ဂါဇာမျိုးဆက်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည် ဟု WHO သတိပေး

sacadmin

News Image

  • ဂါဇာမျိုးဆက်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည် ဟု WHO သတိပေး

ဂါဇာဒေသရှိ မျိုးဆက်သစ်လူငယ်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည်ဖြစ်ကြောင်း ကမ္ဘာ့ကျန်းမာရေးအဖွဲ့ (WHO) က သတိပေးထားသည်။

ဂါဇာဒေသ၌ အငတ်ဘေး၏ အကျိုးဆက်ဖြစ်သော အာဟာရချို့တဲ့မှုနှုန်းမှာ မြန်ဆန်စွာ မြင့်တက်လာလျက်ရှိကြောင်း၊ ဆေးခန်းလာပြသည့် ကလေးငယ်များကို ကြည့်မည်ဆိုလျှင် ၎င်းတို့၏ အရွယ်က လက်ရှိအသက်ထက် ပိုမိုသေးကွေးနေကြောင်း ကမ္ဘာ့ကျန်းမာရေးအဖွဲ့မှ တာဝန်ရှိသူတစ်ဦးက ပြောသည်။

ထို့ကြောင့် အာဟာရပြည့်ဝမှုရှိသော အစားအစာ၊ ရေသန့်နှင့် ကျန်းမာရေးစောင့်ရှောက်မှုကို ပြည့်ပြည့်ဝဝ မရရှိပါက မျိုးဆက်တစ်ခုလုံးအပေါ် သက်ရောက်မှု ရှိစေမည် ဟု ၎င်းက ဆိုသည်။

အစ္စရေးအစိုးရသည် မတ်လ အစောပိုင်းမှစ၍ ဂါဇာဒေသကို ပိတ်ဆို့ထားပြီး လူသားချင်းစာနာထောက်ထားမှုဆိုင်ရာ ကူညီကယ်ဆယ်ရေးပစ္စည်းများကို ဝင်ခွင့်မပြုကြောင်း ဂါဇာမှ တာဝန်ရှိသူများက ပြောထားသည်။

