ဂျပန်နိုင်ငံဗဟိုဘဏ်က ဘဏ်တိုးနှုန်းများကို ၀.၅ ရာခိုင်နှုန်းခန့်သာ မပြောင်းလဲဘဲထားရှိရန် ဆုံးဖြတ်

saceditor

News Image

  • ဂျပန်နိုင်ငံဗဟိုဘဏ်က ဘဏ်တိုးနှုန်းများကို ၀.၅ ရာခိုင်နှုန်းခန့်သာ မပြောင်းလဲဘဲထားရှိရန် ဆုံးဖြတ်

ဂျပန်နိုင်ငံဗဟိုဘဏ်သည် ကာလတိုအပ်နှံခြင်းအတွက် အခြေခံဘဏ်တိုးနှုန်းများကို ၀.၅ ရာခိုင်နှုန်းခန့်သာ မပြောင်းလဲဘဲထားရှိမည်ဖြစ်ကြောင်း ဇွန်လ ၁၇ ရက်တွင်ပြီးဆုံးခဲ့သည့် ၂ ရက်ကြာမူဝါဒဆိုင်ရာ အစည်းအဝေး အပြီးတွင် ကြေညာချက် ထုတ်ပြန်ခဲ့သည်။

အမေရိကန်သမ္မတဒေါ်နယ်ထရမ့်၏ ကုန်သွယ်ခွန်တိုးမြင့်ကောက်ခံခြင်းသည် ဂျပန်နိုင်ငံ၏ စီးပွားရေးအပေါ် သက်ရောက်မှုရှိ/မရှိ မသေချာမရေရာမှုများကြားတွင် ဂျပန်ဗဟိုဘဏ်က ယခုကဲ့သို့ ဆုံးဖြတ်ချက်ကို ချမှတ်ခဲ့ခြင်းဖြစ်သည်။

ထို့အပြင် ဂျပန်ဗဟိုဘဏ်က လစဉ် အစိုးရ၏ငွေတိုက်စာချုပ်များ ဝယ်ယူမှုကို လျှော့ချမည့်အစီအစဉ်ကိုလည်း ဆုံးဖြတ်ခဲ့သည်။

လက်ရှိတွင် ၃ လပတ်တစ်ခုအတွင်း ငွေတိုက်စာချုပ်ဝယ်ယူမှုကို ယန်းငွေ ဘီလီယံ ၄၀၀ ခန့် (အမေရိကန် ဒေါ်လာ ၂.၇ ဘီလီယံခန့်) ရှိရာမှ ၂၀၂၆ ခုနှစ်၊ ဧပြီလမှစ၍ ၃ လပတ်တစ်ခုလျှင် ယန်းငွေ ဘီလီယံ ၂၀၀ ခန့် (အမေရိကန်ဒေါ်လာ ၁.၃ ဘီလီယံခန့်) အထိ လျှော့ချသွားရန် ရည်ရွယ်ထားရှိကြောင်း NHK သတင်း စာမျက်နှာတွင် ရေးသားဖော်ပြထားပါသည်။

ကိုးကား - NHK

အလွတ်သဘောဘာသာပြန်သူ-ဦးထက်ထက်အောင်၊ နစက- ၄

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

weather forecast , weather forecast
အထူးမိုးလေဝသသတင်း (၂၀၂၅ ခုနှစ်၊ ဇွန်လ ၂၁ ရက်နေ့၊ မြန်မာစံတော်ချိန် ၁၉:၀၀ နာရီအချိန် ထုတ်ပြန်ချက်)
