အမေရိကန်အစိုးရသည် တရားမဝင် ရွှေ့ပြောင်းနေထိုင်သူများကို နိုင်ငံအတွင်းမှ ဆန္ဒအလျောက်ထွက်ခွာပါက ဒေါ်လာ ၁,၀၀၀ ထောက်ပံ့ကြေးနှင့် လေယာဉ်လက်မှတ် အခမဲ့ပေးဆောင်မည်ဖြစ်ကြောင်း အမိမြေ လုံခြုံရေးဌာန (DHS) က တနင်္လာနေ့ (မေ ၅) တွင် ထုတ်ပြန်ခဲ့ပါသည်။ 

DHS ၏ မူဝါဒအရ သတ်မှတ်ချက်ပြည့်မီသူများကို CBP Home App မှတစ်ဆင့် ထွက်ခွာလိုကြောင်း လျှောက်ထားခွင့်ပြုပါသည်။ ပါဝင်သူများကို ချုပ်နှောင်ခြင်းပြုလုပ်မည် မဟုတ်ဘဲ ၎င်းတို့၏ ဆန္ဒအလျောက် ထွက်ခွာကြောင်း အတည်ပြုပြီးနောက် ဘဏ္ဍာရေးထောက်ပံ့မှုများ ရရှိမည်ဖြစ် ပါသည်။ 

အမေရိကန်ရေတပ်သည် ယီမင်ရှိ ဟူသီသောင်းကျန်းသူများကို တိုက်ခိုက်ရန် စစ်ဆင်ရေးများ တိုးချဲ့ခဲ့ပြီးနောက် F/A-18 Super Hornet တိုက်လေယာဉ်တစ်စီး ထပ်မံဆုံးရှုံးရကြောင်းသိရှိရသည်။ ယခု ဆုံးရှုံးမှု သည် USS Harry S. Truman သင်္ဘောမှ လွန်ခဲ့သော တစ်ပတ်အတွင်း ဖြစ်ပွားခဲ့သည့် ဒုတိယမြောက် ဖြစ်ရပ်ဖြစ်ပြီး ယီမင်စစ်ဆင်ရေးများ စတင်ကတည်းက တတိယမြောက် ဆုံးရှုံးမှုလည်း ဖြစ်သည်။

ယူကရိန်းစစ်တပ်၏ ဒရုန်းများဖြင့် တိုက်ခိုက်မှုကြောင့် မော်စကိုမြို့၊ Vnukovo လေဆိပ်၏ လေကြောင်းခရီးစဉ်များ နှောင့်နှေးခြင်းနှင့် ဖျက်သိမ်းခြင်းများ အကြီးအကျယ် ဖြစ်ပေါ်ခဲ့သည်။

လေဆိပ်၏ သတင်းထုတ်ပြန်ချက်အရ လေယာဉ်ခရီးစဉ် ၅၀ ခန့်ကို ဖျက်သိမ်းခဲ့ရပါသည်။

ခရီးသည်များသည် မေလ ၆ ရက်နေ့ကတည်းက ထွက်ခွာရန် နာရီပေါင်း များစွာ စောင့်ဆိုင်းနေခဲ့ကြသည်။

ကိုးကား- ဒေသတွင်းမီဒီယာ

နေပြည်တော် မေ ၇

ရုရှားဖက်ဒရေးရှင်းနိုင်ငံသမ္မတ မစ္စတာ ဗလာဒီမာပူတင်၏ ဖိတ်ကြားချက်အရ ရုရှားဖက်ဒရေးရှင်းနိုင်ငံတွင် ကျင်းပပြုလုပ်မည့် ၁၉၄၁-၁၉၄၅ မဟာမျိုးချစ် စစ်ပွဲကြီး အောင်ပွဲ နှစ် (၈၀) ပြည့် အထိမ်းအမှတ်စစ်ရေးပြအခမ်းအနားသို့ တက်ရောက်ရန်အတွက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီး ဒေါ်ကြူကြူလှ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ယနေ့နံနက်ပိုင်းတွင် အထူးလေယာဉ်ဖြင့် နေပြည်တော်တပ်မတော်လေဆိပ်မှ ထွက်ခွာသည်။

အိန္ဒိယ-ပါကစ္စတန်နယ်စပ်ရှိ ဂျမူးကက်ရှ်မီး (PoK) နှင့် ပါကစ္စတန်အတွင်း အကြမ်းဖက်စခန်း စုစုပေါင်း ၉ ခု ကို အိန္ဒိယတပ်မတော် IAF ၏ MiG-29 နှင့် Rafale တိုက်လေယာဉ်များက မေလ ၇ ရက် နံနက် ၁ နာရီ ၄၄ မိနစ်တွင် တိုက်ခိုက်မှုများ စတင်ခဲ့သည်။

