ယူကရိန်းသည် အမေရိကန်အစိုးရသစ်လက်ထက်တွင် အမေရိကန်ထံမှ လက်ရှိရရှိနေသည့် စစ်ရေးအကူအညီများကို လက်ခံရရှိမည်မဟုတ်ကြောင်း ဒေါ်နယ်ထရမ့် က NBC သတင်းဌာနှင့် တွေ့ဆုံမေးမြန်းခန်းတွင် ပြောကြားခဲ့သည်ဟု RIA သတင်းဌာနက ဖော်ပြထားသည်။

ကိုးကား - RIA သတင်းဌာန

အစ္စရေးနိုင်ငံသည် ဆီးရီးယား၏“တပ်ဖွဲ့သစ်များ” နှင့် ချစ်ကြည်ရင်းနှီးသောဆက်ဆံရေးကို ထူထောင်လိုကြောင်း၊သို့မဟုတ်ပါက ၎င်းသည် မိမိကိုယ်မိမိ ကာကွယ်ရန်အရာအားလုံးကို လုပ်ဆောင်မည်ဖြစ်ကြောင်း ဝန်ကြီးချုပ် နေတန်ယာဟုက ပြောကြားခဲ့ကြောင်း RIA သတင်းဌာန က ဖော်ပြထားသည်။

၁၉၇၃ ခုနှစ် Yom Kippur စစ်ပွဲအပြီး ရရှိခဲ့သော ဂိုလန်ကုန်းမြင့်တွင် ဆီးရီးယားနှင့် တပ်ဖွဲ့များခွဲထွက်ရေး သဘောတူညီချက်သည် အကျုံးမဝင်ကြောင်း အစ္စရေး ဝန်ကြီးချုပ် နေတန်ယာဟုက အဆိုပါနယ်နိမိတ်မျဉ်းသို့ အလည်အပတ် သွားရောက်စဉ် ပြောကြားခဲ့သည်။

ကုလသမဂ္ဂသည် ဆီးရီးယားနိုင်ငံ မြို့တော် ဒမတ်စကတ်ဒေသရှိ ၎င်း၏ဝန်ထမ်းများကို ယာယီလျှော့ချခဲ့ကြောင်း TASS သတင်းဌာနက ဖော်ပြထားသည်။

အတိုက်အခံလက်နက်ကိုင်အဖွဲ့များက မြို့တော်ဒမတ်စကတ်ကို ဒီဇင်ဘာလ ၈ ရက်နေ့မနက်ပိုင်းကသိမ်းပိုက်ခဲ့ပြီးနောက် ကုလသမဂ္ဂသည် ၎င်း၏ ဝန်ထမ်း များကို လျှော့ချရန် ဆုံးဖြတ်ခဲ့ခြင်းဖြစ်ကြောင်း ဖော်ပြထားသည်။

ကိုးကား- TASS သတင်းဌာန

Photo- abcmedia

၂၀၂၅ ခုနှစ်တွင် အမေရိကန်သည် ကာကွယ်ရေးအတွက် အမေရိကန် ဒေါ်လာ၈၄၁ ဘီလီယံ စံချိန်တင် သုံးစွဲမည်ဖြစ်ကြောင်း ပင်တဂွန်စစ်ဌာနချုပ် အကြီးအကဲ Lloyd Austin က ပြောကြားခဲ့သည်ဟု RIA သတင်း ဌာနကဖော်ပြထားသည်။

ပင်တဂွန်စစ်ဌာနချုပ် အကြီးအကဲသည် အမေရိကန်၏ စစ်အသုံးစရိတ်ကို  လာမည့်နှစ်တွင် ၂၀၂၁ ခုနှစ် က အသုံးစရိတ်ထက် အမေရိကန်ဒေါ်လာ ဘီလီယံ ၁၀၀ တိုးမြှင့်မည်ဟု ကြေညာခဲ့သည်။

အိမ်ဖြူတော်၏ ယူကရိန်းသို့ ATACMS များ လွှဲပြောင်းပေးခြင်းသည် ယူကရိန်းစစ်ပွဲအတွက် panacea (ကုထုံးတစ်ခု) မဟုတ်ကြောင်း ကယ်လီဖိုးနီးယားရှိ အမျိုးသားကာကွယ်ရေးဖိုရမ်တွင် အမေရိကန်သမ္မတ၏ အမျိုးသားလုံခြုံရေးအကြံပေး Jake Sullivan က  ၎င်း၏ မိန့်ခွန်းအတွင်း ပြောကြားခဲ့သည်။

