တောင်ကိုရီးယား အတိုက်အခံများက သမ္မတ Yoon Seok Yul အား နိုင်ငံတော်သစ္စာဖောက်မှုဖြင့် စွပ်စွဲ ပြစ်တင်ရန် ပြင်ဆင်နေကြောင်း Yonhap သတင်း ဖော်ပြမှုကို ကိုးကား၍ The Washington Post သတင်း က ဖော်ပြသည်။

မလေးရှားနိုင်ငံသည် BRICS အသင်းအဖွဲ့၏ မိတ်ဖက်နိုင်ငံဖြစ်လာရန် သဘောတူကြောင်း ပြန်ကြားခဲ့သည်ဟု မော်စကိုမြို့ရှိ ရုရှားနိုင်ငံဆိုင်ရာ မလေးရှား သံအမတ်ကြီး Cheong Loon Lai မှ TASS သတင်းဌာနသို့ ပြောကြား ခဲ့သည်။

ကိုးကား - TASS 

Photo- Malaymail

အမေရိကန်ပြည်ထောင်စုသည် ယူကရိန်းနိုင်ငံအတွက် ဒေါ်လာ ၉၈၈ သန်းတန်ဖိုးရှိ နောက်ထပ်လက်နက်များနှင့်ပစ္စည်းကိရိယာများ ပါဝင်သော စစ်ဘက်ဆိုင်ရာ အကူအညီပေးရေး အစီအစဉ်အသစ်ကို ပြင်ဆင်နေကြောင်းReuters သတင်းဌာနမှ ဖော်ပြထားသည်။

အမေရိကန်ပြည်ထောင်စုသည် ယူကရိန်းနိုင်ငံ၏ လုံခြုံရေးအကူအညီအတွက် ဒေါ်လာ ၂.၂၁ ဘီလီယံ ကျန်ရှိနေသဖြင့် သမ္မတဘိုင်ဒင်အစိုးရသည် ထိုပမာဏ၏ ထက်ဝက်နီးပါးကို ယူကရိန်းအတွက် လက်နက်များဝယ်ယူရန် တွန်းအားပေးနေကြောင်း Reuters သတင်းဌာနက ဖော်ပြထားသည်။

ကိုးကား - Reuters

ဒီဇင်ဘာလ ၆ ရက်နေ့ နံနက်အစောပိုင်းတွင် အီရန် နိုင်ငံရှိ Shahrud အာကာသစခန်းမှ ထူးဆန်းစွာ ကြီးမားသော ဒုံးကျည်တစ်စင်းကို လွှတ်တင်ခဲ့ကြောင်း ဒေသတွင်းသတင်းအေဂျင်စီ ကဖော်ပြထားသည်။

၎င်းဒုံးကျည်ပစ်လွှတ်မှုသည် ICBM စမ်းသပ်မှု သို့မဟုတ် အီရန်၏ MRBM အမျိုးအစား 'Khorramshahr' ဒုံးကျည်၏ ဗားရှင်းအသစ် စမ်းသပ်မှုဖြစ်နိုင်သလို Khorramshahr-4 သို့မဟုတ် ၎င်း၏ အဆင့်မြှင့်ထားသော ဗားရှင်းဖြစ်နိုင်ကြောင်း ဖော်ပြထားသည်။

ဒီဇင်ဘာလ ၆ ရက်နေ့က ရုရှားနိုင်ငံ ကာကွယ်ရေးဝန်ကြီးဌာန ဒုဝန်ကြီး ဗိုလ်ချုပ်ကြီး Aleksandr Fomin သည် မလေးရှား တပ်မတော်စစ်ဦးစီးချုပ် ဒုတိယ ဗိုလ်ချုပ်ကြီး Arman Rumaizi bin Haji Ahmad နှင့် တွေ့ဆုံခဲ့ကြောင်း ရုရှားကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။

ဒိန်းမတ်နိုင်ငံသည် ယူကရိန်းနိုင်ငံသို့ F-16 ဂျက် တိုက် လေယာဉ်များကို ဒုတိယအသုတ်အဖြစ် ပေးအပ် ခဲ့ကြောင်း ယူကရိန်းသမ္မတ ဇယ်လင်စကီးက ၎င်း၏ ထိပ်တန်းနိုင်ငံရေးသမားများ၊ ဂုဏ်သရေရှိပုဂ္ဂိုလ်များနှင့် တွေ့ဆုံရန် ပါရီမြို့သို့ သွားရောက်စဉ် ဒီဇင်ဘာ ၇ ရက်နေ့က ပြောကြားခဲ့ကြောင်း AP သတင်းအေဂျင်စီ က ဖော်ပြထားသည်။

