ဥရောပသမဂ္ဂ (EU) ပြိုကွဲတော့မည်ဟု စလိုဗက် ဝန်ကြီးချုပ် သတိပေး

saceditor

News Image

  • ဥရောပသမဂ္ဂ (EU) ပြိုကွဲတော့မည်ဟု စလိုဗက် ဝန်ကြီးချုပ် သတိပေး

(အရေးတကြီးကိစ္စရပ်များကို ဖြေရှင်းရာတွင် အရည်အချင်းမပြည့်မီခြင်းကြောင့် ဥရောပသမဂ္ဂအဖွဲ့သည် ခန့်မှန်းထားသည်ထက်စောပြီး ပြိုလဲသွားနိုင်ကြောင်း ရောဘတ်ဖီကိုက အကြံပြုထားပါသည်)

အီးယူအဖွဲ့ခေါင်းဆောင်များအနေဖြင့် အီးယူအား ထိန်းကျောင်းရာတွင် အဖွဲ့ဝင်နိုင်ငံများ၏ အကျိုးစီးပွားကို မကြည့်ဘဲ ဆုံးဖြတ်ချက်များ အလွယ်တကူချနေခြင်း ကြောင့်အဖွဲ့ဝင်နိုင်ငံများ၏ စီးပွားရေးကျဆင်းလာပြီး ၎င်းပြဿနာကို ကိုင်တွယ်ဖြေရှင်းနိုင်စွမ်းမရှိဟု စလိုဗက်ကီးယားနိုင်ငံဝန်ကြီးချုပ် ရောဘတ်ဖီကိုက ပြစ်တင် ရှုတ်ချခဲ့ပါသည်။ 

ယူကရိန်းနိုင်ငံကိုဖြတ်သန်း၍ ပေးပို့နေသော ရုရှားဓာတ်ငွေ့များကို ယူကရိန်းက စာချုပ်သက်တမ်းပြည့်သွားခြင်းကြောင့် ဖြတ်သန်းခွင့်မပေးတော့ခြင်းနှင့် ပတ်သက်ပြီး ၎င်းက ယူကရိန်းခေါင်းဆောင် ဗလာဒီမာဇယ်လင်စကီးအား "စလိုဗက်ကီးယားနှင့် EU ၏ ဘဏ္ဍာရေးအကျိုးစီးပွားများကို ပျက်ပြားစေတယ်" ဟု စွပ်စွဲလိုက်ပါသည်။ 

ဟန်ဂေရီ၊ သြစတြီးယားနှင့် စလိုဗက်ကီးယားသို့ ရုရှား သဘာဝဓာတ်ငွေ့ကို ပိုက်လိုင်းများမှ ယူကရိန်းကို ဖြတ်ပြီး ပို့နေခြင်းဖြစ်ကာ ယူကရိန်းနှင့် ရုရှား Gazprom အကြား သဘောတူစာချုပ်သည် ၂၀၂၄ ဒီဇင်ဘာတွင် သက်တမ်းပြည့်သွားခြင်းအား စာချုပ်အသစ်ချုပ်ဆိုရန် ယူကရိန်းက ငြင်းဆိုလိုက်ခြင်းဖြစ်သည်။ အဆိုပါ ငြင်းဆိုမှုကြောင့် အီးယူအနှံ့ စွမ်းအင်အကျပ်အတည်းကိုဖြစ်စေနိုင်ပြီး ယူရို ၇၀ ဘီလီယံ (ဒေါ်လာ ၇၂ ဘီလီယံ) ဖိုး ပျက်စီးစေသည်ဟုလည်း ဆိုလိုက်ပါသည်။ 

“လက်ရှိဖြစ်နေတဲ့စစ်ထဲကို စလိုဗက်ကီးယားရော အီးယူနိုင်ငံတွေ ဝင်ပါမှာမဟုတ်ပါဘူး။ ဒါပေမဲ့ ယူကရိန်းကို ထောက်ပံ့ပေးနေတာကတော့ ဇလန်စကီးရဲ့ လုပ်ရပ်နဲ့ပဲ ဆိုင်တယ်။ အီးယူနိုင်ငံတွေ အကျပ်အတည်းနဲ့ ရင်ဆိုင် ရရင်တော့ ယူကရိန်း အထောက်အပံ့ မရနိုင်တော့ဘူး ဆိုတာ သေချာပါတယ်” ဟု ၎င်းကဆိုပါသည်။

“ကျွန်တော် ဘရပ်ဆဲလ်ကိုသွားပြီး အီးယူစွမ်းအင် ကော်မရှင်နာနဲ့ သွားတွေ့တယ်။ ကျွန်တော်တို့မှာ ပြဿနာကြီးကြီး ရင်ဆိုင်နေရပြီ။ အဲ့ဒါနဲ့ပတ်သက်ပြီး လုပ်နိုင်သလောက်အကုန်လုပ်သင့်ပါပြီလို့ အိပ်မောကျ နေတဲ့ တာဝန်ရှိသူတွေကို သွားနိုးပြီးပြောရတဲ့အထိ ဖြစ်နေ ပါတယ်။ အဲ့လောက်ထိ အီးယူရဲ့ အရေးယူ ဆောင်ရွက်မှု ကင်းတာနဲ့ပတ်သက်ပြီး စိတ်ပျက်မိတယ်ဗျာ” ဟု ဆိုပါ သည်။ 

ဝန်ကြီးချုပ် ရောဘတ်ဖီကိုက EU ၏ စွမ်းအင် အကြီးအကဲ ဒန်ဂျော်ဂျန်ဆင်နှင့် ဇန်နဝါရီ ၉ ရက်နေ့တွင် တွေ့ဆုံခဲ့ပြီး အဆိုပါကိစ္စနှင့်ပတ်သက်၍ ဆွေးနွေးမှုများ ဆက်လက်ပြုလုပ်ရန် သဘောတူညီခဲ့ကြောင်း သိရှိရပါသည်။ 

ကိုးကား-Myanmar National Post

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဂျိုးဘိုင်ဒင်လက်ထက် ရုရှားဘဏ္ဍာရေး အဖွဲ့အစည်းများအပေါ် ချမှတ်ခဲ့သည့် ပိတ်ဆို့မှုများကို အမေရိကန်က ရက်ပေါင်း ၆၀ ကင်းလွတ်ခွင့်ပြု
ဂျိုးဘိုင်ဒင်လက်ထက် ရုရှားဘဏ္ဍာရေး အဖွဲ့အစည်းများအပေါ် ချမှတ်ခဲ့သည့် ပိတ်ဆို့မှုများကို အမေရိကန်က ရက်ပေါင်း ၆၀ ကင်းလွတ်ခွင့်ပြု
အမေရိကန်သမ္မတဟောင်း ဂျိုးဘိုင်ဒင် လက်ထက်က ရုရှားဘဏ္ဍာရေး အဖွဲ့အစည်းများအပေါ် ချမှတ်ခဲ့သည့် ပိတ်ဆို့မှုများကို အမေရိကန်ဘဏ္ဍာရေး ဝန်ကြီးဌာနက ရက်ပေါင်း ၆၀ ကင်းလွတ်ခွင့်ပြုခဲ့ကြောင်းသိရသည်။ဘိုင်ဒင်အစိုးရသည် အမေရိကန်ဒေါ်လာဖြင့် ပေးချေသည့် အခြေခံအဆောက်အဦများအား အသုံးပြုခွင့်ကန့်သတ်နိုင်ရန်အတွက် ရုရှားဗဟိုဘဏ် အပါအဝင် စွမ်းအင်ကဏ္ဍရှိ ရုရှားဘဏ္ဍာရေး အဖွဲ့အစည်း ၁၂ ခုအပေါ် ပိတ်ဆို့မှုများ ချမှတ်ထားခြင်းဖြစ်ပြီး ၎င်းပိတ်ဆို့မှုများကို အမေရိကန်ဘဏ္ဍာရေး ဝန်ကြီးဌာနက မတ်လ ၁၃ ရက်တွင် ကင်းလွတ်ခွင့်ပြုခဲ့ခြင်းဖြစ်သည်။ပိတ်ဆို့မှုများအား ကင်းလွတ်ခွင့်ပြုထားသည့် ကာလအတွင်း ရုရှားနိုင်ငံအနေဖြင့် ပေးချေရန် ကျန်ရှိနေသည့် ငွေကြေးကိစ္စရပ်များကို ရှင်းလင်းနိုင်ရန်အတွက် ရည်ရွယ်ခြင်းဖြစ်ကြောင်း သိရသည်။လက်ရှိသမ္မတဒေါ်နယ်ထရမ့်သည် စတင်တာဝန်ထမ်းဆောင်ချိန်မှစ၍  ရုရှားနှင့် ဆက်ဆံရေးကို ပုံမှန်ပြန်ဖြစ်စေရန်အတွက် တွေ့ဆုံဆွေးနွေးမှုများ လုပ်ဆောင်ခဲ့ပြီး ရုရှားအစိုးရအနေဖြင့် ယူကရိန်းပဋိပက္ခတွင် အပေးအယူ လုပ်ဆောင်ရန် တွန့်ဆုတ်နေမည်ဆိုပါက ပိတ်ဆို့မှုများ ထပ်မံချမှတ်သွားမည်ဟု ထရမ့်အစိုးရက သတိပေးထားကြောင်း သိရသည်။အမေရိကန်အစိုးရသည် ယူကရိန်းပဋိပက္ခ အဆုံးသတ်ရေးနှင့် စစ်မက်ဖြစ်ပွားခြင်းကို ဖြေရှင်းနိုင်ရန်အတွက် စေ့စပ်ဆွေးနွေးမှုများ လုပ်ဆောင်ခြင်းအပေါ် အဓိကထားလုပ်ဆောင်လျက်ရှိပြီး    မိမိတို့၏ ရည်မှန်းချက်များ  ပြည့်ဝစေရန်အတွက် ပိတ်ဆို့မှုများကို ဖိအားပေးမှုအဖြစ် ဆက်လက်ဖော်ဆောင်သွားမည်ဟု အမေရိကန်ဘဏ္ဍာရေး ဝန်ကြီးဌာနမှ ပြောရေးဆိုခွင့်ရှိသူ တစ်ဦးက ပြောကြားခဲ့ကြောင်း သိရသည်။Source: https://myawady.net.mm/ 
အမေရိကန်နှင့် တရုတ်တို့ကြား ဖြစ်ပွားသည့် ကုန်သွယ်ရေးစစ်ပွဲတွင် တရုတ်ကအကျိုးအမြတ်ရရှိဟုဆို
အမေရိကန်နှင့် တရုတ်တို့ကြား ဖြစ်ပွားသည့် ကုန်သွယ်ရေးစစ်ပွဲတွင် တရုတ်ကအကျိုးအမြတ်ရရှိဟုဆို
အမေရိကန်နှင့် တရုတ်တို့ကြား ဖြစ်ပွားနေသည့် ကုန်သွယ်ရေး သဘောထားကွဲလွဲမှု  သို့မဟုတ်   ကုန်သွယ်ရေးစစ်ပွဲတွင် တရုတ်နိုင်ငံက အကျိုးအမြတ်ရရှိနေသည်ဟု ဥရောပသံတမန်ရေးရာ အကြီးအကဲ ကာယာကောလက်က မတ်လ ၁၄ ရက်တွင်ပြောသည်။အမေရိကန်အစိုးရသည် လက်ရှိတွင် တရုတ်နိုင်ငံနှင့်သာမက ဥရောပနှင့်လည်း ကုန်သွယ်ရေးစစ်ပွဲ ဆင်နွှဲလျက်ရှိပြီး အထူးသဖြင့် ပြင်သစ်နိုင်ငံမှ တင်သွင်းလာသည့် ယမကာများအပေါ်  အခွန် ၂၀၀ ရာခိုင်နှုန်းချမှတ်မည်ဟု သမ္မတထရမ့်က ခြိမ်းခြောက်ထားသည်ဟု  ကာယာကောလက်က Bloomberg နှင့် ပြုလုပ်သည့် တွေ့ဆုံမေးမြန်းခန်းတွင်  ပြောကြားသည်။ ထို့ကြောင့် အမေရိကန်၏အဆိုပါ လုပ်ဆောင်ချက်အား    ဥရောပသမဂ္ဂ (အီးယူ)က  တုံ့ပြန်ရန်အသင့် ရှိနေပြီဖြစ်သည်။ထို့ပြင် ထရမ့်ဦးဆောင်သည့် အမေရိကန်အစိုးရသည်  မဟာမိတ် နိုင်ငံတစ်နိုင်ငံဖြစ်သည့် ကနေဒါနှင့်လည်း