ကနေဒါနိုင်ငံ၊ ဗန်ကူးဗားမြို့တွင် ကားဖြင့်ဝင်တိုက်မှုကြောင့် လူအများအပြားသေဆုံး

saceditor

News Image

  • ကနေဒါနိုင်ငံ၊ ဗန်ကူးဗားမြို့တွင် ကားဖြင့်ဝင်တိုက်မှုကြောင့် လူအများအပြားသေဆုံး

ကနေဒါနိုင်ငံ ဗန်ကူးဗားမြို့ရှိ Lapu Lapu လမ်းပေါ်၌ စည်ကားသိုက်မြိုက်စွာကျင်းပသည့် ဖိလစ်ပိုင်ယဉ်ကျေးမှုပွဲတော်တွင် ကားတစ်စီး ဝင်တိုက်မှုကြောင့် လူအများသေဆုံးပြီး ဒဏ်ရာရရှိသူများရှိကြောင်း ရဲတပ်ဖွဲ့မှ ထုတ်ပြန်ခဲ့သည်။

ဒေသစံတော်ချိန် ဧပြီ ၂၆ ရက် (စနေနေ့) ညပိုင်းက East 41st Avenue နှင့် Fraser Street အနီးတွင် ဖြစ်ပွားခဲ့သည့် အဆိုပါဖြစ်စဉ်တွင် လမ်းသွားပြည်သူများ ဒဏ်ရာရရှိခဲ့ကြောင်း ရဲတပ်ဖွဲ့မှ X (တွစ်တာ) တွင် ထုတ်ပြန်ချက် ထုတ်ပြန်ခဲ့သည်။ ကားမောင်းသူကို ဖမ်းဆီးထိန်းသိမ်းထားပြီ ဖြစ်ကြောင်း ထုတ်ပြန်ချက်တွင် ဖော်ပြထားသည်။

ဒေသခံမီဒီယာများအရ သေဆုံးသူနှင့် ဒဏ်ရာရရှိသူများမှာ ဖိလစ်ပိုင် ယဉ်ကျေးမှုကို ဂုဏ်ပြုသည့် နှစ်စဉ်ကျင်းပလေ့ရှိသော Lapu Lapu ပွဲတော်တွင် ပါဝင်ဆင်နွှဲသူများဖြစ်ကြောင်း သိရသည်။

ကိုးကား-RT

Photo: Yahoo

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဖိလစ်ပိုင်နှင့်အမေရိကန်တို့ လေကြောင်းရန်ကာကွယ်ရေးစနစ်ကိုစမ်းသပ်
ဖိလစ်ပိုင်နှင့်အမေရိကန်တို့ လေကြောင်းရန်ကာကွယ်ရေးစနစ်ကိုစမ်းသပ်
မနီလာ၊ စစ်ရေးဖိလစ်ပိုင်နှင့်အမေရိကန်တို့က ၎င်းတို့ ၏ပူးတွဲစစ်ရေးလေ့ကျင့်ခန်းတွင် ပထမဆုံးအဖြစ် လေကြောင်းရန်ကာကွယ်ရေးစနစ်ကိုစမ်းသပ်သည့်အနေဖြင့် ဒုံးကျည် များကိုပစ်လွှတ်ကြောင်း သိရသည်။အဆိုပါနှစ်နိုင်ငံသည် ဘာလီကာတန် အမည်ရှိ ပူးတွဲစစ်ရေးလေ့ကျင့်ခန်းကို စစ်သည်အင်အား ၁၇၀၀၀ ဝန်းကျင်ဖြင့်လုပ်ဆောင်နေခြင်းဖြစ်ပြီး  လေကြောင်းရန်ကာကွယ်ရေးစနစ်စမ်းသပ်မှုကို  ဧပြီလ၂၇ ရက်တွင်လုပ်ဆောင်ခြင်းဖြစ်သည်။ယင်းကဲ့သို့လေကြောင်းရန်ကာကွယ်ရေးစနစ် စမ်းသပ်မှုတွင် အမေရိကန်မရိန်း တပ်ဖွဲ့မှ Madis အမျိုးအစား တာတိုပစ် လေကြောင်းရန်ကာကွယ်ရေးစနစ်ကဝေဟင်ရှိပစ်မှတ်ဒရုန်းများကို ထိမှန်အောင် ပစ်ချလိုက်နိုင်သည်။အလားတူ ဖိလစ်ပိုင်နိုင်ငံမှ Sypder အမည်ရှိ ဒုံးပစ်စနစ်ကလည်း ကိုယ်တိုင် ဒရုန်းတိုက်ခိုက်မှုရန်မှကာကွယ်ပြီး လေပိုင်နက်သို့ဝင်လာသော အနိမ့်ပျံဒုံးကျည်များကို ပစ်မှတ်ထားတိုက်ခိုက်မှုများလုပ်ဆောင်နိုင်ကြောင်းနှင့် ယင်းဒုံးကျည်စနစ်များကို  ပူးတွဲပစ်ခတ်ခြင်းဖြစ်ကြောင်းသိရသည်။                          Ref: TSTSource: https://myawady.net.mm/
Mon, 28-Apr-2025
၂၄ နာရီအတွင်း ပါလက်စတိုင်း အနည်းဆုံး ၄၀ ဦးသေဆုံးကြောင်း Al Jazeera ပြောကြား
၂၄ နာရီအတွင်း ပါလက်စတိုင်း အနည်းဆုံး ၄၀ ဦးသေဆုံးကြောင်း Al Jazeera ပြောကြား
ဂါဇာကမ်းမြောင်တွင် ဧပြီ ၂၆ ရက်(စနေနေ့) ၂၄ နာရီအတွင်း အစ္စရေး စစ်တပ်တိုက်ခိုက်မှုကြောင့် ပါလက်စတိုင်းလူမျိုး အနည်းဆုံး ၄၀ ဦး သေဆုံး သွားရကြောင်း ကာတာနိုင်ငံ Al Jazeera သတင်းဌာနက ဖော်ပြ ထားသည်။ အစ္စရေး ပိတ်ဆို့ထားမှုကြားတွင် ကယ်ဆယ်ရေးအေဂျင်စီများသည်နယ်မြေအတွင်း အစားအစာငတ်မွတ်ခေါင်းပါးမှုအန္တရာယ်နှင့် ပတ်သက်၍ အလွန်အမင်း စိုးရိမ်မိကြောင်း သတင်းဌာနက အလေးပေး ပြောကြား ခဲ့သည်။ ၂၀၂၅ ခုနှစ်၊ မတ် ၁၈ ရက်တွင် အစ္စရေးစစ်တပ်သည် ဂါဇာကမ်းမြောင်ဒေသတွင် တိုက်ပွဲများ ပြန်လည်စတင်ခဲ့ပြီး ပါလက်စတိုင်းနယ်မြေကို ကြီးမားသောတိုက်ခိုက်မှုများ ပြုလုပ်ကာ ဇန်နဝါရီက သဘောတူညီထားသော အပစ်အခတ်ရပ်စဲရေးကို ချိုးဖောက်ခဲ့ပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
