ငလျင်ဘေးသင့်ခဲ့သည့် အင်းလေးတွင် ယင်လုံအိမ်သာ အခက်အခဲဖြစ်နေ

saceditor

News Image

  • ငလျင်ဘေးသင့်ခဲ့သည့် အင်းလေးတွင် ယင်လုံအိမ်သာ အခက်အခဲ ဖြစ်နေ

ငလျင်ဘေးသင့်ခဲ့သည့် ရှမ်းပြည်နယ်တောင်ပိုင်း၊ အင်းလေးဒေသတွင် ယင်လုံအိမ်သာ လိုအပ်ချက် အခက်အခဲဖြစ်ပေါ်နေကြောင်း သိရသည်။

ထိုအခက်အခဲကြောင့် ဒေသခံများအတွက် ကျန်းမာရေးဆိုင်ရာပြဿနာများ ဖြစ်ပွားလာနိုင်ကြောင်းလည်း ကူညီကယ်ဆယ်ရေး လုပ်ဆောင်ပေးနေသူများက ပြောသည်။

ငလျင်ကြောင့် အိမ်ပျက်စီးရာတွင် ယင်လုံအိမ်သာများပါ ပျက်စီးသွားခြင်းကြောင့် လက်ရှိ၌ ကူညီကယ်ဆယ်ရေး လုပ်ဆောင်ပေးနေသူများက ယင်လုံအိမ်သာများကို ယာယီဆောက်လုပ်ပေးနေကြဆဲဖြစ်သည်။

သို့သော် ငလျင်ဘေးသင့်ပြည်သူ များပြားနေသည့်အတွက် လုံလောက်မှုမရှိသေးကာ မိုးတွင်းမတိုင်မီ တည်ဆောက်နိုင်ရန် အင်းလေးဒေသခံများက ကြိုးစားနေကြသည်။

“အလုပ်သမားကလည်း ရှားနေတယ်။ အလုပ်သမားခေါ်မရတာကလည်း တစ်ဒုက္ခဖြစ်နေတာ၊ အိမ်ဆောက်ပစ္စည်းတချို့ လိုအပ်မှုအများကြီးရှိနေသေးတယ်” ဟု ကူညီလုပ်ဆောင်ပေးနေသူတစ်ဦးကလည်း ဆိုထားသည်။

ပြီးခဲ့သည့် မတ် (၂၈)ရက်က လှုပ်ခတ်ခဲ့သည့် မန္တလေး ငလျင်ကြီးကြောင့် အင်းလေးဒေသရှိ ရွာပေါင်း (၂၈)ရွာတွင် ထိခိုက်ပျက်စီးမှုများရှိခဲ့ပြီး ဒေသခံ (၂၀၀)ကျော် ‌သေဆုံးခဲ့ရသည်။

Source: Popular Myanmar

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီး နှင့် ပြည်နယ် ခြောက် ခုတို့တွင် ဧပြီ ၂၉ ရက်ထိ သေဆုံးသူ ၃၇၉၈ ဦး၊ ထိခိုက်ဒဏ်ရာရရှိသူ ၅၁၀၆ ဦးနှင့် ပျောက်ဆုံးသူ ၁၀၆ ဦး ရှိ
ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီး နှင့် ပြည်နယ် ခြောက် ခုတို့တွင် ဧပြီ ၂၉ ရက်ထိ သေဆုံးသူ ၃၇၉၈ ဦး၊ ထိခိုက်ဒဏ်ရာရရှိသူ ၅၁၀၆ ဦးနှင့် ပျောက်ဆုံးသူ ၁၀၆ ဦး ရှိ
■ ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီး နှင့် ပြည်နယ်  ခြောက်ခုတို့တွင် ဧပြီ ၂၉ ရက်ထိ သေဆုံးသူ ၃၇၉၈ ဦး၊ ထိခိုက်ဒဏ်ရာရရှိသူ ၅၁၀၆ ဦးနှင့် ပျောက်ဆုံးသူ ၁၀၆ ဦး ရှိ■ အဆောက်အဦများအတွင်း ပိတ်မိနေသူများအား ရှာဖွေကယ်ဆယ်ခဲ့ရာ ယနေ့အထိ အသက်ရှင်သူ ၆၅၃ ဦး ရှာဖွေကယ်ဆယ်ပေးနိုင်ခဲ့ပြီး သေဆုံးသူ ၇၇၈ ဦး ရှာဖွေပေးနိုင်ခဲ့မြန်မာနိုင်ငံတွင် မတ် ၂၈ ရက်က လှုပ်ခတ်ခဲ့သော