ကမ္ဘာ့အပျော်ရွှင်ဆုံးနိုင်ငံအဖြစ် ဖင်လန် ထိပ်ဆုံးက ရပ်တည်

saceditor

News Image

  • ကမ္ဘာ့အပျော်ရွှင်ဆုံးနိုင်ငံအဖြစ် ဖင်လန် ထိပ်ဆုံးက ရပ်တည်

မတ်လ ၂၀ ရက် (ကြာသပတေးနေ့)တွင် ထုတ်ပြန်လိုက်သည့် World Happiness Report 2025 ဖော်ပြချက်အရ ဖင်လန်သည် ကမ္ဘာ့ အပျော်ရွှင်ဆုံးနိုင်ငံအဖြစ် ရှစ်နှစ်ဆက်တိုက် ရပ်တည်လျက်ရှိပါသည်။ 

ဖင်လန်နိုင်ငံ၏ နောက်တွင် ဒိန်းမတ်၊ အိုက်စလန်နှင့် ဆွီဒင်တို့သည် ၄င်းတို့၏ ထိပ်တန်းအဆင့်သတ်မှတ်ချက်များကို ဆက်လက် ထိန်းသိမ်းနိုင်ထားကြပါသည်။

အစီရင်ခံစာအတွက် စစ်တမ်းများကို လူတစ်ဦးချင်းစီ၏ ကိုယ်ပိုင်ဘဝများကို မိမိဘာသာအကဲဖြတ်သည့် အဆင့်သတ်မှတ်မှုပုံစံဖြင့် ကောက်ယူခဲ့ခြင်းဖြစ်ပါသည်။ ယခု သုတေသနကို Oxford တက္ကသိုလ်ရှိ Wellbeing Research Center မှ Gallup နှင့် UN Sustainable Development Solutions Network တို့နှင့်အတူ ပူးပေါင်းဆောင်ရွက်ခဲ့ကြောင်း The Economic Times   သတင်းစာက ဖော်ပြထားပါသည်။

ကိုးကား-The Economic Times  

ဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

မြေရှားသတ္တုကဏ္ဍတွင် အမေရိကန် အပါအဝင် အခြားနိုင်ငံများနှင့် ပူးပေါင်းနိုင်သည်ဟု ရုရှားဆို
မြေရှားသတ္တုကဏ္ဍတွင် အမေရိကန် အပါအဝင် အခြားနိုင်ငံများနှင့် ပူးပေါင်းနိုင်သည်ဟု ရုရှားဆို
ရုရှားနိုင်ငံသည်  ယူကရိန်းနိုင်ငံနှင့် နှိုင်းယှဉ်ပါက မြေရှားသတ္တု အများအပြားကို ပိုင်ဆိုင်ထားပြီး  အဆိုပါသတ္တုများ ထုတ်ယူရေးတွင် အမေရိကန်နှင့်သာမက အခြားနိုင်ငံများနှင့်လည်း ပူးပေါင်းဆောင်ရွက်နိုင်သည်ဟု ရုရှားသမ္မတ ဗလာဒီမာပူတင်၏ အထူးသံတမန်ဖြစ်သူ   ကီရေး ဒီမီထရီယက်က ပြောသည်။နိုင်ငံအတွင်းရှိ  မြောက်မြားစွာသော မြေရှားသတ္တု အရန်တွင်းများအား ထုတ်လုပ်ရန်အတွက် ပူးပေါင်းဆောင်ရွက်မှုများ လုပ်ဆောင်မည်ဟု ရုရှားသမ္မတ ဗလာဒီမာပူတင်က ရှင်းလင်းစွာ ပြောကြားခဲ့ပြီးဖြစ်ကြောင်း၊ ထိုသို့ထုတ်ယူရန်အတွက်လည်း ရုရှားနိုင်ငံက အမေရိကန်နှင့်သာမက အခြားနိုင်ငံများနှင့်လည်း