စစ်အုပ်ချုပ်ရေးကြေညာခဲ့သည့် တောင်ကိုးရီးယား သမ္မတ Yoon Suk Yeol အား စွပ်စွဲပြစ်တင်သည့် အဆိုသည် လွှတ်တော်တွင် အထမြောက်ခြင်း မရှိ သော်လည်း ၎င်း၏ သမ္မတရာထူးနေရာမှာ လှုပ်ခတ်မှုများ ဖြစ်ပေါ်လျက်ရှိပါသည်။

သို့ဖြစ်၍ တောင်ကိုးရီးယား အဂတိလိုက်စားမှု စုံစမ်း စစ်ဆေးရေးအဖွဲ့က ၁၉-၁၂-၂၀၂၄ ရက်နေ့မှ စတင်၍ Yoon Suk Yeol ၏ ပြည်ပခရီးသွားလာခွင့်ကို ပိတ်ထားလိုက်ပြီဖြစ်ကြောင်း CNN သတင်းဌာနက ဖော်ပြထားသည်။ 

ကိုးကား - CNN

အမေရိကန်ရွေးကောက်ခံသမ္မတ ဒေါ်နယ်ထရန့်သည်  ဒီဇင်ဘာလ ၇ ရက်နေ့က  ပြင်သစ်နိုင်ငံ၊ ပါရီမြို့ရှိNotre-Dame ဘုရားကျောင်း ပြန်လည်ဖွင့်လှစ်ခြင်း အခမ်းအနားတွင် ပြင်သစ်သမ္မတ Macron နှင့် ယူကရိန်း သမ္မတ Zelenskiy တို့နှင့် တွေ့ဆုံခဲ့သည်။ အဆိုပါ သုံးပွင့်ဆိုင် တွေ့ဆုံမှုသည် မိနစ် ၂၀ ခန့်ကြာမြင့်ခဲ့သည်။ 

၂၀၂၆ ခုနှစ်တွင် ပထမသက်တမ်းကုန်ဆုံးမည့် Jerome Powell ကို အစားထိုးမည်မဟုတ်ကြောင်း Trump က အင်တာဗျူးတစ်ခုတွင် ဖြေကြားခဲ့ပါသည်။ Trump ၏ ပထမအကြိမ်သမ္မတသက်တမ်းတွင်  အတိုးနှုန်းမူဝါဒ သတ်မှတ်ခြင်းနှင့်စပ်လျဉ်း၍ Trump နှင့် Powell တို့အကြား အငြင်းပွားမှုများ ရှိခဲ့သည်။ ထို့အပြင် Trump သည် Powell ၏ အတိုးနှုန်းမြှင့်တင်မှုများကို မကျေနပ်သောကြောင့် ၂၀၁၈ ခုနှစ်တွင် ၎င်းအား ရာထူးမှထုတ်ပယ်ရန် တိတ်တဆိတ်ကြိုးပမ်းခဲ့ဖူးသည်။

ဆော်ပိုလို   ဒီဇင်ဘာ ၉

ဘရာဇီးနိုင်ငံတောင်ပိုင်း ရီယိုဂရန်ဒီ ဒိုဆူပြည်နယ်၌ လွန်ခဲ့သည့် ရက်သတ္တပတ်ကျော်က မိုးသည်းထန်စွာရွာသွန်းပြီး ရေကြီးမှုကြောင့် လူ ၁၀၀ ကျော် သေဆုံးပြီး နေအိမ်တစ်သိန်းနီးပါး ပျက်စီးခဲ့ကြောင်း ဒေသဆိုင်ရာအာဏာပိုင်များက ဆိုသည်။ ပြည်နယ်အတွင်း မြစ်ရေလျှံမှုနှင့် ရေကြီးမှုတို့ကြောင့် လူပေါင်း ၁ ဒသမ ၄၅ သန်းခန့် ထိခိုက်ခံစားရပြီး ဒေသခံနှစ်သိန်းခန့်မှာ ဘေးလွတ်ရာပြောင်းရွေ့ခဲ့ရ‌ကြောင်း သိရသည်။