အင်အားအလွန်ပြင်းထန်သည့် ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီး/ပြည်နယ် (၆) ခုတို့တွင် ယနေ့(ဧပြီ ၂၉ ရက်)အထိ  သေဆုံးသူ ၃၇၉၈ ဦး၊ ထိခိုက်ဒဏ်ရာရရှိသူ ၅၁၀၆ ဦးနှင့် ပျောက်ဆုံးသူ ၁၀၆ ဦး ရှိကြောင်း သိရသည်။မြန်မာနိုင်ငံမီးသတ်တပ်ဖွဲ့ နှင့် ပြည်တွင်းပြည်ပမှ ရှာဖွေကယ်ဆယ်ရေးအဖွဲ့ ဝင်များသည် လိုအပ်သည့်ဒေသများသို့ အချိန်နှင့် တစ်ပြေးညီ ရှာဖွေကယ်ဆယ်ရေးလုပ်ငန်းများ ဆောင်ရွက်ပေးလျက်ရှိပြီး အဆောက်အဦများအတွင်း ပိတ်မိနေသူများအား ရှာဖွေကယ်ဆယ်ခဲ့ရာ ယနေ့ အထိ အသက်ရှင်သူ ၆၅၃ ဦးကို ရှာဖွေကယ်ဆယ်ပေးနိုင်ခဲ့ပြီး သေဆုံးသူ ၇၇၈ ဦး အား ရှာဖွေပေးနိုင်ခဲ့ကြောင်း သိရသည်။ဘေးသင့်ပြည်သူများသို့ ပြည်တွင်းစေတနာရှင်အလှူရှင်များက ငွေနှင့် အလှူပစ္စည်းများ ထောက်ပံ့လှူဒါန်းလျက်ရှိသကဲ့သို့ ပြည်ပနိုင်ငံများ၊ အဖွဲ့အစည်းများ၊ စေတနာရှင်အလှူရှင်များ က ငွေနှင့် အလှူပစ္စည်းများ ထောက်ပံ့လှူဒါန်းပေးလျက်ရှိရာ ရန်ကုန်အပြည်ပြည်ဆိုင်ရာ လေဆိပ်သို့ ဧပြီ ၂၈ ရက် ည ၇ နာရီမှ ဧပြီ ၂၉ ရက် ညနေ ၅ နာရီအတွင်း မလေးရှားနိုင်ငံ အခြေစိုက် Fo Guang Shani Bussha's Light International Association Yayasan Sin Chew အဖွဲ့ အစည်းများကထောက်ပံ့ပေးသည့် တဘက်၊ သွားတိုက်ဆေး၊ သွားတိုက်တံ၊ စောင်၊ ခြင်ထောင်၊ အိပ်ယာ၊ ဆိုလာမီးအိမ်၊ ရွက်ဖျင်တဲ (၃ ဒသမ ၉၁၈) တန်၊ တရုတ်-မြန်မာစီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးမြှင့်တင်ရေးအသင်းက ထောက်ပံ့ပေးသည့် ဆေးဝါး (၂ ဒသမ ၁၈၅) တန်၊ Buddhist Tzu Chi Charity Foundation ကထောက်ပံ့ပေးသည့် ခြင်ထောင်၊ အိပ်ယာ (၅ ဒသမ ၅၄၇) တန်၊ Serum Institute of India Pvt Ltd မှပေးပို့သည့် Tetanus Diphtheria (TD) ကာကွယ်ဆေး နှင့် Meases Rubella ကာကွယ်ဆေးများ၊ (၀ ဒသမ ၄၉) တန်၊ ကိုးရီးယားအပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ (KOICA) က ထောက်ပံ့ ပေးသည့် ရွက်ဖျင်တဲများထည့်ထားသော သစ်သားပုံး (၁၀) ပုံး၊ (၇ ဒသမ ၆၃၆) တန်နှင့် ရွက်ဖျင်တဲများ (၂ ဒသမ ၃၄၉) တန် အသီးသီး ရောက်ရှိခဲ့ကြောင်း သိရသည်။ထောက်ပံ့ရေးပစ္စည်းများကိုလည်း ဘေးသင့်ပြည်သူများ လက်ဝယ်အရောက် အမြန်ဆုံး ခွဲဝေထောက်ပံ့လျက်ရှိပါကြောင်း သိရသည်။Source: Eleven Media