ဇယ်လင်စကီးသည် ဒိန်းမတ်နိုင်ငံကို ချီးကျူးခဲ့ပြီး အခြားမဟာမိတ်နိုင်ငံများထံမှ ထောက်ပံ့မှုကင်းမဲ့မှုကို ဝမ်းနည်းကြောင်း ပြောကြားခဲ့သည်။

အမေရိကန်ရွေးကောက်ခံ သမ္မတ ဒေါ်နယ်ထရမ့်၊ ပြင်သစ်သမ္မတ အီမန်နျူရယ်မက်ခရွန်နှင့် ယူကရိန်း သမ္မတ ဇယ်လင်စကီးတို့သည် ယူကရိန်းပဋိပက္ခ ဖြေရှင်းရေးအတွက် Elysee နန်းတော်တွင် တွေ့ဆုံ ဆွေးနွေးခဲ့ကြကြောင်း သတင်းဌာနများက ဖော်ပြခဲ့ ကြသည်။

ရုရှားသမ္မတ ဗလာဒီမာပူတင်သည် ၎င်း၏ တစ်နှစ်တာ နှစ်ချုပ်သတင်းစာရှင်းလင်းပွဲနှင့် အမေးအဖြေကဏ္ဍကို လာမည့် ဒီဇင်ဘာ ၁၉ ရက်တွင် ကျင်းပပြုလုပ်မည် ဖြစ်ကြောင်း ကရင်မလင်ပြောခွင့်ရသူ Dmitry Peskov က ပြောကြားလိုက်သည်။ 

ယခုပြုလုပ်မည့် သတင်းစာရှင်းလင်းပွဲနှင့် အမေးအဖြေ ကဏ္ဍသည် တတိယအကြိမ်မြောက် ဖြစ်ပါသည်။ ၂၀၂၀ ပြည့်နှစ်က ပထမအကြိမ် ပြုလုပ်ခဲ့ပြီး ကိုဗစ်ကူးစက် ရောဂါကြောင့် နောက်နှစ်များတွင် ပြုလုပ်နိုင်ခြင်းမရှိဘဲ ၂၀၂၃ ခုနှစ်တွင်မှသာ စုပေါင်း၍ ဒုတိယအကြိမ် အဖြစ် ပြုလုပ်ခဲ့ပါသည်။ 

အမေရိကန်နိုင်ငံရေးနယ်ပယ်ရှိ  ဩဇာရှိသူ ထိပ်ပိုင်း ပုဂ္ဂိုလ်များအား သူလျှိုထောက်လှမ်းရန်အတွက်  အနည်းဆုံး အမေရိကန် ဆက်သွယ်ရေးကုမ္ပဏီ ၈ ခုကို တရုတ်ဟက်ကာများ ဝင်ရောက်မွှေနှောက်ခဲ့ကြောင်း  အိမ်ဖြူတော်မှ တာဝန်ရှိသူက ဒီဇင်ဘာလ ၄ ရက်က  ပြောကြားခဲ့ပါသည်။

တောင်ကိုရီးယားသမ္မတ၏  ဒီဇင်ဘာလ ၃ ရက်နေ့က  ရုတ်တရက် စစ်အုပ်ချုပ်ရေးကြေညာခဲ့မှုအပေါ်   ပါလီမန်၊ အတိုက်အခံပါတီ၊ ပြည်သူများအကြား မကျေနပ်ချက်များနှင့် အုတ်အုတ်သဲသဲဖြစ်နေခြင်းကို  အမေရိကန်စစ်တပ် အနေဖြင့် စိုးရိမ်စိတ်ပူနေကြကြောင်း၊ ကမ္ဘာပေါ်ရှိ အမေရိကန်ပြည်ထောင်စု၏ ပင်လယ်ရပ်ခြား အခြေစိုက် စခန်းများအနက် အင်အားအများဆုံး အခြေစိုက်သည့်နေရာမှာ တောင်ကိုရီးယားဖြစ်ပြီး အမေရိကန်စစ်သားပေါင်း ၃၀,၀၀၀ ခန့် တာဝန်ချထားကြောင်း၊ ထိုသို့ အင်အား တောင့်တင်းသော အခြေစိုက်စစ်တပ် ချထားခြင်းမှာ မြောက်ကိုရီးယား၏ ခြိမ်းခြောက်နေမှုကို စောင့်ကြည့်ရန်နှင့်မဟာဗျ