၁။        ယနေ့မြန်မာစံတော်ချိန် ၁၇:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေအားကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညမှ ၂၅-၆-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာ ကွက်၍ မိုးကြီးမည်။ မြန်မာ့ကမ်းရိုးတန်းတစ် လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေ သည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ၁၀ ပေမှ ၁၂ ပေခန့် ရှိနိုင်ပါသည်။”အကြုံပြုချက်၂။       သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။မိုးဇလ
Sat, 21-Jun-2025
ပျော်ဘွယ်မြို့နယ်တွင် တရားမဝင်သယ်ဆောင်ရောင်းဝယ်သည့် ဓာတုပစ္စည်း Glacial Acetic Acid ၂၅၅၀၀ လီတာ ဖမ်းဆီးရမိ
ပျော်ဘွယ်မြို့နယ်တွင် တရားမဝင်သယ်ဆောင်ရောင်းဝယ်သည့် ဓာတုပစ္စည်း Glacial Acetic Acid ၂၅၅၀၀ လီတာ ဖမ်းဆီးရမိ
နေပြည်တော် ဇွန် ၂၀မန္တလေးတိုင်းဒေသကြီး၊ ပျော်ဘွယ်မြို့နယ်၊ သပြေရိုးကျေးရွာ၌ အထောက်အထားမဲ့ သိုလှောင်ထားသည့် Glacial Acetic Acid ၃၀ လီတာစီပါ ပလတ်စတစ်ပုံး ၈၅ဝ ပုံးနှင့် အဆိုပါတရားမဝင်ပစ္စည်းများနှင့် ပါဝင်ပတ်သက်သူ ၅ ဦးတို့ကို ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ထံမှ သိရှိရသည်။မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇွန် ၈ ရက် ညနေ ၆ နာရီ ၃၀ မိနစ်ခန့်တွင် ပျော်ဘွယ်မြို့နယ်၊ သပြေရိုးကျေးရွာ၌ စိုးသက်ပိုင်အား အထောက်ထားမဲ့သိုလှောင်ထားသည့် Glacial Acetic Acid ၃၀ လီတာစီပါ ပလတ်စတစ်ပုံး ၈၅ဝ ပုံးနှင့်အတူ ဖမ်းဆီးရမိခဲ့ခြင်းဖြစ်ပြီး စစ်ဆေးဖော်ထုတ်ချက်အရ အဆိုပါဓာတုပစ္စည်းများကို သိမ်းဆည်းရန် အခကြေးငွေပေး၍ စေခိုင်းသူဇော်လင်းဦးအား ဇွန်လ ၁၀ ရက်နေ့ ညနေ ၄ နာရီ ၃၀ မိနစ်တွင် ပုဗ္ဗသီရိမြို့နယ်၊ ဝဏ္ဏဒီပရပ်ကွက်၊  စွယ်တော်လမ်းရှိ ၎င်း၏နေအိမ်၌ လည်းကောင်း၊ ဓာတုပစ္စည်းများအား ရန်ကုန်မှပျော်ဘွယ်သို့ တာဝန်ခံသယ်ဆောင်သူ ကျော်မြင့်ဦး (ခ)ဖိုးကျော်(ခ)ဖြိုးကျော်အား ဇွန် ၁၂ ရက်နေ့ ည ၁၀ နာရီ ၃၀ မိနစ်ခန့်တွင် ဒလမြို့ရှိနေအိမ်၌ လည်းကောင်း၊ ဓာတုပစ္စည်းများအား တရားမဝင် တင်ပို့ပေးသူအောင်အောင်ဦး (ခ)ကိုခန့်အား ဇွန် ၁၄ ရက် နံနက် ၆ နာရီခန့်တွင် တာမွေမြို့နယ်၊ ၁၅၂ လမ်းရှိ နေအိမ်၌လည်းကောင်း၊ ဓာတုပစ္စည်းများအား တရားမဝင်ရောင်းချခဲ့သူ နေအောင်လှိုင်သိန်း(ခ)နေအောင်အား နံနက် ၁၀ နာရီ ၃၀ မိနစ်ခန့်တွင် အင်းစိန်မြို့နယ်၊ ရွာမအနောက်ရပ်ကွက်၊ ဖန်ချက်စက်လမ်းရှိ နေအိမ်၌လည်းကောင်း အသီးသီး ဖမ်းဆီးရမိခဲ့ကြောင်း သိရှိရသည်။အဆိုပါဓာတုပစ္စည်းများကို မူးယစ်ဆေးဝါးနှင့် စိတ်ပြောင်းဆေးဝါးများထုတ်လုပ်ရာတွင် အသုံးပြုရန်ရည်ရွယ်၍ တရားမဝင်သယ်ဆောင်ရောင်းဝယ်ခြင်းဖြစ်ကြောင်း သိရှိရပြီး ၎င်းတို့အား တရားဥပဒေအရ ဆက်လက်အရေးယူဆောင်ရွက်သွားမည်ဖြစ်ကြောင်း သိရှိရသည်။MOI
Sat, 21-Jun-2025
နိုင်ငံတော်စီမံအုပ်ချုပ်ရေးကောင်စီ၀င် ဒုတိယဝန်ကြီးချုပ်နှင့် နိုင်ငံတော်ဝန်ကြီးချုပ်ရုံး ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း (၉) ကြိမ်မြောက် တရုတ် - တောင်အာရှ ကုန်စည်ပြပွဲနှင့် (၂၉)ကြိမ်မြောက် ကူမင်း ပို့ကုန်၊ သွင်းကုန် ကုန်စည်ပြပွဲသို့ တက်ရောက်
နိုင်ငံတော်စီမံအုပ်ချုပ်ရေးကောင်စီ၀င် ဒုတိယဝန်ကြီးချုပ်နှင့် နိုင်ငံတော်ဝန်ကြီးချုပ်ရုံး ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း (၉) ကြိမ်မြောက် တရုတ် - တောင်အာရှ ကုန်စည်ပြပွဲနှင့် (၂၉)ကြိမ်မြောက် ကူမင်း ပို့ကုန်၊ သွင်းကုန် ကုန်စည်ပြပွဲသို့ တက်ရောက်
နေပြည်တော် ဇွန် ၂၀နိုင်ငံတော်စီမံအုပ်ချုပ်ရေးကောင်စီဝင် ဒုတိယဝန်ကြီးချုပ်နှင့် နိုင်ငံတော်ဝန်ကြီးချုပ်ရုံး ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း ဦးဆောင်သော မြန်မာကိုယ်စားလှယ်အဖွဲ့သည် ယူနန်ပြည်နယ်အစိုးရ၏ ဖိတ်ကြားချက်အရ တရုတ်ပြည်သူ့သမ္မတနိုင်ငံ ယူနန်ပြည်နယ်ကူမင်းမြို့၌ ကျင်းပပြုလုပ်သော(၉)ကြိမ်မြောက် တရုတ်-တောင်အာရှ ကုန်စည်ပြပွဲ နှင့် (၂၉)ကြိမ်မြောက် ကူမင်း ပို့ကုန်၊ သွင်းကုန် ကုန်စည်ပြပွဲသို့ တက်ရောက်ရန် ဇွန် ၁၇ ရက် မွန်းလွဲပိုင်းက ရန်ကုန်မြို့မှထွက်ခွာခဲ့ရာ ကူမင်းမြို့သို့ ဒေသစံတော်ချိန် ၆ နာရီ ၄၅ မိနစ်တွင် ရောက်ရှိ ရာ ကူမင်းမြို့ ချန်းရွှေအပြည်ပြည် ဆိုင်ရာလေဆိပ်၌ ယူနန်ပြည်နယ် ပြည်သူ့ကွန်ဂရက် အမြဲတမ်းကော်မတီ ဒုတိယဥက္ကဋ္ဌ Mr. Yang Yalin နှင့် ကူမင်းမြို့ မြန်မာကောင်စစ်ဝန်ချုပ်တို့က ကြိုဆိုနှုတ်ဆက်ခဲ့ကြပြီး ခေတ္တတည်းခိုမည့် Green Lake Hotel သို့ လိုက်ပါပို့ဆောင်ခဲ့သည်။လှည့်လည်ကြည့်ရှုမြန်မာ ကိုယ်စားလှယ်အဖွဲ့သည် ဇွန် ၁၉ ရက် နံနက်ပိုင်းတွင် ကူမင်းမြို့တီယန်ချီအပြည်ပြည် ဆိုင်ရာကွန်ဗန်းရှင်းစင်တာ (Dian Chi International Exhibition and Convention Center) ၌ ကျင်းပပြုလုပ်သော(၉)ကြိမ်မြောက် တရုတ်-တောင်အာရှ ကုန်စည်ပြပွဲနှင့် (၂၉)ကြိမ်မြောက် ကူမင်းပို့ကုန်၊ သွင်းကုန်ကုန်စည်ပြပွဲဖွင့်ပွဲ အခမ်းအနားသို့ရောက်ရှိပြီး လျှပ်စစ်မော်တော်ယာဉ်များဖြင့် ကုန်စည် ပြခန်းဆောင်များအား လှည့်လည်ကြည့်ရှုသည်။ထို့နောက် ဒုတိယဝန်ကြီးချုပ်သည် တရုတ်ပြည်သူ့သမ္မတနိုင်ငံ အမျိုးသားပြည်သူ့ကွန်ဂရက် အမြဲတမ်းကော်မတီ ဒုတိယဥက္ကဋ္ဌ Mr. Wang Dongming နှင့် အာဖဂန် နစ္စတန်နိုင်ငံ၊ မော်လ်ဒိုက်နိုင်ငံ၊ လာအိုနိုင်ငံနှင့် ဗီယက်နမ်နိုင်ငံတို့မှ အကြီးအကဲများနှင့်အတူ အဖွင့်မိန့်ခွန်း ပြောကြားခဲ့ကြသည်။အမြင်ချင်းဖလှယ်ဆွေးနွေးဆက်လက်၍ ဒုတိယဝန်ကြီးချုပ်နှင့် မြန်မာကိုယ်စားလှယ်အဖွဲ့သည် တီယန်ချီအပြည်ပြည်ဆိုင်ရာကွန်ဗန်းရှင်းစင်တာ (Dian Chi International Exhibition and Convention Center) ခန်းမ ဆောင် ၇ ဧည့်ခန်းမ၌ တရုတ်ပြည်သူ့သမ္မတနိုင်ငံ အမျိုးသားပြည်သူ့ကွန်ဂရက် အမြဲတမ်းကော်မတီ ဒုတိယဥက္ကဋ္ဌ Mr. Wang Dongming နှင့် တွေ့ဆုံပြီး လျှပ်စစ်နှင့်စွမ်းအင်ကဏ္ဍ၊ စိုက်ပျိုးမွေးမြူရေးကဏ္ဍ၊ မြန်မာနိုင်ငံအတွင်း တရုတ်နိုင်ငံမှဆောင်ရွက်လျက်ရှိသည့် စီမံကိန်းများအတွက် ကူညီပေးရေးဆိုင်ရာကိစ္စရပ်များကို အမြင်ချင်း ဖလှယ်ဆွေးနွေးခဲ့ကြသည်။ယင်းနောက် မြန်မာ့ပြခန်းဆောင်၌ ခင်းကျင်းပြသထားသော မြန်မာ့ထုတ်ကုန်ပစ္စည်းများကို လှည့်လည်ကြည့်ရှုအားပေးကာ ကုန်သည်လုပ်ငန်းရှင်များနှင့်တွေ့ဆုံ၍ မြန်မာ့ထုတ်ကုန်များကို ဒေသတွင်းနှင့် နိုင်ငံတကာဈေးကွက်သို့ ပိုမိုတင်ပို့နိုင်ရေးအတွက် တရုတ်-တောင်အာရှ ကုန်စည်ပြပွဲ ပလက်ဖောင်း (Platform)ကို ထိထိရောက်ရောက် အသုံးချရန်မှာကြားသည်။ခရီးစဉ်အတွင်း ဇွန် ၁၈ ရက် နံနက်ပိုင်းက မြန်မာကိုယ်စားလှယ်အဖွဲ့သည် မြန်မာနိုင်ငံ၏ လျှပ်စစ်နှင့် စွမ်းအင်ကဏ္ဍဖွံ့ဖြိုးတိုးတက်ရေးအတွက် ခေတ္တတည်းခိုသည့် Green Lake Hotel ၌ Union Resources and Engineering Co.,Ltd အား လက်ခံတွေ့ဆုံခဲ့သည်။မွန်းလွဲပိုင်းတွင် Yunnan Energy Investment Group နှင့် State Power Investment Yunnan International Co.,Ltd များသို့ သွားရောက်လေ့လာခဲ့ပြီး လျှပ်စစ်နှင့် စွမ်းအင်ကဏ္ဍတွင် မြန်မာနိုင်ငံ၌ လုပ်ငန်းဆောင်ရွက်နေမှုနှင့် ရင်းနှီးမြှုပ်နှံမှုဆိုင်ရာ အခြေအနေများကို ဆွေးနွေးခဲ့သည်။ညနေပိုင်းတွင် ဒုတိယဝန်ကြီးချုပ်ဦးဆောင်သည့် မြန်မာကိုယ်စား လှယ်အဖွဲ့သည် ကူမင်းမြို့ Hai Geng Garden Hotel ၌ ယူနန် ပြည်နယ် ကွန်မြူနစ်ပါတီကော်မတီအတွင်းရေးမှူး Mr. Wang Ning နှင့်တွေ့ဆုံပြီး အနာဂတ်တွင် မြန်မာနိုင်ငံ လျှပ်စစ်နှင့်စွမ်းအင်ကဏ္ဍနှင့် စိုက်ပျိုးမွေးမြူရေးကဏ္ဍ တို့တွင် ပူးပေါင်းဆောင်ရွက်နိုင်ရေးနှင့် ရင်းနှီးမြှုပ်နှံမှုဆိုင်ရာတို့ကို ဆွေးနွေးကြပြီး ယူနန်ပြည်နယ် ကွန်မြူနစ်ပါတီ ကော်မတီအတွင်းရေးမှူး Mr. Wang Ning က တည်ခင်းဧည့်ခံသည့် ဂုဏ်ပြုညစာ စားပွဲအခမ်းအနားသို့ တက်ရောက်ခဲ့သည်။ဒုတိယဝန်ကြီးချုပ်နှင့် မြန်မာကိုယ်စားလှယ်အဖွဲ့သည် ဇွန် ၂၀ ရက် ဒေသစံတော်ချိန် ၁ နာရီ ၁၀ မိနစ်တွင် ကူမင်းမြို့မှ ရန်ကုန်မြို့သို့ ပြန်လည်ထွက်ခွာရာ ယူနန်ပြည်နယ် ပြည်သူ့ကွန်ဂရက် အမြဲတမ်းကော်မတီဒုတိယဥက္ကဋ္ဌ Mr. Yang Yalin နှင့် ကူမင်းမြို့ မြန်မာကောင်စစ်ဝန်ချုပ်တို့က လေဆိပ်တွင် ပို့ဆောင်နှုတ်ဆက်ခဲ့ကြပြီး မွန်းလွဲပိုင်းတွင် ရန်ကုန်မြို့သို့ ပြန်လည်ရောက်ရှိခဲ့ရာ ရန်ကုန်တိုင်းဒေသကြီးအစိုးရအဖွဲ့ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူး၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ နိုင်ငံရေးဆိုင်ရာသံမှူးကြီး Mr. Jia Junjie နှင့် တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြသည်။ပြခန်းပေါင်း ၄၈၀၀ ခင်းကျင်းပြသ(၉) ကြိမ်မြောက် တရုတ်-တောင်အာရှ ကုန်စည်ပြပွဲနှင့် (၂၉) ကြိမ်မြောက် ကူမင်းပို့ကုန်၊ သွင်းကုန် ကုန်စည်ပြပွဲတွင် မြန်မာနိုင်ငံအပါအဝင် တရုတ်၊ တောင် အာရှ၊ အရှေ့တောင်အာရှနှင့် ကမ္ဘာ့ နိုင်ငံ ၅၃ နိုင်ငံမှ ကုန်သည်လုပ်ငန်းရှင်များက ၎င်းတို့၏ ထုတ်ကုန်များကို ပြခန်းဆောင် ၁၃ ခု၌ ပြခန်းပေါင်း ၄၈၀၀ ခင်းကျင်းပြသထားကြောင်း သတင်းရရှိသည်။MOI
Sat, 21-Jun-2025
ပြည်တွင်းစက်သုံးဆီဈေးနှုန်းများမြင့်တက်သော်လည်း ပြီးခဲ့သည့်နှစ်ဆန်းပိုင်းက ဖြစ်ပေါ်ခဲ့သောဈေးနှုန်းများထက် သက်သာလျော့နည်းပြည်ပမှ စက်သုံးဆီတင်သင်္ဘောများ အဆက်မပြတ်ဝင်ရောက်လျက်ရှိ
ပြည်တွင်းစက်သုံးဆီဈေးနှုန်းများမြင့်တက်သော်လည်း ပြီးခဲ့သည့်နှစ်ဆန်းပိုင်းက ဖြစ်ပေါ်ခဲ့သောဈေးနှုန်းများထက် သက်သာလျော့နည်းပြည်ပမှ စက်သုံးဆီတင်သင်္ဘောများ အဆက်မပြတ်ဝင်ရောက်လျက်ရှိ
နေပြည်တော် ဇွန် ၂၀ ကမ္ဘာ့ရေနံဈေးနှုန်းမြင့်တက်မှုကြောင့် အာရှပစိဖိတ်ဒေသအတွင်း စက်သုံးဆီဈေးနှုန်း မြင့်တက်ခြင်းနှင့်အတူ ပြည်တွင်းစက်သုံးဆီဈေးနှုန်းများ မြင့်တက်လာသော်လည်း ပြီးခဲ့သည့် နှစ်ဆန်းပိုင်း ဇန်နဝါရီလနှင့် ဖေဖော်ဝါရီလများတွင် ဖြစ်ပေါ်ခဲ့သည့် ဈေးနှုန်းများထက် တစ်လီတာလျှင် ကျပ် ၁၀ဝ မှ ကျပ် ၁၅၀ ခန့်အထိ သက်သာလျော့နည်းလျက်ရှိကြောင်း သိရသည်။ ထို့ပြင် ကြိုတင်မှာယူထားသည့်အစီအစဉ်အတိုင်း ပြည်ပမှ စက်သုံးဆီတင်သင်္ဘောများလည်း အဆက်မပြတ်ဝင်ရောက်လျက်ရှိပြီး အရန်ဆီများလည်း နှစ်ပတ်စာခန့်ရှိနေ၍ ပြည်တွင်း စက်သုံးဆီဖူလုံမှုရှိကြောင်း သိရသည်။MOI
Sat, 21-Jun-2025