အခွန်တိုးမြှင့်ကောက်ခံမှုကြောင့် အငြင်းပွားလျက်ရှိသည်။  ထို့ကြောင့် အမေရိကန်၏ ကုန်သွယ်ရေးစစ်ပွဲတွင်  အကျိုးအမြတ်ရရှိနေသည့် နိုင်ငံမှာ  တရုတ်နိုင်ငံဖြစ်သည်ဟု ကာယာကောလက်က  ပြောကြားခြင်းဖြစ်သည်။တစ်ချိန်တည်းမှာပင် အီးယူအဖွဲ့ဝင်နိုင်ငံများက   အမေရိကန်မှတင်ပို့သည့် ဝီစကီများအပေါ် အခွန်တိုးမြှင့် ကောက်ခံမည့်အစီအစဉ်အား တုံ့ပြန်မည်ဟုထရမ့်က ခြိမ်းခြောက်ထားသည်။ ထို့ကြောင့် အမေရိကန်နှင့်   ၎င်း၏မဟာမိတ်များအကြား ကုန်သွယ်ရေးတင်းမာမှုများ ဖြစ်ပွားနေခြင်းသည် တရုတ်နိုင်ငံအား  ထရမ့်အစိုးရနှင့် ဖြစ်ပွားနေသည့် ကုန်သွယ်ရေး စစ်ပွဲ၌ အသာစီးရရှိစေရန် ဖန်တီးပေးလျက်ရှိသည်ဟု ကျွမ်းကျင်သူများက ပြောကြားထားသည်။   Source: https://myawady.net.mm/      
ရပ်ဆိုင်းထားသည့် စစ်ရေးနှင့် ထောက်လှမ်းရေး အကူအညီများအား ယူကရိန်းသို့ ပြန်ပေးရန် ထရမ့်ဆုံးဖြတ်
ရပ်ဆိုင်းထားသည့် စစ်ရေးနှင့် ထောက်လှမ်းရေး အကူအညီများအား ယူကရိန်းသို့ ပြန်ပေးရန် ထရမ့်ဆုံးဖြတ်
အမေရိကန်နှင့် ယူကရိန်းတို့ကြား ဆော်ဒီအာရေဗျနိုင်ငံတွင်  တွေ့ဆုံဆွေးနွေးပွဲ ကျင်းပပြီးနောက် အမေရိကန်က ရပ်ဆိုင်းထားသည့်  စစ်ရေးနှင့် ထောက်လှမ်းရေး   အကူအညီများအား ယူကရိန်းသို့ပြန်လည်ပေးအပ်ရန် သမ္မတ ဒေါ်နယ်ထရမ့်က ဆုံးဖြတ်လိုက်ကြောင်း အမေရိကန် အမျိုးသားလုံခြုံရေးအကြံပေး မိုက်ဝေါ့က ပြောသည်။အမေရိကန်နှင့် ယူကရိန်းကိုယ်စားလှယ်များသည် ဆော်ဒီအာရေဗျနိုင်ငံ ဂျေဒါမြို့၌ မတ်လ  ၁၁ ရက်တွင် တွေ့ဆုံဆွေးနွေးခဲ့ကြပြီး သဘာဝအရင်းအမြစ် ထုတ်ယူရေးဆိုင်ရာ သဘောတူညီချက် တစ်ရပ်ကို မကြာမီ အပြီးသတ်ချမှတ်ရန် နှစ်ဖက်စလုံးက သဘောတူညီခဲ့ကြကြောင်း ယူကရိန်း သမ္မတဇီလန်စကီ၏ ဝက်ဆိုက်တွင် ဖော်ပြသည်။ထို့ပြင်   လက်နက်ကိုင်ပဋိပက္ခကို ရက်ပေါင်း ၃၀ ကြာရပ်ဆိုင်းရန် အမေရိကန်၏ အဆိုပြုချက်ကို လက်ခံရန် အသင့်ရှိသည်ဟု ယူကရိန်းအစိုးရက အတည်ပြုထားကြောင်း သိရသည်။ထို့ကြောင့် ယူကရိန်းနှင့်တွေ့ဆုံ ဆွေးနွေးမှုမှထွက်ပေါ်လာသည့် တိုးတက်မှုများကို တုံ့ပြန်သည့်အနေဖြင့် အမေရိကန်အစိုးရက    ရပ်ဆိုင်းထားသည့်စစ်ရေးနှင့် ထောက်လှမ်းရေးအကူအညီများကို ယူကရိန်းသို့ပြန်လည်ပေးအပ်ရန် ဆုံးဖြတ်ခဲ့ခြင်းဖြစ်သည်။ထို့ပြင် အမေရိကန်အစိုးရ အနေဖြင့် ယူကရိန်းနိုင်ငံတွင် ရေရှည်ငြိမ်းချမ်းရေး ရရှိစေရန်    အလေးအနက်ထားသည်ဟု ဒေါ်နယ်ထရမ့်က ဇီလန်စကီအား ပြောကြားခဲ့ကြောင်း သိရသည်။Source: https://myawady.net.mm/ 
ICC အနေဖြင့် လုပ်ငန်းတာဝန်များနှင့် လုပ်ပိုင်ခွင့်များကို ဖော်ဆောင်ရာတွင် တရားဥပဒေနှင့်အညီ ချင့်ချိန်လုပ်ဆောင်သင့်ဟု တရုတ်ပြော
ICC အနေဖြင့် လုပ်ငန်းတာဝန်များနှင့် လုပ်ပိုင်ခွင့်များကို ဖော်ဆောင်ရာတွင် တရားဥပဒေနှင့်အညီ ချင့်ချိန်လုပ်ဆောင်သင့်ဟု တရုတ်ပြော
အပြည်ပြည်ဆိုင်ရာ ရာဇဝတ်တရားရုံး (ICC) အနေဖြင့် ၎င်းတို့၏ လုပ်ငန်းတာဝန်များနှင့်လုပ်ပိုင်ခွင့်များကို ဖော်ဆောင်ရာတွင် တရားဥပဒေနှင့်အညီ ချင့်ချိန်လုပ်ဆောင်သင့်ပြီး   နိုင်ငံရေးနှင့် မပတ်သက်သည့် အကြောင်းအရာများကို နိုင်ငံရေး ဇာတ်သွင်းခြင်း  သို့မဟုတ် စံနှစ်မျိုး အသုံးပြုခြင်းမှ ရှောင်ကြဉ်သင့်သည်ဟု တရုတ်နိုင်ငံခြားရေးဝန်ကြီးဌာနမှ  ပြောရေးဆိုခွင့်ရှိသူ မောင်နင်းက ပြောကြားသည်။ICC မှ ဖမ်းဝရမ်းထုတ်ပြန်ပြီးနောက် ဖိလစ်ပိုင်သမ္မတဟောင်း ရိုဒရီဂူဒူတာတေး ပြည်ပနိုင်ငံမှ မနီလာမြို့တော်သို့ ပြန်လာစဉ် ဖမ်းဆီးခံရခြင်းနှင့် စပ်လျဉ်း၍ မတ်လ ၁၁ ရက်တွင်ပြုလုပ်သည့် သတင်းစာရှင်းလင်းပွဲ၌ သတင်းထောက်များ၏ မေးမြန်းချက်ကို ပြန်လည်ဖြေကြားရာတွင် မောင်နင်းက ထိုသို့ပြောကြားခြင်းဖြစ်သည်။ဒူတာတေးဖမ်းဆီးခံရမှုသည်  အလွန်အရေးကြီးသည့်  ဖြစ်စဉ်တစ်ခုဖြစ်ပြီး တရုတ်နိုင်ငံက ယင်းဖြစ်စဉ်အား အနီးကပ် စောင့်ကြည့်လျက်ရှိသည်ဟု မောင်နင်းက  ဆက်လက်ပြောကြားသည်။ထို့ပြင် ICC  အနေဖြင့် ဘက်မလိုက်သည့် စည်းမျဉ်းကို တိကျစွာ လိုက်နာသင့်ပြီး ၎င်းတို့၏လုပ်ငန်းတာဝန်များကိုလည်း ဥပဒေနှင့်အညီ စဉ်းစားချင့်ချိန်၍အသုံးချခြင်းဖြင့် စံနှစ်မျိုး အသုံးပြုခြင်းအား ရှောင်ရှားသင့်သည်ဟု တရုတ်နိုင်ငံအနေဖြင့် ရှုမြင်ကြောင်း မောင်နင်းက ဆက်လက် ပြောကြားခဲ့ကြောင်း သိရသည်။Source: https://myawady.net.mm/ 
