ဧရာဝတီတိုင်းဒေသကြီး၊ အင်္ဂပူမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ

saceditor

News Image

  • ဧရာဝတီတိုင်းဒေသကြီး၊ အင်္ဂပူမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ

04 August 2025

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားများ လွှမ်းမိုးစေရန်လည်းကောင်း၊ ၎င်းတို့နှင့်အမြင်အယူအဆ မတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင် အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။

ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၃ ရက် မွန်းလွဲ ၁ နာရီ ၃၀ မိနစ်တွင် ဧရာဝတီတိုင်းဒေသကြီး၊ အင်္ဂပူမြို့နယ်၊ ကျီးပင်ကျေးရွာနေ ဦးအောင်အောင်(၄၂)နှစ်သည် ၎င်းအလုပ် လုပ်ကိုင်သည့် အင်္ဂပူမြို့နယ်၊ ချင်ကိုက်ကွင်းကျေးရွာနှင့် လေးမျက်နှာမြို့နယ်၊ ဝါးတောကွင်းကျေးရွာ အကြားရှိ မန်ဂျန်ရှားစိုက်ခင်းမှ ကျီးပင်ကျေးရွာသို့ ၎င်း၏သားဖြစ်သူ မောင်ကောင်းခန့်အောင် ငါးနှစ် နှင့်အတူ ဆိုင်ကယ်ဖြင့် ထွက်ခွာလာစဉ် စိုက်ခင်းအပြင်ဘက်အရောက် PDF အမည်ခံ အကြမ်းဖက် သမား သုံးဦး(စိစစ်ဆဲ)က သေနတ်ဖြင့် ပစ်ခတ်ထွက်ပြေးသွားခဲ့သဖြင့် ဦးအောင်အောင်တွင် ကျည်ထိမှန် ဒဏ်ရာများရရှိခဲ့၍ ဆေးကုသနိုင်ရေး ကွင်းကောက်တိုက်နယ်ဆေးရုံသို့ ပို့ဆောင်ထားရှိကြောင်းနှင့် မောင်ကောင်းခန့်အောင်တွင် ထိခိုက်ဒဏ်ရာရရှိခြင်း မရှိကြောင်း သိရသည်။

ထိုသို့ အပြစ်မဲ့ အရပ်သားပြည်သူများအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ် အစွန်းရောက် ဂိုဏ်းဂဏစွဲအပေါ် အခြေခံကာ သေနတ်ဖြင့် ပစ်ခတ်သတ်ဖြတ်မှု ကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက် ဆောင်ရွက်လျက်ရှိကြောင်း သတင်းရရှိပါသည်။

MOHA

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ဆိုက်ဘာအရင်းအမြစ်အီလက်ထရောနစ်ဥပဒေနှင့်အညီ လုံခြုံစိတ်ချလိုက်နာအသုံးပြု
ဆိုက်ဘာအရင်းအမြစ်အီလက်ထရောနစ်ဥပဒေနှင့်အညီ လုံခြုံစိတ်ချလိုက်နာအသုံးပြု
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ ခုနှစ်) ပုဒ်မ ၄၁၉ အရ ၂၀၂၅ ခုနှစ် ဇန်နဝါရီလ ၁ ရက်နေ့တွင် နိုင်ငံတော်စီမံအုပ်ချုပ်ရေးကောင်စီဥပဒေအမှတ် ၁/၂၀၂၅ ဖြင့် ဆိုက်ဘာလုံခြုံရေးဥပဒေကို ပြဋ္ဌာန်းခဲ့သည်။ ပြဋ္ဌာန်းခဲ့သည့် ဆိုက်ဘာလုံခြုံရေးဥပဒေကို နိုင်ငံတော်စီမံအုပ်ချုပ်ရေးကောင်စီအမိန့်ကြော်ငြာစာအမှတ် ၁၁၃/၂၀၂၅ ဖြင့် ၂၀၂၅ ခုနှစ် ဇူလိုင်လ ၃၀ ရက်နေ့မှစတင်၍ အာဏာတည်စေရမည်ဖြစ်ကြောင်း ယင်းဥပဒေ ပုဒ်မ ၂ အရ သတ်မှတ်လိုက်သည်။အဆိုပါဥပဒေသည် မျက်မှောက်ကာလ လူမှုဘဝနယ်ပယ်အတွက် အလွန်အရေးကြီးသော ဥပဒေဖြစ်သည်။ မြန်မာနိုင်ငံ၌ သတင်းအချက်အလက် ဆက်သွယ်ရေးကဏ္ဍ ဖွံ့ဖြိုးတိုးတက်လာခဲ့သည်မှာ ဆယ်စုနှစ်နှစ်ခုမက ကာလသို့ရောက်ရှိ သည့်အချိန်၌ အများပြည်သူတို့အနေဖြင့် မိမိတို့အသုံးပြုသည့် လူမှုကွန်ရက်များပေါ်၌ သတိပြုရမည့်အချက်များစွာတို့ကို ဤဥပဒေတွင် မီးမောင်းထိုးပြသထားသည်။ ထို့ကြောင့် အများပြည်သူတို့အနေဖြင့်လည်းကောင်း၊ သတင်းအချက်အလက်နှင့် ဆက်သွယ်ရေးနည်းပညာများကို အသုံးပြုနေကြသူများအနေဖြင့်လည်းကောင်း ပြဋ္ဌာန်းလိုက်သည့် ဆိုက်ဘာလုံခြုံရေးဥပဒေပါ အချက်များအား အထူးအလေးထားမှတ်သားလိုက်နာ ဆောင်ရွက်ကြရမည်ဖြစ်သည်။ဆိုက်ဘာလုံခြုံရေးဥပဒေသည် အွန်လိုင်းအသုံးပြုကြသူများအားလုံး သိရှိလေ့လာ လိုက်နာမှတ်သားကြရမည့်ဥပဒေဖြစ်ပြီး အထူးသဖြင့် သတင်းအချက်အလက် ဆက်သွယ်ရေးနည်းပညာကိုအသုံးပြု၍ နိုင်ငံရေးအမြတ်ထုတ်သူများ၊ ငွေကြေးအကျိုးအမြတ် ရှာဖွေနေကြသူများ သတိထားရမည့်အချက်များပါဝင်သည်။ ဆိုက်ဘာလုံခြုံရေးဥပဒေနှင့်ပတ်သက်၍ အများပြည်သူတို့နှင့်သက်ဆိုင်ပြီး နိုင်ငံတော်အစိုးရနှင့်နိုင်ငံများက အလေးထားတိုက်ဖျက်နေသည့် အွန်လိုင်းလိမ်လည်မှုနှင့် လောင်းကစားမှုများလည်းပါဝင်သည်။ ယခုအခါ တရားမဝင်အွန်လိုင်းလိမ်လည်မှုလုပ်ငန်းများအား စုံစမ်းဖော်ထုတ်စစ်ဆေး၍ ထိရောက်စွာအရေးယူဆောင်ရွက်လျက်ရှိပြီး နယ်စပ်ဒေသများတွင် ဖြစ်ပေါ်လျက်ရှိသည့် အွန်လိုင်းလောင်းကစားမှုနှင့် ငွေကြေးလိမ်လည်မှုများကို အိမ်နီးချင်းနိုင်ငံနှင့် နိုင်ငံတကာအဖွဲ့အစည်းများက ပူးပေါင်းဆောင်ရွက်နေသည်ကို တွေ့ရမည်ဖြစ်သည်။ဆိုက်ဘာလုံခြုံရေးဥပဒေတွင် အများပြည်သူ သိရှိထားသင့်သည့် အရေးကြီးသောအချက်များမှာ မရိုးမဖြောင့်သောသဘောဖြင့် ဆိုက်ဘာအရင်းအမြစ်များကို အသုံးပြုပြီး ငွေကြေးတစ်ရပ်ရပ်ကိုခိုးယူခြင်း၊ အကျိုးဖျက်ဆီးခြင်း သို့မဟုတ် အခြားသူတစ်ဦးဦးအား ပြုလုပ်ရန်စေခိုင်းခြင်း၊ ခွင့်ပြုချက်မရှိဘဲ အွန်လိုင်းလောင်း ကစားစနစ်တည်ဆောက်ခြင်း။ ဖေ့စ်ဘွတ်၊ ယူကျု၊ တစ်တော့ခ်၊ တယ်လီဂရမ်အစရှိသော လူဦးရေတစ်သိန်းနှင့်အထက်ရှိသည့် ဒစ်ဂျစ်တယ်ပလက်ဖောင်း ဝန်ဆောင်မှုလုပ်ငန်းများ အစရှိသည့် အွန်လိုင်းဝန်ဆောင်မှုလုပ်ငန်းများ လုပ်ကိုင်ပါက တရားဝင်မှတ်ပုံတင် လိုင်စင်လျှောက်ထားခြင်း၊ လျှောက်ထားရန်ပျက်ကွက် ကြောင်းတွေ့ရှိပါက အရေးယူခြင်းစသည့် ပြစ်မှုပြစ်ဒဏ်၊ ထောင်ဒဏ်များပါဝင်သည်ကို တွေ့ရသည်။ဥပဒေတွင် ဒစ်ဂျစ်တယ်ပလက်ဖောင်းဝန်ဆောင်မှုလုပ်ငန်း ဆောင်ရွက်သူသည် ဝန်ဆောင်မှုပေးသည့် ပလက်ဖောင်းတွင် အမုန်းတရားကိုဖြစ်စေသော၊ စည်းလုံးညီညွတ်မှုကို ပျက်ပြားစေသော သို့မဟုတ် တည်ငြိမ်အေးချမ်းမှုကို ပျက်ပြားစေသော သတင်းအချက်အလက်များဖြစ်ပေါ်ခြင်း၊ မမှန်သတင်း သို့မဟုတ် ကောလာဟလသတင်းများဖြစ်ပေါ်ခြင်း၊ အများပြည်သူကြည့်ရှုရန် မသင့်လျော်သော သတင်းအချက်အလက်များကို ဖော်ပြခြင်း၊ လိင်ပိုင်းဆိုင်ရာ ရည်ရွယ်ချက်ဖြင့် ဖော်ပြသော ကလေးသူငယ်များ၏ ညစ်ညမ်းပုံ၊ ညစ်ညမ်းဗီဒီယို၊ စာသားများ သို့မဟုတ် သင်္ကေတများကို တစ်နည်းနည်းဖြင့်ဖော်ပြခြင်း၊ တည်ဆဲဥပဒေတစ်ရပ်ရပ်နှင့် ဆန့်ကျင်သည့် သတင်းအချက်အလက်များကို ဖော်ပြခြင်း