သဘောတူစာချုပ်အရ မြောက်ကိုရီးယားစစ်သားများ Kursk ဒေသစစ်ဆင်ရေးတွင် ပါဝင်ကူညီခဲ့ကြောင်း ရုရှားသံတမန် ထုတ်ဖော်ပြောကြား
သဘောတူစာချုပ်အရ မြောက်ကိုရီးယားစစ်သားများ Kursk ဒေသစစ်ဆင်ရေးတွင် ပါဝင်ကူညီခဲ့ကြောင်း ရုရှားသံတမန် ထုတ်ဖော်ပြောကြား
၂၀၂၄ ခုနှစ်၊ ဇွန်လတွင် ချုပ်ဆိုခဲ့သော ပြီးပြည့်စုံသော မဟာဗျူဟာမြောက် မိတ်ဖက်ဆက်ဆံရေး စာချုပ်၏ အပိုဒ် ၄ အရ Kursk ဒေသ စစ်ဆင်ရေးတွင် မြောက်ကိုရီးယားစစ်သည်များ ပါဝင်ကူညီခဲ့ကြကြောင်း ရုရှား နိုင်ငံခြားရေးဝန်ကြီးဌာန ပြောခွင့်ရ Maria Zakharova က ထုတ်ဖော်ပြောကြားလိုက်ပါသည်။ “မြောက်ကိုရီးယား မိတ်ဆွေများ၏ စည်းလုံးညီညွတ်မှုသည် မိမိတို့၏ အမှန်တကယ် မဟာမိတ်ဖြစ်ခြင်းဆိုသည်ကို ပြသလိုက်ခြင်း ဖြစ်ပါကြောင်း၊ အဆိုပါဆက်ဆံရေးသည် အနာဂတ်တွင် ဆက်လက်ပြီး ခိုင်မာ အားကောင်းလာမည်ဟု ယုံကြည်နေပါကြောင်း” သံတမန်က ပြောကြားခဲ့သည်။ရုရှားတပ်ဖွဲ့သည် Kursk ဒေသတွင် ၂၀၂၄ ခုနှစ်၊ ဩဂုတ်လ ၆ ရက်မှ စတင်၍ ပြင်းပြင်းထန်ထန် တိုက်ပွဲဆင်နွှဲခဲ့ရာ နယ်မြေရှင်းလင်းရေး အပြီးသတ်ရန် ၂၆၄ ရက် ကြာမြင့်ခဲ့ပါသည်။ ရုရှားသမ္မတက ဒေသတွင်း လွတ်မြောက်ရေးတွင် ပါဝင်ခဲ့ကြသည့် စစ်မှုထမ်းများကို ချီးကျုး ဂုဏ်ပြုခဲ့ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
ရုရှားဗိုလ်ချုပ်ကြီး လုပ်ကြံခံရမှုအတွက် ယူကရိန်းအထူး တပ်ဖွဲ့ဝင်တစ်ဦးကို FSB က ဖမ်းဆီး
ရုရှားဗိုလ်ချုပ်ကြီး လုပ်ကြံခံရမှုအတွက် ယူကရိန်းအထူး တပ်ဖွဲ့ဝင်တစ်ဦးကို FSB က ဖမ်းဆီး
ရုရှားစစ်ဦးစီးချုပ်ရုံး၏ အဓိကစစ်ဆင်ရေးဌာန ဒုတိယအကြီးအကဲ ဒုတိယ ဗိုလ်ချုပ်ကြီး Yaroslav Moskalik အား လုပ်ကြံသတ်ဖြတ်မှုအတွက် သံသယရှိသူ ယူကရိန်းအထူးတပ်ဖွဲ့၏ အေးဂျင့်တစ်ဦးကို FSB က ဧပြီ ၂၆ ရက်တွင် ဖမ်းဆီးလိုက်ပါသည်။ဖမ်းဆီးခံရသူ အမည်မှာ အိဂ်နတ် ကုဇင် ဖြစ်ပြီး ယူကရိန်း နေထိုင်ခွင့် လက်မှတ်ကိုင်ဆောင်ထားသူ ၁၉၈၃ ခုနှစ်ဖွား ယူကရိန်းအထူးတပ်ဖွဲ့၏ အေးဂျင့်တစ်ဦးဖြစ်ကြောင်း FSB ပြည်သူ့ဆက်ဆံရေးဌာနက ကြေညာထား ပါသည်။FSB ၏ စုံစမ်းမှုအရ ကုဇင်သည် ယူကရိန်းအထူးတပ်ဖွဲ့ SBU သို့မဟုတ် GUR နှင့် ဆက်စပ်နေသည်ဟု သံသယရှိကြောင်း ဖော်ပြထားပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