Ref : TST

Source: Myawady Daily Newspaper

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

ဂါဇာမျိုးဆက်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည် ဟု WHO သတိပေး
ဂါဇာမျိုးဆက်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည် ဟု WHO သတိပေး
ဂါဇာဒေသရှိ မျိုးဆက်သစ်လူငယ်များအနေဖြင့် အငတ်ဘေး၏ အကျိုးဆက်ကို အမြဲတမ်းရင်ဆိုင်ရတော့မည်ဖြစ်ကြောင်း ကမ္ဘာ့ကျန်းမာရေးအဖွဲ့ (WHO) က သတိပေးထားသည်။ဂါဇာဒေသ၌ အငတ်ဘေး၏ အကျိုးဆက်ဖြစ်သော အာဟာရချို့တဲ့မှုနှုန်းမှာ မြန်ဆန်စွာ မြင့်တက်လာလျက်ရှိကြောင်း၊ ဆေးခန်းလာပြသည့် ကလေးငယ်များကို ကြည့်မည်ဆိုလျှင် ၎င်းတို့၏ အရွယ်က လက်ရှိအသက်ထက် ပိုမိုသေးကွေးနေကြောင်း ကမ္ဘာ့ကျန်းမာရေးအဖွဲ့မှ တာဝန်ရှိသူတစ်ဦးက ပြောသည်။ထို့ကြောင့် အာဟာရပြည့်ဝမှုရှိသော အစားအစာ၊ ရေသန့်နှင့် ကျန်းမာရေးစောင့်ရှောက်မှုကို ပြည့်ပြည့်ဝဝ မရရှိပါက မျိုးဆက်တစ်ခုလုံးအပေါ် သက်ရောက်မှု ရှိစေမည် ဟု ၎င်းက ဆိုသည်။အစ္စရေးအစိုးရသည် မတ်လ အစောပိုင်းမှစ၍ ဂါဇာဒေသကို ပိတ်ဆို့ထားပြီး လူသားချင်းစာနာထောက်ထားမှုဆိုင်ရာ ကူညီကယ်ဆယ်ရေးပစ္စည်းများကို ဝင်ခွင့်မပြုကြောင်း ဂါဇာမှ တာဝန်ရှိသူများက ပြောထားသည်။Ref : TSTSource: Myawady Daily Newspaper
Wed, 14-မေလ-2025
နေ့သင်တန်းများ ဖွင့်လှစ်ကြောင်း ကြေညာ
တက္ကသိုလ်နှင့် ဒီဂရီကောလိပ်များ၏ ဘွဲ့ကြိုသင်တန်းများနှင့် ဘွဲ့လွန်တန်းများ ဖွင့်လှစ်သွားမည်
ပြည်ထောင်စုသမ္မတမြန်မာနိုင်ငံတော်အစိုးရပညာရေးဝန်ကြီးဌာနအဆင့်မြင့်ပညာဦးစီးဌာနကြေညာချက်နေ့သင်တန်းများဖွင့်လှစ်ကြောင်း ကြေညာခြင်းပညာရေးဝန်ကြီးဌာန အဆင့်မြင့်ပညာဦးစီးဌာနရှိ တက္ကသိုလ်နှင့် ဒီဂရီကောလိပ်များ၏ ဘွဲ့ကြိုသင်တန်းများနှင့် ဘွဲ့လွန်တန်းများကို မေ ၂၂ ရက်မှစတင်၍ နံနက် ၉ နာရီမှ ညနေ ၄ နာရီထိ ကျောင်းအပ်လက်ခံပြီး ဇွန် ၂ ရက်မှစတင်၍ ဖွင့်လှစ်သွားမည်ဖြစ်ကြောင်း ကြေညာလိုက်သည်။အဆင့်မြင့်ပညာဦးစီးဌာန၊ ပညာရေးဝန်ကြီးဌာန
Wed, 14-မေလ-2025
ပြင်သစ်လီဂူးပြိုင်ပွဲ တစ်နှစ်တာအကောင်းဆုံး ကစားသမားဆုကို ပီအက်စ်ဂျီအသင်း တိုက်စစ်ကစားသမား ဒမ်ဘီလီ ဆွတ်ခူး