ယူကရိန်းအရေးနှင့် စပ်လျဉ်း၍ အမေရိကန်အစိုးရ၏ ပြောဆိုမှုက အားတက်ဖွယ်ဖြစ်ဟု လက်ရော့ပြော
ယူကရိန်းအရေးနှင့် စပ်လျဉ်း၍ အမေရိကန်အစိုးရ၏ ပြောဆိုမှုက အားတက်ဖွယ်ဖြစ်ဟု လက်ရော့ပြော
ယူကရိန်းအရေးနှင့်စပ်လျဉ်း၍ အမေရိကန်အစိုးရ၏ ပြောဆိုမှုသည် အားတက်ဖွယ်ဖြစ်သည်ဟု ရုရှားနိုင်ငံခြားရေး ဝန်ကြီး ဆာဂျီလက်ရော့က မတ်လ  ၁၀ ရက်တွင် ပြောကြားလိုက်ကြောင်း သိရသည်။NATO အဖွဲ့၏ အင်အားဖြန့်ကြက်မှုသည် ယူကရိန်းပဋိပက္ခကို စတင်စေခဲ့သည့် အဓိက အကြောင်းရင်းဖြစ်ကြောင်းကို အမေရိကန်သမ္မတ ဒေါ်နယ်ထရမ့်က အသိအမှတ်ပြုခြင်းနှင့် အမေရိကန် ကိုယ်စားလှယ်အဖွဲ့နှင့် ရုရှားတို့ကြား ဆွေးနွေးမှုများသည် အားတက်ဖွယ်များပင်ဖြစ်သည်ဟု လက်ရော့က ရုရှားမဂ္ဂဇင်းကြီးတစ်ခုနှင့် ပြုလုပ်သည့် တွေ့ဆုံမေးမြန်းခန်း တစ်ခုတွင် ပြောကြားခြင်းဖြစ်သည်။ထို့ပြင် ရုရှားအစိုးရအနေဖြင့် နိုင်ငံများကြားပြုလုပ်မည့် စေ့စပ်ဆွေးနွေးမှုများကို ထောက်ခံလျက်ရှိသည်ဟု ၎င်းက အမေရိကန်နှင့် ယူကရိန်းနိုင်ငံတို့ကြား ပြုလုပ်သည့် စေ့စပ်ဆွေးနွေးမှု ကို ကိုးကား၍ ဆက်လက်ပြောကြားထားသည်။လက်ရှိတွင် ယူကရိန်းအရေးနှင့် စပ်လျဉ်း၍ ဆွေးနွေးမှုများကို အဆုံးသတ်နိုင်ရေးအတွက် လိုအပ်နေသေးသော်လည်း ထရမ့်အစိုးရအဖွဲ့မှ ကိုယ်စားလှယ်များနှင့်ဆွေးနွေးမှုများသည် ယေဘုယျအားဖြင့် ယူကရိန်းအရေးကို အဆုံးသတ်နိုင်ရေးအတွက် အထောက်အကူပြုလျက် ရှိသည်ဟု လက်ရော့က ဆက်လက်ပြောကြားခဲ့ကြောင်း သိရသည်။Source: https://myawady.net.mm/ 
ရိုမေးနီးယား ဖွဲ့စည်းပုံအခြေခံဥပဒေခုံရုံးက Georgescu ၏ ရွေးကောက်ပွဲ ဝင်ခွင့်ပိတ်ပင်မှုကို ထောက်ခံဆုံးဖြတ်
ရိုမေးနီးယား ဖွဲ့စည်းပုံအခြေခံဥပဒေခုံရုံးက Georgescu ၏ ရွေးကောက်ပွဲ ဝင်ခွင့်ပိတ်ပင်မှုကို ထောက်ခံဆုံးဖြတ်
