PKK အဖွဲ့က တူကီယဲ တပ်မတော်နှင့် အပစ်အခတ်ရပ်စဲဟုဆို

sacadmin

News Image

  • PKK အဖွဲ့က တူကီယဲ တပ်မတော်နှင့် အပစ်အခတ်ရပ်စဲဟုဆို

တူကီယဲနိုင်ငံရှိ ကာ့အလုပ်သမားပါတီ (PKK)၏လက်နက်ကိုင်အဖွဲ့သည် တူကီယဲ တပ်မတော်နှင့် အပစ်အခတ် ရပ်စဲလိုက်ကြောင်း  ဒေသတွင်းမီဒီယာတစ်ခုက မတ်လ ၁ ရက်တွင် ဖော်ပြသည်။

PKK ၏ လက်နက်ကိုင်အဖွဲ့အနေဖြင့် တူကီယဲအာဏာပိုင်များ၏ ဖမ်းဆီးခြင်းကို ခံထားရသည့်  ၎င်းတို့၏ခေါင်းဆောင်တစ်ဦးဖြစ်သူ အဗ္ဗဒူလာ အိုကာလန်၏ တောင်းဆိုချက်အရ အပစ်အခတ်ရပ်စဲရန် ဆုံးဖြတ်ခဲ့ခြင်းဖြစ်ပြီး ၎င်းတပ်ဖွဲ့အနေဖြင့် တိုက်ခိုက်ခံရခြင်းမှအပ  အခြားစစ်ရေးလှုပ်ရှားမှုများကို လုပ်ဆောင်မည်မဟုတ်ကြောင်း အဆိုပါအဖွဲ့၏ အလုပ်အမှုဆောင်ကော်မတီက ကြေညာထားသည်။

အိုကာလန်သည် PKK အဖွဲ့အား လက်နက်ဖြုတ်သိမ်းပြီး အဖွဲ့အား ဖျက်သိမ်းပစ်ရန် ဖေဖော်ဝါရီလ ၂၈ရက်တွင် တောင်းဆိုခဲ့ခြင်း ဖြစ်ကြောင်းသိရသည်။ ၎င်း၏တောင်းဆိုချက်သည် တူကီယဲအစိုးရက နိုင်ငံအတွင်း နှစ်ပေါင်း ၄၀ ကြာ   ဖြစ်ပွားနေသည့် တိုက်ခိုက်မှုများကို အဆုံးသတ်နိုင်ရေး လုပ်ဆောင်နေသည့် ကနဦးဆောင်ရွက်ချက်၏ တစ်စိတ်တစ်ဒေသအဖြစ် ထွက်ပေါ်လာခြင်းဖြစ်သည်။

တူကီယဲတွင် တပ်မတော်နှင့် PKK အဖွဲ့တို့ကြားဖြစ်ပွားသည့်   တိုက်ခိုက်မှုများကြောင့် လူပေါင်း ၄၀,၀၀၀ ကျော်သေဆုံးပြီးဖြစ်သည်။

PKK အဖွဲ့၏ခေါင်းဆောင်ဖြစ်သူ အိုကာလန်အား   တူကီယဲအာဏာပိုင်များက ၁၉၉၉ ခုနှစ်မှစ၍ ဖမ်းဆီးထားခြင်းဖြစ်ကြောင်း သိရသည်။

Source: https://myawady.net.mm/


  