Wed, 30-Apr-2025
နိုင်ငံကူးလက်မှတ် လျှောက်ထားမှု မေလ (၁) ရက်နေ့တွင် ပြန်ဖွင့်မည်
နိုင်ငံကူးလက်မှတ် လျှောက်ထားမှု မေလ (၁) ရက်နေ့တွင် ပြန်ဖွင့်မည်
ငလျင်ဘေးဒဏ်ကြောင့် ယာယီရပ်နားထားသည့် နိုင်ငံကူးလက်မှတ် အွန်လိုင်းမှ လျှောက်ထားမှုကို မေ(၁)တွင် ပြန်ဖွင့်ပေးမည် ဖြစ်ကြောင်း သိရသည်။ထို့ကြောင့် မေလ (၁)ရက်တွင် အွန်လိုင်းစနစ်ဖြင့် QR Code ရယူနိုင်တော့မည်လည်း ဖြစ်သည်။ယခင်က QR Code တင်ထားသူများသည် လာမည့် ဇွန်လထိ ရက်ချိန်းရှိသည့်အတွက် ယင်းရက်ချိန်းထိ ရယူထားသူများကို နိုင်ငံကူးလက်မှတ် ပုံမှန်အတိုင်း ထုတ်ပေးနေပြီး ကျန်းမာရေး/ပညာရေးကိစ္စနှင့် အရေးပေါ် နိုင်ငံကူးလက်မှတ်လျှောက်ထားမှုများကို Green Channel ဖြင့် ဆောင်ရွက်ပေးနေကြောင်းလည်း သိရသည်။ထို့ပြင် ရန်ကုန်၊ မြစ်ကြီးနားနှင့် လားရှိုးမြို့ရှိ မြန်မာနိုင်ငံကူးလက်မှတ်ထုတ်ပေးရေးရုံးများ၌ နိုင်ငံကူးလက်မှတ်ဆောင်ရွက်ရန် Online Appointment Date ရရှိထားသူများသည်လည်း ဆောလျင်စွာ ဆောင်ရွက်နိုင်ရေး Appointment Date များကို ပြင်ဆင်ထားသည့်အတွက် ပြန်လည်စိစစ်နိုင်ရေး အသိပေးထားပြီး ပြောင်းလဲ ပြင်ဆင်ထားသည့်ရက်များ၌ သက်ဆိုင်ရာ ရုံးများအလိုက် နိုင်ငံကူးလက်မှတ် သွားရောက်ပြုလုပ်နိုင်ပြီ ဖြစ်ကြောင်းလည်း ဆိုသည်။မတ်(၂၈) ရက်က လှုပ်ခတ်ခဲ့သည့် ငလျင်ကြီးကြောင့် ဆက်သွယ်ရေးတာဝါတိုင်များ ပျက်စီးခဲ့ရပြီး Online Appointment System နှင့် နိုင်ငံကူးလက်မှတ် လျှောက်ထားခြင်းကို တစ်လနီးပါးကြာ ယာယီရပ်နားခဲ့ရခြင်းလည်း ဖြစ်သည်။Source: Popular Myanmar
Wed, 30-Apr-2025
တစ်နာရီလျှင် (၃၅)မိုင်ခန့်အထိရှိသော မိုးသက်လေပြင်းများတိုက်ခတ်နိုင်၍ သတိပြုနေထိုင်ကြရန်သတိပေး
တစ်နာရီလျှင် (၃၅)မိုင်ခန့်အထိရှိသော မိုးသက်လေပြင်းများတိုက်ခတ်နိုင်၍ သတိပြုနေထိုင်ကြရန်သတိပေး
တစ်နာရီလျှင် (၃၅)မိုင်ခန့်အထိရှိသော မိုးသက်လေပြင်းများတိုက်ခတ်နိုင်၍ သတိပြုနေထိုင်ကြရန် မိုးလေဝသမြန်မာ(ရန်ကုန်ဌာနခွဲ)မှ ယနေ့ ဧပြီ ၂၉ ရက်က မိုးသက်လေပြင်းအန္တရာယ်သတိပေးချက်အဖြစ် သတိပေးထုတ်ပြန်ခဲ့ကြောင်း သိရသည်။မိုးလေဝသမြန်မာ(ရန်ကုန်ဌာနခွဲ)၏ သတိပေးချက်အရ ယနေ့ ဧပြီ ၂၉ ရက်ယခုအချိန်မှစ၍ မေ ၄ ရက်အတွင်း