မိုးရာသီစတင်နေပြီဖြစ်၍ သဘာဝဘေးများကို ကြိုတင်ပြင်ဆင်ထားရန် တောင်ကိုရီးယားတွင် ပြည်သူများထံ သတိပေးချက်ထုတ်ပြန်
မိုးရာသီစတင်နေပြီဖြစ်၍ သဘာဝဘေးများကို ကြိုတင်ပြင်ဆင်ထားရန် တောင်ကိုရီးယားတွင် ပြည်သူများထံ သတိပေးချက်ထုတ်ပြန်
ဆိုးလ် ဇွန် ၁၉တောင်ကိုရီးယားနိုင်ငံတွင် မိုးရာသီ ဝင်ရောက်လာပြီး မိုးရွာသွန်းမှုများလည်း ယနေ့မှစတင်နေပြီဖြစ်သည့်အတွက် ကြိုတင်ပြင်ဆင်မှုများ ပြုလုပ်ထားရန် ပြည်ထဲရေးဝန်ကြီးက သတိပေးချက်ထုတ်ပြန်ခဲ့ကြောင်း ယနေ့ သတင်းများတွင်ဖော်ပြထားသည်။မိုးရာသီအတွင်း ပြည်သူများ အန္တရာယ် ကင်းစေရေးအတွက် သက်ဆိုင်ရာ အာဏာပိုင်အဖွဲ့အစည်းများကိုလည်း ကြိုတင်ပြင်ဆင်မှုများနှင့် ကူညီကယ်ဆယ် ရေးလုပ်ငန်းများ ပြုလုပ်ထားရန် ပြည်ထဲရေးဝန်ကြီးက ထုတ်ပြန်ထားကြောင်း၊ ပြည်ထဲရေးဝန်ကြီးသည် ဆိုးလ်မြို့တွင်အစိုးရအဖွဲ့ဝင်များဖြင့် အစည်းအဝေးတစ်ရပ် ကျင်းပခဲ့ပြီး ဖြစ်ပေါ်လာနိုင်သည့်သဘာဝဘေးအန္တရာယ်အတွက် ကြိုတင်ပြင်ဆင်ရေးဆိုင်ရာ ဆွေးနွေးညှိနှိုင်းမှုများလည်း ပြုလုပ်ခဲ့ကြောင်း၊ မိုးရာသီကာလအတွင်း မိုးရွာသွန်း မှုများနှင့်ပတ်သက်ပြီး ပြည်သူများ အတွက် မိုးလေဝသခန့်မှန်းချက်များကို အချိန်နှင့်တစ်ပြေးညီ ထုတ်ပြန်ပေးသွားမည်ဖြစ် ကြောင်းလည်း Korea Meteorological Administration (KMA) က ထုတ်ပြန်ခဲ့သည်။“တောင်ကိုရီးယားနိုင်ငံမှာ မိုးရာသီ စတင်ပြီဖြစ်ပါတယ်။ မိုးရာသီအတွင်း ရင်ဆိုင်ရနိုင်တဲ့ သဘာဝဘေးဒဏ်တွေနဲ့ပတ်သက်ပြီးတော့ ကြိုတင်ပြင်ဆင်မှုတွေ ပြုလုပ်ထားဖို့နဲ့ ကူညီကယ်ဆယ်ရေးလုပ်ငန်းတွေလုပ်ဖို့ စီစဉ်နေပါပြီ။ အဓိကကတော့ ရေကြီးရေလျှံမှုအတားအဆီးတွေ တည်ဆောက်သွားဖို့ ပြင်ဆင်သွားပါ မယ်”ဟု ပြည်ထဲရေးဝန်ကြီး ပြောရေးဆိုခွင့်ရှိသူတစ်ဦးက ပြောကြားခဲ့ကြောင်း သိရသည်။Ref: Sputnik NewsTrs: Sai SatYDNB Newspaper
Fri, 20-Jun-2025
အမေရိကန်နိုင်ငံ NAACP က အီလွန်မက်စ်၏ xAI ကုမ္ပဏီကို လေထုညစ်ညမ်းစေမှုဖြင့် တရားစွဲဆိုရန်ပြင်ဆင်နေကြောင်း ထုတ်ပြန်
