင် ပိတ်ဆို့ရန် စဉ်းစားခြင်း) တို့ဖြစ်ပါသည်။