ကရိန်းသမ္မတ ဇယ်လင်စကီး က ရုရှားနှင့် "တရား မျှတသော ငြိမ်းချမ်းရေး" ဟု ခေါ်သည့် တစ်ခုတည်းသော အလားအလာရှိသော ငြိမ်းချမ်းရေးသဘောတူစာချုပ် လမ်းကြောင်းသည် ယခင်ယူကရိန်းနယ်မြေများမှ ရုရှား တပ်ဖွဲ့များကို "လုံးဝဆုတ်ခွာခြင်း" နှင့် နိုင်ငံ၏ ၁၉၉၁ ခုနှစ် နယ်နိမိတ်မျဉ်း ပြန်လည်ထူထောင်ရေးတို့ ပါဝင် သည့် ၎င်း၏ အချက် ၁၀ ချက်ပါဝင်သော “ငြိမ်းချမ်းရေး ဖော်မြူလာ” ဖြစ်ကြောင်း ပြောကြားခဲ့ပါသည်။ သို့သော် ယူကရိန်းသည် နေတိုးအဖွဲ့ဝင် ဖြစ်လာပါက ရုရှား ထိန်းချုပ်ထားသော ယူကရိန်း နယ်မြေများကို ခေတ္တ ပြန်လည်ရယူခြင်းမရှိဘဲ အပစ်အခတ်ရပ်စဲရေးကို သဘောတူနိုင်မည်ဟု လွန်ခဲ့သည့် ရက်သတ္တပတ် အနည

ယူကရိန်းသည် ရုရှားနှင့် ငြိမ်းချမ်းရေး သဘောတူညီချက်တစ်ရပ် ပြုလုပ်လိုကြောင်း အမေရိကန် ရွေးကောက်ခံ သမ္မတ ဒေါ်နယ်ထရမ့်က ၎င်း၏ကိုယ်ပိုင် လူမှုကွန်ယက် Truth Social တွင် ရေးသားဖော်ပြခဲ့သည်။

ပုန်များ၏ မြို့သိမ်းတိုက်ပွဲများ ဆီးရီးယားတွင် ဆက်လက် ဖြစ်ပေါ်နေပြီး သမ္မတ Bashar al-Assad သည် ဆီးရီးယားတွင် ရှိနေသော်လည်း ၎င်း၏မိသားစု သည် နိုင်ငံမှ ထွက်ခွာသွားခဲ့ပြီးဖြစ်သည်။ ၎င်း၏သားသမီးများသည် ရုရှားနိုင်ငံသို့ လေယာဉ်ဖြင့်ထွက်ခွာသွားကြပြီဖြစ်ကာ သားမက်ဖြစ်သူသည် ယူအေအီးကို ထွက်ခွာသွားကြောင်း The Telegraph သတင်းဂျာနယ်က ဖော်ပြသည်။

Yonhap သတင်းထုတ်ဝေမှုတွင် တောင်ကိုရီးယား ပါလီမန်သည် သမ္မတအား စွပ်စွဲပြစ်တင်ရန် လိုအပ်သော မဲအရေအတွက်ကို မစုဆောင်းနိုင်ခဲ့ဟု ရေးသားထားသည်။ အာဏာရပါတီက ရွေးကောက်ပွဲကို သပိတ်မှောက်ခဲ့ ကြောင်း သတင်းရရှိပါသည်။ လက်ရှိအာဏာရပါတီတွင် လွှတ်တော်အမတ် ၁၀၈ ဦးရှိပြီး လွှတ်တော်တွင် စုစုပေါင်း အမတ် ၃၀၀ ရှိကာ စွပ်စွဲပြစ်တင်ရန် ထောက်ခံမဲ ၂၀၀ လိုအပ်သည်ဟု သတင်းရရှိပါသည်။

ကိုးကား - ဒေသတွင်းမီဒီယာ

ပြင်သစ်သမ္မတမှ ရွေးချယ်ခန့်အပ်ထားသည့် ဝန်ကြီးချုပ်အား လွှတ်တော်က အယုံအကြည်မရှိ အဆိုတင်သွင်းအောင်မြင်ပြီးနောက် နိုင်ငံရေးအကျပ်အတည်းနှင့် အစိုးရနုတ်ထွက်ရေးတို့ကြားတွင် ပြင်သစ်သမ္မတ Macron အား ရာထူးမှနုတ်ထွက်ပေးရန် လူရာနှင့်ချီသော ပြည်သူများ ချီတက်ဆန္ဒပြခဲ့ကြသည်ဟု သတင်းရရှိပါသည်။

ကိုးကား - Dmitry Orlov/TASS