သို့မဟုတ် ဥပဒေနှင့် မညီသောပြုလုပ်မှုကို ပြုလုပ်ခြင်း၊ လူပုဂ္ဂိုလ်တစ်ဦးတစ်ယောက်၏ လူမှုရေး သို့မဟုတ် စီးပွားရေးကို ထိခိုက်နစ်နာစေရန် ရည်ရွယ်ဖော်ပြသော သတင်းအချက်အလက်နှင့်စပ်လျဉ်းသည့်၊ မူပိုင်ခွင့်ဆိုင်ရာအခွင့်အရေးချိုးဖောက်ခြင်းနှင့် စပ်လျဉ်းသည့် တိုင်ကြားချက်များဖြစ်ပေါ်ခြင်း၊ အကြမ်းဖက်မှုဖြစ်ပေါ်စေရန် လှုံ့ဆော်ခြင်း၊ ကျူးလွန်ခြင်း၊ အားထုတ်ခြင်း၊ အားပေးကူညီခြင်း သို့မဟုတ် ကြံရာပါအဖြစ်ဆောင်ရွက်ခြင်းတို့နှင့်ပတ်သက်သည့် မှတ်သားလိုက်နာရမည့်အချက်များပါဝင်သည်။ထို့အပြင် ဆိုက်ဘာလုံခြုံရေးကို ခြိမ်းခြောက်ခြင်း၊ တိုက်ခိုက်ခြင်း သို့မဟုတ် ဆိုက်ဘာလုံခြုံရေးကို အလွဲသုံးစားပြုလုပ်ခြင်းစသည်တို့နှင့်ပတ်သက်သည့် အရေးကြီးသော အချက်အလက်များ၊ တာဝန်ရှိအဖွဲ့အစည်းများ၊ ဆောင်ရွက်ရမည့်အချက်များ၊ စီမံခန့်ခွဲရေးနည်းလမ်းဖြင့် အရေးယူမှုများ၊ အယူခံဝင်မှုနှင့် ပြစ်မှုပြစ်ဒဏ်များ အစရှိသည်တို့ ကျယ်ပြန့်စွာပါဝင်ရာ သတင်းအချက်အလက်နှင့် နည်းပညာထွန်းကားနေသော ယနေ့ကာလ၌ အဆိုပါနည်းပညာများအား အသုံးပြုနေကြသူများအားလုံးအနေဖြင့် ဆိုက်ဘာလုံခြုံရေးဥပဒေပါအချက်များကို လေ့လာမှတ်သား အလေးထားလိုက်နာ ဆောင်ရွက်ကြရမည်ဖြစ်ပါကြောင်း။   ။MOIPhoto- bap-software.net
Tue, 5-Aug-2025
ဗြိတိန် လျှို့ဝှက်ထောက်လှမ်းရေးအဖွဲ့သည် ယူကရိန်းတပ်များကို အသုံးချကာ ရုရှားရေနံတင် သင်္ဘောများကို တိုက်ခိုက်ရန် စီစဉ်နေဟု မော်စကိုထုတ်ဖော်
ဗြိတိန် လျှို့ဝှက်ထောက်လှမ်းရေးအဖွဲ့သည် ယူကရိန်းတပ်များကို အသုံးချကာ ရုရှားရေနံတင် သင်္ဘောများကို တိုက်ခိုက်ရန် စီစဉ်နေဟု မော်စကိုထုတ်ဖော်
ရုရှား နိုင်ငံခြားရေးထောက်လှမ်းရေးဌာန (SVR) က ဗြိတိန် လျှို့ဝှက် ထောက်လှမ်းရေးအဖွဲ့သည် ယူကရိန်းတပ်ဖွဲ့များကိုအသုံးချ၍ အနောက် နိုင်ငံများက မော်စကို၏ လျှို့ဝှက်ရေနံတင်သင်္ဘောများဟု ခေါ်ဝေါ်သော သင်္ဘောများကို ဖျက်ဆီးရန်စီစဉ်နေကြောင်း ဩဂုတ် ၄ ရက်နေ့တွင် ဖော်ပြခဲ့သည်။ SVR ၏ ထုတ်ပြန်ချက်အရ ဗြိတိန်ထောက်လှမ်းရေး တို့သည် ရေနံတင်သင်္ဘောများကို ပျက်စီးစေခြင်းဖြင့် ရေကြောင်း သွားလာမှု ကို ပိတ်ဆို့ရန် သို့မဟုတ် ရုရှားနှင့်မိတ်ဖက်နိုင်ငံတစ်ခုတွင် ဆိပ်ကမ်း ဝင်ရောက်ဆိုက်ကပ်စဉ် မီးလောင်မှုဖြစ်ပွားစေရန် စီစဉ်နေကြောင်း ဆိုသည်။ "ဗြိတိန်ထောက်လှမ်းရေးတို့သည် ပင်လယ်ပြင်ကို လွှမ်းမိုးနိုင် ခဲ့သည့် အချိန်များကို လွမ်းဆွတ်လွန်းသည့်အတွက် ကျန်ရှိနေသော အသိဉာဏ်ကိုပါ ဆုံးရှုံးနေပြီဟု ထင်ရသည်" ဟု SVR က ပြောကြား ခဲ့သည်။အနောက်နိုင်ငံများသည် ရုရှား၏ ရေနံကဏ္ဍမှ ဝင်ငွေကိုထိခိုက်စေရန် ရုရှားနှင့်ဆက်စပ်နေသော ရေနံတင်သင်္ဘောများကို အမျိုးမျိုးသော ကန့်သတ်ချက်များဖြင့် ထိန်းချုပ်ရန် ကြိုးပမ်းနေကြသည်။ အစောပိုင်း မီဒီယာသတင်းများအရ လုံခြုံရေးနှင့် သဘာဝပတ်ဝန်းကျင်ဆိုင်ရာ အကြောင်းပြချက်များဖြင့် တိုက်ရိုက်စစ်ဆေးမှုများ ပြုလုပ်ရန် အဆိုပြု ချက်များကို စဉ်းစားနေကြောင်း ဖော်ပြခဲ့သည်။ သို့သော် ယင်းအဆိုပြု ချက်များကို ကန့်ကွက်သူများက ၎င်းတို့သည် တရားဝင်မှုအားနည်းသော အခြေခံအကြောင်းတရားများပေါ်တွင် တည်ဆောက်ထားသည်ဟု ငြင်းဆို ခဲ့ကြသည်။SVR ၏ အဆိုအရ ရုရှားရေနံတင်သင်္ဘောတစ်စီးတွင် ကြီးမားသော မတော်တဆမှုတစ်ခု ဖြစ်ပွားပါက ၎င်းကို အကြောင်းပြ၍ ရုရှားနှင့် ဆက်နွှယ်နေသော ရေနံတင်သင်္ဘောများ (shadow fleet) အားလုံးသည် အန္တရာယ်ရှိနိုင်သည်ဟု ကြေညာကာ နိုင်ငံတကာရေပိုင်နက်တွင် ဖမ်းဆီး ခြင်းခံရနိုင်သည်ဟု ဆိုသည်။ထို့အပြင် ယူကရိန်းတပ်ဖွဲ့များကို အသုံးချရန် ရွေးချယ်ထားခြင်းမှာ တိုက်ခိုက်မှုအား မည်သူကမျှ မူလအစကို မခြေရာခံနိုင်စေရန်အတွက် ဖြစ်သည်ဟု SVR က ဆိုသည်။ အနောက်နိုင်ငံများ၏ အရာရှိများသည် အဆိုပါတိုက်ခိုက်မှုအတွက် ရုရှားကိုအပြစ်တင်မည် သို့မဟုတ် ယူကရိန်း ၏ ပါဝင်မှုပေါ်ပေါက်လာပါက ယူကရိန်းကို အပြစ်ဖို့မည်ဟု SVR က ဆက်လက်ဖော်ပြခဲ့သည်။SVR ၏ ခန့်မှန်းချက်အရ ထိုလုပ်ကြံမှုကို အမေရိကန်သမ္မတ ထရမ့်အစိုးရ အပေါ် အကြီးမားဆုံး ဖိအားသက်ရောက်နိုင်မည့် အချိန်တွင် လုပ်ဆောင်ရန် စီစဉ်ထားပြီး ရုရှားရေနံဝယ်ယူသူများကို 'ဖြစ်ရပ်အတွက် သွယ်ဝိုက် တာဝန်ရှိသူများ' အဖြစ် သတ်မှတ်ကာ ၎င်းတို့အား ဒဏ်ခတ် အရေးယူမှု များ ချမှတ်ရန် အတင်းအကျပ်တောင်းဆိုမည်ဟု ဆိုသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 4-Aug-2025
NATO အဖွဲ့ဝင်အက်စတိုးနီးယားနိုင်ငံမှ ရုရှားနယ်စပ် စစ်ဆေးရေး ဂိတ်တွင် အတားအဆီးများ တပ်ဆင်ချထားရန် လုပ်ဆောင်
NATO အဖွဲ့ဝင်အက်စတိုးနီးယားနိုင်ငံမှ ရုရှားနယ်စပ် စစ်ဆေးရေး ဂိတ်တွင် အတားအဆီးများ တပ်ဆင်ချထားရန် လုပ်ဆောင်
အက်စတိုးနီးယားအာဏာပိုင်များသည် ရုရှားနှင့်နယ်နိမိတ် ဆက်စပ် နေသော အဓိကဝင်/ထွက်ပေါက်တစ်ခုတွင် သံမဏိဂိတ်များနှင့် အတားအဆီး များ တပ်ဆင်ရန် စတင်လုပ်ဆောင်နေကြောင်း ဒေသခံရုပ်သံ ERR က စနေနေ့ (ဩဂုတ် ၂) တွင် ဖော်ပြခဲ့သည်။ အဆိုပါအစီအမံသည် လုံခြုံရေး ကို မြှင့်တင်ရန် ရည်ရွယ်သည်ဟု သတင်းများအရသိရပြီး မော်စကိုနှင့် NATO နိုင်ငံများအကြား တင်းမာမှုများ တိုးလာနေချိန်တွင် ဆောင်ရွက် ခြင်း ဖြစ်သည်။ယင်းအခြေခံအဆောက်အအုံ အဆင့်မြှင့်တင်မှုများကို အက်စတိုးနီးယား နှင့် ရုရှားအကြား အဓိက ဖြတ်သန်းရာနေရာတစ်ခုဖြစ်သော နာဗာ (Narva) နယ်စပ်ဂိတ်တွင် တပ်ဆင်လျက်ရှိသည်။ အက်စတိုးနီးယားဘက်ခြမ်းရှိ တံတားဝင်ပေါက်တွင် သံမဏိဂိတ်များ တပ်ဆင်ထားပြီး လမ်းလျှောက် သူများနှင့် မော်တော်ယာဉ်များကို ထိန်းချုပ်ရန် ထပ်ဆောင်း အကာအရံ များကို တံတား၏အလယ်တွင် ထားရှိထားသည်။ "အဆိုပါ အတားအဆီး များသည် နယ်စပ်စစ်ဆေးရေးဂိတ်ကို အတင်းအကျပ် ဖြတ်ကျော် မောင်းနှင် ခြင်းကို တားဆီးပေးပါသည်။ အခြေခံအားဖြင့် နယ်စပ်ထိန်းချုပ်မှုမှ ရှောင်တိမ်းခြင်းကို ကာကွယ်ရန် ကူညီပေးပါသည်" ဟု ရဲနှင့် နယ်ခြားစောင့် တပ်ဖွဲ့၏ နာဗာဂိတ်တာဝန်ခံ Antti Eensalu က ERR မှ ကိုးကား ပြောကြားခဲ့သည်။၎င်းက အဆိုပါတပ်ဆင်မှုလုပ်ငန်းများကို လာမည့်လတွင် ပြီးစီးရန် မျှော်လင့် ထားကြောင်း ဖြည့်စွက်ပြောကြားခဲ့ပြီး လိုအပ်ပါက နယ်စပ်ဂိတ်ကို အပြည့်အဝ ပိတ်နိုင်ရန် ယင်းအဆင့်မြှင့်တင်မှုများက အထောက်အကူ ပြုမည် ဟု အတိအလင်း ပြောကြားခဲ့သည်။ အာဏာပိုင်များသည် အက်စတိုးနီးယား၏ တောင်ပိုင်းရှိ Luhamaa နှင့် Koidula နယ်စပ် ဂိတ်များတွင်လည်း အလားတူ အတားအဆီးများ တပ်ဆင်ရန် စီစဉ် နေသည်ဟု သိရသည်။ဘော်လ်တစ်နိုင်ငံများဖြစ်သော လတ်ဗီးယားနှင့် လစ်သူယေးနီးယားတို့ ကဲ့သို့ပင် အက်စတိုးနီးယားသည် ၂၀၂၂ ခုနှစ် ဖေဖော်ဝါရီလတွင် ယူကရိန်း ပဋိပက္ခ မြင့်တက်လာပြီးနောက် ရုရှားအပေါ် ပိုမိုတင်းမာသော သဘော ထားကို ကျင့်သုံးလာခဲ့ပြီး ယူကရိန်းပဋိပက္ခအပြီးတွင် ရုရှားက ကျူးကျော် နိုင်သည်ဟု မှန်းဆခဲ့သည်။ ကရင်မလင် က အဆိုပါအချက်ကို ထပ်ခါ တလဲလဲ ငြင်းဆိုခဲ့ပြီး အက်စတိုးနီးယားနှင့် အခြားဘော်လ်တစ်နိုင်ငံများ ဆောင်ရွက်သည့် အလားတူ အစီအမံများကို "ရုရှားမုန်းတီးရေး" (Russophobic) အဖြစ် တံဆိပ်ကပ်ခဲ့သည်။တနင်္ဂနွေနေ့ (ဩဂုတ် ၃) တွင် အက်စတိုးနီးယား ကာကွယ်ရေး ဝန်ကြီး ဌာနက NATO သည် နိုင်ငံတွင်း ဂျာမန်-ဒတ်ချ် မဟာမိတ်တပ်ဖွဲ့ (German-Dutch Allied Corps) တပ်စွဲထားရန် စဉ်းစားနေကြောင်း ကြေညာ ခဲ့သည်။ အဆိုပါလှုပ်ရှားမှုသည် ဘော်လ်တစ်ဒေသတွင် မဟာမိတ် အဖွဲ့ ၏ ရှိရင်းစွဲစစ်ရေးအခြေစိုက်စခန်းများကို ပိုမိုချဲ့ထွင်ရန် ရည်ရွယ်ခြင်း ဖြစ်သည်။ ယခုနှစ်အစောပိုင်းတွင် အက်စတိုးနီးယားသည် နျူကလီးယား စွမ်းရည်ရှိသော စစ်လေယာဉ်များအပါအဝင် F-35 တိုက်လေယာဉ်များ နှင့် မဟာမိတ်တပ်ဖွဲ့များကို လက်ခံထားရှိရန် အဆင်သင့်ဖြစ်ကြောင်း အချက်ပြခဲ့သည်။ ကရင်မလင်က ထိုသို့သော တပ်ဖြန့်ချထားမှုများကိုရုရှား၏ အမျိုးသားလုံခြုံရေးအတွက် တိုက်ရိုက်ခြိမ်းခြောက်မှုအဖြစ် သတ်မှတ်မည်ဟု တုံ့ပြန်ခဲ့သည်။၂၀၂၄ ခုနှစ်တွင် အက်စတိုးနီးယားသည် ဘော်လ်တစ်ကာကွယ်ရေးမျဉ်း (Baltic Defense Line) လက်တ်ဗီယားနှင့် လစ်သူယေးနီးယားတို့နှင့် ပူးပေါင်းသည့် ဒေသဆိုင်ရာ စီမံချက်၏ အစိတ်အပိုင်းအဖြစ် ၎င်း၏ အရှေ့ဘက်နယ်စပ်တစ်လျှောက် ရာနှင့်ချီသော ကွန်ကရစ်ဘန်ကာများကို တည်ဆောက်ရန် အစီအစဉ်များကိုလည်း ကြေညာခဲ့သည်။မော်စကိုက ဥရောပအား ခြိမ်းခြောက်မှုမရှိကြောင်း ထပ်လောင်း ပြောကြား ခဲ့ပြီး ထိုသို့သော ကာကွယ်ရေးတည်ဆောက်မှုများအတွက် ငွေကြေးသုံးစွဲရန် လိုအပ်ချက်ကို သံသယဖြစ်နေခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 4-Aug-2025
ကျိုင်းတုံမြို့နှင့် ကျိုက်မရောမြို့နယ်တို့၌ စိတ်ကြွရူးသွပ်ဆေးပြားများ ဖမ်းဆီးရမိ