ရုရှားနိုင်ငံ၏ ၁၉၄၁-၁၉၄၅ မဟာမျိုးချစ် စစ်ပွဲကြီး‌အောင်ပွဲအဖြစ် နှစ်(၈၀)ပတ်လည် အထိမ်းအမှတ်ပွဲအတွက် နိုင်ငံတကာမှ ခေါင်းဆောင်များ ရုရှားသို့ တဖွဲဖွဲရောက်ရှိနေကြသည်။

ထိုအထဲတွင်ကျူးဘားခေါင်းဆောင်လည်းပါဝင်သဖြင့် ယခင် ၁၉၆၃ မေလ က ဖီဒယ်ကတ်စထရို နှင့် သူ၏အဖော်များသည် Piskarevskoye Memorial Cemetery တွင် လွမ်းသူ့ပန်းခွေချကြပုံနှင့်ယခု ၂၀၂၅ မေလတွင် ကျူးဘားသမ္မတ Miguel Diaz-Canel Bermudez နှင့် ၎င်း၏အဖွဲ့ဝင်များ လွမ်းသူ့ပန်းခွေချကြပုံတို့ကိုယှဥ်တွဲပြထားသည်။

မြန်မာနိုင်ငံ ကြက်ခြေနီအသင်းက ငလျင်ဒဏ်သင့် ရှမ်းပြည်နယ်တောင်ပိုင်း၊ ညောင်ရွှေဒေသရှိ ကလေးငယ်များ ကြောက်ရွှံထိတ်လန့်မှု သက်သာစေရေးအတွက် ကလေးပျော်စင်တာကို မေလ (၅) ရက်က ဖွင့်လှစ်ပေးခဲ့ကြောင်း သိရသည်။

အဆိုပါ စင်တာတွင် ကလေးငယ်များအား စိတ်ပိုင်းဆိုင်ရာ ကျန်းမာပျော်ရွှင်စေရန် နှင့် အားပေးစောင့်ရှောက်ခြင်းဆိုင်ရာ အသိပညာများပေးခဲ့သည့်အပြင် ရပ်ရွာလူထုကိုလည်း စိတ်ပိုင်းဆိုင်ရာ အားပေးနှစ်သိမ့်ပေးခြင်းများ ဆောင်ရွက်ပေးခဲ့ကြောင်း သိရသည်။

တိုက်ပွဲများငြိမ်သက်အေးချမ်းသွားပြီဖြစ်သည့် လားရှိုးမြို့ ပြန်လည်ထူထောင်ရေးလုပ်ငန်းများကို သက်ဆိုင်ရာဌာနဝန်ထမ်းများက ဝိုင်ဝန်းဆောင်ရွက်လျက်ရှိနေသည်ကို တွေ့ရကြောင်း ဒေသခံသတင်းရင်းမြစ်တစ်ဦးက ပြောသည်။

ယနေ့ မေ(၆) ရက်၌ လားရှိုးမြို့ ကန်မိန်းကျောင်းရှေ့နှင့် မြို့ပတ်လမ်းရှိ အမှိုက်ပုံကြီးအား စည်ပင်သာယာ‌ရေးဝန်ထမ်းများ ရှင်းလင်းဖယ်ရှားမှုများ ဆောင်ရွက်ပြီးစီးပြီဖြစ်သည်ဟု ၎င်းကဆိုသည်။

ကင်မရွန်းနိုင်ငံက ကမ္ဘာ့ပထမဆုံးအဖြစ် ကလေးငယ်များအတွက် ငှက်ဖျားရောဂါကာကွယ်ဆေးထိုး လုပ်ငန်းဆောင်ရွက်မှုကို ဇန်နဝါရီလ ၂၂ ရက်တွင်စတင်လိုက်ပြီဖြစ်ကြောင်းသိရသည်။

အဆိုပါကာကွယ်ဆေးသည် ငှက်ဖျားရောဂါအတွက် ကမ္ဘာ့ပထမဆုံးကာကွယ်ဆေးဖြစ်ပြီး ထိုကာကွယ်ဆေးမှာ ဗြိတိန်နိုင်ငံ GSK ကုမ္ပဏီက ထုတ်လုပ်သည့် Mosquirix  ဆေးဖြစ်သည်။

ဟယ်လ်ဆင်ကီး  မေ ၆

ဆေးလိပ်၊ အရက် သောက်သုံးခြင်းနှင့် လေ့ကျင့်ခန်းပြုလုပ်မှုကင်းမဲ့ခြင်းတို့သည် လူတစ်ဦး၏ ကျန်းမာရေးကို ဆိုးကျိုးသက်ရောက်လာနိုင်ကြောင်း မေ ၅ ရက်သတင်းများအရ သိရသည်။

ဖင်လန် သုတေသနပညာရှင်များ၏ လေ့လာတွေ့ရှိချက်အရ အထက်ဖော်ပြပါ အကျင့်ဆိုးသုံးမျိုး ရှိနေသူများအနေဖြင့် အသက် ၃၆ နှစ်လောက်မှစ၍ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ကျန်းမာရေးအခြေအနေများ စတင်ကျဆင်းလာနိုင်ကြောင်း သိရသည်။