အိန္ဒိယ စစ်သင်္ဘောများက ပင်လယ်အတွင်းမှ ဒုံးကျည်များ ပစ်ပြကာ စစ်ပွဲအတွက် အဆင်သင့် ဖြစ်နေကြောင်းပြသ
အိန္ဒိယ စစ်သင်္ဘောများက ပင်လယ်အတွင်းမှ ဒုံးကျည်များ ပစ်ပြကာ စစ်ပွဲအတွက် အဆင်သင့် ဖြစ်နေကြောင်းပြသ
အာရေဗီယံပင်လယ်အတွင်းရှိ အိန္ဒိယစစ်သင်္ဘောများက ပင်လယ်အတွင်းမှ ဒုံးကျည်များကိုပစ်လွှတ်ပြကာ စစ်ပွဲအတွက် အဆင်သင့်ဖြစ်ပြီ ဖြစ်ကြောင်းပြသခဲ့ပါသည်။ စစ်သင်္ဘောများမှ ရေပြင်မှ ဝေဟင်ပစ်၊ ရေပြင်မှ မြေပြင်ပစ်နှင့် စစ်သင်္ဘောဖျက် ဒုံးများကို ပစ်ပြခတ်ပြခဲ့ခြင်း ဖြစ်သည်။ တာဝေးပစ်ဒုံးများပစ်လွှတ်မှုနှင့် ပတ်သက်၍ လေ့ကျင့်ခန်းများကိုလည်း လုပ်ဆောင်ခဲ့သည်။ လတ်တလော စစ်ရေးတင်းမာမှု ဖြစ်နေသည့် ပါကစ္စတန်နှင့် ပတ်သက်သော နိုင်ငံရေး အခြေအနေကို ဖိအားပေးသည့် သဘောကို ဆောင်နေပါသည်။ ရေတပ်ပြောခွင့်ရပုဂ္ဂိုလ် က “မိမိတို့ တိုက်ပွဲဝင်ရန် အဆင်သင့်ဖြစ်နေပြီး မိမိတို့၏ ရေပိုင်နက်ကို ကာကွယ်စောင့်ရှောက်ရန်အတွက် အားလုံးနီးပါး ပြင်ဆင်ထားပါကြောင်း၊ မည်သည့်အခြေအနေတွင်မဆို မိမိတို့ ရအောင် ကာကွယ်သွားမည်” ဟု ဆိုပါသည်။ကိုးကား-Myanmar National Post
Sun, 27-Apr-2025
ကနေဒါနိုင်ငံ၊ ဗန်ကူးဗားမြို့တွင် ကားဖြင့်ဝင်တိုက်မှုကြောင့် လူအများအပြားသေဆုံး
ကနေဒါနိုင်ငံ၊ ဗန်ကူးဗားမြို့တွင် ကားဖြင့်ဝင်တိုက်မှုကြောင့် လူအများအပြားသေဆုံး
ကနေဒါနိုင်ငံ ဗန်ကူးဗားမြို့ရှိ Lapu Lapu လမ်းပေါ်၌ စည်ကားသိုက်မြိုက်စွာကျင်းပသည့် ဖိလစ်ပိုင်ယဉ်ကျေးမှုပွဲတော်တွင် ကားတစ်စီး ဝင်တိုက်မှုကြောင့် လူအများသေဆုံးပြီး ဒဏ်ရာရရှိသူများရှိကြောင်း ရဲတပ်ဖွဲ့မှ ထုတ်ပြန်ခဲ့သည်။ဒေသစံတော်ချိန် ဧပြီ ၂၆ ရက် (စနေနေ့) ညပိုင်းက East 41st Avenue နှင့် Fraser Street အနီးတွင် ဖြစ်ပွားခဲ့သည့် အဆိုပါဖြစ်စဉ်တွင် လမ်းသွားပြည်သူများ ဒဏ်ရာရရှိခဲ့ကြောင်း ရဲတပ်ဖွဲ့မှ X (တွစ်တာ) တွင် ထုတ်ပြန်ချက် ထုတ်ပြန်ခဲ့သည်။ ကားမောင်းသူကို ဖမ်းဆီးထိန်းသိမ်းထားပြီ ဖြစ်ကြောင်း ထုတ်ပြန်ချက်တွင် ဖော်ပြထားသည်။ဒေသခံမီဒီယာများအရ သေဆုံးသူနှင့် ဒဏ်ရာရရှိသူများမှာ ဖိလစ်ပိုင် ယဉ်ကျေးမှုကို ဂုဏ်ပြုသည့် နှစ်စဉ်ကျင်းပလေ့ရှိသော Lapu Lapu ပွဲတော်တွင် ပါဝင်ဆင်နွှဲသူများဖြစ်ကြောင်း သိရသည်။ကိုးကား-RTPhoto: Yahooဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sun, 27-Apr-2025
© Copyright 2024 SAC All Rights Reserved.