ပူးပေါင်းဆောင်ရွက်မည်ဖြစ်ကြောင်း  ရင်းနှီးမြှုပ်နှံမှုနှင့် စီးပွားရေးပူးပေါင်း ဆောင်ရွက်မှုဆိုင်ရာ ရုရှားသမ္မတ၏ အထူးသံတမန် ကီရေး ဒီမီထရီယက်က   မတ်လ ၁၈ ရက်တွင် ပြောကြားခြင်းဖြစ်သည်။လက်ရှိတွင် အမေရိကန်အစိုးရသည် ရုရှားနှင့် မြေရှားသတ္တုကဏ္ဍ၊ အာတိတ်ဒေသ ပူးပေါင်းဆောင်ရွက်မှုအပါအဝင် ကဏ္ဍအများအပြား၌ ပူးပေါင်း လုပ်ဆောင်ရန် စိတ်ဝင်စားလျက်ရှိသည်။ထို့ကြောင့် ထရမ့်ဦးဆောင်သည့် အမေရိကန်အစိုးရသည် ယခင်ဂျိုးဘိုင်ဒင် လက်ထက်က ယိုယွင်းခဲ့သည့် ရုရှားနိုင်ငံနှင့် ဆက်ဆံရေးအား ပြန်လည်ကောင်းမွန် တိုးတက်စေရန်အတွက် ကြိုးပမ်းနေခြင်း ဖြစ်ကြောင်း သိရသည်။Source: https://myawady.net.mm/ 
“၂၀၂၅ အလွန် ဗဟုဝင်ရိုးကမ္ဘာတွင် မြန်မာနိုင်ငံ ကြုံတွေ့လာရမည့် စိန်ခေါ်မှုများနှင့် အခွင့်အလမ်းများသုံးသပ်ဆွေးနွေးပွဲ” ဖွင့်ပွဲအခမ်းအနား တိုက်ရိုက်ထုတ်လွှင့်မည်
“၂၀၂၅ အလွန် ဗဟုဝင်ရိုးကမ္ဘာတွင် မြန်မာနိုင်ငံ ကြုံတွေ့လာရမည့် စိန်ခေါ်မှုများနှင့် အခွင့်အလမ်းများသုံးသပ်ဆွေးနွေးပွဲ” ဖွင့်ပွဲအခမ်းအနား တိုက်ရိုက်ထုတ်လွှင့်မည်
နိုင်ငံရေးအပြောင်းအလဲနှင့်အတူ နိုင်ငံတော်၏ အခြေအနေမှန်ကို ကမ္ဘာက သိရှိစေပြီး မြန်မာနိုင်ငံအပေါ် နားလည်မှု၊ စာနာမှုများဖြင့် ပူးပေါင်းဆောင်ရွက်လာစေရန်၊ မဟုတ်မမှန်စွပ်စွဲ ပြောဆိုမှုများကို တန်ပြန်ချေဖျက်၍ နိုင်ငံ့ပုံရိပ်မြှင့်တင်ရန်နှင့် ၂၀၂၅ ခုနှစ်အလွန် ပြောင်းလဲလာနေသည့်  ကမ္ဘာ့အခင်းအကျင်းဖြစ်သော ဗဟုဝင်ရိုးကမ္ဘာ(Multipolar World)တွင် ပေါ်ပေါက်လာမည့် စိန်ခေါ်မှုများနှင့် အခွင့်အလမ်းများအား သိရှိပြီး ကြိုတင်ပြင်ဆင်နိုင်မည့် နည်းလမ်းများရရှိစေရန် ရည်ရွယ် ကျင်းပသည့် “၂၀၂၅ အလွန် ဗဟုဝင်ရိုးကမ္ဘာတွင် မြန်မာနိုင်ငံ ကြုံတွေ့ လာရမည့် စိန်ခေါ်မှုများနှင့် အခွင့်အလမ်းများ သုံးသပ်ဆွေးနွေးပွဲ”၏ ဖွင့်ပွဲအခမ်းအနားကို ၂၀၂၅ ခုနှစ် မတ်လ ၂၁ ရက် (သောကြာနေ့) နံနက် ၈ နာရီခွဲတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်း ဗဟို ဌာန(၁) MICC(I)၌ ကျင်းပမည် ဖြစ်သည်။အဆိုပါဖွင့်ပွဲအခမ်းအနားကျင်းပပုံများကို ယင်းနေ့နံနက်  ၈ နာရီ ၁၅ မိနစ်မှ စတင်၍ မြန်မာ့အသံနှင့် ရုပ်မြင်သံကြား MRTV-HD၊ MRTV News၊ MRTV Parliament၊  MITV နှင့် MWD - HD Channel၊ MWD Variety –HD Channel တို့မှလည်းကောင်း၊ မြန်မာ့အသံရေဒီယိုနှင့် FM များ ဖြစ်ကြသည့် ပတ္တမြား၊ ချယ်ရီ၊ ပဉ္စဝတီ၊ မန္တလေး၊ ရွှေ၊ ပုဂံ၊ Star နှင့် သဇင် FM တို့မှလည်းကောင်း၊ MOI Website၊ MOI Youtube၊ MRTV Website၊ MRTV App: Radio App: နှင့် Online Media တို့မှ လည်းကောင်း တိုက်ရိုက်(LIVE) ထုတ်လွှင့်ပြသမည်ဖြစ်သည်။ကိုးကား-myawady.net.mmPhoto: MOI
“အဆင့်အမြင့်ဆုံး အဆင့်မြှင့် လှုပ်ရှားမှု” ဖြင့် အစ္စရေးအား တိုက်ခိုက်သွားမည်ဟု ဟူသီလက်နက်ကိုင် အဖွဲ့ကြေညာ
“အဆင့်အမြင့်ဆုံး အဆင့်မြှင့် လှုပ်ရှားမှု” ဖြင့် အစ္စရေးအား တိုက်ခိုက်သွားမည်ဟု ဟူသီလက်နက်ကိုင် အဖွဲ့ကြေညာ
ကူဝိတ်စီးတီး၊ မတ် ၁၉ ရက် အစ္စရေးက ဂါဇာကမ်းမြောင်ဒေသ၌ အကြီးစားလေကြောင်းတိုက်ခိုက်မှု လုပ်ဆောင်ခဲ့သဖြင့် ဟူသီလက်နက်ကိုင် အဖွဲ့သည် “အဆင့်အမြင့်ဆုံး အဆင့်မြှင့်လှုပ်ရှားမှု” ဖြင့် အစ္စရေးအား တိုက်ခိုက်သွားမည်ဟု ယီမင် ဟူသီ လက်နက်ကိုင် အဖွဲ့ခေါင်းဆောင် Abdul Malik Houthi က မတ် ၁၈ ရက် ညပိုင်းတွင် ထုတ်ပြန်ခဲ့သည်။ဟူသီလက်နက်ကိုင်အဖွဲ့သည် “အဆင့်အမြင့်ဆုံး အဆင့်မြှင့်လှုပ်ရှားမှု” အား ပြန်လည်ဖော်ဆောင်သွားမည်ဖြစ်ပြီး အစ္စရေးအား အစွမ်းကုန်တိုက်ခိုက်သွားမည်ဖြစ်ကြောင်း၊ တစ်ချိန်တည်းတွင် ယင်းကြောင့် “ဖြစ်ပွားလာနိုင်သော အမေရိကန်၏ ယီမင်အပေါ် ကျူးကျော်မှု” ကိုလည်း ရင်ဆိုင်သွားမည်ဖြစ်ကြောင်း Abdul Malik Houthi က ထိုနေ့၌ အဆိုပါအဖွဲ့အစည်းထိန်းချုပ်ထားသည့် Al Masirah ရုပ်သံလွှင့်ဌာနမှတစ်ဆင့် ရုပ်သံမိန့်ခွန်းတွင် ထည့်သွင်းပြောကြားခဲ့သည်။အစ္စရေး၏ Nevatim လေတပ်အခြေစိုက်စခန်းအား တိုက်ခိုက်ရန် “ဟိုက်ပါဆိုးနစ် ပဲ့ထိန်းဒုံးကျည်” တစ်လုံး ပစ်လွှတ်ခဲ့ကြောင်း ဟူသီလက်နက်ကိုင်က ထိုနေ့တွင် ထုတ်ပြန်ကြေညာခဲ့သည်။ အစ္စရေးစစ်တပ်က ထိုနေ့ညပိုင်း၌ ယီမင်မှပစ်လွှတ်သော ပဲ့ထိန်းဒုံးကျည်တစ်လုံးအား အောင်မြင်စွာ တားဆီးနိုင်ခဲ့ကြောင်း အစ္စရေးကာကွယ်ရေးတပ် က ထိုနေ့တွင် ကြေညာချက်ထုတ်ပြန်ခဲ့သည်။အမေရိကန် စစ်တပ်က မတ် ၁၈ ရက်တွင် ယီမင်နိုင်ငံမြောက်ပိုင်း Saada ပြည်နယ်၊ အနောက်မြောက်ပိုင်းရှိ Hajjah ပြည်နယ်၊ အနောက်ပိုင်းရှိ Al Hudaydah ပြည်နယ် စသည့်ဒေသများအား ထပ်မံလေကြောင်း တိုက်ခိုက်မှု လုပ်ဆောင်ခဲ့ကြောင်း Al Masirah ရုပ်သံလွှင့်ဌာန သတင်းဖော်ပြချက်အရ သိရသည်။အစ္စရေးစစ်တပ်သည် မတ် ၁၈ ရက်တွင် ဂါဇာကမ်းမြောင်ဒေသရှိ နေရာအများအပြားအား လေကြောင်းတိုက်ခိုက်မှု လုပ်ဆောင်ခဲ့သည်။ အစ္စရေးစစ်တပ်၏ ထိုနေ့တွင် ဂါဇာကမ်းမြောင်ဒေသရှိ နေရာအများအပြားအား လေကြောင်း တိုက်ခိုက်မှုကြောင့် လူ ၄၁၂ ဦးထက်မနည်း သေဆုံးခဲ့ပြီး အခြား လူ ၅၀၀ ကျော် ဒဏ်ရာရရှိခဲ့ကြောင်း ပါလက် စတိုင်း ဂါဇာကမ်းမြောင်ဒေသ ကျန်းမာရေးဌာန၏ မတ် ၁၈ ရက်တွင် ထုတ်ပြန်သော ကြေညာချက်အရ သိရသည်။ ကိုးကား-ဆင်ဟွာ
ကမ္ဘာ့အပျော်ရွှင်ဆုံးနိုင်ငံအဖြစ် ဖင်လန် ထိပ်ဆုံးက ရပ်တည်
ကမ္ဘာ့အပျော်ရွှင်ဆုံးနိုင်ငံအဖြစ် ဖင်လန် ထိပ်ဆုံးက ရပ်တည်
မတ်လ ၂၀ ရက် (ကြာသပတေးနေ့)တွင် ထုတ်ပြန်လိုက်သည့် World Happiness Report 2025 ဖော်ပြချက်အရ ဖင်လန်သည် ကမ္ဘာ့ အပျော်ရွှင်ဆုံးနိုင်ငံအဖြစ် ရှစ်နှစ်ဆက်တိုက် ရပ်တည်လျက်ရှိပါသည်။ ဖင်လန်နိုင်ငံ၏ နောက်တွင် ဒိန်းမတ်၊ အိုက်စလန်နှင့် ဆွီဒင်တို့သည် ၄င်းတို့၏ ထိပ်တန်းအဆင့်သတ်မှတ်ချက်များကို ဆက်လက် ထိန်းသိမ်းနိုင်ထားကြပါသည်။အစီရင်ခံစာအတွက် စစ်တမ်းများကို လူတစ်ဦးချင်းစီ၏ ကိုယ်ပိုင်ဘဝများကို မိမိဘာသာအကဲဖြတ်သည့် အဆင့်သတ်မှတ်မှုပုံစံဖြင့် ကောက်ယူခဲ့ခြင်းဖြစ်ပါသည်။ ယခု သုတေသနကို Oxford တက္ကသိုလ်ရှိ Wellbeing Research Center မှ Gallup နှင့် UN Sustainable Development Solutions Network တို့နှင့်အတူ ပူးပေါင်းဆောင်ရွက်ခဲ့ကြောင်း The Economic Times   သတင်းစာက ဖော်ပြထားပါသည်။ကိုးကား-The Economic Times  ဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃
ဆရာဝန်များက Gaza ရှိ စစ်ပွဲများကြောင့် ကလေးငယ်၏ ဆံပင်ကျွတ်ခြင်း ဖြစ်ပေါ်စေခဲ့သည်ဟုဆို
ဆရာဝန်များက Gaza ရှိ စစ်ပွဲများကြောင့် ကလေးငယ်၏ ဆံပင်ကျွတ်ခြင်း ဖြစ်ပေါ်စေခဲ့သည်ဟုဆို
ဆရာဝန်များက ရှစ်နှစ်အရွယ် Sama Tubail သည် ၂၀၂၃ ခုနှစ်တွင် အစ္စရေး၏ စစ်ရေးတိုက်ခိုက်မှုစတင်ချိန်မှစ၍ သူမခံစားခဲ့ရသော စိတ်ဒဏ်ရာကြောင့် သူမ၏ဆံပင်အားလုံးနီးပါးဆုံးရှုံးခဲ့ရသည်ဟု ဆိုသည်။ ကုလသမဂ္ဂက“မျိုးဆက်တစ်ခုလုံး စိတ်ဒဏ်ရာရခဲ့ပြီ” ဟုဆိုကာ Gaza ရှိ ကလေး ၁.၂ သန်း၏ အားလုံးနီးပါးသည် စိတ်ပိုင်းဆိုင်ရာ ပံ့ပိုးမှုများ လိုအပ်နေသည်ဟု ဆိုသည်။ အစ္စရေးသည် မတ်လ ၁၈ ရက်(အင်္ဂါ) နေ့ တွင် တိုက်ခိုက်မှုအသစ်များစတင်ခဲ့ပြီး စစ်ပြေငြိမ်းရေးကိုချိုးဖျက်ကာ ပါလက်စတိုင်း ရာနှင့်ချီသေဆုံးစေခဲ့သည်ဟု Gaza ကျန်းမာရေးအရာရှိ များက ဆိုသည်။Gaza ရှိ ပဋိပက္ခများသည် ဒေသခံများ၏ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ကျန်းမာရေးကို ပြင်းထန်စွာ ထိခိုက်စေခဲ့ပါသည်။ အထူးသဖြင့် ကလေးငယ်များတွင်ပိုမိုထိခိုက်စေပြီး ဆရာဝန်များက ဆက်လက် ဖြစ်ပွားနေသော အကြမ်းဖက်မှုများကြောင့် ပြင်းထန်သည့် စိတ်ဖိစီးမှုနှင့် စိတ် ဒဏ်ရာများကို ခံစားနေရသောကလေးများ၏ ဖြစ်ရပ်များကို မှတ်တမ်းတင်ခဲ့ကြပါသည်။ ဤအချင်းအရာများသည် ဆံပင်ကျွတ်ခြင်းကဲ့သို့ရုပ်ပိုင်းဆိုင်ရာ လက္ခဏာများအဖြစ်ပြသနိုင်ပြီး ၎င်းအခြေအနေကို Telogen effluvium ဟုခေါ်ကာ စိတ်ဖိစီးမှု၊ အာဟာရချို့တဲ့မှု သို့မဟုတ် စိတ်ပိုင်းဆိုင်ရာဒဏ်ရာများကြောင့် ဖြစ်ပေါ်တတ်ပါသည်။ ဤသို့သော ဖြစ်စဉ်များသည် Gaza ကဲ့သို့ စစ်ပွဲဒဏ်ခံနေရသည့် ဒေသများ၌ မကြာ ခဏ ဖြစ်ပွားနေတတ်ပါသည်။လုံခြုံသည့် ပတ်ဝန်းကျင်ဆုံးရှုံးမှု၊ အကြမ်းဖက်မှုများကို မပြတ်ကြုံတွေ့ နေရမှု၊ လုံလောက်သော အာဟာရနှင့် ကျန်းမာရေးစောင့်ရှောက်မှုများ မရရှိနိုင်ခြင်းတို့သည် ကျန်းမာရေးပြဿနာများကို ပိုမိုဆိုးရွားစေပါသည်။ ကိုးကား-CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
