အိန္ဒိယနိုင်ငံသည် ပါကစ္စတန်နှင့် နယ်နိမိတ်ချင်းထိစပ်နေသော ဒေသများတွင် လေကြောင်းကာကွယ်ရေးတပ်ဖွဲ့အားလုံးကို အရေးပေါ် အခြေအနေများအတွက် အသင့်တပ်စွဲထားကြောင်း ANI သတင်းဌာနကကာကွယ်ရေးဝန်ကြီးဌာန၏ ကိုယ်စားလှယ်များ၏ ပြောကြားချက်ကို ကိုးကား၍ ဖော်ပြခဲ့ပါသည်။

“မမျှော်လင့်ထားသော ခြိမ်းခြောက်မှုများကို တုံ့ပြန်နိုင်ရန် အိန္ဒိယ-ပါကစ္စတန်နယ်စပ်တစ်လျှောက် လေကြောင်းရန်ကာကွယ်ရေး တပ်ဖွဲ့ အားလုံးကို အသင့်ပြင်ထားပြီးဖြစ်သည်” ဟု ကာကွယ်ရေးဝန်ကြီးဌာနမှ ထုတ်ပြန်ကြေညာခဲ့ပါသည်။

ပါကစ္စတန်စစ်တပ်သည် အိန္ဒိယရှိ ပစ်မှတ်များကို တန်ပြန်တိုက်ခိုက်မှုများ ပြုလုပ်ခဲ့ကြောင်းSamaa TV ရုပ်သံလိုင်း၏ သတင်းရင်းမြစ်များက ပြောကြားခဲ့ပါသည်။ 

အရပ်သားအခြေခံအဆောက်အအုံများ ထိခိုက်ပျက်စီးမှုနှင့် အရပ်သားပြည်သူများအပေါ် အိန္ဒိယ၏တိုက်ခိုက်မှုကြောင့် ပါကစ္စတန်က ပြန်လည် တိုက်ခိုက်ရန် ဆုံးဖြတ်ချက် ချမှတ်ခဲ့ခြင်းဖြစ်သည်။ 

ကိုးကား - Tass 

တဲအဗစ်၊ စစ်ရေး

ဂါဇာကမ်းမြောင်ဒေသတွင် စစ်ဆေးရေးတိုးမြှင့်လုပ်ဆောင်ရန်အတွက်အရန်တပ်ဖွဲ့ဝင် ထောင်ပေါင်းများစွာအား စည်းရုံးဖြန့်ကြက်ရန်   စီစဉ်လျက်ရှိကြောင်း အစ္စရေးအစိုးရအဖွဲ့မှ ပြောရေးဆိုခွင့်ရှိသူ ဒေးဗစ်မန်ဆာကပြောကြားသည်။

အစ္စရေးနိုင်ငံအနေဖြင့် ယခုရက်သတ္တပတ်အတွင်း အရန်တပ်ဖွဲ့ဝင်များကို ဂါဇာဒေသတွင်စစ်ဆင်ရေးတိုးမြှင့်ရန်နှင့် အင်အားတိုးချဲ့ရန်အတွက် ဆင့်ခေါ်သွားမည်ဖြစ်ကြောင်း၊ သို့သော် ၎င်းတို့အား ပါလက်စတိုင်းနယ်မြေများအား သိမ်းပိုက်ရန်အတွက်ဖြန့်ကြက်မည်မဟုတ်ကြောင်း မန်ဆာက ပြောကြားသည်။

အစ္စလာမ်မာဘတ်၊ ကာကွယ်ရေး

အိန္ဒိယနှင့်ပါကစ္စတန်တို့ကြား တင်းမာနေစဉ်အတွင်း ပါကစ္စတန်နိုင်ငံက Fatah အမျိုးအစား တာတိုပစ်ဒုံးကျည်တစ်စင်းကို မေလ ၅ ရက်တွင် အောင်မြင်စွာစမ်းသပ်ခဲ့ကြောင်း သိရသည်။

ဝါရှင်တန်၊ နိုင်ငံရေး

အမေရိကန်သမ္မတ  ဒေါ်နယ်ထရမ့်အနေဖြင့် ရုရှားသမ္မတ ဗလာဒီမာပူတင်နှင့် မေလလယ်ပိုင်းတွင် ဆော်ဒီအာရေဗျနိုင်ငံ၌ တွေ့ဆုံနိုင်ဖွယ်ရှိကြောင်း      ထရမ့်ကပြောကြားသည်။