ကျိုင်းတုံမြို့နှင့် ကျိုက်မရောမြို့နယ်တို့၌ စိတ်ကြွရူးသွပ်ဆေးပြားများ ဖမ်းဆီးရမိ
နေပြည်တော် ဩဂုတ် ၃ကျိုင်းတုံမြို့နှင့် ကျိုက်မရောမြို့နယ်တို့၌ စိတ်ကြွရူးသွပ်ဆေးပြားများ ဖမ်းဆီးရမိကြောင်း မြန်မာနိုင်ငံရဲတပ်ဖွဲ့မှ သိရသည်။မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဩဂုတ် ၂ ရက် ညနေ ၅ နာရီခွဲတွင် သတင်းအရ ကျိုင်းတုံမြို့ ရပ်ကွက်(၅) နောင်တုံကန်ပတ်လမ်း၌ လော်လန်း(ခ)လော်တီး မောင်းနှင်ပြီးနောက်တွင် လီဆန်လိုက်ပါလာသော ဆိုင်ကယ်အား ရပ်တန့်စစ်ဆေးရှာဖွေရာ စိတ်ကြွ ရူးသွပ်ဆေးပြား ၁၀၀၀၀ (တစ်ပြားလျှင် ငွေကျပ် ၇၀၀ နှုန်းဖြင့် ၎င်းဒေသတန်ဖိုးငွေကျပ်သိန်း ၇၀) ဖမ်းဆီးရမိခဲ့သည်။အလားတူ ပူးပေါင်းအဖွဲ့သည် ညနေ ၅ နာရီခွဲတွင် သတင်းအရ ကျိုက်မရောမြို့ အောင်သုခရပ်ကွက် နန္ဒာလှိုင်လမ်းဆုံတွင် စောဖလှအောင်(ခ)စောလှအောင် မောင်းနှင်ပြီး ဘောလုံးနှင့် မလင်းအေး(ခ)မနှင်းအောင်တို့ လိုက်ပါလာသည့် အိုးဝေယာဉ်အား ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၂၀၀၀၀ (တစ်ပြားလျှင် ငွေကျပ် ၃၀၀၀ နှုန်းဖြင့် ၎င်းဒေသတန်ဖိုးငွေကျပ်သိန်း ၆၀၀) နှင့် လက်လုပ်ကာဘိုင်သေနတ် တစ်လက်၊ LC-72 ကာဘိုင်ကျည် ၂၃ တောင့်၊ ကာဘိုင်ကျည်အိမ်တစ်ခု၊ လက်ပစ်ဗုံးသုံးလုံးတို့ကို ဖမ်းဆီးရမိသဖြင့် ၎င်းတို့အား မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သိရသည်။MOI
Mon, 4-Aug-2025
တရားမဝင် စက်သုံးဆီများ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ စားသောက်ကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့ မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များ ဖမ်းဆီးရမိ
တရားမဝင် စက်သုံးဆီများ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ စားသောက်ကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့ မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များ ဖမ်းဆီးရမိ
နေပြည်တော် သြဂုတ် ၃တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာ တားဆီးအရေးယူနိုင်ရေး ဆောင်ရွက်လျက်ရှိသည်။ထိုသို့ဆောင်ရွက်လျက်ရှိရာ သြဂုတ် ၁ ရက်တွင် ကရင်ပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ဘားအံမြို့နယ် သာယာကုန်းကျေးရွာအနီး၌ ရပ်တန့်ထားသော မော်တော်ယာဉ်ငါးစီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ၁၄ မျိုး၊ လူသုံးကုန်ပစ္စည်းခုနစ်မျိုး (ခန့်မှန်းတန်ဖိုးငွေကျပ် ၃၃၀၇၇၀၀၀၀) နှင့် အဆိုပါပစ္စည်းများ တင်ဆောင်လာသည့် Nissan Diesel Truck သုံးစီး၊ Hino Profia Truck တစ်စီး၊ Mitsubishi Fuso Truck တစ်စီး (ခန့်မှန်းတန်ဖိုးငွေကျပ် ၁၇၅၀၀၀၀၀၀) စုစု‌ပေါင်း ခန့်မှန်းတန်ဖိုးငွေကျပ် ၅၀၅၇၇၀၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ထို့အပြင် သြဂုတ် ၂ ရက်တွင် ပဲခူးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ညောင်ခါးရှည် အမြဲတမ်းစစ်ဆေးရေးစခန်း၌ ရန်ကုန်မြို့မှ မြဝတီမြို့သို့ မောင်းနှင်လာသည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် ကျောက်စိမ်းဟုယူဆရသည့် ကျောက်တုံးတစ်တုံးနှင့် ကျောက်ဖြတ်စရောရာ ငါးမျိုး(ခန့်မှန်း တန်ဖိုးငွေကျပ် ၈၈၅၀၀၀၀)နှင့် အဆိုပါကျောက်စိမ်းများ တင်ဆောင်လာသည့် Honda Insight မော်တော်ယာဉ်တစ်စီး (ခန့်မှန်းတန်ဖိုးငွေကျပ် ၆၀၀၀၀၀၀၀) စုစုပေါင်း ခန့်မှန်းတန်ဖိုးငွေကျပ် ၆၈၈၅၀၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ထို့အတူ သြဂုတ် ၃ ရက်တွင် စစ်ကိုင်းတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ရတနာပုံတံတား ပူးပေါင်းစစ်ဆေးရေးဂိတ်၌ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ၁၁ မျိုး၊ လူသုံးကုန်ပစ္စည်းသုံးမျိုး၊ စားသောက်ကုန်ပစ္စည်းတစ်မျိုး (ခန့်မှန်းတန်ဖိုးငွေကျပ် ၂၈၅၉၉၀၀၀)ကို ပို့ကုန်သွင်းကုန်ဥပဒေအရလည်းကောင်း တရားမဝင်စက်သုံးဆီ၊ ဒီဇယ်ဆီကိုးပီပါ (ခန့်မှန်းတန်ဖိုးငွေကျပ် ၄၇၀၀၀၀၀)ကို ရေနံနှင့်ရေနံထွက်ပစ္စည်းဆိုင်ရာ ဥပဒေအရလည်းကောင်း စုစုပေါင်း ခန့်မှန်းတန်ဖိုးငွေကျပ် ၃၃၂၉၉၀၀၀ ကို ဖမ်းဆီးအရေးယူ ဆောင်ရွက်လျက်ရှိသည်။အလားတူ သြဂုတ် ၂ ရက်တွင် ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့၏ ဖမ်းဆီးရမိမှုစာရင်းများအရ လိုင်စင်မဲ့မော်တော်ယာဉ်သုံးစီးနှင့် လိုင်စင်မဲ့မော်တော်ဆိုင်ကယ် ၂၉ စီး ဖမ်းဆီးရမိခဲ့ပြီး သက်ဆိုင်ရာလုပ်ထုံးလုပ်နည်း၊ ဥပဒေများနှင့်အညီ အရေးယူဆောင်ရွက်လျက်ရှိသည်။၂၀၂၅ ခုနှစ် သြဂုတ် ၁ ရက်၊ ၂ ရက်နှင့် ၃ ရက်တို့တွင် ဖမ်းဆီးရမိမှုစုစုပေါင်းမှာ အမှုတွဲ ၁၅ မှု (ခန့်မှန်းတန်ဖိုးငွေကျပ် ၆၀၇၉၁၉၀၀၀)ကို ဖမ်းဆီးရမိခဲ့သည်။ ထိုကဲ့သို့ တရားမဝင် တင်သွင်းလာမှုများကြောင့် တရားဝင်တင်သွင်းသည့် ကုန်သည်လုပ်ငန်းရှင်များအတွက် စျေးကွက်ယှဉ်ပြိုင်နိုင်မှုစွမ်းအား ကျဆင်းခြင်းနှင့် ထိခိုက်နစ်နာမှုများ ဖြစ်ပေါ်နိုင်စေပြီး နိုင်ငံတော်အတွက် ရသင့်ရထိုက်သည့် အခွန်ဘဏ္ဍာဆုံးရှုံးနစ်နာခြင်းများ ဖြစ်ပေါ်စေနိုင်ပါသည်။ သို့ဖြစ်၍ တရားမဝင်ကုန်စည်တင်သွင်းမှုများကို သက်ဆိုင်ရာတာဝန်ရှိသူများက ယခုထက် ပိုမိုတားဆီး စစ်ဆေးကြပ်မတ်ဆောင်ရွက်သွားမည်ဖြစ်ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သိရသည်။MOI
Mon, 4-Aug-2025
မြန်မာ-တရုတ် နှစ်နိုင်ငံရဲတပ်ဖွဲ့ မူဆယ်ဒေသအတွင်း တတိယအကြိမ် အွန်လိုင်းလိမ်လည်မှုတိုက်ဖျက်ရေးအတွက် တွေ့ဆုံဆွေးနွေးခြင်းနှင့် မူဆယ်မြို့နယ်အတွင်း တရားမဝင်ဝင်ရောက်ကာ အွန်လိုင်းလိမ်လည်မှုလုပ်ငန်းလုပ်ကိုင်သူများအား ဖော်ထုတ်ဖမ်းဆီးခဲ့သည့် တရုတ်နိုင်ငံသား ၂၅၆ ဦးအား ပြန်လည်လွှဲပြောင်းပေးအပ်