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဂါဇာဒေသတွင် စစ်ဆေးရေးတိုးမြှင့်လုပ်ဆောင်ရန် အရန်တပ်ဖွဲ့ဝင် ထောင်ပေါင်းများစွာအား စည်းရုံး ဖြန့်ကြက်ရန်အစ္စရေးစီစဉ်
ဂါဇာဒေသတွင် စစ်ဆေးရေးတိုးမြှင့်လုပ်ဆောင်ရန် အရန်တပ်ဖွဲ့ဝင် ထောင်ပေါင်းများစွာအား စည်းရုံး ဖြန့်ကြက်ရန်အစ္စရေးစီစဉ်
တဲအဗစ်၊ စစ်ရေးဂါဇာကမ်းမြောင်ဒေသတွင် စစ်ဆေးရေးတိုးမြှင့်လုပ်ဆောင်ရန်အတွက်အရန်တပ်ဖွဲ့ဝင် ထောင်ပေါင်းများစွာအား စည်းရုံးဖြန့်ကြက်ရန်   စီစဉ်လျက်ရှိကြောင်း အစ္စရေးအစိုးရအဖွဲ့မှ ပြောရေးဆိုခွင့်ရှိသူ ဒေးဗစ်မန်ဆာကပြောကြားသည်။အစ္စရေးနိုင်ငံအနေဖြင့် ယခုရက်သတ္တပတ်အတွင်း အရန်တပ်ဖွဲ့ဝင်များကို ဂါဇာဒေသတွင်စစ်ဆင်ရေးတိုးမြှင့်ရန်နှင့် အင်အားတိုးချဲ့ရန်အတွက် ဆင့်ခေါ်သွားမည်ဖြစ်ကြောင်း၊ သို့သော် ၎င်းတို့အား ပါလက်စတိုင်းနယ်မြေများအား သိမ်းပိုက်ရန်အတွက်ဖြန့်ကြက်မည်မဟုတ်ကြောင်း မန်ဆာက ပြောကြားသည်။ဂါဇာကမ်းမြောင်ဒေသတွင် အစ္စရေးတပ်ဖွဲ့ဝင်များအား တိုးမြှင့်ဖြန့်ကြက်ခြင်းသည် ဟားမက်အဖွဲ့အား ၎င်းတို့ထိန်းသိမ်းထားသည့်ဓားစာခံများအား ပြန်လည်လွှတ်ပေးရန်အတွက် ဖိအားပေးခြင်းသာဖြစ်ကြောင်း အစ္စရေးကပြောသည်။ထို့ပြင် ဟားမက်အဖွဲ့အနေဖြင့် ၎င်းတို့ဖမ်းဆီးထိန်းသိမ်းထားသည့် ဓားစာခံများကို ပြန်လည်လွှတ်ပေးပြီး လက်နက်ချမည်ဆိုပါက အစ္စရေး-ဟားမက်စစ်ပွဲသည် အဆုံးသတ်မည်ဖြစ်ကြောင်း   အစ္စရေးအစိုးရက ပြောကြားထားသည်။Ref: TNA
Tue, 6-မေလ-2025
အိန္ဒိယနှင့်ပါကစ္စတန်တို့ကြားတင်းမာနေစဉ် ပါကစ္စတန်နိုင်ငံက Fatah အမျိုးအစား တာတိုပစ်ဒုံးကျည်တစ်စင်းကိုစမ်းသပ်
အိန္ဒိယနှင့်ပါကစ္စတန်တို့ကြားတင်းမာနေစဉ် ပါကစ္စတန်နိုင်ငံက Fatah အမျိုးအစား တာတိုပစ်ဒုံးကျည်တစ်စင်းကိုစမ်းသပ်
အစ္စလာမ်မာဘတ်၊ ကာကွယ်ရေးအိန္ဒိယနှင့်ပါကစ္စတန်တို့ကြား တင်းမာနေစဉ်အတွင်း ပါကစ္စတန်နိုင်ငံက Fatah အမျိုးအစား တာတိုပစ်ဒုံးကျည်တစ်စင်းကို မေလ ၅ ရက်တွင် အောင်မြင်စွာစမ်းသပ်ခဲ့ကြောင်း သိရသည်။ယခုလုပ်ဆောင်ခဲ့သည့်ဒုံးကျည်စမ်းသပ်မှုသည် သုံးရက်အတွင်း ပါကစ္စတန်က ဒုတိယအကြိမ်အဖြစ်  လုပ်ဆောင်ခဲ့ခြင်းဖြစ်သည်။ အဆိုပါ မြေပြင်မှဝေဟင်ပစ်ဒုံးကျည်သည် အကွာအဝေး ၁၂၀ ကီလိုမီတာအထိပစ်ခတ်နိုင်ပြီး ပါကစ္စတန်တပ်ဖွဲ့ဝင်များ၏ တိုက်ပွဲဝင်အသင့်ဖြစ်မှုအတွက် အသင့်ဖြစ်စေရန်နှင့်   အဆိုပါဒုံးကျည်၏ လမ်းကြောင်းရှာစနစ်နှင့် တိကျမှုတို့ကို တိုးတက်ကောင်းမွန်စေရန် ရည်ရွယ်ခြင်းဖြစ်ကြောင်း ပါကစ္စတန်ကထုတ်ပြန်သည်။ထို့ပြင် ပါကစ္စတန်နိုင်ငံသည်  မေလ  ၃ ရက်ကလည်း  Abdali  လက်နက်စနစ်ဟုအမည်ပေးထားသည့် မြေပြင်မှမြေပြင်ပစ်ဒုံးကျည်တစ်စင်းကိုပစ်ခတ်စမ်းသပ်ခဲ့ကြောင်း သိရသည်။Abdali လက်နက်စနစ်သည် အကွာအဝေး ၄၅၀ ကီလိုမီတာ ၂၈၀ မိုင် အကွာအထိ ပစ်ခတ်နိုင်ပြီး ပါကစ္စတန်တပ်မတော်က အဆိုပါဒုံးကျည်စမ်းသပ်မှုများအား Exercise Indus ဟူသော   စစ်ရေးလေ့ကျင့်မှု၏ တစ်စိတ်တစ်ဒေသအဖြစ် ပစ်ခတ်ခဲ့ခြင်းဖြစ်သည်။အဆိုပါဒုံးကျည်စမ်းသပ်ပစ်ခတ်မှုများနှင့်စပ်လျဉ်း၍ အိန္ဒိယနိုင်ငံက တရားဝင် တုံ့ပြန်ပြောကြားထားခြင်းမရှိသော်လည်း အဆိုပါဒုံးကျည်စမ်းသပ်ပစ်ခတ်မှုများကို ရန်စခြင်းဖြစ်သည်ဟု   အိန္ဒိယအစိုးရက စွပ်စွဲထားကြောင်းသိရသည်။  Ref: RTSource: https://myawady.net.mm/ 
Tue, 6-မေလ-2025
ကုန်း-ရေနှစ်သွယ်သွား တင့်ဖျက်ပဲ့ထိန်းဒုံးကျည်တင်ယာဉ်သစ်တစ်စင်းကို တရုတ်ထုတ်ဖော်ပြသ
ကုန်း-ရေနှစ်သွယ်သွား တင့်ဖျက်ပဲ့ထိန်းဒုံးကျည်တင်ယာဉ်သစ်တစ်စင်းကို တရုတ်ထုတ်ဖော်ပြသ
တရုတ်နိုင်ငံသည် ၎င်းတို့၏ ကုန်း-ရေနှစ်သွယ်သွား တင့်ဖျက်ပဲ့ထိန်းဒုံးကျည်တင်ယာဉ်အသစ်တစ်စင်းကို ထုတ်ဖော်ပြသလိုက်သည်။အဆိုပါ ဒုံးကျည်တင်ယာဉ်သစ်ကို ခြေလျင်တိုက်ယာဉ်၏ကိုယ်ထည်အပေါ် အခြေခံထုတ်လုပ်ထားခြင်းဖြစ်ပြီး အဆိုပါကိုယ်ထည်ပေါ်တွင်   ဒုံးပစ်စင်များကို တည်ဆောက်ထားခြင်းဖြစ်သည်။အဆိုပါ Type 05 အတန်းအစား ဒုံးကျည်တင်ယာဉ်တွင် HJ-10 သို့မဟုတ် HJ-13 အမျိုးအစား တင့်ဖျက်ပဲ့ထိန်းဒုံးကျည်များကို တပ်ဆင်ထားဖွယ်ရှိသည်။ တရုတ်နိုင်ငံသည် အဆိုပါယာဉ်ကို ယခုနှစ်ဧပြီလနှောင်းပိုင်းကတရုတ်မီဒီယာတွင် ဖော်ပြခဲ့ခြင်းဖြစ်သည်။၎င်းဒုံးကျည်တင်ယာဉ်သည် ရေထဲတွင် တစ်နာရီလျှင် ၃၀ ကီလိုမီတာအရှိန်နှုန်းဖြင့် မောင်းနှင်နိုင်ပြီး မောင်းနှင်အား ထုတ်လုပ်ပေးရန်အတွက် water jet နှစ်ခုနှင့် ဒီဇယ်အင်ဂျင် တစ်လုံးတို့ကိုတပ်ဆင်ထားသည်။Type 05 အတန်းအစား