Associated Press ၏ ဖော်ပြချက်အရ ရိုမေးနီးယားနိုင်ငံ၏ ဖွဲ့စည်းပုံအခြေခံဥပဒေခုံရုံးက သမ္မတရွေးကောက်ပွဲဝင်ရန် မျှော်မှန်းထားသူ Calin Georgescu ၏ အယူခံတစ်ရပ်ကို ပယ်ချခဲ့သည်။ Georgescu သည် ဗဟိုရွေးကောက်ပွဲဗျူရို Central Electoral Bureau’s (BEC)မှ ယခုနှစ် မေလတွင် ကျင်းပမည့် ရွေးကောက်ပွဲသစ်တွင် ပါဝင်ခွင့်မရှိကြောင်း ဆုံးဖြတ်ချက်ကို ကန့်ကွက်ခဲ့ခြင်းဖြစ်သည်။မတ်လ ၁၁ ရက်နေ့တွင် ဖွဲ့စည်းပုံအခြေခံဥပဒေခုံရုံးက BEC ၏ဆုံးဖြတ်ချက်ကို ထောက်ခံခဲ့ပြီး Georgescu ၏ ဝင်ရောက်ယှဉ်ပြိုင်ခွင့်ကို ပယ်ဖျက်ကြောင်း အတည်ပြုခဲ့သည်။ BEC က မတ်လ ၉ ရက်နေ့တွင် ၎င်း၏ဝင်ရောက်ယှဉ်ပြိုင်မှုကို ပယ်ချခဲ့ပြီး ယင်းဆုံးဖြတ်ချက်တွင် အချက်အလက်ပေါင်း ၁,၀၀၀ ကျော်ကို ကိုးကားခဲ့သည်။ Georgescu သည် ရွေးကောက်ပွဲပြန်လည်ကျင်းပမှုအတွက် များစွာသော မဲဆန္ဒရှင်များ၏ အားပေးမှုကိုရရှိထားသူဖြစ်ပြီး လတ်တလောစစ်တမ်းများအရ ၄၀% မှ ၄၅% အထိ မဲအရေအတွက် ရှိခဲ့သည်။Georgescu ရွေးကောက်ပွဲဝင်ခွင့် ပိတ်ပင်ခံထားရသည့် အကြောင်းရင်းများနှင့်ပတ်သက်၍ ကွဲလွဲချက်များရှိနေသော်လည်း ဖွဲ့စည်းပုံအခြေခံဥပဒေ ခုံရုံးက ၎င်း၏ ဆုံးဖြတ်ချက်ကို ခိုင်မာစွာ ထောက်ခံခဲ့သည်။ အဆိုပါ ဆုံးဖြတ်ချက်သည် ရိုမေးနီးယားနိုင်ငံ၏ နိုင်ငံရေးနှင့် ရွေးကောက်ပွဲစနစ် တို့အပေါ် ကြီးမားသောသက်ရောက်မှုများ ရှိနိုင်ကြောင်း ကျွမ်းကျင်သူ များက မှတ်ချက်ပြုကြသည်။ဤဖြစ်ရပ်သည် နိုင်ငံရေးပါတီများနှင့် နိုင်ငံသားများအကြား ဆွေးနွေးငြင်းခုံမှုများကို ဖြစ်ပေါ်စေခဲ့ပြီး ရွေးကောက်ပွဲဆိုင်ရာဥပဒေများနှင့် လုပ်ထုံးလုပ်နည်းများကို ပြန်လည်သုံးသပ်ရန်တောင်းဆိုမှုများ ပိုမို မြင့်တက်လာစေခဲ့သည်။ ရိုမေးနီးယားနိုင်ငံ၏ နိုင်ငံရေးနှင့် ရွေးကောက်ပွဲ စနစ်တို့သည် ပွင့်လင်းမြင်သာမှုနှင့် တရားမျှတမှုတို့ကို ပိုမိုအာမခံနိုင်ရန် လိုအပ်ကြောင်း ပြသနေသည်။ကိုးကား-RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.