အရှေ့ဘက်မှလာသော လေပွေလှိုင်းများနှင့် အနောက်နှင့်မြောက်ဘက်မှလာသော လေပွေလှိုင်းများကြောင့် ရန်ကုန်တိုင်း၊ နေပြည်တော်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူး တိုင်း၊ ဧရာဝတီတိုင်း၊ ချင်းပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ချိန်ခါမဟုတ် မိုးထစ်ချုန်းရွာသွန်းပြီး ဒေသအလိုက် မိုးကြီးခြင်း၊ နေရာကွက်၍ မိုးကြီးခြင်း၊ လျှပ်စီးလက်ခြင်း၊ မိုးခြိမ်းခြင်း၊ မိုးသီးကြွေခြင်း၊ မိုးကြိုးပစ်ခြင်းနှင့် မိုးသက်လေပြင်းတိုက်ခတ်ခြင်းတို့ဖြစ်ပေါ်နိုင်ကြောင်း သိရသည်။မိုးသက်လေပြင်းတိုက်ခတ်စဥ် မြေပြင်လေသည် တစ်နာရီလျှင် မိုင်(၃၀)မှ (၃၅)မိုင်ခန့်၊ တစ်ခါတစ်ရံ မိုင်(၄၀)ခန့်အထိတိုက်ခတ်နိုင်၍ မိုးသက်လေပြင်းအန္တရာယ်အားသတိပြုနေထိုင်ကြရန် သတိပေးခဲ့ကြောင်း သိရသည်။ထို့ပြင် ယနေ့ ဧပြီ ၂၉ ရက်တွင် နေပြည်တော်၊ စစ်ကိုင်းတိုင်း၊ မန္တလေးတိုင်းနှင့် ကချင်ပြည်နယ် (အောက်ပိုင်း)တို့တွင် တိမ်ထူထပ်နေပြီး ဧရာဝတီတိုင်းတွင် နေရာစိပ်စိပ်၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ တနင်္သာရီတိုင်း၊ ရှမ်းပြည်နယ် (မြောက်ပိုင်း)၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲ၊ ကျန်တိုင်းနှင့်ပြည်နယ်များတွင် နေရာကွက်ကျားမိုးထစ်ချုန်းရွာသွန်းလျက်ရှိသည်ဟုလည်း အသိပေးထုတ်ပြန်ခဲ့သည်။Source: Popular Myanmar
Wed, 30-Apr-2025
ငလျင်ဘေးသင့်ခဲ့သည့် အင်းလေးတွင် ယင်လုံအိမ်သာ အခက်အခဲ ဖြစ်နေ
ငလျင်ဘေးသင့်ခဲ့သည့် အင်းလေးတွင် ယင်လုံအိမ်သာ အခက်အခဲဖြစ်နေ
ငလျင်ဘေးသင့်ခဲ့သည့် ရှမ်းပြည်နယ်တောင်ပိုင်း၊ အင်းလေးဒေသတွင် ယင်လုံအိမ်သာ လိုအပ်ချက် အခက်အခဲဖြစ်ပေါ်နေကြောင်း သိရသည်။ထိုအခက်အခဲကြောင့် ဒေသခံများအတွက် ကျန်းမာရေးဆိုင်ရာပြဿနာများ ဖြစ်ပွားလာနိုင်ကြောင်းလည်း ကူညီကယ်ဆယ်ရေး လုပ်ဆောင်ပေးနေသူများက ပြောသည်။ငလျင်ကြောင့် အိမ်ပျက်စီးရာတွင် ယင်လုံအိမ်သာများပါ ပျက်စီးသွားခြင်းကြောင့် လက်ရှိ၌ ကူညီကယ်ဆယ်ရေး လုပ်ဆောင်ပေးနေသူများက ယင်လုံအိမ်သာများကို ယာယီဆောက်လုပ်ပေးနေကြဆဲဖြစ်သည်။သို့သော် ငလျင်ဘေးသင့်ပြည်သူ များပြားနေသည့်အတွက် လုံလောက်မှုမရှိသေးကာ မိုးတွင်းမတိုင်မီ တည်ဆောက်နိုင်ရန် အင်းလေးဒေသခံများက