ပြင်သစ်လီဂူးပြိုင်ပွဲ တစ်နှစ်တာအကောင်းဆုံး ကစားသမားဆုကို ပီအက်စ်ဂျီအသင်း တိုက်စစ်ကစားသမား ဒမ်ဘီလီ ဆွတ်ခူး
ပဲရစ်   မေ ၁၃ပြင်သစ်လီဂူးပြိုင်ပွဲ၏ တစ်နှစ်တာအကောင်းဆုံးကစားသမားဆုကို ပီအက်စ်ဂျီအသင်း တိုက်စစ်ကစားသမား ဒမ်ဘီလီက ဆွတ်ခူးနိုင်ခဲ့ကြောင်း သိရသည်။အသက် ၂၇ နှစ်ရှိ ဒမ်ဘီလီသည် ဘာစီလိုနာအသင်းတွင် ဒဏ်ရာပြဿနာများနှင့် ရုန်းကန်ခဲ့ရပြီးနောက် ပြီးခဲ့သည့် ၂၀၂၃ ခုနှစ် နွေရာသီ ကစားသမားအပြောင်းအရွှေ့ကာလက ပီအက်စ်ဂျီအသင်းသို့ ပြောင်းရွှေ့ကစားခဲ့သူဖြစ်ပြီး ပထမဆုံး ဘောလုံးရာသီတွင် ခြေစွမ်းပြသနိုင်ရန် ရုန်းကန်ခဲ့ရသော်လည်း ယခုနှစ်ဘောလုံးရာသီတွင် နည်းပြအင်းနရစ်လက်အောက်၌ အကောင်းဆုံး ခြေစွမ်းပြသလျက်ရှိသူဖြစ်သည်။ဒမ်ဘီလီသည် ယခုနှစ် ဘောလုံးရာသီတွင် ပီအက်စ်ဂျီအသင်းနှင့်အတူ ပြင်သစ်လီဂူးပြိုင်ပွဲ ၂၈ ပွဲ ပါဝင်ကစားပြီးချိန်တွင် ၂၁ ဂိုးထိ သွင်းယူနိင်ခဲ့သကဲ့သို့ ဂိုးဖန်တီးမှု ခြောက်ကြိမ် ပြုလုပ်နိုင်ခဲ့ပြီး သွင်းဂိုးအများဆုံး ကစားသမားစာရင်းတွင် ထိပ်ဆုံးက ဦးဆောင်နေပြီး ပီအက်စ်ဂျီအသင်းရာသီမကုန်ဆုံးမီ ပြင်သစ်လီဂူးဆုဖလား ဆွတ်ခူးနိုင်ခဲ့ရာတွင် အဓိက ကစားသမားအဖြစ် ပါဝင်ခဲ့ပြီးနောက် တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ခဲ့သည်။ဒမ်ဘီလီသည် ရင်းနက်စ်အသင်းတွင် ကစားခဲ့စဉ် ၂၀၁၆ ခုနှစ်ကလည်း အသင်းနှင့်အတူ ပြင်သစ်လီဂူးပြိုင်ပွဲတွင် အကောင်းဆုံးခြေစွမ်းပြသနိုင်ခဲ့ပြီး တစ်နှစ်တာ လူငယ်အကောင်းဆုံး ကစားသမားဆုကို ဆွတ်ခူးနိုင်ခဲ့ဖူးရာ ယခုအခါ တစ်ဦးချင်းအဓိကဆုကို ဒုတိယအကြိမ် ရရှိခဲ့ခြင်းဖြစ်ကြောင်း သိရသည်။Source: ရတနာပုံသတင်းစာ 
Wed, 14-မေလ-2025
ဂေါက်ကွင်းများအနီး နေထိုင်သူများ ပါကင်ဆန်ရောဂါဖြစ်နိုင်ခြေ မြင့်မား
ဂေါက်ကွင်းများအနီး နေထိုင်သူများ ပါကင်ဆန်ရောဂါဖြစ်နိုင်ခြေ မြင့်မား
နယူးယောက်   မေ ၁၃ဂေါက်ကွင်းများနှင့် တစ်မိုင်အကွာ အဝန်းအဝိုင်းတွင် နေထိုင်သူများသည် ခြောက်မိုင်အကွာတွင် နေထိုင်သူများထက် ပါကင်ဆန်ရောဂါဖြစ်နိုင်ခြေ ၁၂၆ ရာခိုင်နှုန်းထိ မြင့်မားနေတတ်ကြောင်း မေ ၁၂ ရက်သတင်းများအရ သိရသည်။ဂေါက်ကွင်းများအနီး နေထိုင်သူများ၌ ပါကင်ဆန်ရောဂါဖြစ်ပွားနိုင်ခြေ ပုံမှန်ထက်မြင့်မားနေမှုသည် ဂေါက်ကွင်းများ၌ အသုံးပြုနေသော