ဒုံးကျည်တင်ယာဉ်ပေါ်တွင်တပ်ဆင်ထားသည့် တင့်ဖျက်ပဲ့ထိန်းဒုံးကျည်နှင့် အမြောက်စနစ်များကိုကမ်းထိုးရာဒေသများတွင် ဖြန့်ကြက်ထားသည့် ရန်သူ၏ အထိအခိုက်မခံသည့်ပစ်မှတ်များ၊ အထူးသဖြင့် သံချပ်ကာတိုက်ယာဉ်နှင့် ကမ်းရိုးတန်းကာကွယ်ရေးအမြောက်စနစ်များအား တိုက်ခိုက်ရာတွင် အသုံးပြုနိုင်ဖွယ်ရှိသည်။                         Ref: YH, AMR  Source: https://myawady.net.mm/ 
Tue, 6-မေလ-2025
မြန်မာနှင့် မည်သည့် proxy စစ်ပွဲမျှ ဝင်ရောက်ပါဝင်မည်မဟုတ်ဟု ဘင်္ဂလားဒေ့ရှ် အကြံပေးပုဂ္ဂိုလ် ပြောကြား
မြန်မာနှင့် မည်သည့် proxy စစ်ပွဲမျှ ဝင်ရောက်ပါဝင်မည်မဟုတ်ဟု ဘင်္ဂလားဒေ့ရှ် အကြံပေးပုဂ္ဂိုလ် ပြောကြား
ရခိုင်ပြည်နယ်သို့ အရေးပေါ်လူသားချင်းစာနာထောက်ထားမှုဆိုင်ရာ ခရီးစဉ်နှင့်ပတ်သက်၍ အငြင်းပွားမှုများနှင့် ကန့်ကွက်မှုများကြားတွင် ဘင်္ဂလားဒေ့ရှ်နိုင်ငံသည် မြန်မာနှင့် မည်သည့် proxy စစ်ပွဲမျှ ဝင်ရောက် ပါဝင်မည် မဟုတ်ကြောင်း အမျိုးသားလုံခြုံရေးအကြံပေးပုဂ္ဂိုလ် Khalilur Rahman က ပြောကြားလိုက်ပါသည်။မေလ ၄ ရက် (တနင်္ဂနွေ) က ဒါကာမြို့ရှိ Bangladesh University of Professionals (BUP) တွင် ကျင်းပသော ဘင်္ဂါလီပြန်လည်နေရာချထားရေး ဆိုင်ရာ ဆွေးနွေးပွဲတစ်ခု၌ အကြံပေးပုဂ္ဂိုလ်က ပြောကြားခဲ့ခြင်း ဖြစ်သည်။“အမေရိကန်ဘက်မှ proxy စစ်ပွဲတစ်ခုကို မိမိတို့ ဆင်နွှဲမည်ဆိုပါကမည်သူဒုက္ခရောက်မည်နည်း။ တရုတ်ပဲဖြစ်မည်” ဟု ဘင်္ဂါလီကိစ္စနှင့် ဦးစားပေးကိစ္စရပ်များအတွက် ကိုယ်စားလှယ်လည်းဖြစ်သူ Khalilur က ပြောကြားခဲ့ပါသည်။ကိုးကား- bdnews24ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 5-မေလ-2025
ကီလိုမီတာ ၁၂၀၀ အထိ ရောက်ရှိနိုင်သော ဒုံးကျည်သစ် အီရန် အောင်မြင်
ကီလိုမီတာ ၁၂၀၀ အထိ ရောက်ရှိနိုင်သော ဒုံးကျည်သစ် အီရန် အောင်မြင်
အီရန်နိုင်ငံသည် ကီလိုမီတာ ၁၂၀၀ အထိ ရောက်ရှိနိုင်သော ဒုံးကျည် အသစ်တစ်မျိုးကို အောင်မြင်စွာ စမ်းသပ်ပစ်လွှတ်နိုင်ခဲ့ကြောင်း ကာကွယ်ရေးဝန်ကြီး Aziz Nasirzadeh က IRIB ရုပ်မြင်သံကြားလိုင်းမှ ပြောကြား ခဲ့သည်။၎င်း၏ပြောကြားချက်အရ ယခုဒုံးကျည် သည် ကီလိုမီတာ ၁၂၀၀ ကျော် အကွာအဝေးမှ ပစ်လွှတ်နိုင်ပြီး