ကြိုးစားနေကြသည်။“အလုပ်သမားကလည်း ရှားနေတယ်။ အလုပ်သမားခေါ်မရတာကလည်း တစ်ဒုက္ခဖြစ်နေတာ၊ အိမ်ဆောက်ပစ္စည်းတချို့ လိုအပ်မှုအများကြီးရှိနေသေးတယ်” ဟု ကူညီလုပ်ဆောင်ပေးနေသူတစ်ဦးကလည်း ဆိုထားသည်။ပြီးခဲ့သည့် မတ် (၂၈)ရက်က လှုပ်ခတ်ခဲ့သည့် မန္တလေး ငလျင်ကြီးကြောင့် အင်းလေးဒေသရှိ ရွာပေါင်း (၂၈)ရွာတွင် ထိခိုက်ပျက်စီးမှုများရှိခဲ့ပြီး ဒေသခံ (၂၀၀)ကျော် ‌သေဆုံးခဲ့ရသည်။Source: Popular Myanmar
Tue, 29-Apr-2025
မေလမှ စတင်ကာ အနောက်တောင်မုတ်သုံလေ စတင်ဝင်ရောက်မည်
မေလမှ စတင်ကာ အနောက်တောင်မုတ်သုံလေ စတင်ဝင်ရောက်မည်
၂၀၂၅ ခုနှစ်၊ မိုးဦးကာလသည် မေလ (၁၆)ရက်မှ စတင်ကာ အနောက်တောင်မုတ်သုံလေ စတင်ဝင်ရောက်မည်ဖြစ်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနက ခန့်မှန်းထားသည်။၂၀၂၅ ခုနှစ်၊ မိုးဦးကာလသည် မြန်မာနိုင်ငံအတွင်းသို့ အနောက်တောင် မုတ်သုံလေ စတင်ဝင်ရောက်သည့်နေ့မှ ဇွန်လကုန်အထိ ဖြစ်သည်။အနောက်တောင်မုတ်သုံလေသည် မေလ (၁၆) ရက်မှ (၂၀) ရက်အတွင်း မြန်မာနိုင်ငံတောင်ပိုင်းဒေသများ၊ မေလ (၂၁) ရက်မှ (၂၅) ရက်အတွင်း မြစ်ဝကျွန်းပေါ်ဒေသများ၊ မေလ (၂၆) ရက်မှ (၃၁) ရက်အတွင်း မြန်မာနိုင်ငံ အလယ်ပိုင်းဒေသများနှင့် ဇွန်လ (၁) ရက်မှ (၅) ရက်အတွင်း မြန်မာနိုင်ငံမြောက်ပိုင်းဒေသများ သို့ဝင်ရောက်မည်ဖြစ်ကြောင်း သိရသည်။ထို့ပြင် ဘင်္ဂလားပင်လယ်အော်တွင် လေဖိအားနည်းရပ်၀န်း (၃) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်မည့်အပြင် ယင်းကာလအတွင်း အနောက်တောင် မုတ်သုံလေသည် အားအသင့်အတင့်မှ အားကောင်းနိုင်ကြောင်း အသိပေးထားသည်။မိုးရွာသွန်းမှု အခြေအနေဖြင့် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ မွန်ပြည်နယ်နှင့် ရခိုင်ပြည်နယ်တို့တွင် ရွာသွန်းမြဲထက်ပိုနိုင်ပြီး၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယား ပြည်နယ်၊ ကရင်ပြည်နယ်၊ ချင်းပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း သိရသည်။မိုးဦးကာလ မေလနှင့် ဇွန်လတို့တွင် ဧရာဝတီမြစ်၊ ချင်းတွင်းမြစ်၊ ဒုဋ္ဌဝတီမြစ်၊ မြစ်သာမြစ်၊ စစ်တောင်းမြစ်၊ ရွှေကျင်မြစ်၊ ပဲခူးမြစ်၊ သံလွင်မြစ်၊ သောင်ရင်းမြစ်၊ ငဝန်မြစ်၊ တိုးမြစ်နှင့် ဘီးလင်းမြစ်တို့တစ်လျှောက်ရှိ မြို့များတွင် မြစ်ရေများသည် လက်ရှိရေမှတ်များအထက် မြင့်တက်လာနိုင်သော်လည်း ယင်းမြို့များ၏ စိုးရိမ်ရေမှတ်အသီးသီးသို့ ရောက်နိုင်ဖွယ်မရှိကြောင်း ဖော်ပြထားသည်။Source: Popular Myanmar