ပိုးသတ်ဆေးများနှင့် သက်ဆိုင်နိုင်ကြောင်း အမေရိကန်သုတေသနပညာရှင်များက သုံးသပ်ထားသည်။အမေရိကန် သုတေသနပညာရှင်များသည် အမေရိကန်နိုင်ငံတစ်ဝန်း ဂေါက်ကွင်းများ၏ တည်နေရာနှင့် ဝစ္စဂွန်ဆင်ပြည်နယ်၊ မင်နီဆိုတာပြည်နယ်တို့မှ ရေပေးဝေဖြန့်ဖြူးရေးနယ်မြေ ၂၂၄ ခုတို့ကို လေ့လာခဲ့ကြသည်။အမေရိကန် သုတေသနပညာရှင်များ၏ လေ့လာချက်မှပေါ်ထွက်လာသည့်ရလဒ်များအရ ဂေါက်ကွင်းများအနီး နေထိုင်သူများတွင် ပါကင်ဆန်ရောဂါ ဖြစ်နိုင်ခြေ မြင့်မားနေတတ်ပြီး ဂေါက်ကွင်းများနှင့် ဝေးသည့်နေရာများ၌ နေထိုင်သူများတွင် ပါကင်ဆန်ရောဂါဖြစ်နိုင်ခြေ ပိုမိုနည်းပါးသွားသည်ကို တွေ့ရကြောင်း သုတေသနပညာရှင်များက ပြောကြားသည်။ပါကင်ဆန်ရောဂါသည် မျိုးဗီဇအကြောင်းတရားများနှင့် သဘာဝပတ်ဝန်းကျင်ဆိုင်ရာ အကြောင်းတရားများကြောင့် ဖြစ်ပွားတတ်သည့် အာရုံနာ့ဗ်ဆဲလ်ရောဂါတစ်မျိုးဖြစ်ကြောင်း သိရသည်။Source: ရတနာပုံသတင်းစာ
Wed, 14-မေလ-2025
ဆေးယဉ်ပါး ဗက်တီးရီးယားပေါက်ပွားမှုကို အားပေးနေတဲ့ အဝတ်လျှော်စက်များ
ဆေးယဉ်ပါး ဗက်တီးရီးယားပေါက်ပွားမှုကို အားပေးနေတဲ့ အဝတ်လျှော်စက်များ
အဝတ်လျှော်စက်တွေမှာ ပါဝင်တဲ့ ဇီဝဖလင်ပြားတွေမှာ ရောဂါဖြစ်ပွားစေတဲ့ပစ္စည်းများနဲ့ ဆေးယဉ်ပါးမှုကိုဖြစ်ပေါ်စေနိုင်တဲ့ မျိုးရိုးဗီဇများ ပါဝင်နေတယ်လို့ သုတေသနတစ်ခုမှာ ပညာရှင်များကဖော်ပြထားပါတယ်။ ဒီအချက်ဟာ ကျန်းမာရေးဝန်ထမ်းတွေရဲ့ ယူနီဖောင်းတွေကို နေအိမ်မှာလျှော်ခြင်းက အန္တရာယ်များနိုင်တယ် ဆိုတဲ့အချက်ကို ဖော်ပြနေတာ ဖြစ်ပါတယ်။အကြောင်းရင်းကတော့ ကျန်းမာရေးဝန်ထမ်းတွေရဲ့ယူနီဖောင်းတွေကို နေအိမ်မှာရှိတဲ့ အဝတ်လျှော်စက်တွေမှာလျှော်ခြင်းက ဆေးရုံအတွင်း ဆေးယဉ်ပါး ကူးစက်မှုတွေကို ပိုမိုပျံ့နှံ့စေဖို့ ကူညီပေးတဲ့အတွက်ဖြစ်ပါတယ်။ အခုသုတေသနကို မွန့်ဖို့တက္ကသိုလ်မှ သုတေသနပညာရှင် ကေတီလာ့က ဦးဆောင်ပြုလုပ်ထားတာပါ။ဆေးရုံနဲ့ဆက်စပ်နေတဲ့ ကူးစက်ရောဂါတွေဖြစ်ပွားမှုဟာ  ယနေ့အချိန်အခါမှာ ပြည်သူ့ကျန်းမာရေးအတွက်   တကယ့်ကိုစိုးရိမ်ရတဲ့ အခြေအနေတစ်ရပ်အဖြစ် ပေါ်ထွန်းလာနေတာ တွေ့ရပါတယ်။ဒါကြောင့်ပဲ သုတေသနပညာရှင်များက ဒီလိုမျိုးဖြစ်ပေါ်နေရတဲ့ အကြောင်းရင်းကို ရှာဖွေရင်း အခုလိုတွေ့ရှိချက်ကို ဖော်ထုတ်နိုင်တာဖြစ်တယ်လို့ PLOS One ဂျာနယ်က ဖော်ပြထားပါတယ်။Source: https://myawady.net.mm/ 