ပစ်မှတ်များကို တိကျစွာ ထောက်လှမ်းနိုင်ကာ အနှောင့်အယှက်များကိုလည်း တန်ပြန်ကျော်လွှားနိုင်စွမ်း ရှိကြောင်း သိရပါသည်။Nasirzadeh က အီရန်နိုင်ငံတွင် ဒုံးကျည် အရေအတွက် များစွာ သိုလှောင်ထားပါကြောင်း၊ မည်သူမဆို ကျူးကျော်လာပါက ချက်ချင်း တုံ့ပြန်နိုင်ရေးအသုံးပြုရန် အဆင်သင့်ဖြစ်ကြောင်း အတိအလင်း ပြောကြားထားပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 5-မေလ-2025
အစ္စရေးနိုင်ငံရှိ ဘင်ဂူရီးယန်းလေဆိပ်အား ဟူသီသူပုန်အဖွဲ့က ဒုံးကျည်ဖြင့်တိုက်ခိုက်
အစ္စရေးနိုင်ငံရှိ ဘင်ဂူရီးယန်းလေဆိပ်အား ဟူသီသူပုန်အဖွဲ့က ဒုံးကျည်ဖြင့်တိုက်ခိုက်
ဂျေရုဆလင်၊ အကြမ်းဖက်မှုယီမင်နိုင်ငံရှိ   ဟူသီသူပုန်အဖွဲ့သည် မေလ ၄ ရက် နံနက်ပိုင်းတွင် အစ္စရေးနိုင်ငံ တဲအဗစ်မြို့ရှိ အဓိကလေဆိပ်တစ်ခုဖြစ်သည့် ဘင်ဂူရီးယန်းလေဆိပ်အား ဒုံးကျည်တစ်စင်းဖြင့် ပစ်ခတ်တိုက်ခိုက်ခဲ့ကြောင်းသိရသည်။သူပုန်အဖွဲ့က ပစ်ခတ်လိုက်သည့် ဒုံးကျည်သည် လေဆိပ်အတွင်းရှိ သစ်ပင်အုပ်အတွင်းသို့ ကျရောက်ပေါက်ကွဲခဲ့ပြီး   အနည်းဆုံး လူ ၆ ဦးဒဏ်ရာရရှိသွားကြောင်း မီဒီယာများက ဖော်ပြသည်။အဆိုပါဒုံးကျည်ပစ်ခတ်မှုကို ကြားဖြတ်ဟန့်တားရန် အကြိမ်ကြိမ်ကြိုးပမ်းခဲ့သော်လည်း အောင်မြင်မှုမရှိကြောင်း အစ္စရေးတပ်မတော်ကအတည်ပြုထားသည်။ နိုင်ငံ၏ပိုင်နက်အတွင်းသို့ ဝင်ရောက်လာသည့် အဆိုပါဒုံးကျည်အား ဟန့်တားရန်ပျက်ကွက်ခြင်းအပေါ်အစ္စရေးလေတပ်မတော်က စုံစမ်းဖော်ထုတ်လျက်ရှိကြောင်း သိရသည်။ဟူသီသူပုန်အဖွဲ့သည်ယီမင်နိုင်ငံမြို့တော်နှင့် ဟိုဒေးဒါဆိပ်ကမ်းအပါအဝင် နိုင်ငံအနောက်ပိုင်းကို ထိန်းချုပ်ထားပြီး ပင်လယ်နီအတွင်းမှ ဖြတ်သန်းမောင်းနှင်သွားသည့်    ကုန်တင်သင်္ဘောများအား ဒရုန်းများ၊ ဒုံးကျည်များဖြင့်တိုက်ခိုက်လျက်ရှိပြီး အစ္စရေးနိုင်ငံအတွင်းသို့လည်း တိုက်ခိုက်မှုများလုပ်ဆောင်လျက်ရှိသည်။အဆိုပါတိုက်ခိုက်မှုများကို တုံ့ပြန်သည့်အနေဖြင့် အစ္စရေးတပ်မတော်က ဟူသီသူပုန်အဖွဲ့၏ ပစ်မှတ်များအပေါ် လေကြောင်းမှတိုက်ခိုက်မှုများလုပ်ဆောင်လျက်ရှိကြောင်းသိရသည်။Ref: RTSource: https://myawady.net.mm/ 
Mon, 5-မေလ-2025
© Copyright 2024 SAC All Rights Reserved.