မြန်မာ-တရုတ် နှစ်နိုင်ငံရဲတပ်ဖွဲ့ မူဆယ်ဒေသအတွင်း တတိယအကြိမ် အွန်လိုင်းလိမ်လည်မှုတိုက်ဖျက်ရေးအတွက် တွေ့ဆုံဆွေးနွေးခြင်းနှင့် မူဆယ်မြို့နယ်အတွင်း တရားမဝင်ဝင်ရောက်ကာ အွန်လိုင်းလိမ်လည်မှုလုပ်ငန်းလုပ်ကိုင်သူများအား ဖော်ထုတ်ဖမ်းဆီးခဲ့သည့် တရုတ်နိုင်ငံသား ၂၅၆ ဦးအား ပြန်လည်လွှဲပြောင်းပေးအပ်
နေပြည်တော် ဩဂုတ် ၃ မြန်မာနိုင်ငံရဲတပ်ဖွဲ့မှ ဒုတိယရဲချုပ် ရဲဗိုလ်ချုပ်အောင်နိုင်သူ ဦးဆောင်သည့် မြန်မာကိုယ်စားလှယ်အဖွဲ့နှင့် တရုတ်ပြည်သူ့သမ္မတနိုင်ငံ ပြည်သူ့လုံခြုံရေးဝန်ကြီးဌာန မှုခင်းရဲတပ်ဖွဲ့ နိုင်ငံရေးမှူး Mr. Jiang Guoli ဦးဆောင်သည့် ကိုယ်စားလှယ်အဖွဲ့တို့သည် တရုတ်ပြည်သူ့သမ္မတနိုင်ငံ ယူနန်ပြည်နယ် တယ်ဟုန်တိုင်း မန်စီမြို့ရှိ YESTE ဟိုတယ်အစည်းအဝေးခန်းမ၌ ဇူလိုင် ၂၆ ရက်တွင်တွေ့ဆုံကာ မူဆယ်ဒေသအတွင်း တတိယအကြိမ် အွန်လိုင်းလိမ်လည်မှုတိုက်ဖျက်ရေးအတွက် တွေ့ဆုံဆွေးနွေးခဲ့သည်။ ဆွေးနွေးပွဲတွင် မူဆယ်ဒေသအတွင်း အွန်လိုင်းလိမ်လည်မှုတိုက်ဖျက်ရေးအား မြန်မာ-တရုတ် နှစ်နိုင်ငံပူးပေါင်း၍ ၂၀၂၄ ခုနှစ်တွင် ပထမအကြိမ်၊ ၂၀၂၅ ခုနှစ်တွင် ဒုတိယအကြိမ်အဖြစ် ဆောင်ရွက်ခဲ့ပြီး ကရင်ပြည်နယ် မြဝတီဒေသတွင်လည်း တရုတ်နိုင်ငံနှင့်ပူးပေါင်း၍ အွန်လိုင်းလိမ်လည်မှု တိုက်ဖျက်ရေးစစ်ဆင်ရေးများ ဆောင်ရွက်ခဲ့ရာ ယနေ့အချိန်အထိ နိုင်ငံခြားသား ၉၂၉၉ ဦးအား ဖော်ထုတ်စစ်ဆေးနိုင်ခဲ့ကြောင်းနှင့် ဆက်လက်၍ တရားမဝင်အွန်လိုင်းလိမ်လည်မှုကျူးလွန်သူများအား ဖော်ထုတ်ဖမ်းဆီးနိုင်ရေး သတင်းဖလှယ်ခြင်း၊ ဖမ်းဆီးရမိတရားခံများအား ပြန်လည်လွှဲပြောင်းလက်ခံခြင်းနှင့် ဆက်လက်ဆောင်ရွက်ကြမည့် လုပ်ငန်းစဉ်များအား ဆွေးနွေးခဲ့ကြသည်။ ထို့နောက် မြန်မာ-တရုတ် နှစ်နိုင်ငံရဲတပ်ဖွဲ့များ၊ နယ်မြေလုံခြုံရေးဆောင်ရွက်နေသည့် တပ်မတော်မှတာဝန်ရှိသူများ ပူးပေါင်းဆောင်ရွက်ခြင်းဖြင့် မူဆယ်ဒေသအတွင်း တတိယအကြိမ် အွန်လိုင်းလိမ်လည်မှုစစ်ဆေးဖော်ထုတ်ရေးအား ဇူလိုင် ၂၈ ရက်မှ ၃၀ ရက်အထိ ပူးပေါင်းဆောင်ရွက်ခဲ့ရာ ရှမ်းပြည်နယ်(မြောက်ပိုင်း) မူဆယ်မြို့နယ်အတွင်း တရားမဝင်ဝင်ရောက်၍ အွန်လိုင်းလိမ်လည်မှုကျူးလွန်သူ တရုတ်နိုင်ငံသား ၂၅၆ ဦးတို့အား အွန်လိုင်းလိမ်လည်မှုကျူးလွန်ရာတွင် အသုံးပြုခဲ့သည့် အဆောက်အအုံ ၁၅ လုံး၊ ကွန်ပျူတာအလုံး ၃၀၊ Laptop ခုနစ်လုံး၊ လက်ကိုင်ဖုန်းမျိုးစုံ ၃၁၁ လုံး၊ Wifi စက် ၁၄ လုံးတို့နှင့်အတူ ဖော်ထုတ်ဖမ်းဆီးနိုင်ခဲ့သည်။ အဆိုပါဖမ်းဆီးရမိခဲ့သူများအား မြန်မာ-တရုတ် နှစ်နိုင်ငံချစ်ကြည်ရေးနှင့် ဆွေးနွေးပွဲသဘောတူညီ ချက်များအရ ဇူလိုင် ၃၁ ရက် နံနက်ပိုင်းတွင် မြန်မာ- တရုတ်နှစ်နိုင်ငံ နယ်စပ် ဝင်/ထွက်ပေါက် မန်ဝိန်းဂိတ်၌ တပ်မတော်နှင့် မြန်မာနိုင်ငံရဲတပ်ဖွဲ့တို့မှ တာဝန်ရှိသူများက တရုတ်ပြည်သူ့သမ္မတနိုင်ငံ ပြည်သူ့လုံခြုံရေးဝန်ကြီးဌာနမှ တာဝန်ရှိသူများထံ လုပ်ထုံးလုပ်နည်းများနှင့်အညီ စနစ်တကျလွှဲပြောင်းပေးအပ်ခဲ့ကြောင်း သတင်းရရှိသည်။MOI
Mon, 4-Aug-2025
© Copyright 2024 SAC All Rights Reserved.