Tue, 13-မေလ-2025
၂ဝ၂၅ ခုနှစ်၊ ရေကြောင်းလူငယ်အခြေခံသင်တန်းနှင့် တန်းမြင့်သင်တန်းများမှ သင်တန်းသား၊ သင်တန်းသူများ စခန်းပေါင်းစုံပြိုင်ပွဲများပြုလုပ်၊ အခြေခံလေကြောင်းလူငယ်သင်တန်း အမှတ်စဉ် (၁/၂ဝ၂၅) နှင့် တန်းမြင့် လေကြောင်း လူငယ်သင်တန်း အမှတ်စဉ်(၁/၂ဝ၂၅) သင်တန်းများမှ ထူးချွန်ဆုရ သင်တန်းသားများ လေယာဉ်/ရဟတ်ယာဉ်များ လိုက်ပါ ပျံသန်း , ၂ဝ၂၅ ခုနှစ်၊ ရေကြောင်းလူငယ်အခြေခံသင်တန်းနှင့် တန်းမြင့်သင်တန်းများမှ သင်တန်းသား၊ သင်တန်းသူများ စခန်းပေါင်းစုံပြိုင်ပွဲများပြုလုပ်၊ အခြေခံလေကြောင်းလူငယ်သင်တန်း အမှတ်စဉ် (၁/၂ဝ၂၅) နှင့် တန်းမြင့် လေကြောင်း လူငယ်သင်တန်း အမှတ်စဉ်(၁/၂ဝ၂၅) သင်တန်းများမှ ထူးချွန်ဆုရ သင်တန်းသားများ လေယာဉ်/ရဟတ်ယာဉ်များ လိုက်ပါ ပျံသန်း
၂ဝ၂၅ ခုနှစ်၊ ရေကြောင်းလူငယ်အခြေခံသင်တန်းနှင့် တန်းမြင့်သင်တန်းများမှ သင်တန်းသား၊ သင်တန်းသူများ စခန်းပေါင်းစုံပြိုင်ပွဲများပြုလုပ်၊ အခြေခံလေကြောင်းလူငယ်သင်တန်း အမှတ်စဉ် (၁/၂ဝ၂၅) နှင့် တန်းမြင့် လေကြောင်း လူငယ်သင်တန်း အမှတ်စဉ်(၁/၂ဝ၂၅) သင်တန်းများမှ ထူးချွန်ဆုရ သင်တန်းသားများ လေယာဉ်/ရဟတ်ယာဉ်များ လိုက်ပါ ပျံသန်း
တပ်မတော်(ရေ)က ၂ဝ၂၅ ခုနှစ်၊ ရေကြောင်းလူငယ်အခြေခံနှင့် တန်းမြင့်သင်တန်းများကို လေ့ကျင့်သင်ကြားလျက်ရှိရာ မေ ၁၂ ရက်တွင် စခန်းပေါင်းစုံမှ သင်တန်းသား၊ သင်တန်းသူများသည် ရန်ကုန်မြို့ရှိ တပ်မတော် (ရေ)၊ လှေလှော်ရွက်တိုက်အသင်း (အင်းလျားကန်)၌ စခန်းပေါင်းစုံ ရေတပ်သားအချက်ပြဆက်သွယ်ရေးဆိုင်ရာ ပြိုင်ပွဲများနှင့် လှေလှော်ရွက် တိုက်ပြိုင်ပွဲများကိုကျင်းပရာ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးစိုးသိန်း၊ ရန်ကုန်တိုင်းစစ်ဌာနချုပ် တိုင်းမှူး ဗိုလ်မှူးချုပ် ပြည့်စုံလင်း၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တပ်မတော်(ရေ)မှ အရာရှိကြီး များ၊ သင်တန်းသား၊ သင်တန်းသူများ၊ သင်တန်းနည်းပြများနှင့် သင်တန်း အုပ်ချုပ်သူများက တက်ရောက် ကြည့်ရှုအားပေးကြသည်။ထို့နောက် သင်တန်းအလိုက် လက်ရိုက်အလံအချက်ပြပို့ / ဖမ်းခြင်း လက်တွေ့ပြိုင်ပွဲ၊ အပြည်ပြည်ဆိုင်ရာ လေးယောက်လှော်လှေဝမ်းပြား