Tue, 29-Apr-2025
ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီက မန္တလေးငလျင်ကြီး လှုပ်ခတ်မှုကြောင့် ပျံလွန်၊ ကွယ်လွန်ခဲ့ကြရသည့် ရဟန်း၊ ရှင်၊ လူ ပြည်သူများအားရည်စူး၍ တစ်လပြည့် နေ့ဆွမ်းဆက်ကပ်လှူဒါန်းပွဲ ကျင်းပ
ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီက မန္တလေးငလျင်ကြီး လှုပ်ခတ်မှုကြောင့် ပျံလွန်၊ ကွယ်လွန်ခဲ့ကြရသည့် ရဟန်း၊ ရှင်၊ လူ ပြည်သူများအားရည်စူး၍ တစ်လပြည့် နေ့ဆွမ်းဆက်ကပ်လှူဒါန်းပွဲ ကျင်းပ
နေပြည်တော် ဧပြီ ၂၈ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီက မန္တလေးငလျင်ကြီးလှုပ်ခတ်ခဲ့မှုကြောင့် ပျံလွန်၊ ကွယ်လွန်ခဲ့ကြရသည့် ရဟန်း၊ ရှင်၊ လူ ပြည်သူများအားရည်စူး၍ တစ်လပြည့် နေ့ဆွမ်းဆက်ကပ်လှူဒါန်းပွဲကို ယနေ့နံနက်ပိုင်းတွင် ပြည်ထောင်စုနယ်မြေ နေပြည်တော်၌ ကျင်းပပြုလုပ်သည်။အခမ်းအနားသို့ နေပြည်တော်၊ လယ်ဝေးမြို့၊ ပေါက်မြိုင်ကျောင်းတိုက် ပဓာနနာယက အဘိဓဇမဟာရဋ္ဌဂုရု ဘဒ္ဒန္တဇနိန္ဒ၊ နိုင်ငံတော်ဩဝါဒါစရိယ၊ တပ်ကုန်းမြို့ မဟာသီဟနာဒကျောင်းတိုက် ဆရာတော် အဘိဓဇမဟာရဋ္ဌဂုရု ဘဒ္ဒန္တအာစိဏ္ဏတို့အမှူးပြုသော ဆရာတော်ကြီးများ ကြွရောက်ချီးမြှင့်တော်မူကြပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်နှင့်ဇနီး ဒေါ်ကြူကြူလှ၊ ကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်၊ ကောင်စီအတွင်းရေးမှူးနှင့်ဇနီး၊ တွဲဖက်အတွင်းရေးမှူးနှင့်ဇနီး၊ ကောင်စီဝင်များ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများနှင့်ဇနီးများ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့်ဇနီးများ၊ ဒုတိယဝန်ကြီးများနှင့် တာဝန်ရှိသူများ တက်ရောက်ကြသည်။မှတ်တမ်းရုပ်သံဗီဒီယိုကြည့်ရှုဦးစွာ မန္တလေးငလျင်ကြီး လှုပ်ခတ်ခဲ့မှုကြောင့် ထိခိုက်ပျက်စီးခဲ့မှုအခြေအနေများ၊ ကူညီကယ်ဆယ်ရေးလုပ်ငန်းများကို ပြည်တွင်းမှ ကူညီကယ်ဆယ်ရေးအဖွဲ့များ၊ နိုင်ငံတကာမှရောက်ရှိလာသည့် ကူညီကယ်ဆယ်ရေးအဖွဲ့များ အတူတကွပူးပေါင်း၍ အင်တိုက်အားတိုက်ဆောင်ရွက်ခဲ့မှုအခြေအနေများနှင့် ပြန်လည်ထူထောင်ရေးလုပ်ငန်းများကို စနစ်တကျဖြင့် ဦးစားပေးအဆင့်အလိုက် ဆက်လက်ဆောင်ရွက်နေမှုအခြေအနေများကို တင်ဆက်ထားသည့် မှတ်တမ်းရုပ်သံဗီဒီယိုအား ကြည့်ရှုကြသည်။ထို့နောက် မန္တလေးငလျင်ကြီးလှုပ်ခတ်မှုကြောင့် ပျံလွန်၊ ကွယ်လွန်ခဲ့ကြရသည့် ရဟန်း၊ ရှင်၊ လူ ပြည်သူများအားရည်စူး၍ တစ်လပြည့် နေ့ဆွမ်းဆက်ကပ်လှူဒါန်းပွဲကို “နမောတဿ” သုံးကြိမ်ရွတ်ဆိုဘုရားကန်တော့၍ ဖွင့်လှစ်ကြပြီး မဟာသီဟနာဒကျောင်းတိုက်ဆရာတော်ကြီးထံမှ ငါးပါးသီလခံယူဆောက်တည်ကြသည်။နာယူကြည်ညိုယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်ဇနီး၊ အခမ်းအနားတက်ရောက်လာကြသူများသည် ဆရာတော်၊ သံဃာတော်များ ရွတ်ပွားချီးမြှင့်တော်မူကြသည့် မေတ္တသုတ်ပရိတ်တရားတော်များကို နာယူကြည်ညိုကြသည်။ဆက်လက်၍ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်ဇနီးတို့က ပေါက်မြိုင်ဆရာတော်ကြီးထံ လှူဖွယ်ပစ္စည်းများ ဆက်ကပ်လှူဒါန်းသည်။ဆက်ကပ်လှူဒါန်းယင်းနောက် ကောင်စီဒုတိယဥက္ကဋ္ဌ ဒုတိယဝန်ကြီးချုပ်နှင့်ဇနီးတို့က မဟာသီဟနာဒဆရာတော်ကြီးထံလည်းကောင်း၊ ကောင်စီအတွင်းရေးမှူးနှင့်ဇနီး၊ တွဲဖက်အတွင်းရေးမှူးနှင့်ဇနီး၊ ကောင်စီဝင်များနှင့်ဇနီးများက ဆရာတော်၊ သံဃာတော်များထံလည်းကောင်း လှူဖွယ်ပစ္စည်းများကို ဆက်ကပ်လှူဒါန်းကြသည်။အမျှပေးဝေထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်ဇနီး၊ အခမ်းအနားတက်ရောက်လာကြသူများသည် ပါဠိတက္ကသိုလ် မင်္ဂလာဇေယျုံ ကျောင်းတိုက်ဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇဘဒ္ဒန္တ ဝိမလဗုဒ္ဓိထံမှ တရားတော်များနာကြား၍ မန္တလေးငလျင်ကြီးလှုပ်ခတ်မှုကြောင့် ပျံလွန်၊ ကွယ်လွန်ခဲ့ကြရသည့် ရဟန်း၊ ရှင်၊ လူ ပြည်သူများအားရည်စူးပြီး ရေစက်သွန်းလောင်းအမျှပေးဝေကြသည်။ယင်းနောက်အခမ်းအနားကို “ဗုဒ္ဓသာသနံ စိရံတိဋ္ဌတု” သုံးကြိမ်ရွတ်ဆို ဆုတောင်း၍ ရုပ်သိမ်းခဲ့သည်။ဆက်လက်၍ အခမ်းအနားအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်ဇနီး၊ ဒုတိယဝန်ကြီးချုပ်နှင့်ဇနီးနှင့် အခမ်းအနားတက်ရောက်လာကြသူများသည် ဆရာတော်ကြီးများအား နေ့ဆွမ်းဆက်ကပ်လှူဒါန်းခဲ့ကြကြောင်း သတင်းရရှိသည်။Source: MOI
Tue, 29-Apr-2025
© Copyright 2024 SAC All Rights Reserved.