နေပြည်တော် ဒီဇင်ဘာ ၉

၂ဝ၂၄ ခုနှစ် ပဉ္စမအကြိမ်မြောက် အမျိုးသားအားကစားပွဲတော် ဖွင့်ပွဲအခမ်းအနားကို ယနေ့ညနေပိုင်းတွင် နေပြည်တော်ရှိ ဝဏ္ဏသိဒ္ဓိအားကစားကွင်း၌ ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ချီးမြှင့်ဖွင့်လှစ်ပြီး ဂုဏ်ပြုအမှာစကားပြောကြားသည်။

ရုရှားနိုင်ငံအပေါ် ၁၅ ကြိမ်မြောက် ဒဏ်ခတ်ပိတ်ဆို့မည့် အစီအစဉ်အား ဥရောပသမဂ္ဂနိုင်ငံ ကိုယ်စားလှယ်များကဒီဇင်ဘာ ‌၆ ရက်နေ့တွင် ကန့်ကွက်ခဲ့ကြပါသည်။ အဆိုပါ အစီအစဉ်တွင် ရုရှားနိုင်ငံ၏ ရေနံနှင့် ရေနံထွက်ပစ္စည်းများကို ဆလိုဗက်ကီးယားနိုင်ငံမှတစ်ဆင့် ချက်သမ္မတနိုင်ငံသို့ တင်သွင်းခွင့်ပြုသည့်ကာလအား သက်တမ်း တိုးမြှင့်ခြင်းအစီအစဉ်လည်း ပါဝင်ပါသည်။

တောင်ကိုရီးယားသမ္မတ ယွန်ဆပ်ယိုးကိုဖြုတ်ချရန်  စွပ်စွဲပြစ်တင်ခြင်းအတွက် ပါလီမန်တွင် မဲခွဲဆုံးဖြတ်ခဲ့ရာ လုံလောက်သည့် မဲအရေအတွက်မရဘဲ အရေးနိမ့်သွားခြင်းကြောင့် ပထမအကြိမ်ကြိုးစားမှုသည် အောင်မြင်မှုမရှိ ဖြစ်သွားခဲ့ကြောင်း သိရှိရပါသည်။

စိန့်ပီတာစဘတ်မြို့ရှိ ဆီးရီးယားနိုင်ငံ၏ ဂုဏ်ထူးဆောင် ကောင်စစ်ဝန်ရုံးတွင် ဆီးရီးယား အတိုက်အခံများ အသုံးပြုသည့် အလံနှင့်ဆင်တူသည့် ကိုယ်ပိုင်ပြုလုပ်ထားသည့် အလံကို လွှင့်ထူထားကြောင်း RIA သတင်းဌာနက ဖော်ပြထားသည်။

ကိုးကား - RIA သတင်းဌာန

၂၀၂၂ ခုနှစ် ဖေဖော်ဝါရီလ၊ အထူးစစ်ဆင်ရေး စတင်ချိန်မှစ၍ ယူကရိန်းအတွက် မဟာမိတ်များထံမှ စစ်ရေးထောက်ပံ့မှု စုစုပေါင်းပမာဏသည် အမေရိကန်ထံမှ ဒေါ်လာ ၆၂ ဘီလီယံ အပါအဝင် အမေရိကန်ဒေါ်လာ ၁၁၉ ဘီလီယံ ကျော်လွန်ခဲ့ကြောင်း ပင်တဂွန်စစ်ဌာနချုပ် အကြီးအကဲ Lloyd Austin က ပြောကြားခဲ့ကြောင်း Sputnik သတင်းဌာနက ဖော်ပြထားသည်။

ကိုးကား - Sputnik သတင်း

ဆီးရီးယားသမ္မတဟောင်း Assad သည် ၎င်း၏မိသားစု နှင့်အတူ ရုရှားနိုင်ငံ၊ မော်စကိုမြို့သို့ ရောက်ရှိလာခဲ့ကြောင်း ကရင်မလင် သတင်းရင်းမြစ်များကို ကိုးကား၍ TASS သတင်းဌာန ကဖော်ပြထားသည်။

အာဆတ်သည် ၎င်း၏မိသားစုဝင်များနှင့်အတူ မော်စကို မြို့သို့ ရောက်လာခဲ့ကြောင်း၊ ရုရှားနိုင်ငံက ၎င်းတို့ကို လူသားချင်းစာနာသည့် အကြောင်းပြချက်ဖြင့် ခိုလှုံခွင့် ပေးခဲ့ကြောင်း သတင်းရင်းမြစ်တစ်ခုက TASS သတင်း အေဂျင်စီသို့ ပြောကြားခဲ့သည်။