မီတာ (၅ဝဝ) ပြိုင်ပွဲနှင့် Optimist ရွက်လှေပြိုင်ပွဲတို့အား နေပြည်တော် စခန်းတန်းခွဲ (၁) ၊ နေပြည်တော်စခန်းတန်းခွဲ (၂) ၊ အင်းယားစခန်း၊ ကိုကိုးကျွန်းစခန်း၊ ဟိုင်းကြီးကျွန်းစခန်း၊ မော်လမြိုင်စခန်း၊ ဟိန်းဇဲစခန်း၊ မြိတ်စခန်း၊ ကျွန်းစုစခန်း၊ ဘားအံစခန်းနှင့် ကျိုင်းတုံစခန်းစသည့် ရေကြောင်းလူငယ်သင်တန်းစခန်း ၁၁ ခုတို့မှ သင်တန်းသား၊ သင်တန်းသူများက အသင်းလိုက်ပါဝင်ယှဉ်ပြိုင်ခဲ့ကြသည်။ယင်းနောက် ရေကြောင်းလူငယ်အခြေခံနှင့်တန်းမြင့်သင်တန်းတို့မှ သင်တန်းသား၊ သင်တန်းသူများ၏ စခန်းပေါင်းစုံပြိုင်ပွဲများ ယှဉ်ပြိုင်ခဲ့ကြပြီး သင်တန်းသား၊ သင်တန်းသူများအား ရန်ကုန်တိုင်းဒေသကြီးအစိုးရ အဖွဲ့ ဝန်ကြီးချုပ် ဦးစိုးသိန်း၊ ရန်ကုန်တိုင်းစစ်ဌာနချုပ် တိုင်းမှူး ဗိုလ်မှူးချုပ် ပြည့်စုံလင်းနှင့် တာဝန်ရှိသူများက ဂုဏ်ပြုချီးမြှင့်ငွေများ ပေးအပ်သည်။အဆိုပါ ရေကြောင်းလူငယ်အခြေခံ/ တန်းမြင့်သင်တန်း၊ အမှတ်စဉ် (၁/၂ဝ၂၅) ကို သင်တန်းစခန်း ၁၁ ခုတွင် သင်တန်းသား၊ သင်တန်းသူ (၈ဝဝ) ဦးဖြင့် ဧပြီလ ၂၂ ရက်မှ စတင်၍ ဖွင့်လှစ်သင်ကြားပေးခဲ့သည်။အလားတူ အခြေခံလေကြောင်း လူငယ်သင်တန်းအမှတ်စဉ် (၁/၂၀၂၅) နှင့် တန်းမြင့်လေကြောင်းလူငယ် သင်တန်းအမှတ်စဉ် (၁/၂၀၂၅) သင်တန်း များမှ သင်တန်းသားများနှင့် နည်းပြအုပ်ချုပ်သူများသည် လေယာဉ်/ ရဟတ်ယာဉ်များ လိုက်ပါပျံသန်းရန်၊ ပြိုင်ပွဲများကျင်းပရန်၊ လေ့လာရေး ခရီးစဉ်များ ဆောင်ရွက်ရန်၊ စုပေါင်း သင်တန်းဆင်းပွဲ အခမ်းအနားကျင်းပပြုလုပ်ရန်နှင့် တပ်မတော်အကြီးအကဲ၏ ဩဝါဒခံယူရန်အတွက် မေ ၁၁ ရက်တွင် နေပြည်တော်ကောင်စီနယ်မြေသို့ ရောက်ရှိကြသည်။အဆိုပါသင်တန်းသားများအနက် သင်တန်းစခန်းအလိုက်မှ ထူးချွန်ဆုရ သင်တန်းသားများသည် မေ ၁၂ ရက်တွင် နေပြည်တော်လေတပ်စခန်း၌ လေယာဉ်/ ရဟတ်ယာဉ်များ လိုက်ပါမပျံသန်းမီ အထွေထွေကျန်းမာရေးစစ်ဆေးခြင်းနှင့် ကြိုတင်လေ့ကျင့်သင်ကြားဆွေးနွေးခြင်းများဆောင်ရွက်ပြီး လေယာဉ်မောင်းသင်ကျောင်းမှ နည်းပြလေသူရဲများနှင့်အတူ အမောင်းသင် လေယာဉ်/ ရဟတ်ယာဉ်များအား လက်တွေ့ လိုက်ပါပျံသန်းခြင်းများ ဆောင်ရွက်ခဲ့ကြကြောင်း သတင်းရရှိသည်။ကိုးကား- MNP
Tue, 13-မေလ-2025
© Copyright 2024 SAC All Rights Reserved.