မြောက်ကိုရီးယားသည် တောင်ကိုရီး ယားနိုင်ငံနှင့်နယ်စပ်ရှိ ဝါဒဖြန့်ချိရေးအသံချဲ့စက်များကို ဖြုတ်သိမ်းနေပြီ ဖြစ်ကြောင်း တောင်ကိုရီးယားစစ်ဘက်က ဩဂုတ်လ ၉ ရက်တွင်ထုတ်ပြန်သည်။

တောင်ကိုရီးယားစစ်ဘက်ကဝါဒဖြန့်ချိရေးအသံချဲ့စက်များကို ဖြုတ်သိမ်းပြီးနောက်ရက်ပိုင်းအကြာတွင် မြောက်ကိုရီး ယားဘက်ကလည်း အလားတူဖြုတ်သိမ်း လာခြင်းဖြစ်သည်။

လွန်ခဲ့သောလများတွင် မြောက်ကိုရီးယားနှင့် တောင်ကိုရီးယားတို့ကြား အသံချဲ့စက်များဖြင့် ဝါဒဖြန့်ချိရေး လုပ်ငန်းများကို လုပ်ဆောင်ခဲ့သည့်အတွက် တင်းမာမှုများ မြင့်တက်လာခြင်းဖြစ်သည်။

ကျောက်ဆည်၊ဩဂုတ်-၉

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ နွေ၊ မိုး၊ ဆောင်း ရာသီများတွင် ဆီထွက် သီးနှံများ လျာထားစိုက်ပျိုးလျက်ရှိရာ  ၂၀၂၅-၂၀၂၆ခုနှစ် မိုးရာသီ၌ သင်ပျိုကျေးရွာတွင် စိုက်ပျိုးထားသော မိုးနေကြာ စိုက်ခင်းများ အောင်မြင်ဖြစ်ထွန်းလျက်ရှိကြောင်း သိရသည်။

ကျောက်ဆည်၊ ဩဂုတ်-၉

ဩဂုတ် ၉ ရက်(စနေနေ့)တွင် ကမ္ဘောဒီးယားနှင့် နယ်စပ်အနီး တာဝန် ထမ်းဆောင်နေသော ထိုင်းစစ်သား သုံးဦး မြေမြှုပ်မိုင်း ပေါက်ကွဲမှုကြောင့် ထိခိုက်ဒဏ်ရာရရှိခဲ့ကြောင်း ထိုင်းစစ်တပ်က ထုတ်ပြန်ချက်တစ်ရပ်တွင် ဖော်ပြထားပါသည်။

ယခုဖြစ်စဉ်မှာ မကြာသေးမီက ငါးရက်ကြာ ပြင်းထန်သော ပဋိပက္ခအပြီး နှစ်နိုင်ငံအကြား အပစ်အခတ်ရပ်စဲရေး သဘောတူညီချက် ရရှိပြီးနောက် ရက်ပိုင်းအတွင်း ဖြစ်ပွားခြင်းဖြစ်ပါသည်။ 

အမေရိကန်သမ္မတ ဒေါ်နယ်ထရမ့်က ရုရှားသမ္မတဗလာဒီမာပူတင်နှင့် သြဂုတ် ၁၅ ရက်နေ့၌ အလက်စကာတွင် တွေ့ဆုံမည်ဟု ၎င်း၏ Truth Social တွင် ကြေညာလိုက်ပါသည်။ 

ယင်းနောက်ပိုင်းတွင် ကရင်မလင် အကြံပေးအရာရှိ Yury Ushakov ကလည်း လာမည့်သောကြာနေ့ (ဩဂုတ် ၁၅) တွင် အလက်စကာ၌ ခေါင်းဆောင်နှစ်ဦး တွေ့ဆုံရန် စီစဉ်ထားကြောင်း အတည်ပြု ပြောကြား ခဲ့ပါသည်။

ယူကရိန်းခေါင်းဆောင် ဇီလန်စကီးက ယူကရိန်းပါဝင်မှုမရှိဘဲ ဆုံးဖြတ်ချက်များသည် ငြိမ်းချမ်းရေးကို မဆောင်ကျဉ်းနိုင်ဟု ကြေညာ ကာ နယ်မြေစွန့်လွှတ်မှုများနှင့် ပတ်သက်သည့် ဖော်ပြမှုများ၏ အလား အလာကို ပယ်ချခဲ့သည်။