ဗီယက်နမ်၏ မိုဘိုင်းအင်တာနက်အမြန်နှုန်းသည် ကမ္ဘာ့ထိပ်တန်းနိုင်ငံ ၂၀ စာရင်းတွင် ပါဝင်လာ
ဗီယက်နမ်၏ မိုဘိုင်းအင်တာနက်အမြန်နှုန်းသည် ကမ္ဘာ့ထိပ်တန်းနိုင်ငံ ၂၀ စာရင်းတွင် ပါဝင်လာ
ဗီယက်နမ်၏ မိုဘိုင်းအင်တာနက်အမြန်နှုန်းသည် ဖေဖော်ဝါရီလတွင် 144 Mbps သို့ ရောက်ရှိခဲ့ပြီး ပထမဆုံးအကြိမ်အဖြစ် ကမ္ဘာ့ထိပ်တန်း မိုဘိုင်းအင်တာနက်အမြန်နှုန်း အမြင့်ဆုံး နိုင်ငံ ၂၀ စာရင်းတွင် ပါဝင်လာ ခဲ့ပြီး Broadband အမြန်နှုန်းနှင့် နီးစပ်လာခဲ့သည်။ကမ္ဘာလုံးဆိုင်ရာ အင်တာနက်အမြန်နှုန်းများကို စာရင်းပြုစုလျက်ရှိသော Ookla ၏အချက်အလက်များအရ Vietnam သည် အဆင့် ၁၉ တွင် ရပ်တည်နေပြီး အိန္ဒိယ၊ ဖင်လန်နှင့် ပြင်သစ်တို့ကို ကျော်တက်သွားခဲ့သည်။ယူအေအီးသည် 543.91 Mbps ဖြင့် မိုဘိုင်းအင်တာနက်အမြန်နှုန်းတွင် ဦးဆောင်နေဆဲဖြစ်ပြီး စင်္ကာပူသည် 345.33 Mbps ဖြင့် Broadband အမြန်နှုန်းတွင် ထိပ်ဆုံးမှ ရပ်တည်နေသည်။5G ကွန်ယက်စနစ်ကို Viettel မှ ၂၀၂၄ ခုနှစ်၊ အောက်တိုဘာလ နှင့် VinaPhone မှ ၂၀၂၄ ခုနှစ်၊ ဒီဇင်ဘာလတွင် စတင်မိတ်ဆက်ခဲ့ခြင်းတို့သည် အချိန်ကြာမြင့်စွာ ရပ်တန့်နေခဲ့သည့် အင်တာနက် အမြန်နှုန်းများ အရှိန်မြင့်တက်လာခြင်းကို အဓိကအထောက်အကူပြုခဲ့သည်။ ၂၀၂၄ ခုနှစ်၊ စက်တင်ဘာလတွင် Vietnam ၏ မိုဘိုင်းအင်တာနက်အမြန်နှုန်းမှာ 54.17 Mbps နှင့် ကမ္ဘာ့အဆင့် ၅၁ ဖြစ်ခဲ့သော်လည်း ခြောက်လအတွင်း သုံးဆနီးပါး တိုးတက်လာခဲ့ခြင်းဖြစ်သည်။ဗီယက်နမ်၏ သိပ္ပံနှင့်နည်းပညာဝန်ကြီးဌာနမှ iSpeed ဖြင့် စမ်းသပ်တွေ့ရှိချက်များအရ ယင်းအင်တာနက်အမြန်နှုန်းကို အတည်ပြုခဲ့ပြီး ဗီယက်နမ်၏ 5G Download Speed ကို ဖေဖော်ဝါရီလတွင် 187.58 Mbps အဖြစ် မှတ်တမ်းတင်ခဲ့သည်။ Viettel သည် ပျမ်းမျှ 5G Download Speed 226.27 Mbps ဖြင့် ပြည်တွင်းအင်တာနက်ဝန်ဆောင်မှုများ၌ ဦးဆောင်နေပြီး VNPT သည် 157.17 Mbps ဖြင့် ဒုတိယနေရာတွင် ရပ်တည်နေသည်။ကိုးကား-VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.