တောင်အာဖရိကလူဖြူများကို ပြန်လည်နေရာချထားပေးရန် Trump ကမ်းလှမ်း
News Image
အမေရိကန်သမ္မတ Donald Trump သည် ပြန်လည် နေရာချထားရေးအစီအစဉ်များအပါအဝင် လူဖြူ တောင်အာဖရိကဒုက္ခသည်များအတွက် ဦးစားပေးအကူအညီပေးရန် အစိုးရအေဂျင်စီများအား ညွှန်ကြားသည့် အမှုဆောင် အမိန့်ကိုထုတ်ပြန်ခဲ့သည်။
အာဖရိကနိုင်ငံသည် မြေယာပိုင်ဆိုင်ခွင့်တွင် လူမျိုးရေးမတူညီမှုများကို ကိုင်တွယ်ဖြေရှင်းရန် မြေယာသိမ်းယူခြင်းဥပဒေကို အတည်ပြုပြီးနောက် ယခုကဲ့သို့ လုပ်ဆောင်ခဲ့ ခြင်းဖြစ်သည်။
ဖေဖော်ဝါရီ ၇ ရက်နေ့က ထုတ်ပြန်သည့် ၎င်း၏ အမိန့်တွင် Trump သည် ပရီတိုးရီးယားတွင် “နိုင်ငံသား များ၏ အခွင့်အရေးများကို တုန်လှုပ်စရာဖြစ်စေရန် လျစ်လျူရှုမှု” ဖြစ်သည်ဟု စွပ်စွဲကာ အသစ်ပြဋ္ဌာန်း လိုက်သော ဥပဒေတွင် အစိုးရကလျော်ကြေးမပေးဘဲ လူနည်းစုအာဖရိကန်များ၏ လယ်ယာမြေပိုင်ဆိုင်မှုများကို သိမ်းယူနိုင်သည်ဟု အခိုင်အမာဆိုခဲ့သည်။
အာဖရိကန်များသည် ၁၇ ရာစုတွင် ခေတ်သစ် တောင်အာဖရိကနယ်မြေသို့ ရောက်ရှိခဲ့သော နယ်သာလန်မှ အများစုဖြစ်ပြီး ဥရောပကိုလိုနီလက်အောက်ခံများ၏ မျိုးဆက်များဖြစ်သည်။ အသားရောင်ခွဲခြားဆက်ဆံမှုကိုကျင့်သုံးပြီး ၁၉၉၀ ပြည့်လွန် နှစ်များတွင် အာဖရိက၏ အတိုးတက်ဆုံးသော စီးပွားရေးကို ဖျက်သိမ်းကာ ဆယ်စုနှစ်များစွာ ကြာပြီး သည်အထိ လူဖြူလယ်သမားများက တိုင်းပြည်၏ လယ်ယာမြေအများစုကို ပိုင်ဆိုင်ထားခဲ့သည်။
ပရီတိုးရီးယားသည် ဤမညီမျှမှုကို ဖြေရှင်းရန်အတွက် လယ်မြေများ၏ ၃၀% ကို ၂၀၃၀ ခုနှစ်တွင် လူမည်း လယ်သမားများထံ လွှဲပြောင်းရန် ရည်မှန်းထားသည်။
တောင်အာဖရိကတွင် တရားမမျှတမှုများနှင့် အကျင့်ပျက်ခြစားမှုများ ရှိနေသမျှကာလပတ်လုံး အစိုးရအား ကူညီထောက်ပံ့မှုများရပ်ဆိုင်းထားရန်နှင့် နိုင်ငံခြားရေးဝန်ကြီး နှင့် ပြည်ထဲရေးဝန်ကြီးဌာန အတွင်းရေးမှူးတို့သည် ခွဲခြားခံရသူများအား လူသားချင်းစာနာထောက်ထားမှုဆိုင်ရာ
အကူအညီများကို ဦးစားပေးလုပ်ဆောင်ကြရမည်ဟု သမ္မတ Trump ၏ ညွှန်ကြားချက်တွင် ပါရှိကြောင်း သိရှိရသည်။
အမေရိကန်နိုင်ငံခြားရေးဝန်ကြီး Marco Bubio သည် ယခုလနှောင်းပိုင်းတွင် တောင်အာဖရိက၌ကျင်းပမည့် G-20 အစည်းအဝေးသို့ အမေရိကန်မှ တက်ရောက်ခြင်းမပြုဟု ပြောကြားထားပြီး တောင်အာဖရိကနွယ်ဖွား Elon Musk ကလည်းအဆိုပါဥပဒေကို လူမျိုးရေးခွဲခြားမှု ဟု ပြောဆိုထားသည်။
ကိုးကား-RT