ယူကရိန်းအရေးကိုဖြေရှင်းနိုင်ရေးအတွက် အမေရိကန်နှင့် ရုရှားတို့အနေဖြင့် ဆော်ဒီအာရေဗျနိုင်ငံသို့ မကြာမီသွားရောက်ရမည်ဖြစ်ကြောင်း၊ သို့သော် သမ္မတပူတင်နှင့်တွေ့ဆုံနိုင်မည်ဟုတ်၊မဟုတ်ကို အတိအကျမသိရသေးကြောင်း ထရမ့်က သတင်းထောက်များ၏ မေးမြန်းမှုကို ဖြေကြားရာတွင် ထည့်သွင်းပြောဆိုခဲ့ခြင်းဖြစ်သည်။

ပျောက်ကွယ်နေသည့် စက္ခုအာရုံကို ပြန်လည်ရရှိစေနိုင်သည့် ချစ်ပြားတစ်ခုကို လူသားများ၏ ဦးနှောက်အတွင်းသို့လာမည့်နှစ်အတွင်း   ထည့်သွင်းပေးနိုင်ရန် အမေရိကန်ကုမ္ပဏီကြီးတစ်ခုဖြစ်သည့် Neuralink က စီစဉ်လျက်ရှိသည်။

အဆိုပါချစ်ပြားသည်   မွေးစကပင် မျက်စိအလင်းမရခဲ့သူများကိုပင် စက္ခုအာရုံပြန်လည်ရရှိလာနိုင်စေမည်ဖြစ်သည်။

တရုတ်နိုင်ငံသည် ၎င်းတို့၏ ကုန်း-ရေနှစ်သွယ်သွား တင့်ဖျက်ပဲ့ထိန်းဒုံးကျည်တင်ယာဉ်အသစ်တစ်စင်းကို ထုတ်ဖော်ပြသလိုက်သည်။

အဆိုပါ ဒုံးကျည်တင်ယာဉ်သစ်ကို ခြေလျင်တိုက်ယာဉ်၏ကိုယ်ထည်အပေါ် အခြေခံထုတ်လုပ်ထားခြင်းဖြစ်ပြီး အဆိုပါကိုယ်ထည်ပေါ်တွင်   ဒုံးပစ်စင်များကို တည်ဆောက်ထားခြင်းဖြစ်သည်။

လကမ္ဘာနှင့် အင်္ဂါဂြိုဟ်တို့စံပြပုံစံငယ်များအား 3D ပုံစံဖြင့် အတိကျဆုံးဖန်တီးနိုင်မည့် စီမံကိန်းတစ်ရပ်ကို ရုရှားသိပ္ပံပညာရှင်များက စတင်လိုက်ပြီဖြစ်သည်။

ရုရှားအာကာသနည်းပညာနှင့် ဝန်ဆောင်မှုစင်တာမှ ပညာရှင်များသည် အဆိုပါစီမံကိန်းကို အသုံးချသင်္ချာပညာ၊ M.V. Keldysh RAS သုတေသနစင်တာနှင့် ပုဂ္ဂလိကကုမ္ပဏီများနှင့် ပူးပေါင်း၍ဖော်ဆောင်မည်ဖြစ်သည်။

ငလျင်ဘေးဒဏ်သင့် မြန်မာပြည်သူများထံ ဘင်္ဂလားဒေ့ရှ်နိုင်ငံ ဒါကာမြို့ရှိ Hill Marma Bhikkhu Sangha Bangladesh မှ အများစုပေါင်း လှူဒါန်းသည့် ငွေ တာကာ ၁,၃၇၀,၀၀၀ (အမေရိကန်ဒေါ်လာ ၁၀,၅၃၉ ခန့်)ကို ဘင်္ဂလားဒေ့ရှ်နိုင်ငံဆိုင်ရာ မြန်မာသံအမတ်ကြီးက လက်ခံရယူပြီး ငလျင်ဘေးသင့်ပြည်သူများထံ ဆက်လက် ပေးပို့လှူဒါန်းသွားမည်ဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရသည်။

ကာဒစ်    မေ ၅

ဝေလနိုင်ငံ၏ အကြီးဆုံးသဘာဝရေကန် ဘာလာရေကန်တွင် အန္တရာယ်ရှိသော ရေညှိများကြောင့် ဂွိုင်နက်ကောင်တီအာဏာပိုင်များက ရေညှိသတိပေးချက် ထုတ်ပြန်ထားကြောင်း ယနေ့သတင်းများအရ သိရသည်။