အမေရိကန်နိုင်ငံ NAACP က အီလွန်မက်စ်၏ xAI ကုမ္ပဏီကို လေထုညစ်ညမ်းစေမှုဖြင့် တရားစွဲဆိုရန်ပြင်ဆင်နေကြောင်း ထုတ်ပြန်
ဝါရှင်တန် ဇွန် ၁၉အမေရိကန်နိုင်ငံ တန်နက်စီ ပြည်နယ် မပ်ဖစ်မြို့တွင် ဘီလီယံနာ အီလွန်မက်စ်ပိုင်ဆိုင်သည့် xAI ကုမ္ပဏီကြောင့် လေထုညစ်ညမ်းမှုများ ဖြစ်ပေါ်နေသဖြင့် National Association for the Advancement of colored People (NA-ACP) က တရားစွဲဆိုရန်ပြင်ဆင်နေ ကြောင်း ယနေ့သတင်းများတွင် ဖော်ပြထားသည်။NAACP အနေဖြင့် အီလွန်မက်စ်ကုမ္ပဏီကို တရားဥပဒေလမ်းကြောင်းအတိုင်းရင်ဆိုင်သွားမည်ဖြစ်ပြီး မကြာမီ တရားစွဲဆိုမှု ပြုလုပ်သွားမည်ဖြစ်ကြောင်း xAI ကုမ္ပဏီ၏ အချက်အလက် စုဆောင်းသည့်စင်တာမှ ဖန်လုံအိမ်အာနိသင်ဓာတ်ငွေ့များ ထုတ်လွှတ်နေမှုသည် မမ်ဖစ်မြို့၏ လေထုညစ်ညမ်းမှုကို ဆိုးရွားစွာ ဖြစ်ပေါ်လာစေကြောင်း NAACP က အချက်အလက်များနှင့်တကွ ထုတ်ပြန်ခဲ့သည်။"မမ်ဖစ်မြို့က ပြည်သူတွေရဲ့ ကျန်းမာရေးလုံခြုံမှုကို ခြိမ်းခြောက် နေတဲ့အရာတွေကို တားမြစ်သွားဖို့အတွက် တရားဥပဒေလမ်း ကြောင်းအတိုင်း ဆောင်ရွက်သွားမယ်။ xAI ကုမ္ပဏီရဲ့ အချက်အလက်စုဆောင်းတဲ့ စင်တာကနေ ဖန်လုံအိမ်အာနိသင် ဓာတ်ငွေ့ထုတ်လွှတ်မှုနှုန်းက အရမ်းကို မြင့်မားနေတယ်။ စင်တာအတွက် လိုအပ်တဲ့ လျှပ်စစ်စွမ်းအင်တွေကို သဘာဝဓာတ်ငွေ့ တာဘိုင်တွေ တည်ဆောက်ပြီး ထုတ်ယူ​​နေတယ်။ ဒီတာဘိုင်တွေဟာ ခွင့်ပြုချက်မရှိဘဲ တည်ဆောက်ထားတာဖြစ်ပါတယ်။ သဘာဝပတ်ဝန်းကျင်ထိန်းသိမ်းရေးဥပဒေနဲ့ ငြိစွန်းနေပါတယ်။ လေထုညစ်ညမ်းမှုတွေလဲ ဖြစ်ပေါ်စေတဲ့အတွက်ကြောင့်တရားဥပဒေလမ်းကြောင်းအတိုင်း ရင်ဆိုင်သွားဖို့ ပြင်ဆင်နေပါတယ်" ဟု Southem Envi ronmental Law Center (SELC) မှ စီနီယာရှေ့နေတစ်ဦးဖြစ်သူ ပက်ထရစ်အန်ဒါဆင်က ပြောကြားခဲ့သည်။Ref: Russia TodayTrs:  Sai SatYDNB Newspaper
Fri, 20-Jun-2025
© Copyright 2024 SAC All Rights Reserved.