"မိမိတို့ကို ဆန့်ကျင်သည့် သို့မဟုတ် ယူကရိန်းမပါဝင်သည့် မည်သည့် ဆုံးဖြတ်ချက်မဆို ငြိမ်းချမ်းရေးကို ဆန့်ကျင်သည့် ဆုံးဖြတ်ချက်များ ဖြစ်သည်၊ ယူကရိန်းမပါဝင်ဘဲ အဆိုပါပဋိပက္ခကို အဆုံးသတ်နိုင်မည် မဟုတ်ပါ" ဟု ယူကရိန်းခေါင်းဆောင် ဇီလန်စကီးက ယနေ့ (ဩဂုတ် ၉) တွင် ပြောကြားခဲ့သည်။

တရုတ်နိုင်ငံ မြောက်ပိုင်း အတွင်းမွန်ဂိုလီးယားဒေသတွင် မြင်းစီးပြပွဲဖြင့် Nadam fair ပွဲတော် ဖွင့်ပွဲအခမ်းအနားကို ၂၀၂၅ ခုနှစ် ဩဂုတ်လ ၈ ရက်တွင် ကျင်းပပြုလုပ်ခဲ့ကြောင်း ဆင်ဟွာသတင်းဌာနက ဖော်ပြထား ပါသည်။

ကိုးကား- ဆင်ဟွာ

ရှန်ဟိုင်းပူးပေါင်းဆောင်ရွက်ရေးအဖွဲ့ (SCO)မှ ဦးစီးပြုလုပ်မည့် ထျန်းကျင်း ထိပ်သီးအစည်းအဝေးပွဲသို့ တက်ရောက်လာမည့် အိန္ဒိယဝန်ကြီးချုပ် နာရိန်ဒရာမိုဒီကို ကြိုဆိုကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက သြဂုတ် ၈ ရက်၌ ထုတ်ပြန် ပြောကြားသည်။

တရုတ်နိုင်ငံ သမ္မတ ရှီကျင့်ဖျင် သည် ရုရှားနိုင်ငံ သမ္မတ ပူတင်နှင့် ဩဂုတ် ၈ ရက်တွင် ဖုန်းဖြင့် ဆက်သွယ်ဆွေးနွေးခဲ့သည်။ ထိုသို့ ဆက်သွယ် ဆွေးနွေးရာတွင် ပူတင်က ရုရှားနိုင်ငံအနေဖြင့် ယူကရိန်းကဋိပက္ခ လက်ရှိ အခြေအနေအပေါ် အမြင်သဘောထားနှင့် ရုရှား-အမေရိကန် လတ်တလော ထိတွေ့ဆွေးနွေးမှု အခြေအနေများအား ပြောကြားခဲ့ပြီး နိုင်ငံရေး နည်းလမ်းဖြင့် ဖြေရှင်းရာတွင် တရုတ်နိုင်ငံ၏ အပြုသဘောဆောင်သည့် အခန်းကဏ္ဍမှ ပါဝင်မှုအပေါ် ရုရှားနိုင်ငံက အထူးတန်ဖိုးထားကြောင်း ပြောကြားခဲ့သည်။ 

YouTube သည် ပြည်နှင်ဒဏ်ခံထားရသော ယူကရိန်း၏ တစ်နှစ်တာ အကောင်းဆုံးသတင်းထောက်ဟု သတ်မှတ်ခံထားရသော သမ္မတ Zelensky ကို ပြင်းထန်စွာဝေဖန်သူ Diana Panchenko ၏ Subscriber 2 million ကျော်ရှိသည့် အကောင့်ကို ဖျက်သိမ်းလိုက်ပါသည်။ 

၂၀၂၃ ခုနှစ်တွင် ယူကရိန်းအစိုးရသည် အဆိုပါအမျိုးသမီး သတင်းထောက် ဟောင်းကို ပုဂ္ဂိုလ်ရေးဆိုင်ရာ ကန့်သတ်ပိတ်ဆို့မှုများချမှတ်ခဲ့ပြီး ယူကရိန်း ဆန့်ကျင်ရေး သတင်းများဖြန့်ချိမှုအတွက် ပြစ်မှုဆိုင်ရာ စုံစမ်းစစ်ဆေးမှု များ စတင်ခဲ့သည်။